ರಿಕ್ಷಾ

ಕಾಸ್ರೋಡು ರಿಕ್ಷಾಡ್ ಅಕ್ರಮ ಮಧ್ಯ ಸಾಗಾಟ : 1,050 ಬಾಟಲ್ ಪತ್ತೆ

ಕಾಸ್ರೋಡು : ಪೊಲೀಸ್ ತಪಾಸಣೆ ಪೊರ್ತುಡು ಈ ತಾದಿಯಾದ್ ಬತ್ತಿನ ರಿಕ್ಷಾಡ್ ರಿಕ್ಷಾ ಬುರ್ದು ಚಾಲಕ ಪರಾರಿಯಾಯಿನ ಘಟನೆ ಮಂಜೇಶ್ವರ ಠಾಣಾ ವ್ಯಾಪ್ತಿದ ಮೂಡಂಬೈಲ್ ಪಜಿಂಗಾರ್ಡ್ ನಡತುಂಡು .

ರಿಕ್ಷಾನ್ ತಪಾಸಣೆ ನಡಪಾನಗ 1,050 ಬಾಟಲ್ ಮದ್ಯ ಪತ್ತೆಯಾತುಂಡು . ಕರ್ನಾಟಕರ್ದ್ ಅಕ್ರಮ ಮದ್ಯ ಕೊನೊವೊಂದು ಉಲ್ಲೆರ್ ಪನ್ಪಿನ ಖಚಿತ ಮಾಹಿತಿ ದೊಟ್ಟುಗು ಮಂಜೇಶ್ವರ ಠಾಣಾ ಪೊಲೀಸೇರ್ ಮೂಡಂಬೈಲ್ ಕೈತಲ್ ಆಟೋ ರಿಕ್ಷಾನ್ ಉಂತಾಯೆರ್ ಸೂಚನೆ ಕೊರ್ತೆರ್ , ಉಲಯಿ ಸಾದಿಯಾಡ್ ಪರಾರಿಯಾನಗ ಪೊಲೀಸೇರ್ ಬೆರಿ ಪತ್ತ್ ದೆರ್ , ಪಜಿಂಗಾರ್ ಪನ್ಪಿನ ಜಾಗೆಡ್ ಆಟೋ ರಿಕ್ಷಾನ್ ಬುರ್ದು ಚಾಲಕ ಪರಾರಿಯಾತೆ.

ಸುಬ್ರಮಣ್ಯಡ್ ರಿಕ್ಷಾ,ಟ್ಯಾಕ್ಸಿ ಚಾಲಕೆರೆಗ್ ಕೋವಿಡ್ ಕಿಟ್

ಸುಬ್ರಹ್ಮಣ್ಯ, ಜೂನ್ 14 : ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಡ್ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲಾಯಿನ ಮೋಹನ್‌ರಾಮ್ ಸುಳ್ಳಿ ಮೆರ್ನ ಮುತಾಲಿಕೆಡ್ ಕಿಟ್ ವಿತರಣೆ ನಡತುಂಡು .’

ಕಡಬ ಬೊಕ್ಕ ಸುಳ್ಯ ತಾಲ್ಲೂಕುಡು ಇತ್ತೇ ನಾಲ್ ಆಂಬುಲೆನ್ಸ್‌ನ್ ಉಚಿತವಾದ್ ಕೊರ್ತೆರ್ . ಸಾರ್ವಜನಿಕೆರ್ ನೆತ್ತ ಉಪಯೋಗನ್ ಪಡೆಯೊಂದು ಉಲ್ಲೆರ್. ಸರ್ಕಾರದ ಆದೇಶದ ಪ್ರಕಾರ ‘ಸಿ’ ಗ್ರೇಡ್ ದೇವಸ್ಥಾನದ ಸಿಬ್ಬಂದಿಲೆಗ್ ಇತ್ತೇ ಆಹಾರ ಸಾಮಗ್ರಿ ಕಿಟ್ ಕೊರ್ತೆರ್ .

ಸಹಾಯಕ ಕಾರ್ಯ ನಿರ್ವಹಣಾಧಿಕಾರಿ ಪುಷ್ಪಲತಾ, ವ್ಯವಸ್ಥಾಪನಾ ಸಮಿತಿ ಸದಸ್ಯೆರಾಯಿನ ಶೋಭಾ ಗಿರಿಧರ್, ವನಜಾ ವಿ. ಭಟ್, ದೇವಸ್ಥಾನದ ಸಿಬ್ಬಂದಿ, ಸುಬ್ರಹ್ಮಣ್ಯ ಗ್ರಾಮ ಪಂಚಾಯಿತಿ ಸದಸ್ಯೆರ್ ಪಾಲ್ ಪಡೆತೆರ್.

ಭಟ್ಕಳ ರಿಕ್ಷಾ ಚಾಲಕೆ ಆತ್ಮಹತ್ಯೆ

ಭಟ್ಕಳ: ಮಾರುಕೇರಿ ಪಂಚಾಯತ್ ವ್ಯಾಪ್ತಿ ಕಿತ್ರೆಡ್ ರಿಕ್ಷಾ ಚಾಲಕೆ ಒರಿ ಇಲ್ಲದ ಪಿರವು ಉಪ್ಪುನ ಮರಕ್ ಬಲ್ಲ್ ಪಾರ್ದ್ ಆತ್ಮಹತ್ಯೆ ಮಲ್ದೆರ್.

ಮೃತ ವ್ಯಕ್ತಿ ಸೋಮಯ್ಯ ಗೊಂಡ (48) ಪಂದ್ ಗುರ್ತಿಸಾದೆರ್ . ಸಾಲ ಬೊಕ್ಕ ಅನಾರೋಗ್ಯರ್ದ್ ಇತ್ತಿನೆರ್ದಾವರ ಲಾಕ್‌ಡೌನ್ ದ ಪೊರ್ತುಡು ಆರ್ಥಿಕ ಸಂಕಷ್ಟ ಇತ್ತಿನೆರ್ದಾವರ ಬೇಲೆ ಇಜ್ಜಂದೆ ಬಲ್ಲ್ ಪಾಡೊಂದೆರ್ .

ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಡ್ ಈ ಬಗ್ಗೆ ದೂರು ದಾಖಲಾತುಂಡು .