ತುಳುನಾಡ್

ನರಿಂಗಾನ ನವೀಕೃತ ಕಟ್ಟಡ ಉದಿಪನ

ಕೊಣಾಜೆ, ಜೂನ್ 11 : ‘ಗ್ರಾಮ ಪಂಚಾಯಿತಿ ಸದಸ್ಯೇರ್ ಒಗ್ಗಟ್ಟಾoಡ ಗ್ರಾಮದ ಅಭಿವೃದ್ಧಿನ್ ಏರೆರ್ದ್ ಲಾ ಸಾಧ್ಯ ಇಜ್ಜಿ.ನರಿಂಗಾನದ 30 ಜನ ಸದಸ್ಯೇರ್ ಅಕ್ಲೆಗ್ ಬರ್ಪಿನ ಗೌರವಧನನ್ ಆಶಾ ಕಾರ್ಯಂತೆರೆಗ್ ಕೊರ್ದು ಮನಾದಿಗೆ ಮಲ್ದಿನವು ಶ್ಲಾಘನೀಯ ಪಂದ್ ಶಾಸಕ ಯು.ಟಿ.ಖಾದರ್ ಪಂಡೆರ್ .

ನರಿಂಗಾನ ಗ್ರಾಮ ಪಂಚಾಯಿತಿದ ನವೀಕೃತ ಆಯಿನ ಕಟ್ಟಡದ ಉದಿಪನ ಬೊಕ್ಕ ನರಿಂಗಾನ ಗ್ರಾಮದ ಕೊರೊನಾ ವಾರಿಯರ್ಸ್‌ ಬೊಕ್ಕ ಸಾಧಕೆರೆನ್ ಮಾನದಿಗೆ ಮಲ್ತ್ ಪಾತೆರಿಯೆರ್.

ತೋಕೂರು ಶಾಲೆದ ತೋಟೊಡು ಶ್ರಮದಾನ

ಹಳೆಯಂಗಡಿ: ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್( ರಿ) ತೋಕೂರು ಆಶ್ರಯೊಡು ತೋಕೂರುದ ಹಿಂದೂಸ್ಥಾನಿ ಶಾಲೆದ ತೋಟೊಡು ಐತಾರದಾನಿ ಶ್ರಮದಾನದ ಒರುಟ್ಟು ಸ್ವಚ್ಛತೆದ ಕೆಲಸ ನಡತ್ಂಡ್.

ಕ್ಲಬ್ ದ ಗೌರವ ಮಾರ್ಗದರ್ಶಕೆರ್ ಅಂಚೆನೆ ಬೊಂಬೈ ತಿಲಕ್ ನಗರದ ಪೆಸ್ತಮ್ ಸಾಗರ್ ಕರ್ನಾಟಕ ಸಂಘ ಉಂದೆತ್ತ ಅಧ್ಯಕ್ಷೆರ್ ಆದುಪ್ಪುನ ರಾಮಣ್ಣ ದೇವಾಡಿಗ ಮೇರ್ ಶಾಲೆದ ಎದುರು ನಡ್ತಿನ ಪೂತ್ತ ದೈಕುಲೆನ ಕಟ್ಟೆ ಬುಡ್ಪಾದ್ ಗೊಬ್ಬರ ಪಾಡ್ದ್ ಶ್ರಮದಾನೊಗು ಚಾಲನೆ ಕೊರಿಯೆರ್.

ಪಡುಪಣಂಬೂರು ಗ್ರಾಮ ಪಂಚಾಯ್ತಿ ಸದಸ್ಯೆರ್ ಸಂತೋಷ್ ಕುಮಾರ್, ಕ್ಲಬ್ ದ ಗೌರವ ಮಾರ್ಗದರ್ಶಕೆರ್ ರಮೇಶ್ ಅಮೀನ್ , ಮುಂಬೈ, ಗೌರವ ಗುರ್ಕಾರ್ಲು ನಾರಾಯಣ್ ಜಿ.ಕೆ., ಗುರ್ಕಾರ್ಲು ಸಂತೋಷ್ ದೇವಾಡಿಗ, ಒತ್ತು ಗುರ್ಕಾರ್ಲು ದೀಪಕ್ ಸುವರ್ಣ, ಕಾರ್ಯಾಧ್ಯಕ್ಷೆರ್ ಸುರೇಶ್ ಶೆಟ್ಟಿ, ಮಲ್ಲ ಕಾರ್ಯಂತೆರ್ ಜಗದೀಶ್ ಕುಲಾಲ್, ಪಣವುದ ಪಾಲವೆರ್ ಸಂಪತ್ ದೇವಾಡಿಗ, ಪರಿಸರ ರಕ್ಷಣೆ ಕಾರ್ಯಂತೆರ್ ಸುನಿಲ್ ದೇವಾಡಿಗ,ಕ್ರಿಕೆಟ್ ಕೂಟ ದ ನಾಯಕೆ ಗೌತಮ್ ಬೆಲ್ಚಡ, ಸದಸ್ಯೆರ್ ಪದ್ಮನಾಭ ಶೆಟ್ಟಿ, ವಿಜಯ ಕುಮಾರ್, ಧರ್ಮಾನಂದ ಶೆಟ್ಟಿಗಾರ್, ರಮೇಶ್ ಕರ್ಕೇರ, ಸೋಮನಾಥ ಪೂಜಾರಿ, ಕಾರ್ತಿಕ್ ಭಟ್ ಮೊಕುಲು ಮಾತ ಶ್ರಮದಾನೊಡು ಪಾಲ್ ಪಡೆಯೆರ್.
ಗಣೇಶ್ ಅಮೀನ್ ಮೇರ್ ಕೊರ್ತಿನ ಕಿದೆ ಗೊಬ್ಬರೊನು ತಾರೆದ ಬೊಕ್ಕ ಪೂತ್ತ ದೈಕ್ ಲೆನ ಮುದೆಲೆಗ್ ಪಾಡ್ದ್, ಕಜವು, ಪ್ಲಾಸ್ಟಿಕ್ ದೆತ್ತ್ ದ್ ಪರಿಸರ ಸ್ವಚ್ಚತೆಡ್ ಮಾತೆರ್ಲ ಪಾಲ್ ಪಡೆಯೆರ್.

ಆರೋಗ್ಯ ಕೇಂದ್ರಗ್ ಆಕ್ಸಿಜನ್ ಸಿಲಿಂಡರ್

ವಿಟ್ಲ, ಜೂನ್ 7: ವಿಟ್ಲ-ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ವತಿರ್ದ್ ಸಮುದಾಯ ಆರೋಗ್ಯ ಕೇಂದ್ರಗ್ ತೀರಾ ಅಗತ್ಯ ಉಪ್ಪುನ ರಡ್ಡ್ ಆಮ್ಲಜನಕ ಜಂಬೊ ಸಿಲಿಂಡರ್ ಸಹಿತ ಅಗತ್ಯ ವಸ್ತುಲೆನ್ ಪಟ್ಟಿಯೆರ್.

ಮಾಜಿ ಶಾಸಕಿ ಶಕುಂತಳಾ ಶೆಟ್ಟಿ ಮೇರ್ ಈ ಸಾಮಗ್ರಿಲೆನ್ ಸಮುದಾಯ ಆರೋಗ್ಯ ಕೇಂದ್ರ ಆಡಳಿತ ವೈದ್ಯಾಧಿಕಾರಿ ಡಾ. ವೇದಾವತಿ ಮೆರೆಗ್ ಹಸ್ತಾಂತರ ಮಲ್ತೆರ್ .

ವಿಟ್ಲ ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಡಾ.ರಾಜಾರಾಮ್ ಕೆ.ಬಿ, ಬ್ಲಾಕ್ ಕಾಂಗ್ರೆಸ್ ಮಾಜಿ ಗುರ್ಕಾರ್ಲಾಯಿನ ಎಂ ಎಸ್ ಮಹಮ್ಮದ್, ಪ್ರವೀಣ್ ಚಂದ್ರ ಆಳ್ವ, ಮುರಳೀಧರ ರೈ ಮಠಂತಬೆಟ್ಟು, ಪುತ್ತೂರು ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಎಂ.ಬಿ ವಿಶ್ವನಾಥ ರೈ, ಪುತ್ತೂರು ನಗರ ಕಾಂಗ್ರೆಸ್ ಗುರ್ಕಾರ್ಲಾಯಿನ ಮಹಮ್ಮದಾಲಿ, ಪ್ರಮುಖರಾದ ಉಮನಾಥ ಶೆಟ್ಟಿ, ಅಶ್ರಫ್‌ ಬಸ್ತಿಕಾರ್, ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಸಿದ್ದಿಕುಲ್ ಅಕ್ಬರ್, ಸಂತೋಷ್ ಭಂಡಾರಿ ಚಿಲಿಮ್ಮೆತ್ತಾರ್, ವಿಟ್ಲ-ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ವಕ್ತಾರ ರಮಾನಾಥ ವಿಟ್ಲ, ವಿಟ್ಲ ನಗರ ಕಾಂಗ್ರೆಸ್ ಅಧ್ಯಕ್ಷ ವಿಕೆಎಂ ಅಶ್ರಫ್, ಪೆರುವಾಯಿ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಬಾಲಕೃಷ್ಣ ಪೂಜಾರಿ, ಉಪಾಧ್ಯಕ್ಷೆ ನೆಬಿಸಾ, ಪದ್ಮನಾಭ ಪೂಜಾರಿ ಅಳಿಕೆ, ಪಟ್ಟಣ ಪಂಚಾಯಿತಿ ಸದಸ್ಯೆರಾಯಿನ ಹಸೈನಾರ್ ನೆಲ್ಲಿಗುಡ್ಡೆ, ಸುನೀತಾ ಕೋಟ್ಯಾನ್, ಎಂ.ಕೆ ಮೂಸಾ, ಜಯಪ್ರಕಾಶ್ ಬದಿನಾರ್, ರವೀಂದ್ರ ಗೌಡ, ಸೀತಾರಾಮ ಶೆಟ್ಟಿ ಅಳಿಕೆ, ಪಂಚಪಾಲ ಶೆಟ್ಟಿ ಪೆರುವಾಯಿ, ಅಶೋಕ ಡಿಸಿಲ್ವ, ಶ್ರೀಧರ್ ಬಾಳೆಕಲ್ಲು, ಶ್ರೀಧರ್ ಶೆಟ್ಟಿ ಪುಣಚ, ಎಲ್ಯಣ್ಣ ಪೂಜಾರಿ, ಕರೀಂ ಕುದ್ದುಪದವು ಪಾಲ್ ಪಡೆದಿತ್ತೆರ್ .