ಮುಡಿಪು

ಎಸ್‌ವೈಎಸ್ ಮುಡಿಪು ಸೆಂಟರ್ ವತಿರ್ದ್ ನೆತ್ತೆರ್ ದಾನ ಶಿಬಿರ

Jul 13, 2021

ಕುಡ್ಲ ಜುಲೈ 13: : ಅಗತ್ಯ ಪೊರ್ತುಡು ಇಲ್ಲದಕುಲು , ಕುಟುಂಬ ದಕ್ಲೆಗ್ ನೆತ್ತೆರ್ದ ಅಗತ್ಯ ಉಪ್ಪುನಗ ನಾಡುನ ಬದಲ್ ರಕ್ತ ಸಂಗ್ರಹಡ್ ಉಪ್ಪುಲಕ ತೂಪಿನವು ಅಗತ್ಯ. ಜೀವಡ್ ಚೈತನ್ಯಉಪ್ಪುನಗ ನೆತ್ತೆರ್ ದಾನ ಮಲ್ಪರೆ ಪ್ರತಿಯೊರಿಲಾ ದುಂಬು ಬರೊಡು ಪಂದ್ ಎಸ್‌ವೈಎಸ್ ರಾಜ್ಯ ಬ್ಲಡ್ ಸೈಬೋ ನಿರ್ವಾಹಕ ಜೆ.ಎಂ.ಕಾಮಿಲ್ ಸಖಾಫಿ ಪಂಡೆರ್ .

ಎಸ್‌ವೈಎಸ್ ಮುಡಿಪು ಸೆಂಟರ್ ಬೊಕ್ಕ ಎಸ್ಸೆಸ್ಸೆಫ್ ಮುಡಿಪು ಸೆಕ್ಟರ್ ವತಿರ್ದ್ ಯೆನೆಪೊಯ ವೈದ್ಯಕೀಯ ಕಾಲೇಜು ಒಟ್ಟು ಸೇರಿಗೆಡ್ ಎಸ್‌ವೈಎಸ್ ಬ್ಲಡ್ ಸೈಬೋ ಅಧೀನಡ್ ಬೋಳಿಯಾರ್‌ಡ್ ನಡತಿನ ನೆತ್ತೆರ್ ದಾನ ಶಿಬಿರ ಉದಿಪನ ಮಲ್ತ್ ಪಾತೆರಿಯೆರ್.

ಲೇಸ್ ಡ್ ಮುಡಿಪು ಸೆಕ್ಟರ್ ಮಟ್ಟದ ಕಿರಾಅತ್ ಬೊಕ್ಕ ಹಿಫ್ಳ್ ಪಂತೋಡು ಬಹುಮಾನಿತ ಜೋಕುಲಾಯಿನ ಆಶಿಕ್ ಮದ್ಯನಡ್ಕ, ತ್ವಲ್‌ಹತ್ ಮದ್ಯನಡ್ಕ, ಕಬೀರ್ ಕುಕ್ಕುದಕಟ್ಟೆ, ಶಾಝ್ ಮದ್ಯನಡ್ಕ, ಮುಫೀದ್ ಮುಡಿಪು, ರಾಝಿಕ್ ಜಾರದಗುಡ್ಡ ಮೆಕ್ಲೆಗ್ ಮಾನದಿಗೆ ಮಲ್ತೆರ್.

ಮುಡಿಪು ಬ್ಲಾಕ್ ಕಾಂಗ್ರೆಸ್ ಅಲ್ಪಸಂಖ್ಯಾತರ ಘಟಕದ ಪೊಸ ಗುರ್ಕಾರ್ಲಾದ್ ಮರು ಆಯ್ಕೆಯಾಯಿನ ಮುಹಮ್ಮದ್ ಇಮ್ತಿಯಾಝ್ ತುಂಬೆ

Jul 11, 2021

ಬಂಟ್ವಾಳ, ಜುಲೈ 11: ಮುಡಿಪು ಬ್ಲಾಕ್ ಕಾಂಗ್ರೆಸ್ ಅಲ್ಪಸಂಖ್ಯಾತರ ಘಟಕದ ಪೊಸ ಗುರ್ಕಾರ್ಲಾದ್ ಯುವ ಉದ್ಯಮಿ ಮುಹಮ್ಮದ್ ಇಮ್ತಿಯಾಝ್ ತುಂಬೆ ರಡ್ಡನೇ ಸಲ ನೇಮಕ ಆತೆರ್.

ಮಾಜಿ ಸಚಿವ, ಶಾಸಕ ಯು.ಟಿ.ಖಾದರ್ ಮೆರ್ನ ನಿರ್ದೇಶನದಲಕ , ಮುಡಿಪು ಬ್ಲಾಕ್ ಗುರ್ಕಾರ್ಲಾಯಿನ ಪ್ರಶಾಂತ್ ಖಾಜವ ಮೆರ್ನ ಶಿಫಾರಸ್ದ ಮಿತ್ತ್ ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಅಲ್ಪಸಂಖ್ಯಾತ ಘಟಕದ ಗುರ್ಕಾರ್ಲಾಯಿನ ಕೆ.ಕೆ.ಶಾಹುಲ್ ಹಮೀದ್ ಮೇರ್ ಮುಹಮ್ಮದ್ ಇಮ್ತಿಯಾಝ್ ತುಂಬೆ ಮೆರೆನ್ ಗುರ್ಕಾರ್ಲಾದ್ ನೇಮಕ ಮಲ್ದೆರ್.

ಕುಡ್ಲದ ಮಲ್ಲಿಕ್ಕಟ್ಟೆ ಕಾಂಗ್ರೆಸ್ ಭವನಡ್ ಪಕ್ಷದ ಪ್ರಮುಖ ನಾಯಕೆರ್ನ ಸಮ್ಮುಖಡ್ ಇಮ್ತಿಯಾಝ್ ತುಂಬೆ ಮೇರ್ ಕೋಡೆ ನೇಮಕಾತಿ ಆದೇಶ ಪತ್ರ ಸ್ವೀಕಾರ ಮಲ್ತೆರ್ . ತುಂಬೆ ಗ್ರಾಮದ ನಿವಾಸಿಯಾಯಿನ ಮುಹಮ್ಮದ್ ಇಮ್ತಿಯಾಝ್ ತುಂಬೆ ಪದವೀಧರೇರಾತೆರ್ ಮುಡಿಪು ಬ್ಲಾಕ್ ಕಾಂಗ್ರೆಸ್ ದ ಸಕ್ರಿಯ ಕಾರ್ಯಂತೆರ್ ಆತೆರ್ .

ಎಸ್‌ವೈಎಸ್ ಮುಡಿಪು ಘಟಕರ್ದ್ ಬಾಳೆಪುಣಿ ಬೊಕ್ಕ ಕುರ್ನಾಡು ಗ್ರಾಪಂ ವ್ಯಾಪ್ತಿಡ್ ಸ್ವಚ್ಛತಾ ಕಾರ್ಯಕ್ರಮ

Jul 8, 2021

ಕೊಣಾಜೆ, ಜುಲೈ 8 : ಎಸ್‌ವೈಎಸ್ ಮುಡಿಪು ಘಟಕರ್ದ್ ಬಾಳೆಪುಣಿ ಬೊಕ್ಕ ಕುರ್ನಾಡು ಗ್ರಾಪಂ ವ್ಯಾಪ್ತಿಡ್ ಸ್ವಚ್ಛತಾ ಕಾರ್ಯಕ್ರಮ ಬುಧವಾರ ನಡತುಂಡು .

ಈ ಪೊರ್ತುಡು ಪಾತೆರಿನ ಎಸ್‌ವೈಎಸ್ ಕಾರ್ಯದರ್ಶಿ ಬಶೀರ್ ಮುಡಿಪು ಸ್ವಚ್ಛತೆನ್ ಇಸ್ಲಾಂ ಬಲವಾದ್ ಪ್ರತಿಪಾದಿಸಾದುಂಡು . ಅಂಚಾದ್ ಇಲ್ಲ್ , ಪರಿಸರ, ಸಾರ್ವಜನಿಕ ಪ್ರದೇಶದ ಸ್ವಚ್ಛತೆಗ್ ಕಾಪಾಡುನವು ಪ್ರತಿಯೊರಿಲಾ ಮುಸಲ್ಮಾನನ ಕರ್ತವ್ಯವಾದುಂಡು . ಪ್ರಸ್ತುತ ಪರಿಸ್ಥಿತಿಡ್ ಜನಕುಲು ಇಲ್ಲರ್ದ್ ಪಿದಾಯಿ ಬರ್ರೆ ಪೋಡಿಯೊಂದು ಉಲ್ಲೆರ್ . ಆಂಡ ಎಸ್‌ವೈಎಸ್ ಕಾರ್ಯಂತೆರ್ ಮಾರ್ಗಗ್ ಜತ್ದ್ ತೊಡಗಿಸಾದಿನವು ಶ್ಲಾಘನೀಯ ಪಂದ್ .

ಎಸ್‌ವೈಎಸ್ ಮುಡಿಪು ಘಟಕಾಧ್ಯಕ್ಷ ಅಬ್ಬು ಹಾಜಿ ಮದ್ಯನಡ್ಕ, ಹಿಸಾಬ ಗುರ್ಕಾರ್ಲಾಯಿನ ಅಮೀರ್, ಮುಹಮ್ಮದಾಲಿ ಉಸ್ತಾದ್, ಸಾಂತ್ವನ ಕಾರ್ಯದರ್ಶಿ ಎಂಎಂಕೆ ಮುಡಿಪು, ಸಾಂಬಾರ್ ತೋಟ ಗುರ್ಕಾರ್ಲಾಯಿನ ಹಸನ್ ಹಾಜಿ, ಎಸ್‌ಎಂಎ ಗುರ್ಕಾರ್ಲಾಯಿನ ಯೂಸುಫ್ ಪಾನೇಲ, ಎಸ್‌ವೈಎಸ್ ಕಾರ್ಯಕಾರಿ ಸಮಿತಿ ಸದಸ್ಯೆರಾಯಿನ ಎಸ್.ಎಸ್.ಮೂಸಾ ಹಾಜಿ, ಉಮ್ಮರ್ ಮುರ್ಕುಂಜ, ನಝೀರ್ ಮುಡಿಪು, ಲತೀಫ್ ಮದನಿ ವಳಾಲ್, ಬಶೀರ್ ಹಾಜಿ ಸಿ.ಟಿ., ಹಮೀದ್ ಕಿಲಾರಿ, ಲತೀಫ್ ಬೋಳಿಯಾರ್, ಎಸ್‌ವೈಎಸ್ ಮಾಜಿ ಗುರ್ಕಾರ್ಲಾಯಿನ ಎಸ್.ಕೆ.ಅಬ್ದುಲ್ ಖಾದರ್ ಹಾಜಿ, ಮುಖಂಡರಾದ ಮುಹಮ್ಮದ್ ಪರಪ್ಪು, ಹಮೀದ್ ಮುಡಿಪು, ಅಲಿ ಮುದುಂಗಾರು, ಫಝಲ್ ಮುಡಿಪು, ಮುಸ್ತಫಾ ಸಅದಿ ಬಾಳೆಪುಣಿ, ಅಬ್ದುಲ್ಲಾ ಮುಡಿಪು, ರಾಫಿ ಕಣ್ಣೂರು, ರಝಾಕ್ ತಾಜ್, ಹಬೀಬ್ ಇರಾ, ಅಝೀಝ್ ಎಚ್.ಕಲ್, ಅಝೀಝ್ ಸಖಾಫಿ ಪರಪ್ಪು, ಯಾಕೂಬ್ ಮುದುಂಗಾರು, ಯಾಕೂಬ್ ಸಖಾಫಿ ಪರಪ್ಪು, ಅಬೂಬಕರ್ ಸಖಾಫಿ ಕಡ್ವಾಯಿ, ಉಸ್ಮಾನ್ ಮುಡಿಪು, ಸಮೀರ್ ಗರಡಿಪಳ್ಳ, ಉಸ್ಮಾನ್ ಸಅದಿ ಪರಪ್ಪು ಪಾಲ್ ಪಡೆದಿತ್ತೆರ್.