ತಯಾರಿ : ಕೃಷ್ಣಾಪುರಶ್ರೀ

ಸರಳವಾದ್ ಪರ್ಯಾಯ ಮಲ್ಪರೆ ತಯಾರಿ : ಕೃಷ್ಣಾಪುರಶ್ರೀ

Aug 28, 2021

ಒಡಿಪು : ದುಂಬುದ ನವೆಂಬರ್ ಪೊರ್ತುಡು ಕೋವಿಡ್-19 ಸಾಂಕ್ರಾಮಿಕದ ತೀವ್ರತೆ ಕಮ್ಮಿ ಆಯಿಜಿಂಡ ಸಾಂಪ್ರದಾಯಿಕ ಪರ್ಯಾಯಗ್ ಬದ್ದ ಉಂಡು , ಈ ನೆಲೆಟ್ಟ್ ತಯಾರಿ ಮಲ್ಪುವ . ಲೋಕಗ್ , ಜನಕ್ಲೆಗ್ ಕಂಟಕವಾದ್ ಪರ್ಯಾಯ ಮಲ್ಪೊಡು ಪನ್ಪಿನ ಹಠ ನಮಕ್ ಇಜ್ಜಿ ಪಂದ್ ಒಡಿಪು ಶ್ರೀಕೃಷ್ಣಾಪುರ ಮಠದ ಶ್ರೀವಿದ್ಯಾಸಾಗರತೀರ್ಥರ್ ಪಂತೆರ್ .

ದುಂಬುದ 2022ರ ಜ.18ಗ್ ನಾಲನೆ ಸಲ ಶ್ರೀಕೃಷ್ಣಪೂಜಾ ಕೈಂಕರ್ಯದ ಪರ್ಯಾಯ ಪೀಠಾರೋಹಣ ಮಲ್ಪರೆ ಉಪ್ಪುನ ನೆಲೆಟ್ಟ್ ಕೃಷ್ಣಾಪುರ ಮಠದ ಶ್ರೀಕೃಷ್ಣ ಸಭಾಭವನಡ್ ಶುಕ್ರವಾರ ನಡತಿನ ಪರ್ಯಾಯ ಸಿದ್ಧತೆದ ಪೂರ್ವಭಾವಿ ಸಭೆಟ್ ಆಶೀರ್ವಚನ ಕೊರ್ದು ಶ್ರೀಕುಲು ಪಾತೆರಿಯೆರ್.