ಗುರು

ಕಾರ್ಲ ನಿರಂತರ ಯೋಗಶಿಕ್ಷಣ ಕೇಂದ್ರದ ಯೋಗ ಗುರುಕುಲಾಯಿನ ಕೆ. ನರೇಂದ್ರ ಕಾಮತೆರೆಗ್ ಯೋಗ ಕ್ಷೇತ್ರದ ಸಾಧನೆಗ್ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಡ್ ಪುದರ್

May 24, 2022

ಕಾರ್ಲ ನಿರಂತರ ಯೋಗಶಿಕ್ಷಣ ಕೇಂದ್ರದ ಯೋಗ ಗುರುಕುಲಾಯಿನ ಕೆ. ನರೇಂದ್ರ ಕಾಮತೆರೆಗ್ ಯೋಗ ಕ್ಷೇತ್ರದ ಸಾಧನೆಗ್ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಡ್ ಪುದರ್

ಕಾರ್ಲ : ಕಾರ್ಲ ನಿರಂತರ ಯೋಗ ಶಿಕ್ಷಣ ಕೇಂದ್ರ ನೆತ್ತ ಯೋಗಗುರುಕುಲಾಯಿನ ಕೆ.ನರೇಂದ್ರ ಕಾಮತ್,ಮೆರ್ನ ಯೋಗ ವಿಭಾಗಡ್ 21 ಪ್ರಮಾಣ ಪತ್ರ ಬೊಕ್ಕ 12 ರಾಷ್ಟ್ರೀಯ ಪ್ರಶಸ್ತಿದ ಸಾಧನೆಗ್ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಡ್ ಪುದರ್ ಸೇರ್ಪಡೆ ಆತುಂಡು .

ಮೇರ್ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಬೆಟ್ಟುಡು ದೈಹಿಕ ಶಿಕ್ಷಕೆ ಆದ್ ಬೇಲೆ ಮಲ್ತೊಂದು ಉಲ್ಲೆರ್.

ಸರಕಾರೊಗು ನಾರಾಯಣ ಗುರುಕ್ಲೆನ ಮಿತ್ತ್ ಕಣ್ಣ್ ದಾಯೆ ? ರಾಷ್ಟ್ರೀಯ ಬಿಲ್ಲವರ ಮಹಾಮಂಡಲ ಪ್ರಶ್ನೆ

May 20, 2022

ಮುಲ್ಕಿ : ಕರ್ನಾಟಕ ಸರಕಾರೊಗು ಮಹಾನ್ ದಾರ್ಶನಿಕೆರ್ ಅಂಚೆನೆ ಸಮಾಜ ಸುಧಾರಕೆರಾಯಿನ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಮಿತ್ತ್ ಕಣ್ಣ್ ದಾಯೆ ? ಪತ್ತನೇ ಕ್ಲಾಸ್ ದ ಪಾಠ ಪುಸ್ತಕೊರ್ದು ಅರೆನ ಜೀವನಚರಿತ್ರೆ ದೆಪ್ಪರೆ ಕಾರಣ ದಾದ ಪಂದ್ ರಾಷ್ಟ್ರೀಯ ಬಿಲ್ಲವ ಮಹಾಮಂಡಲ ಸರಕಾರೊಗು ಪ್ರಶ್ನೆ ಮಲ್ದ್ಂಡ್.
ಹಿಂದುಳಿದ ವರ್ಗದ ಉನ್ನತಿಗಾದ್, ಅಸ್ಪಶ್ಯತೆ ದೂರ ಮಲ್ಪಾದ್, ಮಾತೆರೆನ್ಲ ಶಿಕ್ಷಣೊಗು ಪ್ರೇರಣೆ ಕೊರ್ದು ಒಂಜೇ ಜಾತಿ ಒಂಜೇ ಮತ ಒರಿಯೇ ದೇವೆರ್ ಪನ್ಪಿನ ತತ್ವೊನು ಜಗತ್ತ್ ಗ್ ಪಂಡಿನ ನಾರಾಯಣ ಗುರುಕುಲೆನ ಆದರ್ಶ ಇತ್ತೆದ ಸಮಾಜೊಗುಲ ಅನ್ವಯ ಆಪುಂಡು. ಆಂಡ ರಾಜ್ಯ ಸರಕಾರ ಗುರುಕ್ಲೆನ ವಿಚಾರೊನು ಪಠ್ಯ ಪುಸ್ತಕೊರ್ದು ದೆಪ್ಪಾಯಿನವು ಸಮಸ್ತ ಬಿಲ್ಲವ ಸಮಾಜೊಗು ಅಂಚೆನೆ ಗುರುಕ್ಲೆನ ಭಕ್ತೆರೆನ ಮನಸ್ಸ್ ಗ್ ಬಾರಿ ಬೇನೆ ಮಲ್ದ್ಂಡ್. ಸರಕಾರದ ಈ ನೀತಿನ್ ಎಂಕುಲು ಖಂಡಿಸಾವ ಪಂದ್ ರಾಷ್ಟ್ರೀಯ ಬಿಲ್ಲವ ಮಹಾಮಂಡಲ ದ ಅಧ್ಯಕ್ಷೆರ್ ಡಾ.ರಾಜಶೇಖರ ಕೋಟ್ಯಾನ್ ತೆರಿಪಾಯೆರ್.

ಮುಲ್ಕಿದ ಮಹಾಮಂಡಲಡ್ ಗುರುವಾರ ನಡತಿನ ಸುದ್ದಿ ಗೋಷ್ಠಿಡ್ ಪಾತೆರಿನ ಆರ್, ಗಣರಾಜ್ಯೋತ್ಸವದ ಪೊರ್ತುಡುಲ ಕೇಂದ್ರ ಸರಕಾರ ನಾರಾಯಣ ಗುರುಕ್ಲೆನ ಟ್ಯಾಬ್ಲೊಗ್ ಅವಕಾಶ ಕೊರಂದೆ ಅವಮಾನ ಮಲ್ದ್ಂಡ್. ಇತ್ತೆ ರಾಜ್ಯ ಸರಕಾರ ಪತ್ತನೇ ಕ್ಲಾಸ್ ದ ಸಮಾಜ ವಿಜ್ಞಾನ ಪಠ್ಯ ಪುಸ್ತಕೊಡು ಶ್ರೀ ನಾರಾಯಣಗುರು ಧರ್ಮ ಪರಿಪಾಲನಾ ಯೋಗಂ ಶಿರೋನಾಮೆಡ್ ಇತ್ತಿನ ಪಾಠೊನು ದೆಪ್ಪಾದ್ಂಡ್.
ಅವೆನ್ ಪಠ್ಯಪುಸ್ತಕೊಗು ವಾಪಸ್ ಸೇರ್ಸಾವೊಡು. ಈ ವಿಚಾರೊಡು ರಡ್ಡ್ ದಿನೊಟ್ಟು ಮುಖ್ಯಮಂತ್ರಿಲೆನ್ ಭೇಟಿ ಮಲ್ತ್ ದ್ ಮನವಿ ಕೊರ್ಪ. ಒಂಜಿ ವೇಳೆ ಸರ್ಕಾರ ಗುರುಕ್ಲೆನ ಪಾಠೊನು ಪಿರ ಪಠ್ಯಪುಸ್ತಕೊಗು ಸೇರ್ಸಾಯಿಜಿಡ ಸಮಸ್ತ ಬಿಲ್ಲವೆರ್ ರಾಷ್ಟ್ರೀಯ ಮಹಾಮಂಡಲ ದ ಮುತಾಲಿಕೆಡ್ ಬಾರಿ ಮಲ್ಲ ಪ್ರತಿಭಟನೆ ಮಲ್ಪುವ ಪಂದ್ ಡಾ. ರಾಜಶೇಖರ ಕೋಟ್ಯಾನ್ ಪಂಡೆರ್.
ಸುದ್ದಿಗೋಷ್ಠಿ ಡ್ ಮಹಾಮಂಡಲದ ಗೌರವ ಪ್ರಧಾನ ಕಾರ್ಯದರ್ಶಿ ವಿಜಯಕುಮಾರ್ ಕುಬೆವೂರು, ಜಂಟಿ ಕಾರ್ಯದರ್ಶಿ ಗಂಗಾಧರ ಪೂಜಾರಿ, ಬಾಳ, ಚೇಳಾಯಿರು, ಕಾರ್ಯಕಾರಿ ಸಮಿತಿ ಸದಸ್ಯೆರಾಯಿನ ಚಂದ್ರಶೇಖರ್ ಸುವರ್ಣ ಮುಲ್ಕಿ, ತಿಮ್ಮಪ್ಪ ಕೋಟ್ಯಾನ್, ಕಟೀಲು, ಯೋಗೀಶ್ ಕೋಟ್ಯಾನ್ ಚಿತ್ರಾಪು ಇತ್ತೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಫೆ. 8 : ಸಂಗೀತ ಗುರು ಶೀಲಾ ದಿವಾಕರ್ ಮೆರೆಗ್ ಗುರುವಂದನೆ, ಶ್ರದ್ಧಾಂಜಲಿ ಸಭೆ

Feb 7, 2022

ಸುರತ್ಕಲ್ : ಸಂಗೀತ ಗುರು ಶೀಲಾ ದಿವಾಕರ್ ಮೇರ್ನ ಶಿಷ್ಯ ವರ್ಗದಕಲೆರ್ದ್ “ಗುರು ವಂದನೆ ಸಂಗೀತೋಪಾಸನೆ” ಅಂಚೆನೇ ಶ್ರದ್ಧಾಂಜಲಿ ಸಭೆ ಫೆ.8 ಅಂಗಾರೆ ಕಾಂಡೆ ನಡಪರೆ ಉಂಡು.
ಸುರತ್ಕಲ್ ಇಡ್ಯಾ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ವಠಾರೊಡು ನಡಪುನ ದಿ.ಶೀಲಾ ದಿವಾಕರ್ ಮೇರ್ನ ವೈಕುಂಠ ಸಮಾರಾಧನೆ ಲೇಸ್ ದ ನಿಲೆಟ್ಟ್ ಕಾಂಡೆ 10-11.30 ಗಂಟೆ ಮುಟ್ಟ ಅರೆನ ಶಿಷ್ಯೆರೆರ್ದ್ ಗುರುವಂದನೆ ಸಂಗೀತೋಪಾಸನೆ ನಡಪರೆ ಉಂಡು.
ಕಾಂಡೆ 11.30-12.30 ಮುಟ್ಟ ಶ್ರದ್ಧಾಂಜಲಿ ಸಭೆ ನಡಪರೆ ಉಂಡು ಪಂದ್ ಶೀಲಾ ದಿವಾಕರ್ ಮೇರ್ನ ಕಂಡನಿ ದಿವಾಕರ್ ಲಕ್ಷ್ಮಣ ರಾವ್, ಜೋಕುಲಾಯಿನ ನವ್ಯಾ ದಿವಾಕರ್, ಧೀರಜ್ ದಿವಾಕರ್ ಬೊಕ್ಕ ಕುಟುಂಬದಕುಲು ಲೆಪ್ಪೋಲೆಡ್ ತೆರಿಪಾದೆರ್.

ಜ.26 : ನಾರಾಯಣ ಗುರುಕ್ಲೆಗ್ ಅಪಮಾನದ ವಿರುದ್ದ ಮುಲ್ಕಿ ಬೆದ್ರ ವಿಧಾನಸಭೆ ಕ್ಷೇತ್ರದ 15 ಗುರು ಮಂದಿರೊಗು ಕಾಂಗ್ರೆಸ್ ಜಾಥಾ

Jan 25, 2022

ಮುಲ್ಕಿ : ಗಣರಾಜ್ಯೋತ್ಸವ ಪೆರೇಡ್ ಡ್ ಬ್ರಹ್ಮಶ್ರೀ ನಾರಾಯಣ ಗುರುಕ್ಕುಲೆನ ಟ್ಯಾಬ್ಲೊನು ತಿರಸ್ಕಾರ ಮಲ್ತಿನ ಕೇಂದ್ರ ಸರಕಾರದ ವಿರುದ್ಧ ಮುಲ್ಕಿ ಬೆದ್ರ ವಿಧಾನಸಭಾ ಕ್ಷೇತ್ರದ 15 ಬಿಲ್ಲವ ಸಮಾಜ ಸೇವಾ ಸಂಘದ ಗುರು ಮಂದಿರೊಗು ಗುರುಕುಲೆನ ಟ್ಯಾಬ್ಲೊ ಸಹಿತ ಕಾಂಗ್ರೆಸ್ ವತಿರ್ದ್ ಜಾಥಾ ನಡಪರೆ ಉಂಡು.ಹಳೆಯಂಗಡಿದ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಸಮಿತಿದ ಆಫೀಸ್ ಡ್ ಅಂಗಾರೆ ನಡತಿನ ಸುದ್ದಿಗೋಷ್ಠಿಡ್ ಯುವ ನಾಯಕೆರ್ ಮಿಥುನ್ ರೈ ಈ ವಿಷಯ ತೆರಿಪಾಯೆರ್.
ಬೆದ್ರದ ಸ್ವರಾಜ್ ಮೈದಾನಡ್ ಜ.26 ಕಾಂಡೆ 9.30 ಗಂಟೆಗ್ ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ಮೇರ್ ಜಾಥಾ ಉದಿಪನ ಮಲ್ಪುವೆರ್.

ನಾರಾಯಣ ಗುರುಕುಲೆನ ಟ್ಯಾಬ್ಲೊ ಸಹಿತ ಜಾಥಾ ಬೆದ್ರದ ಬಿಲ್ಲವ ಸಂಘರ್ದ್ ಪಾಲಡ್ಕ ಬಿಲ್ಲವ ಸಂಘ, ಬೆಳುವಾಯಿ, ಶಿರ್ತಾಡಿ, ಇರುವೈಲ್, ಕಲ್ಲಮುಂಡೇರ್,ನಿಡ್ಡೋಡಿ,ಪೆರ್ಮುದೆ ಬಿಲ್ಲವ ಸಂಘಗ್ ಭೇಟಿ ಕೊರ್ದು ಅವುಲು ವಣಸ್ ದ ವಿರಾಮ ಆಪುಂಡು.
ಅಲ್ತ್ ರ್ದ್ ಬಜ್ಪೆ ಬಿಲ್ಲವ ಸಂಘ, ಚೇಳಾರ್, ಸಸಿಹಿತ್ಲು, ಹಳೆಯಂಗಡಿ, ಎಸ್ ಕೋಡಿ, ಗುತ್ತಕಾಡು, ಕೆಎಸ್ ರಾವ್ ನಗರ ಬಿಲ್ಲವ ಸಂಘೊಲೆಗ್ ಪೋದು ಬಯ್ಯಡ್ ಮುಲ್ಕಿ ಬಿಲ್ಲವ ಸಂಘಡ್ ಜಾಥಾ ಸಮಾರೋಪ ಆವರೆ ಉಂಡು. ಅಯಿರ್ದ್ ಬೊಕ್ಕ ಕುದ್ರೋಳಿಡ್ ನಡಪುನ ಸ್ವಾಭಿಮಾನದ ನಡಿಗೆದ ಲೇಸ್ ಡ್ ಪಾಲ್ ಪಡೆವರೆ ಉಂಡು ಪಂದ್ ಮಿಥುನ್ ರೈ ಪಂಡೆರ್.
ಈ ಪೊರ್ತುಡು ಪಾತೆರಿನ ಮಾಜಿ ಸಚಿವೆರ್ ಅಭಯಚಂದ್ರ ಜೈನ್, ಕೇಂದ್ರಡ್ ಬಿಜೆಪಿ ಸರಕಾರ ನಾರಾಯಣ ಗುರುಕ್ಲೆನ ಸ್ತಬ್ಧಚಿತ್ರ ಬೊರ್ಚಿ ಪಂದ್ ಅರೆಗ್ ಅವಮಾನ ಮಲ್ದ್ಂಡ್. ಈ ವಿಚಾರೊಡು ಪ್ರಧಾನಿ ಮೋದಿಯೆರ್ ಮಧ್ಯಪ್ರವೇಶ ಮಲ್ತ್ ದ್ ಗುರುಕ್ಲೆನ ಟ್ಯಾಬ್ಲೊಗು ಅವಕಾಶ ಮಲ್ತ್ ಕೊರೊಡಿತ್ತ್ಂಡ್. ಸಂಸದೆರ್ ಮಧ್ಯಪ್ರವೇಶ ಮಲ್ಪೊಲಿತ್ತ್ಂಡ್. ಇತ್ತೆ ಅಕುಲು ಮಾತ ನಾಟಕ ಮಲ್ತೊಂದುಲ್ಲೆರ್. ಬಿಜೆಪಿದಕುಲು ಪೂರ ಕಲಾವಿದೆರ್ ಪಂದ್ ಟೀಕೆ ಮಲ್ತೆರ್.
ಸುದ್ದಿಗೋಷ್ಠಿಡ್ ಕೆಪಿಸಿಸಿ ಕೋಆರ್ಡಿನೇಟರ್ ವಸಂತ ಬೆರ್ನಾಡ್, ಹಿಂದುಳಿದ ವರ್ಗ ವಿಭಾಗದ ಪ್ರವೀಣ್ ಬೊಳ್ಳೂರು, ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್, ಮುಲ್ಕಿ ನಗರ ಪಂಚಾಯತ್ ಸದಸ್ಯೆರ್ ಯೋಗೀಶ್ ಕೋಟ್ಯಾನ್ , ಪ್ರಜಾಪ್ರತಿನಿಧಿ ಸಭೆತ್ತ ಅಧ್ಯಕ್ಷೆರ್ ಜನಾರ್ಧನ ಬಂಗೇರ , ಪಕ್ಷದ ವಕ್ತಾರೆರ್, ಮುಲ್ಕಿ ನಗರ ಪಂಚಾಯತ್ ಸದಸ್ಯೆರ್ ಬಾಲಚಂದ್ರ ಕಾಮತ್ ಇತ್ತೆರ್.

Uncategorized ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಗುರು ರಾಘವೇಂದ್ರ ಸ್ವಾಮಿ ಮಠಟ್ ಶ್ರೀರಾಮತಾರಕ ಯಜ್ಞ

Dec 22, 2021

ಕಾರ್ಲ : ಕಾರ್ಲದ ಶ್ರೀ ಗುರು ರಾಗವೇಂದ್ರ ಮಠಟ್ ಲೋಕಕಲ್ಯಾಣಾರ್ಥ ಬೊಕ್ಕ ವಿಪ್ರ ಸಂಘಟನೆಗಾದ್ ಪೇಜಾವರ ವಿಶ್ವೇಶ ತೀರ್ಥರ ಸಂಸ್ಮರಣಾರ್ಥ, ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿಲೆನ ಆಶೀರ್ವಾದಡ್ ಶ್ರೀ ರಾಮತಾರಕ ಜಪ-ಯಜ್ಞ ಐತಾರ ನಡತುಂಡು . ಕಾಂಡೆ 6 ಗಂಟೆಗ್ ತುಡರ್ ಅರ್ಲಾವುನ ಮುಖೇನ ಜಪ ಯಜ್ಞ ಸುರು ಆಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಸರಳವಾದ್ ನಾರಾಯಣ ಗುರುಕ್ಲೆನ ಜಯಂತಿ ಆಚರಣೆ

Aug 23, 2021

ಕುಡ್ಲ : ಕೋವಿಡ್-19 ಸೋಂಕು ನೆಲೆಟ್ಟ್ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಜಯಂತಿನ್ ಆ.23ನೆ ಸೋಮವಾರ ಪೇಂಟೆದ ಜಿಲ್ಲಾಧಿಕಾರಿಲೆನ ಕಚೇರಿಡ್ ಸರಳವಾದ್ ಅಂಚನೇ ಶ್ರದ್ದಾ ಭಕ್ತಿಡ್ ಆಚರಣೆ ಮಲ್ತೆರ್ .

ಸಂಸದೆರಾಯಿನ ನಳೀನ್ ಕುಮಾರ್ ಕಟೀಲ್ ಮೇರ್ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಭಾವಚಿತ್ರಗ್ ಪೂತರ್ಪಣೆ ಮಲ್ತೆರ್ ಗೌರವ , ಈ ಪೊರ್ತುಡು ಪಾತೆರಿನ ಆರ್ , ಶೋಷಿತೆರ್ ಬೊಕ್ಕ ಹಿಂದುಳಿದ ವರ್ಗದಕ್ಲೆನ ಶ್ರೇಯೋಭಿವೃದ್ಧಿಗ್ ನಾರಾಯಣ ಗುರುಕ್ಲೆನ ಹೋರಾಟ ಅವಿರಸ್ಮರಣೀಯವಾಯಿನವು , ಸಾಮಾಜಿಕ, ಶೈಕ್ಷಣಿಕ ಬೊಕ್ಕ ಧಾರ್ಮಿಕ ಪರಿವರ್ತನೆದ ಹರಿಕಾರೆರಾದ್ ಆರ್ ಸಮಾಜದ ಎಡ್ಡೆಪ್ಪುಗಾದ್ ಬೆನ್ನಿ ಬೆಂತೆರ್ . ಆರ್ನ ಆಚಾರ ವಿಚಾರ ಬೊಕ್ಕ ಆದರ್ಶಲೆನ್ ಪಾಲನೆ ಮಲ್ಪೋಡು ಪಂದ್ ಪಂಡೆರ್.

ಒಂಜೇ ಜಾತಿ, ಒಂಜೇ ಧರ್ಮ ಬೊಕ್ಕ ಒಂಜೇ ದೇವೆರ್ ಪನ್ಪಿನ ತತ್ವನ್ ಕೊರಿನ ಮೆರ್ನ ಸಂದೇಶ ಸಮಾಜಗ್ ಮುಟ್ಟುನ ಕಜ್ಜ ಆವೊಡು ಪಂದ್ ಪಂಡೆರ್.

ಶಾಸಕೆರಾಯಿನ ವೇದವ್ಯಾಸ್ ಕಾಮತ್, ಮೂಡ ಗುರ್ಕಾರ್ಲಾಯಿನ ಬೊಕ್ಕ ಕುದ್ರೋಳಿ ಗೋಕರ್ಣನಾಥೇಶ್ವರ ದೇವಸ್ಥಾನದ ಟ್ರಸ್ಟಿ ರವಿಶಂಕರ್ ಮಿಜಾರು, ಮಂಗಳೂರು ಮಹಾನಗರಪಾಲಿಕೆದ ಮೇಯರ್ ಪ್ರೇಮಾನಂದ ಶೆಟ್ಟಿ, ದಿ. ಮೈಸೂರು ಎಲೆಕ್ಟ್ರಿಕಲ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಗುರ್ಕಾರ್ಲಾಯಿನ ಸಂತೋಷ್ ರೈ ಬೋಳಿಯಾರ್, ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ, ಅಪರ ಜಿಲ್ಲಾಧಿಕಾರಿ ಪ್ರಜ್ಞಾ ಅಮ್ಮೆಂಬಳ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಭಾವಚಿತ್ರಗ್ ಪುಷ್ಪ ನಮನ ಮಲ್ತೆರ್ .

ಬೇತೆ ಬೇತೆ ಇಲಾಖೆದ ಅಧಿಕಾರಿಲು , ಬಿರುವೆರೆ ಸಂಘ ಬೊಕ್ಕ ಯುವ ವಾಹಿನಿದ ಪದುಕೆರ್, ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಅನುಯಾಯಿಯಿಲು ಈ ಪೊರ್ತುಡು ಪಾಲ್ ಪಡೆದಿತ್ತೆರ್.ಕನ್ನಡ ಬೊಕ್ಕ ಸಂಸ್ಕøತಿ ಇಲಾಖೆದ ಸಹಾಯಕ ನಿರ್ದೇಶಕ ರಾಜೇಶ್ ಎದುಕೊಂದು ಸೊಲ್ಮೆ ಸಂದೈತ ಮಲ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಬಿರುವೆರ್ನ ಅಸೋಸಿಯೇಷನ್ ವತಿರ್ದ್ ನಾರಾಯಣ ಗುರುಕುಲೆನ ಭಾವಚಿತ್ರಗ್ ಪುಷ್ಪಾರ್ಚನೆ

Aug 23, 2021

ಬೆಂಗ್ಳೂರು : ಬಿಲ್ಲವ ಅಸೋಸಿಯೇಷನ್ ಬೆಂಗ್ಳೂರು ಮೆಕ್ಲೆನ ಅವ್ವೆತೋ ವರ್ಷದ ಪ್ರಯತ್ನರ್ದ್ ಬೃಹತ್ ಬೆಂಗ್ಳೂರು ಮಹಾನಗರ ವ್ಯಾಪ್ತಿದ ಬನ್ನೇರುಘಟ್ಟ ಮಾರ್ಗ ಬೊಕ್ಕ ಜೆ.ಪಿ.ನಗರ ಮುಖ್ಯ ರಸ್ತೆ ಸೇರುನ ಜಂಕ್ಷನ್ ಗ್ ಬ್ರಹ್ಮ ಶ್ರಿ ನಾರಾಯಣ ಗುರುಕ್ಲೆನ ಪುದರ್ ಡ್ ಪುದರ್ ಪಲವೆ 2019 ಟ್ಟ್ ಉದಿಪನ ಆಂಡ್..

ಇನಿ ಇಡೀ ಜಗತ್ತ್ ಗ್ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ 167ನೇ ಜಯಂತಿ ಆಚರಣೆದ ಶುಭದಿನಟ್ ಈ ಜಂಕ್ಷನ್ ಡ್ ಪುದರ್ ಪಲವೇದ ದುಂಬುಡು ಕಾಂಡೆ 7.30ಕ್ ಸರಿಯಾದ್ ಗುರಕ್ಲೆನ ಭಾವಚಿತ್ರ ಸಮೇತ ಪುಷ್ಪಾರ್ಚನೆನ್ ಸಂಘದ ಗುರ್ಕಾರ್ಲು ಬೊಕ್ಕ ಪದುಕೆರ್ ನಡಪಾದ್ ಕೊರಿಯೆರ್.