ಮಾನದಿಗೆ RL Bhat Professor Udupi Mangalore

ಯಕ್ಷಗಾನ ಕಲಾರಂಗದ ವತಿರ್ದ್ ಪ್ರೊ. ಆರ್. ಎಲ್. ಭಟ್ಗ್ ಮಾನದಿಗೆ

ಒಡಿಪು : ಪೂರ್ಣಪ್ರಜ್ಞ ಕಾಲೇಜ್ದ ನಿವೃತ್ತ ಭೌತಶಾಸ್ತ್ರ ಉಪನ್ಯಾಸಕೆರ್,ಪೆರಿಯ ರಂಗ ನಿರ್ದೇಶಕೆರಾಯಿನ ಪ್ರೊ. ಆರ್.ಎಲ್.ಭಟ್ ನ್ ಸ್ವಗೃಹಡ್ ಯಕ್ಷಗಾನ ಕಲಾರಂಗದ ವತಿರ್ದ್ ಮಾನದಿಗೆ ಮಲ್ತೆರ್ . ಮೆರೆನ ಧರ್ಮಪತ್ನಿ ಸಂಗೀತ ವಿ.ವಾರಿಜಾಕ್ಷಿ ಆರ್.ಎಲ್. ಭಟ್ ಪಾಲ್ ಪಡೆದಿತ್ತೆರ್ .

ಸಂಸ್ಥೆದ ಗುರ್ಕಾರ್ಲಾಯಿನ ಎಂ. ಗಂಗಾಧರ್ ರಾವ್ ಸ್ಮರಣಿಕೆ ಕೊರ್ದು ಮಾನದಿಗೆ ಮಲ್ತೆರ್ ಆರ್.ಎಲ್.ಭಟ್ ಪಾಪದ ಜೊಕ್ಲೆಗ್ ಶೈಕ್ಷಣಿಕ ಸಾಕಾರ ಕೊರ್ಪಿನ ವಿದ್ಯಾಪೋಷಕ್ ಗ್ ತನ್ನ 77ನೇ ಪುಟ್ಟು ಪರ್ಬದ ಪೊರ್ತುಡು 77 ಸಾರ ಕೊರ್ದು ಎಡ್ಡೆಪ್ಪು ಬಯಕಿನೇನ್ ನೆನೆತೊಂಡೆರ್.

ಕಲಾರಂಗದ ಒತ್ತು ಗುರ್ಕಾರ್ಲಾಯಿನ ಎಸ್. ವಿ. ಭಟ್, ಕಾರ್ಯಂತೆರ್ ಮುರಲಿ ಕಡೆಕಾರ್, ವಿದ್ಯಾಪೋಷಕ್ ಕೋಶಾಧಿಕಾರಿ ಪ್ರೊ. ಕೆ. ಸದಾಶಿವ ರಾವ್, ಜತೆ ಕಾರ್ಯದರ್ಶಿ ಪ್ರೊ. ನಾರಾಯಣ ಎಂ. ಹೆಗಡೆ ಸದಸ್ಯ ಎಚ್.ಎನ್. ವೆಂಕಟೇಶ್ ಪಾಲ್ ಪಡೆದಿತ್ತೆರ್ .