ಸಾಹಿತ್ಯ ಅಕಾಡೆಮಿ

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಲುನಾಡ್ ( ರಿ. ) ಕುಡ್ಲ ಎಗ್ಗೆ ಒಟ್ಟು ಸೇರಿಗೆಡ್ ಧರ್ಮಾರ್ಥ ” ಬಲೆ ತುಲು ಲಿಪಿ ಕಲ್ಪುಗ” ಕಜ್ಜ ಕೊಟ್ಯದ ಉದಿಪನ ಲೇಸ್

ಕುಡ್ಲ: ಬಂಗ್ರ ಕೂಳೂರ್ 16ನೇ ವಾರ್ಡ್ ಮೊಕ್ಲೆನ ಮುತಾಲಿಕೆಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ ಜೈ ತುಲುನಾಡ್ ( ರಿ. ) ಕುಡ್ಲ ಎಗ್ಗೆ ಒಟ್ಟು ಸೇರಿಗೆಡ್ ಧರ್ಮಾರ್ಥ ” ಬಲೆ ತುಲು ಲಿಪಿ ಕಲ್ಪುಗ” ಕಜ್ಜ ಕೊಟ್ಯದ ಉದಿಪನ ಲೇಸ್ ಕೋಡಿಕಲ್‌ದ SNDP ಮಂದಿರಡ್ 13/2/22ನೇ ಐತಾರದಾನಿ ನಡತ್ಂಡ್.

ಬಂಗ್ರ ಕೂಳೂರ್ 16ನೇ ವಾರ್ಡ್‌ದ ಕಾರ್ಪೊರೇಟರ್ ಬೊಕ್ಕ ಮ. ನ. ಪಾ ಸದಸ್ಯೆರ್ ಆಯಿನ ಶ್ರೀ ಕಿರಣ್ ಕುಮಾರ್ ಕೋಡಿಕಲ್ ಮೆರೆನ ಗುರ್ಕಾರ್ಮೆಡ್ ನಡತಿನ ಈ ಲೇಸ್‌ನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾಲಾಯಿನ ದಯಾನಂದ ಜಿ ಕತ್ತಲ್‌ಸಾರ್ ತುಡರ್ ಅರ್ಲಾದ್ ಉದಿಪನ ಮಲ್ತ್‌ದ್, ತುಲು ಲಿಪಿಟ್ ಬರೆಪಿನ ಮುಕೇನ ಕಜ್ಯ ಕೊಟ್ಯಗ್ ಚಾಲನೆ ಕೊರ್ಯೆರ್.

ಲೇಸ್‌ದ ಬಗೆಟ್ ಪಾತೆರ್‌ನ ದಯಾನಂದ್ ಜಿ ಕತ್ತಲ್‌ಸಾರ್ ಶ್ರೇಷ್ಠ ಸಮಾಜ ಸುಧಾರಕೆರ್ ಮಾರ್ಗದರ್ಶಿಲು ಪೂಜ್ಯೆರ್ ಆಯಿನ ನಾರಾಯಣ ಗುರುಕುಲೆನ ಮಟ್ಟೆಲ್ಡ್ ಅವುಲಾ ಈತ್ ನೊಟ್ಟ ತುಲುನಾಡ್ದ ಒವ್ವೆ ಜನಪ್ರತಿನಿಧಿನಕುಲು ಮಲ್ಪಂದಿನ ಬೇಲೆನ್ 16ನೇ ವಾರ್ಡ್ದ್ ಪ್ರತಿನಿಧಿ ಮಲ್ತೊಂದುಪ್ಪುನ ಬಾರಿ ವಿಶೇಷ ಪಂದ್ ಕುಸಿನ್ ಪಟ್ಟಿಯೆರ್. ಅಂಚೆನೇ ನಮ್ಮ ತುಲುನಾಡ್ದ ಸಂಸ್ಕೃತಿ ಒರಿಯೊಡಾಂಡ ಬಾಸೆ ಬುಲೆಯೊಡು ಐತ ಒಟ್ಟುಗು ಲಿಪಿನ್‌ಲಾ ಮಾತೆರ್ಲಾ ಕಲ್ಪೊಡು ಪಂಡೆರ್. ಆಯಿನಾತ್ ಮಾತೆರ್ಲಾ ಇಲ್ಲದ ಬೊಕ ಕಛೇರಿದ ವಿಳಾಸ ಬರೆನಗ ಅಕೇರಿಡ್ ತುಲುನಾಡ್ ಸೇರಿಸಾಲೆ ಪಂದು ಲೆಪ್ಪು ಕೊರಿಯೆರ್.

ಬಾರಿ ಪುಗಾರ್ತೆದ ನಿರೂಪಕೆರಾಯಿನ ನವೀನ್ ಶೆಟ್ಟಿ ಎಡ್ಮೆಮಾರ್ ಪಾತೆರ್ದ್ ನಮ ಅವೆತೋ ತುಲು ಶಬ್ದೊಲೆನ್ ಮದತ್‌ದ್ ಬುಡ್‌ತ ಅವೆನ್ ಪೂರ ಕುಡೊರ ಕಲ್ತ್‌ದ್ ಗಲಸ್‌ಗ ಪಂಡೆರ್.

ಜೈ ತುಲುನಾಡ್‌‌ ಸಂಘಟನೆದ ದುಂಬುದ ಗುರ್ಕಾಲಾಯಿನ ಸುದರ್ಶನ್ ಸುರತ್ಕಲ್ ಪಾತೆರ್ದ್ ನಮ್ಮ ಅಪ್ಪೆ ಬಾಸೆ ಒರಿಯೊಡಾಂಡ ಐಕ್ ನನೊರಿ ದಾದ ಮಲ್ಪುವೆ ಪಂದ್ ಕಾಪುನು ಆತ್ತ್ ನಮಡ್ದ್ ದಾದ ಮಲ್ಪರೆ ಆಪುಂಡು ಅವೆನ್ ನಮ ಮಲ್ಪುಗ ಪಂದ್ ಲೆಪ್ಪು ಕೊರಿಯೆರ್.

ಕಿರಣ್ ಕುಮಾರ್ ಕೋಡಿಕಲ್ ಮೇರ್ ಪಾತೆರ್ದ್ ಸಮಾಜ ಸೇವೆ ಮಲ್ಪುನ ಎಂಕ್ಲೆಗ್ ಇಲ್ಲಡ್ದೇ ಬೈದಿನ ಪಾಠ, ತುಲು ಬಾಸೆ ಲಿಪಿ ಸಂಸ್ಕೃತಿದ ಬುಲೆಚ್ಚಿಲ್ ಗ್ ಎನಡ್ದ್ ಆಪಿನ ಪೂರ ಸಕಾಯನ್ ಕೊರ್ಪೆ ಪಂಡೆರ್.ಲೇಸ್‌ಡ್ ಮಾನಾದಿಗೆದ ಬಿನ್ನೆರಾದ್ ಸುಧೀಕ್ಷಾ ಕಿರಣ್ MA (ತುಳು) ಕೋಶಾಧಿಕಾರಿ ಅಖಿಲ ಭಾರತೀಯ ಸಾಹಿತ್ಯ ಪರಿಷತ್ ಕುಡ್ಲ ಮೇರ್ ಪಾಲ್ ಪಡೆದಿತ್ತೆರ್. ಅಶ್ವಥ್ ತುಲುವೆ (ಜೈ ತುಲುನಾಡ್ ಸಂಘಟನೆದ ದುಂಬುದ ಗುರ್ಕಾಲು) ಬೊಕ್ಕ SNDP ಮಂದಿರದ ಗುರ್ಕಾರೆ ಆಯಿನ ಪುರುಷೋತ್ತಮ ಪೂಜಾರಿ ಮಾನಾದಿಗೆದ ಒತ್ತು ಪಾಲ್ ಬಿನ್ನೆರಾದ್ ಪಾಲ್ ಪಡೆದಿತ್ತೆರ್.

ಬಂಗ್ರ ಕೂಳೂರ್ 16ನೇ ವಾರ್ಡ್ ದ ಸರ್ವ ಕಾರ್ಯಕರ್ತೆರ್, ಜೈ ತುಲುನಾಡ್ (ರಿ.) ಪದುಕೆರ್ ,ತುಲು ಲಿಪಿ ಕಲ್ಪಾದಿ ಗೀತಾ ಲಕ್ಷ್ಮೀಶ್ ಲೇಸ್ಡ್ ಪಾಲ್ ಪಡೆದಿತ್ತೆರ್. ಜೈ ತುಲುನಾಡ್ ಸಂಘಟನೆದ ಸ್ಥಾಪಕ ಸದಸ್ಯೆ ಆಯಿನ ಅವಿನಾಶ್ ಮುಕ್ಕ ಲೇಸ್ ಸುದಾರಿಕೆ ಮಲ್ತ್‌ದ್ ಕೊರಿಯೆರ್.ನನ ಐನ್ ಐತಾರ ಕಾಂಡೆ10 ರ್ದ್ 12 ಗಂಟೆ ಮುಟ ತುಲು ಲಿಪಿ ಕಲ್ಪಾವುನ ಕಜ್ಜ ನಡಪರೆ ಉಂಡು ಮಾತೆರ್ಲಾ ಆಯಿನಾತ್ ಸಂಕ್ಯೆಡ್ ಪಾಲ್ ಪಡೆಯೊಡು ಪಂದು ಪತ್ರಿಕಾ ಪ್ರಕಟನೆಡ್ ತೆರಿಪಾದೆರ್.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ, ‘ಯಕ್ಷ ಬೊಳ್ಳಿ ಅಭಿಮಾನಿ ಬಳಗ ಒಟ್ಟು ಸೇರಿಗೆಡ್ “ತುಳು ಯಕ್ಷ ಜಾತ್ರೆ “.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಬೊಕ್ಕ, ‘ಯಕ್ಷ ಬೊಳ್ಳಿ ಅಭಿಮಾನಿ ಬಳಗ ಒಟ್ಟು ಸೇರಿಗೆಡ್ “ತುಳು ಯಕ್ಷ ಜಾತ್ರೆ “(ಉಂದು ತುಳುವಪ್ಪೆನ ಯಕ್ ತೇರ್ )22-11-2020, ಐತಾರ ರ್ದ್ 29-11-2020 ಐತಾರ ಮುಟ್ಟ, ಮಧ್ಯಾಹ್ನ 2.30 ಗಂಟೆಗ್ ಕುಡ್ಲದ ‘ಸಿರಿ ಚಾವಡಿ’ ತುಳು ಭವನ, ಉರ್ವಸ್ಟೋರ್, ಮೂಲು ನಡಪರೆ ಉಂಡು.

ಸೀದಾಪ್ರಸಾಗು www.Youtube.com / Daijiworld facebook.com

22-11-2020 ಐತಾರ ಮದ್ಯಾನ 2 ಗಂಟೆಗ್ ಯಕ್ಷರಂಗ ಬೆಳ್ಳಾರೆ ಪ್ರಸಂಗ: ರಾಣಿ ಶಶಿಪ್ರಭೆ ಸಂಯೋಜನೆ-ನಿರ್ದೇಶನ: ವಾಸುದೇವ ರೈ ಬೆಳ್ಳಾರೆ

23-11-2020 ಸೋಮಾರ ಮದ್ಯಾನ 2 ಗಂಟೆಗ್ ಶ್ರೀ ದುರ್ಗಾಪರಮೇಶ್ವರಿ ಯಕ್ಷಮಿತ್ರ ಬಳಗ ಪದವು ಪ್ರಸಂಗ: ಬೂಡುದ ಭಂಡಾರ ಸಂಯೋಜನೆ-ನಿರ್ದೇಶನ: ಸುಬ್ಬು ಸಂಟ್ಯಾರ್

24-11-2020 ಅಂಗಾರೆ ಮದ್ಯಾನ 2 ಗಂಟೆಗ್ ಅಂಬುರಹ ಯಕ್ಷಕಲಾ ಕೇಂದ್ರ ಮಾಲೆಮಾರ್-ಮಂಗಳೂರು ಪ್ರಸಂಗ: ಮಹಿಮೆದ ಬಬ್ಬುಸ್ವಾಮಿ ಸಂಯೋಜನೆ: ಕುಮಾರ್ ಮಾಲೆಮಾರ್, ನಿರ್ದೇಶನ: ವಿಜಿತ್ ಶೆಟ್ಟಿ ಆಕಾಶಭವನ

25-11-2020 ಬುದಾರ ಮದ್ಯಾನ 2 ಗಂಟೆಗ್ ಯಕ್ಷ ಸಂಗಮ ಉಪ್ಪಿನಂಗಡಿ ಪ್ರಸಂಗ: ಸುದರ್ಶನ ವಿಜಯ ಸಂಯೋಜನೆ: ರವೀಶ ಭಟ್ ಉಪ್ಪಿನಂಗಡಿ, ನಿರ್ದೇಶನ: ಸತೀಶ್ ಆಚಾರ್ಯ ಮಾಣಿ

26-11-2020 ಗುರ್ವಾರ ಮದ್ಯಾನ 2 ಗಂಟೆಗ್ ಶ್ರೀ ದುರ್ಗಾಪರಮೇಶ್ವರಿ ಕೃಪಾಶ್ರಿತ ಯಕ್ಷಗಾನ ಕಲಾ ಸಂಪದ ಕೇಶವ ಶಿಶುಮಂದಿರ ಕಿನ್ಯ-ತಲಪಾಡಿ (ಅಭಿನವ ವಾಲ್ಮೀಕಿ ಬೊಟ್ಟಿಕೆರೆ ಪುರುಷೋತ್ತಮ ಪೂಂಜ ವಿರಚಿತ)
ಪ್ರಸಂಗ: ಮಹಿಮೆದ ಬಾಲೆ ಸಿರಿಕೃಷ್ಣ ನಿರ್ದೆಶನ: ಅಶ್ವಥ್ ಕುಲಾಲ್ ಮಂಜನಾಡಿ

27-11-2020 ಸುಕ್ರಾರ ಮದ್ಯಾನ 2 ಗಂಟಗ್ ಶ್ರೀ ಮೂಕಾಂಬಿಕ ಯಕ್ಷಗಾನ ತರಬೇತಿ ಕೇಂದ್ರ -ಮಂಗಳಾದೇವಿ (ಅಭಿನವ ವಾಲ್ಮೀಕಿ ಬೊಟ್ಟಿಕೆರೆ ಪುರುಷೋತ್ತಮ ಪೂಂಜ ವಿರಚಿತ) ಪ್ರಸಂಗ: ಕುಡಿಯನ ಕೊಂಬಿರೆಲ್ ನಿರ್ದೆಶನ: ಜಯಕರ ಪಂಡಿತ್ ಬಜಾಲ್

28-11-2020 ಸನಿಯಾರ ಬಯ್ಯ 6.00 ಗಂಟೆಗ್
ಶ್ರೀ ದೇವಿ ಯಕ್ಷವೃಂದ ಕೋಟೆ ಸೂರಿಂಜೆ ಪ್ರಸಂಗ : ಮಹಿಮೆದ ಅಪ್ಪೆ
ಸಂಯೋಜನೆ : ಪಾರ್ವತಿ ಕೋಟೆ, ನಿರ್ದೆಶನ: ರಾಮಚಂದ್ರ ಸಾಲಿಯಾನ್ ಮುಕ್ಕ.

29- 11-2020 ಐತಾರ ಮಧ್ಯಾಹ್ನ 2 ಗಂಟೆಗ್ ಚಾವಡಿದ ಲೇಸ್ ಬೊಕ್ಕ ಅತಿಥಿ ಕಲಾವಿದೆರ್ನ ಒಟ್ಟು ಸೇರಿಗೆಡ್ ಜಾಂಬವತಿ ಮದ್ಮೆ ಪ್ರಸಂಗ ನಡಪರೆ ಉಂಡು.
ಸಂಯೋಜನೆ : ರಂಗೋದ ಬಿರ್ಸೆ ಪ್ರಶಾಂತ್ ಸಿ.ಕೆ

ಮಾತೆರೆನ್ಲಾ ಮೋಕೆಡ್ ಎದ್ಕೊನುನ.
ದಯಾನಂದ ಜೆ. ಕತ್ತಲ್ಸಾರ್ ಗುರ್ಕಾರ್ಲು, ಕಡಬ ದಿನೇಶ್ ರೈ ಸದಸ್ಯ ಸಂಚಾಲಕೆರ್,ರಾಜೇಶ್ ಜಿ.,ರಿಜಿಸ್ಟಾರ್,ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಕಾಡೆಮಿದ ಸರ್ವ ಸದಸ್ಯೆರ್ ಬೊಕ್ಕ ಯಕ್ಷ ಬೊಳ್ಳಿ ಅಭಿಮಾನಿ ಬಳಗ