ಮಾನಾದಿಗೆ

ಉಡುಪಿ ತುಳುಕೂಟದ ವತಿಡ್ದ್ ಜಯಕರ ಶೆಟ್ಟಿ ಇಂದ್ರಾಳಿಗ್ ಮಾನಾದಿಗೆ

ಒಡಿಪು, ಜುಲೈ 13: ಸಹಕಾರಿ ಕ್ಷೇತ್ರೊಡ್ ಒಂಜಿ ಎಲ್ಯ ಸಿಬ್ಬಂದಿ ಯಾದ್ ಬೇಲೆ ಮಲ್ತೊಂದಿನ ಯಾನ್ ಈತ್ ಮಲ್ಲ ಹುದ್ದೆಗ್ ಬರೊಡುಂದಾಂಡ ಐಕ್ ಎನ್ನ ತುಳುನಾಡುದ ಬಂದುಲೆನ ಸಹಕಾರ ಮಸ್ತುಂಡು..ಮನುಷ್ಯೆ ಪರೋಪಕಾರಿಯಾದ್ ಬದುಕುಂಡ ಮಾತ್ರ ಆಯನ ಬದುಕುಗ್ ನಿಜವಾದ ಅರ್ಥ ಬರ್ಪುಂಡ್.

ಈ ನಿಟ್ಟುಡ್ ಸಮಾಜೊಗ್ ಎನಡ ಆಪಿನ ಸೇವೆನ್ ಮಲ್ಪನವ್ ಎನ್ನ ಭಾಗ್ಯ ಪಂಡುದ್ ಇಂದ್ರಾಳಿ ಜಯಕರ ಶೆಟ್ಟಿ ಪಂಡೆರ್.

ಕರ್ನಾಟಕ ರಾಜ್ಯ ಸಹಕಾರಿ ಮಂಡಳಿದ ಅಧ್ಯಕ್ಷೆರಾದ್ ಆಯ್ಕೆ ಆಯಿನ ಮೆರೆಗ್ ತುಳುಕೂಟ ಉಡುಪಿದ ವತಿಡ್ದ್ ಮಾನಾದಿಗೆ ನಡತುಂಡ್..ಕಾರ್ಯಕ್ರಮೊಡ್ ಉಡುಪಿ ಡೆವಲಪರ್ಸ್ ದ ಮಾಲಕೆರಾಯಿನ ಪುರುಷೋತ್ತಮ ಶೆಟ್ಟಿ,ಹಿರಿಯ ವಕೀಲೆರಾಯಿನ ಶಾಂತಾರಾಮ್ ಶೆಟ್ಟಿ, ಉದ್ಯಮಿ ವಿಶ್ವನಾಥ ಶೆಣೈ, ಲಯನ್ಸ್ ದ ಗವರ್ನರ್ ವಿಶ್ವನಾಥ ಶೆಟ್ಟಿ, ತುಳು ಅಕಾಡೆಮಿದ ಸದಸ್ಯೆ ತಾರಾ ಆಚಾರ್ಯ, ತುಳುಕೂಟದ ಉಪಾಧ್ಯಕ್ಷೆ ವೇದಾವತಿ ಶೆಟ್ಟಿ, ಕೋಶಾಧಿಕಾರಿ ಚೈತನ್ಯ ಎಮ್.ಜಿ.ಉಪಸ್ಥಿತರಿತ್ತೆರ್..
ಪತ್ರಕರ್ತೆರಾಯಿನ ಶ್ರೀಕಾಂತ್ ಶೆಟ್ಟಿ ಅಭಿನಂದನಾ ಭಾಷಣ ಮಲ್ತೆರ್.ತುಳುಕೂಟದ ಮಹಮ್ಮದ್ ಮೌಲಾ ಪ್ರಾಸ್ತವಿಕ ಪಾತೆರ್ದ್,ಬತ್ತಿ ಬಿನ್ನೆರೆನ್ ಎದ್ಕೊಂಡೆರ್.ತುಳುಕೂಟದ ಕಾರ್ಯಂತೆರಾಯಿನ ಗಂಗಾಧರ ಕಿದಿಯೂರು ಸೊಲ್ಮೆ ಸಂದಾಯ್ತ ಮಲ್ತೆರ್. ರತ್ನಾಕರ ಇಂದ್ರಾಳಿ ಕಜ್ಜೊದ ಮದಿಪು ಕೊರಿಯೆರ್. ಖ್ಯಾತ ಹಾಸ್ಯಗಾರ್ತಿ ಸಂಧ್ಯಾ ಶೆಣೈ ಇಂದ್ರಾಳಿ ಜಯಕರ ಶೆಟ್ರೆಗ್ ಹಾಸ್ಯದೊಟ್ಟುಗ್ ಅಭಿನಂದನೆ ಮಲ್ತೆರ್..