ಬಿರುವ

ಬಿರುವೆರ್ನ ಅಸೋಸಿಯೇಷನ್ ಬೆಂಗ್ಳೂರು ವತಿರ್ದ್ ಸೇವಾದಳ ದಿನಾಚರಣೆ

Dec 12, 2021

ಬೆಂಗ್ಳೂರು : ತಾರೀಖ್ 12/12/2021 ನೇ ಐತಾರ ಮಧ್ಯಾಹ್ನ 2 ಗಂಟೆಗ್ ಬಿರುವೆರ್ ಚಾವಡಿ ಡ್ ಸೇವಾದಳ ದಿನಾಚರಣೆ ನಡಪರೇ ಉಂಡು. ಲೇಸ್ ದ ಉದಿಪನನ್ ಶ್ರೀ ಶ್ರೀ ಶ್ರೀ ವಿಖ್ಯಾತಾನಂದ ಸ್ವಾಮೀಜಿ, ನಿಯೋಜಿತ ಪೀಠಾಧಿಪತಿ, ಬ್ರಹ್ಮಶ್ರೀ ನಾರಾಯಣಗುರು ಮಠ, ಸೋಲೂರು, ಮಲ್ಪರೆ ಉಲ್ಲೆರ್ . ಮಲ್ಲ ಬಿನ್ನೆರ್ ಆದ್ ಶ್ರೀ ಕೆ. ಶಾಂತಾರಾಮ್, ಆರಕ್ಷಕ ನಿರೀಕ್ಷಕೆರ್ , ವೈಟ್ ಫೀಲ್ಡ್ ಪೊಲೀಸ್ ಠಾಣೆ ಬೊಕ್ಕ ಶ್ರೀ ಶರತ್ ಚಂದ್ರ ಸನಿಲ್, ಅಧಿಕಾರೇತರ ನಿರ್ದೇಶಕೆರ್ ಇಂಧನ ಅಭಿವೃದ್ಧಿ ನಿಯಮಿತ ಬೆಂಗ್ಳೂರು ಪಾಲ್ ಪಡೆಯರೇ ಉಲ್ಲೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಬಿರುವ ಬ್ರದರ್ಸ್ ವಾಟ್ಸಾಪ್ ಗ್ರೂಪ್ : ಪಣವುದ ಸಾಕಾರ

Aug 10, 2021

ಕುಡ್ಲ : ಬಿರುವ ಬ್ರದರ್ಸ್ ವಾಟ್ಸಾಪ್ ಗ್ರೂಪ್ ವತಿರ್ದ್ ಸಜೀಪ ಮೂಡ ಗ್ರಾಮದ ಮಿತ್ತಮಜಲು ನಿವಾಸಿ ಶಾಗರ್ ಆಚಾರ್ಯ ಕಿಡ್ನಿ ವೈಪಲ್ಯದ ಸಮಸ್ಯೆರ್ದ್ ಡಯಾಲಿಸಿಸ್ ಚಿಕಿತ್ಸೆಗಾದ್ ವಾರಗ್ 3 ಸಲ ಖಾಸಗಿ ಆಸ್ಪತ್ರೆಗ್ ಪೋವೊಡಾಯಿನ ಪರಿಸ್ಥಿತಿ ಉಂಡು .

ಪಾಪದಕುಲ್ ಆಯಿನ ಈ ಕುಟುಂಬಗ್ ಪಣವುದ ಕಾಸ್ ಪಾಡೆರೆ ಬಾರಿ ಬಂಗ ಆವೊಂದು ಉಂಡು ಅಕ್ಲೆನ ಕಷ್ಟಗ್ ಆಸರೆಯಾಪುನ ನೆಲೆಟ್ಟ್ ಬಿರುವ ಬ್ರದರ್ಸ್ ವಾಟ್ಸಾಪ್ ಗ್ರೂಪ್ ವತಿರ್ದ್ 10,000ರೂಪಾಯಿದ ಸಾಕರನ್ ಕೋಡೆ ಅಕ್ಲೆನ ಇಲ್ಲದಕ್ಲೆಗ್ ಕೊರಿಯೆರ್.

ಈ ಪೊರ್ತುಡು ಬಿರ್ವ ಬಿರುವ ಬ್ರದರ್ಸ್ ವಾಟ್ಸಾಪ್ ಗ್ರೂಪ್ದ ಸ್ಥಾಪಕ ಅಶ್ವಿನ್ ಪೂಜಾರಿ ಕಾರಾಜೆ,ಪಣೋಲಿಬೈಲ್ˌ ಸದಸ್ಯೆರಾಯಿನ ಗಿರಿಶ್ ಕುಮಾರ್ ಪೆರ್ವ, ಕಿಶೋರ್ ಪೂಜಾರಿ ದೇರಾಜೆ ,ಅಶ್ಪಿನ್ ಪೂಜಾರಿ ಕೊಲ್ಯ, ರಂಜೀತ್ ಪೂಜಾರಿ ಗುರುಮಂದಿರ, ಅಶ್ವತ್ ಪೂಜಾರಿ ಮಿತ್ತಮಜಲು, ಸೂರಾಜ್ ಪೂಜಾರಿ ಗುರುಮಂದಿರ ಬೊಕ್ಕ ವಿಜಯ್ ಪೂಜಾರಿ ಗುರುಮಂದಿರ ಪಾಲ್ ಪಡೆದಿತ್ತೆರ್ .

ಬಿರುವ ಬ್ರದರ್ಸ್ ವತಿರ್ದ್ ಪಣವುದ ಸಾಕಾರ

Jun 2, 2021

ಬಂಟ್ವಾಳ, ಜೂನ್ 2: ಬಂಟ್ವಾಳ ತಾಲೂಕುದ ಸಜೀಪ ಮೂಡ ಗ್ರಾಮದ ಪಣೋಲಿಬೈಲ್ ದ ಪ್ರಭಾಕರ ಪೂಜಾರಿಲು ಕಾಂಕ್ರೀಟ್ ಬೇಲೆಗ್ ಪೋನಗ ಪಿಕಪ್ ಗಾಡಿ ರ್ದ್ ಬೂರ್ದು ತರೆಕ್ ಗಂಭೀರ ಗಾಯ ಆದ್ ಕುಡ್ಲದ ಖಾಸಗಿ ಆಸ್ಪತ್ರೆಡ್ ಮರ್ದ್ ಪಡೆಯೊಂದು ಉಲ್ಲೆರ್ ಇಲ್ಲದಕ್ಲೆಗ್ ಮರ್ದ್ ದ ಖರ್ಚ್ ತೂಯೆರೆ ಕಷ್ಟ ಉಪ್ಪುನೆರ್ದಾವರ , ಮೆಕ್ಲೆನ ಕಷ್ಟಗ್ ಆಸರೆಯಾಪಿನ ನೆಲೆಟ್ಟ್ ನಮ್ಮ ‘ಬಿರುವ ಬ್ರದರ್ಸ್ ಗ್ರೂಪ್ 15,000 ಪಣವುದ ಸಾಕಾರನ್ ಅಕ್ಲೆನ ಇಲ್ಲಗ್ ಪೋದು ಕೊರಿಯೆರ್.

ಈ ಪೊರ್ತುಡು ಬಿರುವ ಬ್ರದರ್ಸ್ ಗ್ರೂಪ್ ದ ಸ್ಥಾಪಕ ಅಶ್ವಿನ್ ಪೂಜಾರಿ ಕಾರಾಜೆˌ ಪಣೋಲಿಬೈಲ್ˌ ಸದಸ್ಯೆರಾಯಿನ ಸಂದೀಪ್ ಪೂಜಾರಿ ಕರ್ಮರ್ , ಅಶ್ಪಿನ್ ಪೂಜಾರಿ ಕೊಲ್ಯ ಬೊಕ್ಕ ಸಾಕಾರ ಕೊರಿನ ನಿತೇಶ್ ಪಣೋಲಿಬೈಲ್ ಪಾಲ್ ಪಡೆದಿತ್ತೆರ್ .

ಬಿರುವ ಬ್ರಿಗೇಡ್ ನೇತೃತ್ವಡ್ ಕೋಟಿ-ಚೆನ್ನಯ ಸಂಚಲನ ಸಮಿತಿದ ಒಟ್ಟು ಸೇರಿಗೆಡ್ ಡಿ. 7 ಕ್ಕ್ ಬೈಕ್ ರ‍್ಯಾಲಿ

Dec 2, 2020

ಕುಡ್ಲ : ಕುಡ್ಲ ವಿಮಾನ ನಿಲ್ದಾಣಗ್ ಕಾರಣಿಕ ಪುರುಷರಾಯಿನ ಕೋಟಿ ಚೆನ್ನಯೆರ್ನ ಪುದರ್ ದೀಯರೆ ಆಗ್ರಹಿಸಾದ್ ಬಿರುವ ಬ್ರಿಗೇಡ್ ನೇತೃತ್ವಡ್ ಕೋಟಿ-ಚೆನ್ನಯ ಸಂಚಲನ ಸಮಿತಿದ ಒಟ್ಟು ಸೇರಿಗೆಡ್ ಬೇತೆ ಬೇತೆ ಸಂಘಟನೆದ ಸಹಕಾರಡ್ ಡಿ. 7 ಕ್ಕ್ ಬೈಕ್ ರ‍್ಯಾಲಿ ನಡಪರೇ ಉಂಡು .

ಈ ಬಗ್ಗೆ ಇನಿ ಸುದ್ದಿಗೋಷ್ಠಿಡ್ ಮಾಹಿತಿ ಕೊರಿನ ಸಂಚಲನ ಸಮಿತಿದ ಪ್ರಧಾನ ಸಂಚಾಲಕೆರಾಯಿನ ಸತ್ಯಜಿತ್ ಸುರತ್ಕಲ್, ಆನಿ ಕಾಂಡೆ 10 ಗಂಟೆಗ್ ಕುದ್ರೋಳಿ ಗೋಕರ್ಣನಾಥೇಶ್ವರ ದೇವಸ್ಥಾನ ರ್ದ್ ಪಿದಾಡುನ ಬೈಕ್ ರ‍್ಯಾಲಿ ಬಜ್ಪೆ ಕೆಂಜಾರ್ ದ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಮುಟ ಪೋಯೇರೆ ಉಂಡು, ಬೈಕ್ ರ‍್ಯಾಲಿಡ್ 500 ಜನ ಪಾಲ್ ಪಡೆಪಿನ ನಿರೀಕ್ಷೆ ಉಂಡು. ಪಾಲ್ ಪಡೆಪುನಕುಲು ಮಾಸ್ಕ್ ಪಾಡೊಡು ಬೊಕ್ಕ ಹೆಲ್ಮೆಟ್ ಪಾಡುನ ಕಡ್ಡಾಯ ಆದುಂಡು ಪಂದ್ ಪಂಡೆರ್.

Mangalore: Mangalore airport’s co-ordinating committee, headed by the Billava Brigade, has sought to nominate a man named Koti Chennai. Bike Rally organized on 7th

Speaking at a news conference today, the General Manager of the Navigation Committee, Satyajit Surathkal, said that at 10 am, a bike rally from Kudroli Gokarnanatheshwara constituency is expected to reach Bajpe Kenjar International Airport, where at least 500 people are expected to participate in the bike rally. Participants are required to wear a mask and a helmet, he said.