ಕುಡ್ಲ ಒಡಿಪು

ಪಿಯುಸಿ ರಿಸಲ್ಟ್ ಪ್ರಕಟ| ಕುಡ್ಲ ಒಡಿಪು ಟಾಪರ್ ಅಧಿಕೃತವಾದ್ ರಿಸಲ್ಟ್ ಘೋಷಣೆ ಮಲ್ತಿನ ಪ್ರಾಥಮಿಕ ಬೊಕ್ಕ ಫ್ರೌಡ ಶಾಲಾ ಶಿಕ್ಷಣ ಸಚಿವ ಬಿ.ಸಿ ನಾಗೇಶ್

Jun 18, 2022

ಪಿಯುಸಿ ರಿಸಲ್ಟ್ ಪ್ರಕಟ| ಕುಡ್ಲ ಒಡಿಪು ಟಾಪರ್ ಅಧಿಕೃತವಾದ್ ರಿಸಲ್ಟ್ ಘೋಷಣೆ ಮಲ್ತಿನ ಪ್ರಾಥಮಿಕ ಬೊಕ್ಕ ಫ್ರೌಡ ಶಾಲಾ ಶಿಕ್ಷಣ ಸಚಿವ ಬಿ.ಸಿ ನಾಗೇಶ್

ಕುಡ್ಲ : ದ್ವಿತೀಯ ಪಿಯುಸಿ ಫಲಿತಾಂಶ ಪ್ರಕಟ ಆತುಂಡು , ಈ ಸಲ ಶೇ. 61.88 ದಾತ್ ಕಲ್ಪಾರ್ಥಿಲು ಪಾಸ್ ಆತೆರ್ . ಏಪದಲಕ ಈ ಸಲಲ ಪೊಣ್ಣುಲೆ ಮೇಲುಗೈ ಸಾಧನೆ ಮಲ್ದೆ .

ಪ್ರಾಥಮಿಕ ಬೊಕ್ಕ ಫ್ರೌಡ ಶಾಲಾ ಶಿಕ್ಷಣ ಸಚಿವ ಬಿ.ಸಿ ನಾಗೇಶ್ ಬೆಂಗ್ಳೂರುಡು ಸುದ್ದಿಗೋಷ್ಠಿಡ್ ಫಲಿತಾಂಶ ಪ್ರಕಟ ಮಲ್ತ್ ವಿವರಣೆ ಕೊರಿಯೆರ್.

ಕಲ್ಪಾರ್ತಿಲು ಪದವಿ ಪೂರ್ವ ಶಿಕ್ಷಣ ಇಲಾಖೆದ ಅಧಿಕೃತ ವೆಬ್‌ ಸೈಟ್‌ www.karresults.nic.in ಡ್ ರಿಸಲ್ಟ್ ತೂವೊಲಿ

Uncategorized ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಶ್ರೀ ವಿಕಾಸ ವಾಹಿನಿ ಘಟ ಸಮಿತಿ ಕೋಡಿಕಲ್ :ಶ್ರೀ ಗುರುವಂದನೆ, ಶ್ರೀ ಹನುಮಾನ್ ಚಾಲೀಸಾ ಪಠಣ, ಸಾಧಕೆರೆಗ್ ಮಾನಾದಿಗೆ ಮಲ್ಪುನ ಲೇಸ್

Dec 21, 2021

ಕುಡ್ಲ : ಒಡಿಯೂರು ಶ್ರೀಲೆನ ಷಷ್ಯಬ್ಧ ಸಂಭ್ರಮ ಜ್ಞಾನವಾಹಿನಿ ಒಡಿಯೂರು ಶ್ರೀ ಚ್ಯಾರಿಟೇಬಲ್ ಟ್ರಸ್ಟ್ (ರಿ .) ಸಂಚಾಲಿತ ಒಡಿಯೂರು ಶ್ರೀ ಗ್ರಾಮ ವಿಕಾಸ ಯೋಜನೆ ಒಡಿಯೂರು ಶ್ರೀ ವಿಕಾಸ ವಾಹಿನಿ ಘಟ ಸಮಿತಿ ಉರ್ವ ಕೋಡಿಕಲ್ ಕುಡ್ಲ ಮೆಕ್ಲೆನ ಒಟ್ಟು ಸೇರಿಗೆಡ್ ಇನಿ ಕುಡ್ಲದ ಉರ್ವ ಮಾರಿಯಮ್ಮ ದೇವಲ್ಯೊದ ಎದುರು ಉಪ್ಪುನ ರಂಗ ಚಾವಡಿಡ್ ಶ್ರೀ ಗುರುವಂದನೆ, ಶ್ರೀ ಹನುಮಾನ್ ಚಾಲೀಸಾ ಪಠಣ ಬೊಕ್ಕ ಸಾಧಕೆರೆಗ್ ಅಂಚನೆ ಸಂಘದ ಪೆರಿಯಾಕ್ಲೆಗ್ ಮಾನದಿಗೆ ಮಲ್ಪುನ ಕಜ್ಜ ನಡತುಂಡು.

ಈ ಪೊರ್ಲ ಲೇಸ್ ಡ್ ದಿವ್ಯ ಉಪಸ್ಥಿತಿ ಬೊಕ್ಕ ಆಶೀರ್ವಚನ ಪಾತೆರನ್ ಶ್ರೀ ಗುರುದೇವದತ್ತ ಸಂಸ್ಥಾನಮ್, ಒಡಿಯೂರುದ ಪರಮಪೂಜ್ಯ ಶ್ರೀ ಶ್ರೀ ಗುರುದೇವಾನಂದ ಸ್ವಾಮೀಜಿ ಬಾರಿ ಅರ್ಥ ಬದ್ಧವಾದ್ ಆಶೀರ್ವಚನ ಕೊರಿಯೆರ್.ಅಂಚನೆ ಗುರುದೇವದತ್ತ ಸಂಸ್ಥಾನಮ್, ಒಡಿಯೂರುದ ಶ್ರೀ ಶ್ರೀ ಮಾತಾನಂದಮಯಿ ಅಮ್ಮ ಚಾಲೀಸ್‌ ಪಠಣ ಮಲ್ತ್ ಆಶೀರ್ವಚನ ಕೊರಿಯೆರ್.

ಮಲ್ಲ ಬಿನ್ನೆರ್ ಆದ್ ಒಡಿಯೂರು ಶ್ರೀ ವಿವಿಧೋದ್ದೇಶ ಸೌಹಾರ್ದ ಸಹಕಾರಿ ನಿಯಮಿತದ ಗುರ್ಕಾರ್ಲಾಯಿನ
ಶ್ರೀ ಸುರೇಶ್ ರೈ,ಉರ್ವ ಕುಡ್ಲ ನಗರ ಪಾಲಿಕಾ ಸದಸ್ಯೆರಾಯಿನ ಶ್ರೀ ಗಣೇಶ್ ಕುಲಾಲ್, ನಿವೃತ್ತ ಪ್ರಾಧ್ಯಾಪಕೆರಾಯಿನ ಶ್ರೀಮತಿ ಕೆ.ಎ, ರೋಹಿಣಿ, ಯೋಗ ಶಿಕ್ಷಕಿಯಾಯಿನ ಶ್ರೀಮತಿ ಕಲಾವತಿ ಪದ್ಮನಾಭ,ನಿವೃತ್ತ ಸಿವಿಲ್ ಇಂಜಿನಿಯರ್ ಆಯಿನ ಶ್ರೀ ಜಗದೀಶ್ ಶೆಟ್ಟಿ,ಒಡಿಯೂರು ಶ್ರೀಲೆನ ಷಷ್ಟಬ್ಬ ಸಂಭ್ರಮ ಕೇಂದ್ರ ಸಮಿತಿ ಕಾರ್ಯಂತೆರಾಯಿನ ಶ್ರೀ ಯಶವಂತ ವಿಟ್ಲ,ಒಡಿಯೂರು ಶ್ರೀ ಗ್ರಾಮವಿಕಾಸ ಯೋಜನೆ ಕುಡ್ಲದ ಯೋಜನಾ ನಿರ್ದೇಶಕೆರ್ ಆಯಿನ ಕಿರಣ್ ಉರ್ವ ,ಈ ಪೊರ್ಲ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಇಂದುವೆ ಪೊರ್ತುಡು ಸಾಧಕೆರೆಗ್ ಮಾನದಿಗೆ ಮಲ್ಪುನ ಕಜ್ಜ ಬೊಕ್ಕ 60 ವರ್ಷ ಮಿತ್ತ್ ದ ಪೆರಿಯಾಕ್ಲೆಗ್ ಶಾಲ್ ಪಾರ್ದ್ ಫಲಮಂತ್ರಾಕ್ಷತೆ
ಕೊರಿಯೆರ್.

ಇಂದುವೆ ಪೊರ್ತುಡು ಒಡಿಯೂರು ಶ್ರೀ ವಿಕಾಸ ವಾಹಿನಿ ಘಟ ಸಮಿತಿದ ಪರವಾದ್ ಒಡಿಯೂರುದ ಗೋ ಶಾಲೆಗ್ ಪಣವುದ ಸಾಕಾರ ಕೊರಿಯೆರ್.ಲೇಸ್ ಡ್ ಸ್ವಾಗತ ಭಾಷಣನ್ ಘಟಕದ ಸಂಯೋಜಕಿಯಾಯಿನ ಶ್ರೀಮತಿ ಸುಮತಿ ಮೇರ್ ಮಲ್ತೆರ್ ಅಂಚನೆ ಒಡಿಯೂರು ಶ್ರೀಲೆನ ಷಷ್ಟಬ್ಬ ಸಂಭ್ರಮ ಕೇಂದ್ರ ಸಮಿತಿ ಕಾರ್ಯಂತೆರಾಯಿನ ಶ್ರೀ ಯಶವಂತ ವಿಟ್ಲ,ಮೇರ್ ಪ್ರಸ್ತಾವಿಕ ನುಡಿ ಪಂಡೆರ್. ಶ್ರೀಮತಿ ಪ್ರಭಾವತಿ ಮೇರ್ ಸಾಧಕೆರೆನ ಪಟ್ಟಿ ಪ್ರಕಟ ಮಲ್ತೆರ್, ಕುಮಾರಿ ಶ್ರೀನಿಧಿ ಶೆಟ್ಟಿ ಲೇಸ್ ನಡಪಾದ್ ಕೊರಿಯೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಆ.23 ರ್ದ್ ಶಾಲೆ ಸುರು : ಮಾರ್ಗಸೂಚಿ ಬುಡುಗಡೆ

Aug 18, 2021

ಬೆಂಗ್ಳೂರು : ಆಗಸ್ಟ್ 23ರ್ದ್ ರಾಜ್ಯಡ್ ಸರ್ಕಾರಿ, ಅನುದಾನಿತ ಬೊಕ್ಕ ಅನುದಾನ ರಹಿತ ಪ್ರೌಡ ಶಾಲೆದ 9 ಬೊಕ್ಕ 10ನೇ ತರಗತಿ ಜೋಕ್ಲೆಗ್ ಶಾಲೆನ್ ಪೂರ್ಣ ಪ್ರಮಾಣಡ್ ಸುರು ಮಲ್ತ್, ಬೋಧನಾ ತರಗತಿಲೆನ್ ನಡಪಾದ್ , ಮಾರ್ಗಸೂಚಿ ಕ್ರಮನ್ ಬುಡುಗಡೆ ಮಲ್ದೆರ್ .

ಈ ಬಗ್ಗೆ ಸಾರ್ವಜನಿಕ ಶಿಕ್ಷಣ ಇಲಾಖೆದ ಆಯುಕ್ತೆರ್ ಮಾರ್ಗಸೂಚಿ ಬುಡುಗಡೆ ಮಲ್ದೆರ್ , 2021-22ನೇ ಶೈಕ್ಷಣಿಕ ವರ್ಷದ ಶಾಲೆ ಸುರು ಮಲ್ಪುನ ಬಗ್ಗೆ ಮುಖ್ಯಮಂತ್ರಿಲೆನ ಗುರ್ಕಾರ್ಮೆಡ್ ಆರೋಗ್ಯ ಇಲಾಖೆದ ಕೋವಿಡ್ ತಾಂತ್ರಿಕ ಸಲಹಾ ಸಮಿತಿದ ಸದಸ್ಯೆರ್ ಬೊಕ್ಕ ಬೇತೆ ಬೇತೆ ಇಲಾಖೆದ ಪೆರಿಯ ಅಧಿಕಾರಿಲೆನ ಸಭೆಟ್ ಚರ್ಚೆ ಮಲ್ತ್ , ಆ.23 ರ್ದ್ ರಾಜ್ಯಡ್ ಕೋವಿಡ್-19 ದ ಸೋಂಕುದ ಪ್ರಮಾಣ ಶೇ.2ರ್ದ್ ಕಮ್ಮಿ ಉಪ್ಪುನ ಜಿಲ್ಲೆಡ್ 9ನೇ ಬೊಕ್ಕ 10ನೇ ತರಗತಿಲೆನ್ ಸುರು ಮಲ್ಪರೆ ಮಾತಾ ಕರ್ನಾಟಕ ರಾಜ್ಯ ಸರ್ಕಾರದ ಸರ್ಕಾರಿ, ಅನುದಾನಿತ ಬೊಕ್ಕ ಅನುದಾನ ರಹಿತ ಶಾಲೆನ್ ಸುರು ಮಲ್ಪರೆ ನಿರ್ಧಾರ ಮಲ್ದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಜೋಕುಲೆ ಚಾವಡಿ | Children's Corner ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಒಂಜೇ ಕುಟುಂಬದ ರಡ್ಡ್ ಕಲಾ ಪ್ರತಿಭೆಲು

Mar 21, 2021

ಇಂಡಿಯನ್ ಬುಕ್ ಆಫ್ ರೆಕಾರ್ಡ್ ಮಲ್ದಿನ ಹವೀಶ್ ಆರ್ ಪೂಜಾರಿ ಬೊಕ್ಕ ಐಶ್ವರ್ಯ ಆರ್‌ ಪೂಜಾರಿ… ರಡ್ಡ್ ಜನಲ ಬಹುಮುಖ ಪ್ರತಿಭೆಲು.ಜೋಕುಲು ಒವ್ವು ಆಂಡಲಾ ಒಂಜಿ ಕ್ಷೇತ್ರಡ್ ಸಾಧನೆ ಮಲ್ಪೊಡು ಪನ್ಪಿನ ಪ್ರತಿಯೊರಿ ಅಪ್ಪೆ ಅಮ್ಮೆರ್ನ ಕನ ಆದುಪ್ಪುoಡು… ಐತ ಪ್ರಕಾರ ಆ ಕನತ ಬೆರಿ ಬುಡoದೆ ಪಿದಾಡಿನಕುಲು ಕುಡ್ಲದ ಪಡೀಲ್ಡ್ ಉಪ್ಪುನ ರಾಜೇಶ್ ಪೂಜಾರಿ ಬೊಕ್ಕ ಶ್ರೀಮತಿ ನಿರ್ಮಾಲ ಪೂಜಾರಿಲು.

ಪ್ರತಿಭೆ ಪನ್ಪಿನವು ಪ್ರತಿ ಬಾಲೆಡ್ ಲಾ ಉಪ್ಪುನು ಸಹಜ ಅಕ್ಲೆನ ಆಸೆ ಅಭಿರುಚಿನ್ ಅರ್ಥ ಮಲ್ತೊಂದು ಸರಿಯಾಯಿನ ಮಾರ್ಗದರ್ಶನ ಕೊರ್ದು ಅಕ್ಲೆಗ್ ಅವಕಾಶ ಕೊರ್ನ್ಡ ಆ ಜೋಕುಲು ಅದ್ಭುತ ಸಾಧನೆ ಮಲ್ಪರೆ ಅನುಕೂಲ ಆಪುಂಡು.
ಅಂಚಿನ ವಿಶಿಷ್ಟ ಸಾಧನೆ ಈ ರಡ್ಡ್ ಜೋಕುಲು ಮಲ್ದ.

“ಕಾರ್ದ ಬಿರೆಲ್ ಡ್ ನೃತ್ಯ ಮಲ್ತ್ ದ್ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ಡ್ ದಾಖಲಾತಿನ ಐಶ್ವರ್ಯ ಆರ್‌ ಪೂಜಾರಿ ಅಂಚನೇ “Malti talented activities.”ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಸ್ಡ್ ದಾಖಲಾತಿನ ಹವೀಶ್ ಆರ್ ಪೂಜಾರಿ.

ಐಶ್ವರ್ಯ ತನ್ನ ಏಳ್ ವರ್ಷ 11 ತಿಂಗೊಲ್ ದ ಪ್ರಾಯಡೆ ನಿರಂತರ ಐನ್ ನಿಮಿಷ ಬಿರೆಲ್ ಡೇ ನೃತ್ಯ ಮಲ್ತ್ ದ್ ಬುಕ್ ಆಫ್ ರೆಕಾರ್ಡ್ಸ್ ಡ್ ದಾಖಲಾಗಿತಿನವು ಪೆರ್ಮೆದ ಇಚಾರ.ದುಂಬೇ ಪಂಡಿಲಕ ಇಂಚಿನ ವಿಶಿಷ್ಟ ಬೊಕ್ಕ ವಿಭಿನ್ನ ನೃತ್ಯ ಪ್ರಯೋಗಡ್ ಪೋಷಕೆರ್ನ ಪ್ರೋತ್ಸಾಹ ಮಸ್ತ್ ಉಂಡು. ಎಲ್ಯ ಪ್ರಾಯರ್ದೆ ನೃತ್ಯಡ್ ವಿಶೇಷ ಆಸಕ್ತಿ ಇಪ್ಪುನೆನ್ ತೂದು ಗರೋಡಿ ಶಾಖೆದ ಸೌರಭ ಕಲಾ ಪರಿಷತ್ತ್ ಡ್ ಗುರುಕುಲಾಯಿನ ಡಾ..ಶ್ರೀ ವಿದ್ಯಾ ಮುರಳೀಧರ ಮೆರೆಡ ಭರತನಾಟ್ಯ ತರಬೇತಿ ಗ್ ಸೇರಯರ್. ಮೂಜರೆ ವರ್ಷರ್ದ್ ನೃತ್ಯನ್ ಅಭ್ಯಾಸ ಮಲ್ತೊಂದು ಐಕ್ ಒಗ್ಗೊನ್ದು ಪೋತಿನ ಕಲಾವಿದೆ ಮೊಲು… ಸಂಗೀತಡ್ ಲಾ ವಿಶೇಷ ಆಸಕ್ತಿ ಉಪ್ಪುನ ಬಾಲೆ ಕುಡ್ಲದ ಕುಲಶೇಖರ ಸೇಕ್ರೆಡ್ ಹಾರ್ಟ್ ಸ್ಕೂಲ್ ಡ್ ರಡ್ಡನೇ ತರಗತಿಡ್ ಕಲ್ತೊಂದು ಉಲ್ಲಲ್.ಅಂಚನೇ ಇತ್ತೆ ಯಕ್ಷಗಾನ ಕ್ಷೇತ್ರಗ್ ಲಾ ಪಜ್ಜೆ ದೀತಲ್.ಹವೀಶ್ ಆರ್ ಪೂಜಾರಿ ಐಶ್ವರ್ಯಗ್ ಅಣ್ಣ. ಸಂಗೀತ ಕ್ಷೇತ್ರಡ್ ಬಾರಿ ಆಸಕ್ತಿ ಉಂಡು.

ಸಂಗೀತ ಗುರುಕುಲಾಯಿನ ರೇಖಾ ದಿನೇಶ್ ಮಂಜೇಶ್ವರ ಮೆರೆಡ ಸಂಗೀತಾಭ್ಯಾಸನ್ ಮಲ್ತೊಂದು ಉಲ್ಲೆ.. ಮೂಜರೆ ವರ್ಷ ಪ್ರಾಯಡೆ ವೇದಿಕೆ ಮಿತ್ತರ್ದ್ ತನ್ನ ಪ್ರತಿಭೆ ಪ್ರದರ್ಶನ ಮಲ್ತಿನಾಯೇ.

ಕರಾಟೆ , ಯಕ್ಷಗಾನ , ಸಂಗೀತ , ಇಂಚ ಬಹುಮುಖ ಪ್ರತಿಭೆಯಾದ್ ತನನ್ ತಾನ್ ತೊಡಗಿಸಾವೊಂದು ಉಪ್ಪುನ ಪ್ರತಿಭಾನ್ವಿತ ಪ್ರತಿಭೆ..

ಕರಾಟೆಡ್ ತರಬೇತಿ ಪಡೆಯೊಂದು ಅವ್ವೆತೋ ಪಂಥ ಡ್ ಪಾಲ್ ಪಡೆದ್ ಪದಕ ಗೆಂದ್ದೆರ್ … ಯಕ್ಷಗಾನ ಕಲಾವಿದೆರಾಯಿನ ಜ್ಞಾನೇಂದ್ರ ತೀರ್ಥ ಮೆರೆನ ಗರಡಿಡ್ ಯಕ್ಷಗಾನ ಕಲ್ತೊಂದು , ಇತ್ತೆ ಗೆಜ್ಜೆ ಕಟ್ಟ್ ದ್ ಅವ್ವೆತೋ ಪಾತ್ರಲೆನ್ ಮಲ್ತ್ ದ್ ಪ್ರೇಕ್ಷಕೆರ್ನ ಮೆಚ್ಚುಗೆಗ್ ಪಾತ್ರ ಆತೆರ್.

ಛದ್ಮ ವೇಷ, ಆಟೋಟ ಸ್ಪರ್ಧೆ ಡ್ಯಾನ್ ಇಂಚ ಮಾತೆಟ್ಲಾ ಅಭಿರುಚಿನ್ ಹೊಂದಿನ ಈ ಬಾಲೆ ಕುಡ್ಲ ಕುಲಶೇಖರ ಸೇಕ್ರೆಡ್ ಹಾರ್ಟ್ ಶಾಲೆಡ್ ನಾಲನೇ ತರಗತಿಡ್ ಕಲ್ತೊಂದು ಉಲ್ಲೆ. ಕಲಿಕೆಡ್ಲಾ ದುಂಬು ಉಪ್ಪುನ ಮಾತಾ ಚಟುವಟಿಕೆಡ್ ಲಾ ಸೈ ಎನ್ನ್ದೆರ್. ಬಹುಮುಖ ಪ್ರತಿಭೆಯಾದ್ ಇಂಡಿಯನ್ ಬುಕ್ ಆಫ್
ರೆಕಾರ್ಡ್ಸ್ಡ್ ದಾಖಲಾತುಂಡು …

ಇಂಚ ಒಂಜೇ ಕುಟುಂಬದ ರಡ್ಡ್ ಪ್ರತಿಭೆಲು ತನ್ನ ಎಲ್ಯ ಪ್ರಾಯಡೆ ವಿಶೇಷ ಸಾಧನೆನ್ ಮಲ್ತೊಂದು ಅವ್ವೆತೋ ಪ್ರಶಸ್ತಿಲೆನ್ ತನ್ನ ಮುಡಿಕೇರಾದೆರ್ .. ರೆಹಮಾನ್ ಕುಂಜತ್ ಬೈಲ್ ಸಾರಥ್ಯಡ್ ನಡಪುನ ರಂಗ ಸ್ವರೂಪದ ಬೇಸಿಗೆ ಶಿಬಿರಡ್ ಪಾಲ್ ಪಡೆಯೊಂದು ಬುಲೆಯಿನ ಮೇರ್ ತನ್ನ ಅಪ್ಪೆ ಅಮ್ಮೆರ್ನ ಪ್ರೋತ್ಸಾಹಡ್ ನನಾತ್ ಸಾಧನೆದ ಗುರಿ ಮುಟ್ಟರೆ ದೇವೆರ್ ಕರುಣಿಸಾವಡ್ ನಿಕ್ಲೆನ ಪ್ರತಿಭೆ ನನಾತ್ ಎತ್ತರಗ್ ಬುಲೆಯಡ್ ಪಂದ್ ಟೈಮ್ಸ್ ಆಫ್ ಕುಡ್ಲ ಪತ್ರಿಕೆದ ಆಶಯ.