ಫ್ರೀ ಸ್ಟೈಲ್

200 ಮೀ ಫ್ರೀ ಸ್ಟೈಲ್ : ದಾಖಲೆ ಮಲ್ತಿನ ಸಾಜನ್

ನವದೆಹಲಿ, ಜೂನ್ 28: ಒಲಿಂಪಿಕ್ಸ್‌ಗ್ ‘ಎ’ ದರ್ಜೆದ ಅರ್ಹತೆ ದೆತೊನ್ದಿನ ಭಾರತದ ಸಾಜನ್ ಪ್ರಕಾಶ್ ಮೇರ್ ರೋಮ್‌ ಡ್ ನಡತೊಂದು ಉಪ್ಪುನ ಸೆಟ್ಟೆ ಕೊಲ್ಲಿ ಟ್ರೋಫಿ ಈಜು ಟೂರ್ನಿಡ್ ಐತಾರ ಕುಡೊಂಜಿ ದಾಖಲೆ ಬರೆತೆರ್ .

200 ಮೀಟರ್‌ ಫ್ರೀಸ್ಟೈಲ್ ವಿಭಾಗದ ಪಂತೋದ ಹೀಟ್ಸ್‌ಡ್ 1 ನಿಮಿಷ 49.73 ಸೆಕೆಂಡುಡ್ ಗುರಿ ಮುಟ್ಟುದು ರಾಷ್ಟ್ರೀಯ ದಾಖಲೆ ನಿರ್ಮಾಣ ಮಲ್ತೆರ್ . ನೆತ್ತ ಒಟ್ಟುಗು 2010 ತ್ತ ಏಷ್ಯನ್ ಗೇಮ್ಸ್ ಕಂಚ್ ದ ಪದಕ ಗೆಂದಿನ ವೀರ್‌ಧವಳ್‌ ಖಾಡೆ ಬರೆಯಿನ ದಾಖಲೆನ್ (1 ನಿ. 49.86 ಸೆ.) ಮೀರ್ದೆರ್ .

ಶನಿವಾರ ಮೇರ್ 200 ಮೀ. ಬಟರ್‌ಫ್ಲೈ ವಿಭಾಗಡ್ ಒಲಿಂಪಿಕ್ಸ್‌ ಅರ್ಹತಾ ಅವಧಿನ್ ಮೀರುನ ಮುಖೇನ ‘ಎ’ ದರ್ಜೆ ಅರ್ಹತೆ ಪಡೆಯಿನ ಭಾರತದ ಸುರುತ ಈಜುಪಟು ಪನ್ಪಿ ಪುಗಾರ್ತೆ ಪಡೆಯೆರ್.