ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಕುಡ್ಲ : ಡಾ. ಎಂ.ಎನ್. ರಾಜೇಂದ್ರ ಕುಮಾರ್ ಗ್ ‘ಸಾಧನಚಕ್ರವರ್ತಿ’ ಪ್ರಶಸ್ತಿ
ಕುಡ್ಲ : ಐಕಳಬಾವ ಕಾಂತಾಬಾರೆ ಬೂದಾಬಾರೆ ಕುಂಬಳ ಸಮಿತಿ, ಐಕಳ ಬೊಕ್ಕ ಮುಂಬಯಿ ವತಿರ್ದ್ ಫೆ. 26ಕ್ಕ್ ನಡಪುನ ಐಕಳ ಕಂಬುಲ ಉಚ್ಚಯೋಡು ದ.ಕ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ಬೊಕ್ಕ ಕರ್ನಾಟಕ ರಾಜ್ಯ ಸಹಕಾರ ಮಾರಾಟ ಮಹಾಮಂಡಳದ ಗುರ್ಕಾರ್ಲಾಯಿನ ಡಾ| ಎಂ.ಎನ್. ರಾಜೇಂದ್ರ ಕುಮಾರ್ ಮೆರೆಗ್ “ಸಾಧನ ಚಕ್ರವರ್ತಿ’ ಪ್ರಶಸ್ತಿ ಕೊರಿಯೆರೆ ಉಲ್ಲಾ ಪಂದ್ ಕಂಬುಲ ಉಚ್ಚಯ ಸಮಿತಿದ ಗುರ್ಕಾರ್ಲಾಯಿನ ಐಕಳಬಾವ ದೇವಿಪ್ರಸಾದ್ ಶೆಟ್ಟಿ ಬೆಳಪು ಪಂತೆರ್ .
ಎಸ್ಸಿಡಿಸಿಸಿ ಬ್ಯಾಂಕ್ ಗುರ್ಕಾರ್ಲಾದ್ 28 ವರ್ಷರ್ದ್ ಸಹಕಾರ ಕ್ಷೇತ್ರೊಡು ಸಾರ್ಥಕ ಸೇವೆ ಮಲ್ತೊಂದು ಉಪ್ಪುನ ಡಾ| ರಾಜೇಂದ್ರ ಕುಮಾರ್ ಬ್ಯಾಂಕ್ನ್ “ಜನಸ್ನೇಹಿ’ ಬ್ಯಾಂಕಕ್ ಆದ್ ರೂಪಿಸಾಯಿನ ಪುಗಾರ್ತೆ ಪಡೆತೆರ್ . ಗ್ರಾಮೀಣ ಪ್ರದೇಶೊಡು ಬ್ಯಾಂಕಿಂಗ್ ಸೇವೆದ ಪರಿಕಲ್ಪನೆನ್ ಅನುಷ್ಠಾನ ಮಲ್ತ್ ಸಹಕಾರಿ ರಂಗಗ್ ಪೊಸ ಆಯಾಮ ಕಂತ್ ಕೊರಿನಾರ್.
ಸಹಕಾರಿ ಕ್ಷೇತ್ರ ದುಂಬು ಬರ್ರೆ ತನ್ನನೇ ಆಯಿನ ಕೊಡುಗೆನ್ ಕೊರೊಂದ್ ದ.ಕ.ಜಿಲ್ಲಾ ಸಹಕಾರಿ ಬ್ಯಾಂಕ್ (ಎಸ್ಸಿಡಿಸಿಸಿ ಬ್ಯಾಂಕ್ ) ರಾಜ್ಯ ಬೊಕ್ಕ ರಾಷ್ಟ್ರ ಮಟ್ಟಡ್ ಗುರುತಿಸಾದ್ಂಡ್. ಬ್ಯಾಂಕ್ ದ ಬುಳೆಚ್ಚಿಲ್ ಗ್ ಪ್ರಾಮಾಣಿಕ ರೀತಿಡ್ ಸಾರ್ಥಕತೆನ್ ತೋಜಾಯಿನ ಬ್ಯಾಂಕ್ ಅಧ್ಯಕ್ಷೆರ್ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮಾತೆರ್ನಲ ಪ್ರೀತಿ-ವಿಶ್ವಾಸನ್ ಪಡೆತ್ತಿನಾರ್. ಅವಿಭಜಿತ ದ.ಕ. ಜಿಲ್ಲೆದ ಮಾದರಿ ಸಹಕಾರಿ ನಾಯಕೆರಾದ್ ರಾಜ್ಯ ಮಟ್ಟಡ್ ಲ ಪುದರ್ ನ್ ಪಡೆಯಿನ ‘ಸಹಕಾರ ರತ್ನ’ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮೇರ್ 73 ನೇ ಪುಟ್ಟುಪರ್ಬದ ಗೌಜಿನ್ ಮಲ್ಪರೆ ಜಿಲ್ಲೆದ ಸಮಸ್ತ ಸಹಕಾರಿಲು ತೀರ್ಮಾನ ಮಲ್ತ್ ದ. ಅಂಚಾದ್ ಫೆ.24ಕ್ಕ್ ಕಾಂಡೆ 10.30 ಗ್ ಎಸ್ ಸಿಡಿಸಿಸಿ ಬ್ಯಾಂಕ್ ದ ಸಭಾಂಗಣಡ್ ಪುತ್ತಿಗೆ ಮಠತ್ತ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮೀಜಿ ಮುತಾಲಿಕೆಡ್ ರಾಜೇಂದ್ರ ಕುಮಾರ್ ಮೆರೆನ ಪುಟ್ಟು ಪರ್ಬನ್ ಆಚರಣೆ ಮಲ್ಪರೆ ಉಂಡು. ಅಂಚನೆ ಮಾನಾದಿಗೆದ ಲೇಸ್, 73 ಫಲಾನುಭವಿಲೆಗ್ ಸವಲತ್ತು ಕೊರ್ಪಿನ ಲೇಸ್ ನಡಪರೆ ಉಂಡು ಪಂದ್ ದೇವಿಪ್ರಸಾದ್ ಶೆಟ್ಟಿ ಸುದ್ದಿಗೋಷ್ಠಿಡ್ ತೆರಿಪಾದೆರ್.