ಕುಡೋರ ಕಾರ್ಣಿಕ ಮೆರೆಯಿನ ಕಂದಾವರ ಪದವುದ ಶ್ರೀ ಕೋಡ್ದಬ್ಬು ಬೊಕ್ಕ ರಾಹುದೈವ
ಕೈಕಂಬ ; ಕುಡ್ಲದ ಕಂದಾವರ ಗ್ರಾಮ ಪಂಚಾಯತ್ ವ್ಯಾಪ್ತಿದ ಕಂದಾವರ ಪದವಿನ ಶ್ರೀ ಕೋಡ್ದಬ್ಬು ದೈವಸ್ಥಾನಡ್ ತಾರೀಖ್ 20.03.2022 ಕ್ಕ್ ರಾತ್ರಿ ದುಶ್ಕರ್ಮಿಯೊರಿ ದೈವಸ್ಥಾನಗ್ ಕಂಡ್ ದ್ ಬತ್ತ್ ದ್ , ರಾಹು ದೈವದ ಗುಡಿಟ್ ಪೊತ್ತೊಂದು ಇತ್ತಿನ ದೀಪ ತೆಕ್ಕಾದ್ , ಅವೆನ್ ಮಗ್ ತ್ ಪಾರ್ದ್ ಐಕ್ ನೆತ್ತೆರ್ ಪಾಡ್ದ್ ಐರ್ದ್ ಬೊಕ್ಕ ದೈವಸ್ಥಾನದ ದತ್ತ ಮೈಟ್ ಉಪ್ಪುನ ಆಯದಕಲ್ಲ್ ಗ್ ನೆತ್ತೆರ್ ಪಾಡೊಂದು ಒಂಜಿ ಸುತ್ತು ಅಂಗನಡ್ ನೆತ್ತೆರ್ ಪಾಡ್ದೆ.
ಕಾಂಡೆ ದೈವದ ಚಾಕರಿದಾರ್ ದೈವಸ್ಥಾನ ಗ್ ಬನ್ನಗ ಈ ಘಟನೆ ತೊಜೀದ್ ಬೈದುಂಡು.
ಅಪಗನೆ ಸಧ್ಭಕ್ತೆರ್ ದೈವಸ್ಥಾನದ ಅಂಗಣಡ್ ಬತ್ತ್ ದ್ ಮಧ್ಯಾಹ್ನನೇ ಶ್ರೀ ಬಬ್ಬು ಸ್ವಾಮಿನ ದರ್ಶನಗ್ ಪೊರ್ತು ಗೊತ್ತು ಮಲ್ತ್ ದರ್ಶನದ ಪೊರ್ತುಡು ದುಷ್ಕರ್ಮಿ ದೈವಸ್ಥಾನಗ್ ಬರೊಡು ಪಂದ್ ಕೈ ಮುಗಿಯೆರ್ .
ಐರ್ದ್ ಬೊಕ್ಕ ಬಜ್ಪೆ ಠಾಣೆಗ್ ದೂರು ಕೊರ್ದು ಪೊಲೀಸೆರ್ ಬತ್ತ್ ದ್ ಒಂಜಿ ಗಂಟೆದ ಉಲಯಿ ಕಲ್ವೇನ್ ಪತ್ತಿಯೆರ್.
ಕರಿನ 2020 ನೇ ಇಸವಿಡ್ ದೈವಸ್ಥಾನನ್ ಪುನರ್ ನಿರ್ಮಾಣ ಮಲ್ತ್ , ಪಂಚವಿಂಶತಿ ಕಲಶಾಭಿಷೇಕ ಆದ್ ಶ್ರೀ ದೈವದ ಕಾರಣಿಕ ದಿನರ್ದ್ ದಿನಕ್ ಜಾಸ್ತಿ ಆವೊಂದು ಉಂಡು ಇನಿ ನಡತಿನ ಘಟನೆ ಶ್ರೀ ಬಬ್ಬು ಸ್ವಾಮಿ ಬೊಕ್ಕ ರಾಹುದೈವದ ಕಾರಣಿಕಗ್ ಕುಡೋರ ಸಾಕ್ಷಿ ಆಂಡ್.
ಫೆಬ್ರವರಿ 21ನೇ ಐತಾರ ಪುನರ್ ಪ್ರತಿಷ್ಠೆ 24ನೇ ಬುಧವಾರ ಬ್ರಹ್ಮಕಲಶ ಮಾರ್ಚ್ 4ನೇ ಗುರುವಾರ ಜಾತ್ರಾ ರಥೋತ್ಸವ ನಡಪರೆ ಉಂಡು ಪಂದ್ ಪ್ರಕಟಣೆಗ್ ತೆರಿಪಾದೆರ್.