ತುಳು ರಾಜ್ಯ ಭಾಷೆ

ಟ್ವಿಟ್ಟರ್ಡ್ ಇನಿ ತುಳುವೆರ್ನ ಹೋರಾಟ : ತುಳು ರಾಜ್ಯ ಭಾಷೆಗಾದ್ ಇನಿ ಟ್ವಿಟ್ ಅಭಿಯಾನ

Sep 5, 2021

ಕುಡ್ಲ : ಜೈ ತುಳುನಾಡು ಸೇರಿನಂಚ ತುಳುನಾಡ್ ದ ಬೇತೆ ಬೇತೆ ಸಂಘಟನೆದ ಒಟ್ಟು ಸೇರಿಗೆಡ್ ತುಳು ಭಾಷೆನ್ ರಾಜ್ಯದ ಅಧಿಕೃತ ಭಾಷೆಯಾದ್ ಮಲ್ಪರೆ ಸೆ. 13ರ್ದ್ 24 ಮುಟ ನಡಪುನ ಅಧಿವೇಶನಡ್ ಮಲ್ಪೋಡು ಪಂದ್ ಆಗ್ರಹ ಮಲ್ತ್ ಇನಿ “ಟ್ವಿಟ್ ಅಭಿಯಾನ ನಡತೊಂದು ಉಂಡು .

ಅಧಿವೇಶನಡ್ “ನಮ್ಮ ಶಾಸಕೆರ್ ಮಸೂದೆ ಮಂಡನೆ ಮಲ್ತ್ ತುಳು ಭಾಷೆನ್ ನಮ್ಮ ರಾಜ್ಯದ ಅಧಿಕೃತ ಭಾಷೆಯಾದ್ ಮಲ್ಪೋಡು ‘ ಪನ್ಪಿನ ಒತ್ತಾಯದೊಟ್ಟುಗು ಸೆ. 4ನೆ ನಡು ರಾತ್ರಿ 12 ಗಂಟೆರ್ದ್ ಸೆ. 5 ಪಂಡ ಇನಿ ರಾತ್ರಿ 11.59 ಮುಟ #TuluOfficialinKA_KL ಬೊಕ್ಕ #SpeakUpForTulu ಪನ್ಪಿನ ಹ್ಯಾಶ್ಟ್ಯಾಗ್ ಮುಖೇನ ಟ್ವಿಟರ್ ಅಭಿಯಾನ ನಡಪರೆ ಉಂಡು .