ವಿತರಣೆ

ಗ್ರಾಮಾಭಿವೃದ್ಧಿ ಯೋಜನೆ ಒಕ್ಕೂಟದ ಪ್ರಗತಿಬಂಧು ಸ್ವಸಹಾಯ ಸಂಘದ ಸದಸ್ಯೆರೆಗ್ ಲಾಭಾಂಶ ವಿತರಣೆ ಪಟ್ಟುನ ಲೇಸ್

ಕಲ್ಲಡ್ಕ ಜುಲೈ 17, ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಸದಸ್ಯೆರೆಗ್ ಕೋರೋನ ಸಂಕಷ್ಟದ ಪೊರ್ತುಡು ಲಾಭಾಂಶ ವಿತರಣೆ ಮಲ್ದಿನವು ಬಾರಿ ಕೃತಜ್ಞತಾಪೂರ್ವಕ ವಾತುಂಡು . ಪಂದ್ ಗ್ರಾಮಾಭಿವೃದ್ಧಿ ಯೋಜನೆದ ಕಲ್ಲಡ್ಕ ವಲಯದ ಒಕ್ಕೂಟ ಗುರ್ಕಾರ್ಲಾಯಿನ ಶ್ರೀಯುತ ಈಶ್ವರ ನಾಯ್ಕೆರ್ ಕಲ್ಲಡ್ಕದ ಪೂರ್ಲಿಪ್ಪಾಡಿ ಮರಾಠಿ ಸಮಾಜ ಸೇವಾ ಭವನಡ್ ನಡತಿನ ಗ್ರಾಮಾಭಿವೃದ್ಧಿ ಯೋಜನೆದ ಒಕ್ಕೂಟದ ಪ್ರಗತಿಬಂಧು ಸ್ವಸಹಾಯ ಸಂಘದ ಸದಸ್ಯೆರೆಗ್ ಲಾಭಾಂಶ ವಿತರಣೆ ಸಂಘದ ಸುರಕ್ಷಾ ವಿಮಾ ಮೊತ್ತ ಬೊಕ್ಕ ಪ್ರಕೃತಿ ವಿಕೋಪ ಇತ್ತಿನ ಕುಟುಂಬಗ್ ಪರಿಹಾರ ನಿಧಿ ವಿತರಣಾ ಕಾರ್ಯಕ್ರಮನ್ ತುಡರ್ ಅರ್ಲಾದ್ ಉದಿಪನ ಮಲ್ತ್ ಪಾತೆರಿಯೆರ್ .

ಮಲ್ಲ ಬಿನ್ನೆರ್ ಆಯಿನ ಗ್ರಾಮಾಭಿವೃದ್ಧಿ ಯೋಜನೆ ಬಿ ಸಿ ಟ್ರಸ್ಟ್( ರಿ) ವಿಟ್ಲ ನೆತ್ತ ಯೋಜನಾಧಿಕಾರಿ ಶ್ರೀಯುತ ಚನ್ನಪ್ಪಗೌಡ ಮೇರ್ ಶ್ರೀಯುತ ಕಾವಂದೆರ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಮುಖೇನ ಸದಸ್ಯೆರೆಗ್ ಅವ್ವೆತೋ ಲೇಸ್ ಅಟ್ಟನೆ ಮಲ್ದೆರ್ ಆನಿ ನಡಿನ ದೈ ಇನಿ ಫಲ ಕೊರ್ಪಿಲಕ ಬುಳೆತುಂಡು , ಇತ್ತೆದ ಕಷ್ಟದ ಪರಿಸ್ಥಿತಿಗ್ ಸಾಕಾರ ಕೊರ್ಪಿಲಕ ಪ್ರಸಾದ ರೂಪಡ್ ಸದಸ್ಯೆರೆಗ್ ಲಾಭಾಂಶನ್ ವಿತರಣೆ ಮಲ್ತೆರ್ ,ನಮ್ಮ ಕಲ್ಲಡ್ಕ ವಲಯದ 27 ಸಂಘದ ಗುಣಮಟ್ಟದ ವ್ಯವಹಾರಗ್ 5 ಲಕ್ಷದ 50 ಸಾವಿರ ಲಾಭಾಂಶ ಬೈದುಂಡು ಪಂದ್ ಮಾಹಿತಿ ಕೊರಿಯೆರ್.

ಲೇಸ್ ದ ಗುರ್ಕಾರ್ಮೆ ವಹಿಸಿನ ಗೋಳ್ತಮಜಲು ಗ್ರಾಮ ಪಂಚಾಯತ್ ದ ಗುರ್ಕಾರ್ಲಾಯಿನ ಶ್ರೀಯುತ ಅಭಿಷೇಕ್ ಶೆಟ್ಟಿ ಗ್ರಾಮದ ಅಭಿವೃದ್ಧಿ ದೃಷ್ಟಿರ್ದ್ ಯೋಜನೆ ಮಲ್ಪುನ ಮಾತಾ ಕಾರ್ಯಕ್ರಮಗ್ ಲಾ ಪಂಚಾಯತಿರ್ದ್ ಪೂರ್ಣ ಸಾಕಾರ ಕೊರ್ಪ ಪಂದ್ ಪಂಡೆರ್.

ಈ ಲೇಸ್ ಡ್ ಕಲ್ಲಡ್ಕ ಹಾಲು ಉತ್ಪಾದಕರ ಸಂಘದ ಕಾರ್ಯನಿರ್ವಹಣಾಧಿಕಾರಿ ಶ್ರೀಯುತ ರಾಜೇಶ್ ಕೊಟ್ಟಾರಿ ,ಕಲ್ಲಡ್ಕ ಮರಾಠಿ ಸಮಾಜಸೇವಾ ಸಂಘದ ಕಾರ್ಯದರ್ಶಿ ನಾರಾಯಣ ನಾಯ್ಕ, ಗೋಳ್ತಮಜಲು ಬಿ ಒಕ್ಕೂಟದ ಅಧ್ಯಕ್ಷೆ ಶಿವಪ್ಪಗೌಡ, ಕಲ್ಲಡ್ಕ ಒಕ್ಕೂಟ ಅಧ್ಯಕ್ಶೆರಾಯಿನ ಶ್ರೀಮತಿ ತುಳಸಿ, ಜ್ಞಾನವಿಕಾಸ ಸಮನ್ವಯಾಧಿಕಾರಿ ಸವಿತಾ, ವಲಯ ಸೇವಾ ಪ್ರತಿನಿಧಿಲಾಯಿನ ವಿದ್ಯಾ, ಗಿರಿಜಾ, ಕೌಶಿತ, ಉಷಾ ಬೊಕ್ಕ ಸ್ವಸಹಾಯ ಸಂಘದ ಸದಸ್ಯೆರ್ ಪಾಲ್ ಪಡೆದಿತ್ತೆರ್ .

ವಲಯ ಮೇಲ್ವಿಚಾರಕಿ ಶ್ರೀಮತಿ ಸವಿತಾ ನಾರಾಯಣ ಎದುಕೊಂಡೆರ್ ,ಸೇವಾ ಪ್ರತಿನಿಧಿ ಶ್ರೀಮತಿ ಮಾಲತಿ ಸೊಲ್ಮೆ ಸಂದೈತ ಮಲ್ತೆರ್ . ಲೆಕ್ಕ ಪರಿಶೋಧಕ ಶ್ರೀಯುತ ಶಿವಪ್ರಸಾದ್ ಲೇಸ್ ನಡಪಾದ್ ಕೊರಿಯೆರ್ .

ತಾಲೂಕು ಕಚೇರಿಗ್ ವೈದ್ಯಕೀಯ ಸಾಮಗ್ರಿ ವಿತರಣೆ

ಕಾರ್ಕಳ, ಜೂ.10: ಕೊರೋನ ಮಹಾಮಾರಿ ಮೂಜನೆ ಅಲೆ ತಡೆಯರೆ ಇತ್ತೆನೆ ಮಾತಾ ತಯಾರ್ ಮಲ್ತೊಂದು ಉಲ್ಲೆರ್ . ಈ ಬಗ್ಗೆ ಆಸ್ಪತ್ರೆ, ವೈದ್ಯೇರ್ನ ನೇಮಕ ಉಂದು ಮಾತಾ ಸಿದ್ಧತೆದ ಬಗ್ಗೆ ಅಧಿಕಾರಿಲೆನ ಒಟ್ಟುಗು ಸುರುತ್ತ ಸುತ್ತುದ ಸಭೆನ್ ಇತ್ತೇ ನಡಪಾದೆರ್. ಹೆಚ್ಚುವರಿ ತಜ್ನೆರ್ ಬೊಕ್ಕ ಮಕ್ಕಳ ತಜ್ಞರ ನೇಮಕಗ್ ಸಂಬಂದಿಸಿ ಸರಕಾರಗ್ ಮನವಿ ಮಲ್ದೆರ್ ಪಂದ್ ಶಾಸಕ ವಿ.ಸುನೀಲ್‍ಕುಮಾರ್ ಪಂಡೆರ್ .

ಉದ್ಯಮಿ ಮಹಮ್ಮದ್ ಗೌಸ್ ತಾಲೂಕು ಕಚೇರಿಗ್ ಕೊರಿನoಚಿನ ಮಾಸ್ಕ್, ಸ್ಯಾನಿಟೈಸರ್ ಇಂಚಿನ ವೈದ್ಯಕೀಯ ಸಾಮಗ್ರಿಲೆನ್ ಪ್ರವಾಸಿ ಮಂದಿರ ಪಟ್ಟ್ದ್ ಆರ್ ಪಾತೆರಿಯೆರ್.

ಜಪ್ಪಿನಮೊಗರು ಗ್ರಾಮ ಯುವಕ ಮಂಡಲ ವತಿರ್ದ್ ಅರಿ ವಿತರಣೆ

ಕುಡ್ಲ, ಜೂನ್ 5 : ಜಪ್ಪಿನಮೊಗರು ಗ್ರಾಮ ಯುವಕ ಮಂಡಲ,ಡಿವೈಎಫ್‌ಐ ಘಟಕ ‘ ಮೋಕ್ಷ ನಿಧಿ’ ,, ವೈಎಸ್‌ಎಂ ಸಂಸ್ಥೆ ಸಾಕಾರಡ್ ಇತ್ತೇ ಧರ್ಮದ ಅರಿ ವಿತರಣೆ ನಡತುಂಡು .

ಗ್ರಾಮದ ಸುಮಾರ್ 800 ಕುಟುಂಬಗ್ 5 ಕೆ.ಜಿ. ದಲಕ 4000 ಕೆ.ಜಿ. ಅರಿನ್ ಪಟ್ಟಿಯೆರ್ . ಜಪ್ಪಿನಮೊಗರು ಗ್ರಾಮ ಯುವಕ ಮಂಡಲದ ಗುರ್ಕಾರ್ಲಾಯಿನ ಹನೀಫ್ ಜೆ., ಡಿವೈಎಫ್‌ಐ ಘಟಕ ಗುರ್ಕಾರ್ಲಾಯಿನ ಅಭಿಷೇಕ್, ಕಾರ್ಯದರ್ಶಿ ಶಿವಾನ್ ಅಮೀನ್, ಡಿವೈಎಫ್‌ಐ ಜಿಲ್ಲಾ ಕಾರ್ಯದರ್ಶಿ ಸಂತೋಷ್ ಕುಮಾರ್ ಬಜಾಲ್, ಕಟ್ಟಡ ನಿರ್ಮಾಣ ಸಂಘದ ಗುರ್ಕಾರ್ಲಾಯಿನ ಮನೋಜ್ ಪೂಜಾರಿ, ಪ್ರಮುಖೆರಾಯಿನ ಉದಯಚಂದ್ರ ರೈ, ನವೀನ್ ಕಾರ್ಪೆಂಟರ್, , ಬಾಲಕೃಷ್ಣ ಶೆಟ್ಟಿ, ಸೀತರಾಮ ಶೆಟ್ಟಿ, ಚಂದ್ರಹಾಸ್ ಕುಲಾಲ್, ಜಯಂತಿ ಬಿ. ಶೆಟ್ಟಿ, ಜಯಲಕ್ಷ್ಮಿ, ಪದಾಧಿಕಾರಿಲು ಸದಸ್ಯೆರ್ ಪಾಲ್ ಪಡೆದಿತ್ತೆರ್.

ಬೈಂದೂರು ಸಮುದಾಯ ಆರೋಗ್ಯ ಕೇಂದ್ರ ಗ್ ಮೆಡಿಕಲ್ ಕಿಟ್ ವಿತರಣೆ

ಬೈಂದೂರು, ಜೂ.2: ಸುಮುಖ ಸರ್ಜಿಕಲ್ಸ್ ವತಿರ್ದ್ ಕೊರ್ಪಿನ ಸುಮಾರ್ 1.50 ಲಕ್ಷ ಮೌಲ್ಯದ ಪಿಪಿಇ ಕಿಟ್, ಫೇಸ್‌ಶೀಲ್ಡ್, ಮಾಸ್ಕ್, ಸ್ಯಾನಿಟೈಸರ್, ಪಲ್ಸ್ ಆಕ್ಸೀಮೀಟರ್, ವಿಟಮಿನ್ ಮಾತ್ರೆ ಸೇರಿನಂಚ ವೈದ್ಯಕೀಯ ಪರಿಕರಲೆನ್ ಬೈಂದೂರು ಸಮುದಾಯ ಆರೋಗ್ಯ ಕೇಂದ್ರಗ್ ಕೊರಿಯೆರ್ .

ಈ ಪರಿಕರಲೆನ್ ಕೇಂದ್ರದ ವೈದ್ಯಾಧಿಕಾರಿ ಡಾ.ನಂದಿನಿ ಮೆರೆಗ್ ಬಿಜೆಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ್ ನಾಯಕ್ ಕೊರಿಯೆರ್ . ಈ ಪೊರ್ತುಡು ಬಿಜೆಪಿ ಮುಖಂಡ ಬೊಕ್ಕ ಸಂಸ್ಥೆದ ಬಿ.ಎಸ್.ಸುರೇಶ್ ಶೆಟ್ಟಿ ಬೊಕ್ಕ ಪಾಂಡುರಂಗ ಪಡಿಯಾರ್, ಬಿಜೆಪಿ ಬೈಂದೂರು ಮಂಡಲ ಗುರ್ಕಾರ್ಲಾಯಿನ ದೀಪಕ್ ಕುಮಾರ್ ಶೆಟ್ಟಿ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿಲಾಯಿನ ಸದಾನಂದ ಉಪ್ಪಿನ ಕುದ್ರು, ಮನೋಹರ್ ಎಸ್. ಕಲ್ಮಾಡಿ, ಜಿಲ್ಲಾ ವಕ್ತಾರ ಗುರುಪ್ರಸಾದ್ ಶೆಟ್ಟಿ ಕಟಪಾಡಿ, ಜಿಲ್ಲಾ ಕಾರ್ಯಾಲಯ ಕಾರ್ಯದರ್ಶಿ ಸತ್ಯಾನಂದ ನಾಯಕ್ ಅತ್ರಾಡಿ, ಪಕ್ಷದ ಪ್ರಮುಖೆರಾಯಿನ ಬಿ.ಎಸ್.ಸುರೇಶ್ ಶೆಟ್ಟಿ, ಪಾಂಡುರಂಗ ಪಡಿಯಾರ್, ಜಿಪಂ ಸದಸ್ಯ ಸುರೇಶ್ ಬಟಾವಾಡಿ, ಜಗನ್ನಾಥ್, ನಾಗರಾಜ್ ಖಾರ್ವಿ ಪಾಲ್ ಪಡೆದಿತ್ತೆರ್.

ಎಚ್ಆರ್ ಎಸ್ ವತಿರ್ದ್ ಆಶಾಕಾರ್ಯಕರ್ತೆರೆಗ್ ಆಕ್ಸಿಮೀಟರ್ ವಿತರಣೆ

ಕುಡ್ಲ,ಮೇ 21: ಜಮಾಅತೆ ಇಸ್ಲಾಮಿನ ಹಿಂದ್ ಅಂಗಸಂಸ್ಥೆ ಹ್ಯುಮಾನಿಟೇರಿಯನ್ ರಿಲೀಫ್ ಸೊಸೈಟಿ ವತಿರ್ದ್ ತೆಂಕ ಎಡಪದವು ಗ್ರಾಮ ಪಂಚಾಯತ್ ದ ಆಶಾ ಕಾರ್ಯಕರ್ತೆರ್ ಬೊಕ್ಕ ಪಂಚಾಯತ್ ಸಿಬ್ಬಂದಿಲೆಗ್ 20 ಮಾಸ್ಕ್ (N95) ಬೊಕ್ಕ 1 ಆಕ್ಸಿಮೀಟರ್ ನ್ ಹ್ಯುಮಾನಿಟೇರಿಯನ್ ರಿಲೀಫ್ ಸೊಸೈಟಿ ಮೂಡುಬಿದಿರೆ ತಂಡದಕುಲು ಬೊಕ್ಕ ವೆಲ್ಪೇರ್ ಪಾರ್ಟಿ ಆಫ್ ಇಂಡಿಯಾ ನೆತ್ತ ಗುರುಪುರ ವಲಯ ಕಾರ್ಯದರ್ಶಿ ಮುನೀರ್ ಪದ್ರೆಂಗಿ ಕೊರಿಯೆರ್.

ಈ ಪೊರ್ತುಡು ತೆಂಕ ಎಡಪದವು ಪಂಚಾಯತ್ ಗುರ್ಕಾರ್ಲಾಯಿನ ಸುಕುಮಾರ್, ಉಪಾಧ್ಯಕ್ಷೆ ಪ್ರೇಮ, ಗ್ರಾಮಾಭಿವೃದ್ಧಿ ಅಧಿಕಾರಿ (ಪಿಡಿಒ) ರಾಜೀವಿ, ಕಾರ್ಯದರ್ಶಿ ಇಸ್ಮಾಯಿಲ್ ಹಾಗೂ ಜಮಾಅತೆ ಇಸ್ಲಾಮಿ ಹಿಂದ್ ಎಡಪದವು ಸಂಚಾಲಕ ಝಾಕಿರ್ ಹಸೈನ್ ಪಾಲ್ ಪಡೆದಿತ್ತೆರ್ .