ತೀರ್

ಕೋವಿಡ್ ರ್ದ್ ತೀರ್ ಪೋಯಿನ ಕಾರ್ಕಳ ಎಪಿಎಂಸಿ ಗುರ್ಕಾರ್ಲಾಯಿನ ಮೋಹನ್ ದಾಸ್ ಶೆಟ್ಟಿ

ಕಾರ್ಕಳ, ಜೂನ್ 24: ಕಾರ್ಕಳ ಎಪಿಎಂಸಿ ಗುರ್ಕಾರ್ಲಾಯಿನ ಮೋಹನ್ ದಾಸ್ ಶೆಟ್ಟಿ (65) ಕೋವಿಡ್ ಕಾರಣರ್ದ್ ತೀರ್ ಪೋತೆರ್.

ಬೆಳ್ಮಣ್ ರೋಟರಿದ ಸಕ್ರಿಯ ಸದಸ್ಯರಾಯಿನ ಮೇರ್ ಬೆಳ್ಮಣ್ ಬೋರ್ಡ್ ಶಾಲೆದ ಕೈತಲ್ ಕೃಷ್ಣ ಪ್ರಸಾದ ನಿಲಯ ನಿವಾಸಿ. ಸಾಮಾಜಿಕ ಚಟುವಟಿಕೆಡ್ ಸಕ್ರಿಯರಾದ್ ಇತ್ತೆರ್ .ಬಿಜೆಪಿ ಬೆಳ್ಮಣ್ ಘಟಕದ ಮಾಜಿ ಸ್ಥಾನೀಯ ಸಮಿತಿ ಗುರ್ಕಾರ್ಲಾದಿತ್ತೆರ್ .ಇತ್ತೇ ಕೋವಿಡ್ ಗ್ ಬಲಿಯಾತೆರ್ , ಪತ್ನಿ ಒರ್ತಿ ಮಗಲೆರ್ದ್ ದೂರ ಆತೆರ್.ರೋಟರಿ ಕ್ಲಬ್ ಬೆಳ್ಮಣ್ ದ ಕ್ರಿಯಾಶೀಲ ಸದಸ್ಯೆರಾದಿತ್ತಿನ ಮೇರ್ , ನಂದಳಿಕೆ ಬೋರ್ಡ್ ಶಾಲೆ, ಬೆಳ್ಮಣ್ ಸರಕಾರಿ ಪ್ರೌಢಶಾಲೆದ ಬೆಳವಣಿಗೆಡ್ ಪ್ರಮುಖ ಪಾತ್ರ ಮಲ್ತಿತ್ತೆರ್ .

ಮೋಹನ್ ದಾಸ್ ಶೆಟ್ಟಿ ತೀರ್ ಪೋಯಿನೆಕ್ಕ್ ಕಾರ್ಕಳ ಶಾಸಕ ವಿ .ಸುನಿಲ್ ಕುಮಾರ್, ಬೆಳ್ಮಣ್ ಪಂಚಾಯತ್ ಗುರ್ಕಾರ್ಲಾಯಿನ ಜನಾರ್ದನ ತಂತ್ರಿ, ಉಪಾಧ್ಯಕ್ಷೆ ಸಹನಾ ಕುಂದರ್, ರೋಟರಿ ಗುರ್ಕಾರ್ಲಾಯಿನ ಸುಭಾಷ್ ಕುಮಾರ್, ಬಂಟರ ಸಂಘದ ಗುರ್ಕಾರ್ಲಾಯಿನ ಸುಹಾಸ್ ಹೆಗ್ಡೆ ಕಣ್ಣ ನೀರ ಪನಿತರ್ಪಣ ಮಲ್ತೆರ್ .

ಹುಷಾರ್ದಾಂತೆ ತೀರ್ ಪೋಯಿನ ಖ್ಯಾತ ಸಂಗೀತಗಾರ್ತಿ ಬೊಕ್ಕ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಪರಸ್ಸಲಾ ಬಿ ಪೊನ್ನಮ್ಮಲ್

ತಿರುವನಂತಪುರಂ, ಜೂನ್ 23 :ಕರಿನ ಎನ್ಮ ದಶಕರ್ದ್ ಶಾಸ್ತ್ರೀಯ ಸಂಗೀತ ಪ್ರಿಯೆರೆನ್ ತನ್ನ ನಂಬರೇ ಆವಂದಿನ ಸಂಗೀತ ಕಚೇರಿದ ಮುಖೇನ ರಂಜಿಸಾಯಿನ ಪ್ರಸಿದ್ಧ ಕರ್ನಾಟಕ ಸಂಗೀತಗಾರ್ತಿ ಬೊಕ್ಕ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಪರಸ್ಸಲಾ ಬಿ ಪೊನ್ನಮ್ಮಲ್ ಮೇರ್ ಅಂಗಾರೆ ಮುಲ್ಪದ ವಲಿಯಾಸಡ್ ಉಪ್ಪುನ ತಮ್ಮ ಸ್ವಗ್ರಹಡ್ ತೀರ್ ಪೋಯೆರ್.

96 ವರ್ಷ ಆಯಿನ ಮೇರ್ ಹುಷಾರ್ ದಾಂತೆ ತೀರ್ ಪೋಯೆರ್ ಪಂದ್ ಕುಟುಂಬದಕುಲು ತೆರಿಪಾದೆರ್.

ಕೋವಿಡ್ ರ್ದ್ ತೀರ್ ಪೋಯಿನಕ್ಲೆನ ಅಸ್ತಿ ವಿಸರ್ಜನೆ ಮಲ್ತಿನ ನಳಿನ್ ಕುಮಾರ್ ಕಟೀಲ್

ಕುಡ್ಲ , ಜೂನ್ 22: ದಕ್ಷಿಣ ಕನ್ನಡ ಜಿಲ್ಲೆಡ್ ಕೊರೊನಾ ಕಾರಣರ್ದ್ ತೀರ್ ಪೋಯಿನಕ್ಲೆನ ಸಂಖ್ಯೆ ಸಾವಿರದ ಗಡಿ ದಾಟ್ದುಂಡು . ದೈನಂದಿನ ಪ್ರಕರಣದ ಸಂಖ್ಯೆ ಜಾಸ್ತಿ ಆಯಿನ ನೆಲೆಟ್ಟ್ ಕಠಿಣ ಲಾಕ್‌ಡೌನ್ ದುಂಬು ಕೊಂತೆರ್ .

ಇಂದುವೆ ಪೊರ್ತುಡು ಕೊರೊನಾ ವೈರಸ್‌ರ್ದ್ ತೀರ್ ಪೋಯಿನ 12 ಜನತ ಚಿತಾಭಸ್ಮ ಸಂಗ್ರಹ ಮಲ್ಪರೆ ವಾರಸುದಾರೇರಾಯಿನ ನೆಲೆಟ್ಟ್ ದಕ್ಷಿಣ ಕನ್ನಡ ಸಂಸದ, ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಕುಡ್ಲದ ಸೋಮೇಶ್ವರದ ಸೋಮನಾಥೇಶ್ವರ ಕಡಲ ಬರಿಟ್ ವಿಸರ್ಜನೆ ಮಲ್ತೆರ್ .

ಹುಷಾರ್ ದಾಂತೆ ತೀರ್ ಪೋಯಿನ ಪೆರಿಯ ಪತ್ರಕರ್ತೆ ರಂಗಭೂಮಿ ಕಲಾವಿದ ನವೀನ್ ಚಂದ್ರ ಪಾಲ್

ಕುಡ್ಲ , ಜೂ. 7: ಪೆರಿಯ ಪತ್ರಕರ್ತ, ರಂಗಭೂಮಿ ಕಲಾವಿದ ನವೀನ್ ಚಂದ್ರ ಪಾಲ್ (93) ಶನಿವಾರ ಪೇಂಟೆದ ಬಲ್ಮಠದ ವಾಸ್‌ಲೇನ್‌ಡ್ ಉಪ್ಪುನ ತನ್ನ ಸ್ವಗೃಹಟ್ ಅಸೌಖ್ಯರ್ದ್ ತೀರ್ ಪೋಯೆರ್ .

ಮೆರೆಗ್ ಒರಿ ಮಗೆ ಮಗಲ್ ಬೊಕ್ಕ ಇಷ್ಟ ಮಿತ್ರೆರ್ ಉಲ್ಲೆರ್.ಪತ್ರಿಕೋದ್ಯಮ ಡಿಪ್ಲೊಮಾದ ಸಾಧನೆಗಾದ್ ಬಂಗಾರ್ದ ಪದಕ ಪಡೆಯಿನ ಆರ್ ಸಮಾಜವಾದಿ ಚಿಂತನೆದ ಪ್ರತಿಪಾದಕೇರಾದ್ ಇತ್ತೆರ್.1948ಟ್ಟ್ ಸಂಗಾತಿ ಪಾಕ್ಷಿಕ ಪತ್ರಿಕೆನ್ ಸುರು ಮಲ್ತ್ ಐರ್ದ್ ಬೊಕ್ಕ 1950ಟ್ಟ್ ಅವೆನ್ ವಾರಪತ್ರಿಕೆಯಾದ್ ಮಲ್ತೆರ್ . ಅರುಣೋದಯ ಪತ್ರಿಕೆದ ಸಂಪಾದಕೆರಾಯಿನ ಮೇರ್ ಮುಂಬೈಡ್ ಇಂಡಿಯನ್ ಎಕ್ಸೃಪ್ರೆಸ್ ದೈನಿಕದ ಸಂಪರ್ಕಾಧಿಕಾರಿ, ಸೀನಿಯರ್ ಎಕ್ಸಿಕ್ಯೂಟಿವ್, ಎನ್ಲೈಟ್ ವಾರಪತ್ರಿಕೆಡ್ ಅಸಿಸ್ಟೆಂಟ್ ಎಡಿಟರ್, ಕಾಮರ್ಸ್ ವಾರಪತ್ರಿಕೆದ ಅಸಿಸ್ಟೆಂಟ್ ಎಡಿಟರ್ ಆದ್ ಬೇಲೆ ಮಲ್ದೆರ್.

ಹೃದಯಾಘಾತರ್ದ್ ತೀರ್ ಪೋಯಿನ ಬಂಟ್ವಾಳ ಎಎಸ್ಸೈ

ಬಂಟ್ವಾಳ, ಮೇ 31: ಅಸೌಖ್ಯರ್ದ್ ಆಸ್ಪತ್ರೆಡ್ ದಾಖಲಾದ್ ಚಿಕಿತ್ಸೆ ಪಡೆಯೊಂದು ಇತ್ತಿನ ಎಎಸ್ಸೈ ಒರಿ ಹೃದಯಾಘಾತರ್ದ್ ತೀರ್ ಪೋಯೆರ್.ಮಂಚಿ ನಿವಾಸಿ, ಬಂಟ್ವಾಳ ನಗರ ಠಾಣೆ ಎಎಸ್ಸೈ ಜಯರಾಮ ರೈ (58) ಮೆರ್ ಇನಿ ಕಾಂಡೆ ತೀರ್ ಪೋಯೆರ್.

ಕೆಲವು ದಿನರ್ದ್ ಬೆರಿ ಬೇನೆರ್ದ್ ಬಳಲೊಂದು ಇತ್ತಿನ ಮೆರ್ ಒಂಜಿ ವಾರದ ಪಿರವು ಕುಡ್ಲದ ಖಾಸಗಿ ಆಸ್ಪತ್ರೆಗ್ ದಾಖಲಾದ್ ಮರ್ದ್ ಪಡೆಯೊಂದು ಇತ್ತೆರ್.

ಬಂಟ್ವಾಳ ನಗರ ಪೊಲೀಸ್ ಠಾಣೆಡ್ ಅವ್ವೆತೋ ವರ್ಷರ್ದ್ ಅಪರಾಧ ವಿಭಾಗಡ್ ಬೇಲೆ ಮಲ್ದೆರ್. ಇಂಚೋಗು ವರ್ಷರ್ದ್ ಬಂಟ್ವಾಳ ನಗರ ಪೊಲೀಸ್ ಠಾಣೆಡ್ ಎಎಸ್ಸೈ ಅಡ್ ಬೇಲೆ ಮಲ್ದೆರ್.

ಹೃದಯಾಘಾತರ್ದ್ ತೀರ್ ಪೋಯಿನ ಮಾಜಿ ಕಾರ್ಪೊರೇಟರ್ ಇಸ್ಮಾಯೀಲ್

ಕುಡ್ಲ , ಮೇ 30: ಕುಡ್ಲ ಮಹಾನಗರ ಪಾಲಿಕೆದ ಮಾಜಿ ಕಾರ್ಪೊರೇಟರ್, ಸುರತ್ಕಲ್ ಕೈತಲ್ ದ ಇಡ್ಯ ನಿವಾಸಿ ಇಸ್ಮಾಯೀಲ್ ಐ (65) ಶನಿವಾರ ಮಧ್ಯಾಹ್ನ ಪೇಂಟೆದ ಖಾಸಗಿ ಆಸ್ಪತ್ರೆಡ್ ಹೃದಯಾಘಾತರ್ದ್ ತೀರ್ ಪೋಯೆರ್.

ಮೃತೆರ್ ಮೂಜಿ ಆಣ್ ಜೋಕುಲು ಬೊಕ್ಕ ಇಷ್ಟ ಮಿಟ್ರೆರೆರ್ದ್ ದೂರ ಆತೆರ್.ಕಾಂಗ್ರೆಸ್ ಡ್ ಸಕ್ರಿಯರಾದ್ ಮೆರ್ 1997ಟ್ಟ್ ಇಡ್ಯ 7ನೆ ವಾರ್ಡ್‌ರ್ದ್ ಕುಡ್ಲ ಮಹಾನಗರ ಪಾಲಿಕೆಗ್ ಕಾರ್ಪೊರೇಟರ್ ಆದ್ ಆಯ್ಕೆಯಾದಿತ್ತೆರ್.

ಹುಷಾರ್ ದಾಂತೆ ತೀರ್ ಪೋಯಿನ ಕೊರಗ ಸಮುದಾಯದ ಮುಂಚೂಣಿ ನಾಯಕೆ ಗೋಕುಲ್ ದಾಸ್

ಕುಡ್ಲ , ಮೇ 26: ಕೊರಗ ಅಭಿವೃದ್ಧಿ ಸಂಘದ ಒಕ್ಕೂಟದ ಗುರ್ಕಾರ್ಲಾಯಿನ , ಒಡಿಪು ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ಪಳ್ಳಿ ಗೋಕುಲ್‌ದಾಸ್ ಇನಿ ಕಾಂಡೆ 8:25ಕ್ ತೀರ್ ಪೋಯೆರ್ .

ಸುಮಾರ್ 90 ವರ್ಷ ಪ್ರಾಯದ ಮೆರ್ ಕರಿನ ಕೆಲವು ದಿನರ್ದ್ ಬಹು ಅಂಗಾಂಗ ವೈಫಲ್ಯರ್ದ್ ಕುಡ್ಲದ ಖಾಸಗಿ ಆಸ್ಪತ್ರೆಡ್ ಚಿಕಿತ್ಸೆ ಪಡೆಯೊಂದು ಇತ್ತೆರ್..

ಕರಾವಳಿ ಜಿಲ್ಲೆದ ಮೂಲ ನಿವಾಸಿಲಾದ್ ಗುರ್ತಿಸಾವೊಂದಿನ ಕೊರಗ ಸಮುದಾಯದ ಭೂಮಿಗಾದ್ ಪಣ ತೊಟ್ಟುದು ಮುಂಚೂಣಿಡ್ ಗುರ್ತಿಸಾವೊಂದು ಪಿ. ಗೋಕುಲ್‌ದಾಸ್‌ , ಕೊರಗ ಸಮುದಾಯಗ್ ಆಹಾರ ಒದಗಿಸಾವುನ ಬಗ್ಗೆ ಹೋರಾಟಲ ಮಲ್ತಿತ್ತೆರ್.

ಕೋವಿಡ್ ರ್ದ್ ತೀರ್ ಪೋಯಿನ ಅಂತರ್ರಾಷ್ಟ್ರೀಯ ಸ್ಯಾಕ್ಸೊಫೋನ್ ಕಲಾವಿದ ಮಚ್ಚೇಂದ್ರನಾಥ್ ಮಂಗಳಾದೇವಿ

ಕುಡ್ಲ,24 : ಅಂತರರಾಷ್ಟ್ರೀಯ ಮಟ್ಟದ ಸ್ಯಾಕ್ಸೊಫೋನ್ ಕಲಾವಿದ ಮಚ್ಚೇಂದ್ರನಾಥ್ ಮಂಗಳಾದೇವಿ (62) ಐತಾರ ತೀರ್ ಪೋಯೆರ್.

ಮೆರೆಗ್ ಕೋವಿಡ್ ಸೋಂಕು ದೃಢ ಆಯಿಬೊಕ್ಕ . ವಾರದ ಪಿರವು ಕುಡ್ಲದ ಖಾಸಗಿ ಆಸ್ಪತ್ರೆಗ್ ಸೇರಿನ ಮೆರ್ ಮರ್ದ್ ಗ್ ಸ್ಪಂದನೆ ಕೊರಂದೆ ತೀರ್ ಪೋಯೆರ್.

ಪೇಂಟೆದ ಮಂಗಳಾದೇವಿ ದೇವಸ್ಥಾನಡ್ ದಿನಾಲ ಸ್ಯಾಕ್ಸೊಫೋನ್ ಸೇವೆ ಕೊರೊಂದು ಇತ್ತೆರ್ . ದುಬೈ, ಅಬುಧಾಬಿ, ಆಸ್ಟ್ರೇಲಿಯಾ ಸೇರಿನಂಚ ಬೇತೆ ಬೇತೆ ದೇಶಡ್ ಸ್ಯಾಕ್ಸೊಫೋನ್ ಸಂಗೀತ ಕಚೇರಿ ನಡಪಾದ್ ಇತ್ತೆರ್.ಮೆರೆಗ್ ದಕ್ಷಿಣ ಕನ್ನಡ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಸೇರಿನoಚ ಅವ್ವೆತೋ ಮಾನದಿಗೆ ತಿಕ್ಕ್ದುಂಡು.

ಅಲ್ಪಕಾಲದ ಅಸೌಖ್ಯರ್ದ್ ತೀರ್ ಪೋಯಿನ ಮೊಹಮ್ಮದ್ ಅನ್ವರ್

ಒಡಿಪು , ಮೇ 24: ದಿ. ಹಾಜಿ ಹಾಜಿ ಅನ್ವರ್ ಮೊಹಮ್ಮದ್ ರೆಹಮತುಲ್ಲಾ ಸಾಹೇಬ್ ಮೆರ್ನ ಮಗೆ , ನಗರದ ವಳಕಾಡು ನಿವಾಸಿ ಹಾಜಿ ಮುಹಮ್ಮದ್ ಅನ್ವರ್(74) ಅಲ್ಪಕಾಲದ ಅಸೌಖ್ಯರ್ದ್ ಕೋಡೆ ತೀರ್ ಪೋಯೆರ್.

ಮೆರ್ ಒಡಿಪುದ ಮುಸ್ಲಿಮ್ ವೆಲ್‌ಫೇರ್ ಅಸೋಸಿಯೇಶನ್‌ದ ಅಜೀವ ಸದಸ್ಯೆರಾದ್ ಇತ್ತೆರ್ . ಮೃತೆರ್ ಪತ್ನಿ, ಮೂಜಿ ಆಣ್ ಜೋಕುಲು , ರಡ್ಡ್ ಪೊಣ್ಣು ಜೋಕ್ಲೆನೆರ್ದ್ ದೂರ ಆತೆರ್.