ಕುಡ್ಲ

ಕುಡ್ಲ : ಬಯ್ಯ 6 ಗಂಟೆದುಲಯಿ ಅಂಗಡಿ ಬಂದ್ ಮಲ್ಪರೆ ಆದೇಶ ಕೊರಿನ ಡಿಸಿ

Jul 29, 2022

ಕುಡ್ಲ : ಬಯ್ಯ 6 ಗಂಟೆದುಲಯಿ ಅಂಗಡಿ ಬಂದ್ ಮಲ್ಪರೆ ಆದೇಶ ಕೊರಿನ ಡಿಸಿ

ಕುಡ್ಲ : ಕುಡ್ಲಡ್ ಇನಿ ಬಯ್ಯ 6 ಗಂಟೆರ್ದ್ ಸೋಮವಾರ ಕಾಂಡೆ 6 ಗಂಟೆ ಮುಟ ಅಂಗಡಿ-ಮುಂಗಟ್ಟು ಬಂದ್‌ ಮಲ್ಪರೆ ಜಿಲ್ಲಾಧಿಕಾರಿ ಆದೇಶ ಕೊರ್ತೆರ್ .ಈ ಆದೇಶ ಆ. 1 ರ ತಾರಿಕ್ ಕಾಂಡೆ 6 ಗಂಟೆ ಮುಟ ಜಾರಿಡ್ ಉಪ್ಪುಂಡು , ಈ ಪೊರ್ತುಡು ಪೆಟೆಡ್ಕ್ ಮಾತಾ ನಗರ ಬೊಕ್ಕ ಗ್ರಾಮ ಪಂಚಾಯತ್‌ ವ್ಯಾಪ್ತಿದ ಅಂಗಡಿ-ಮುಂಗಟ್ಟು ಮುಚ್ಚೆರೆ ಸೂಚನೆ ಕೊರ್ತೆರ್ .

ಜನಕ್ಲೆಗ್ ಪೋಯೇರೆಲಾ ನಿರ್ಬಂಧ ಪಾಡ್ದೆರ್ . ಆಂಡ , ತುರ್ತು ಸೇವೆ, ಆಸ್ಪತ್ರೆ ಬೊಕ್ಕ ಮೆಡಿಕಲ್ ಶಾಪ್ ಗ್ ವಿನಾಯಿತಿ ಕೊರ್ತೆರ್ ಈ ಶೀಘ್ರ ಅಧಿಕೃತ ಆದೇಶ ಕೊರ್ತೆರ್ ಪಂದ್ ಜಿಲ್ಲಾಧಿಕಾರಿ ಪಂಡೆರ್.

ಕುಡ್ಲದ ಇಮಾನ ನಿಲ್ದಾಣೊಡು ಪಚ್ಚೆ ಪಜಿರ್ ದೈಸಿರ

Jul 28, 2022

ಬಜಪೆ: ಕುಡ್ಲ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣವ ಜುಲೈ 28 ತಾರಿಕ್ ಗ್ ವಿಶ್ವ ಪ್ರಕೃತಿ ಸಂರಕ್ಷಣಾ ದಿನ ಆಚರಣೆ ಮಲ್ಪರೆ ತಯಾರಿ ಮಲ್ದುಂಡು ವಿಮಾನ ನಿಲ್ದಾಣದ ಉಲಯಿ ಬೊಕ್ಕ ಪಿದಾಯಿಡ್ ದೈ ಪಚ್ಚೆ ಪಜಿರ್ ದೈಸಿರ ಉಂಡು.

ವಿಮಾನ ನಿಲ್ದಾಣದ ಉಲಯಿ ಸುಮಾರು 1,215 ಚದರ ಮೀಟರ್‌ಡ್ 111 ತಾಳೆ ದೈ , 464 ಮರ ಸೇರಿನಂಚ 515 ಉಲಯಿ ನಡ್ಪಿನ ದೈ ಉಂಡು .

ನಿಲ್ದಾಣದ ವ್ಯಾಪ್ತಿದ 1.38 ಹೆಕ್ಟೇರ್‌ ಜಾಗೆಡ್ 85 ತರದ ದೈ ಉಂಡು. ಪೂತ ದೈ , ಫಲ ವಸ್ತುದ ದೈ ಪಜ್ಜೆ ಪೊಲಬುನು ನನಾತ್ ಎಚ್ಚ ಮಲ್ದುಂಡು.
ವಿಮಾನ ನಿಲ್ದಾಣಡ್ ಉತ್ಪತ್ತಿಯಾಪಿನ ನೀರ್ ಒಟ್ಟು ಮಲ್ತ್ , ಅಲ್ಪದ ದೈ ಕ್ ಪಾಡುನ ವ್ಯವಸ್ಥೆ ಮಲ್ದೆರ್ . ಸಾವಯವ ಗೊಬ್ಬರನ್ ಗಲಸ್ ದ್ ಮಲ್ತೊಂದು ಉಲ್ಲೆರ್.

Religious & Cultural News ಮಾತ ಧರ್ಮದ ಸುದ್ದಿ ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲ : ” ಯೂತ್ ಜೋಡೋ ಬೂತ್ ಜೋಡೋ ” ಲೇಸ್ ಗ್ ಚಾಲನೆ

Jul 28, 2022

ಕುಡ್ಲ : ” ಯೂತ್ ಜೋಡೋ ಬೂತ್ ಜೋಡೋ ” ಲೇಸ್ ಗ್ ಚಾಲನೆ

ಕುಡ್ಲ , ಜು.28: ಯುವ ಶಕ್ತಿಗ್ ಸೊರ ಲಕ್ಕವುನ ನೆಲೆಟ್ಟ್ ರಾಜ್ಯ ಯುವ ಕಾಂಗ್ರೆಸ್ ಅಟ್ಟನೆ ಮಲ್ದಿನ ‘ಯೂತ್ ಜೋಡೊ ಬೂತ್ ಜೋಡೊ’ ಲೇಸ್ ಗ್ ಸೋಮಾರ ಪೇಂಟೆದ ಮಲ್ಲಿಕಟ್ಟೆದ ಕಾಂಗ್ರೆಸ್ ಭವನಡ್ ರಾಜ್ಯ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಮುಹಮ್ಮದ್ ನಲಪಾಡ್ ಚಾಲನೆ ಕೊರಿಯೆರ್ .
ಲೇಸ್ ಡ್ ಜಿಲ್ಲಾ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಲುಕ್ಮಾನ್ ಬಂಟ್ವಾಳ, ರಾಜ್ಯ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಮೆರಿಲ್ ರೇಗೊ, ರಾಜ್ಯ ಯುವ ಕಾಂಗ್ರೆಸ್ ಕಾರ್ಯದರ್ಶಿಲಾಯಿನ ಆಶಿತ್ ಪಿರೇರಾ, ಸರ್ಫರಾಝ್ ನವಾಝ್, ನಾಸೀರ್ ಸಾಮಾಣಿಗೆ, ದ.ಕ. ಜಿಲ್ಲಾ ಯುವ ಕಾಂಗ್ರೆಸ್ ಒತ್ತು ಗುರ್ಕಾರ್ಲಾಯಿನ ಗಿರೀಶ್ ಆಳ್ವ, ಅಭಿಷೇಕ್ ಬೆಳ್ಳಿಪ್ಪಾಡಿ ಪಾಲ್ ಪಡೆದಿತ್ತೆರ್ . ಯುವ ಕಾಂಗ್ರೆಸ್ ಮುಖಂಡ ಶಿವಪ್ರಸಾದ್ ಪಾಣಾಜೆ ಪ್ರಾಸ್ತಾವಿಕ ನುಡಿ ಪಂಡೆರ್ .

Classifieds ಜಾಹೀರಾತು ಕ್ಲಾಸಿಪೈಡ್ ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲದ ಲೇಡಿಹಿಲ್ ಡ್ ನಾರಾಯಣ ಗುರು ವೃತ್ತಗ್ ಕೆಸರ್ ಕಲ್ಲ್ ಪಾಡುನ ಲೇಸ್

Jul 24, 2022

ಕುಡ್ಲ : ಪೇಂಟೆದ ಲೇಡಿ ಹಿಲ್ ಶಾಲೆದ ಕೈತಲ್ ಉಪ್ಪುನ ಬ್ರಹ್ಮಶ್ರೀ ನಾರಾಯಣ ಗುರು ವೃತ್ತಗ್ ಐತಾರ ದ.ಕ. ಜಿಲ್ಲಾ ಉಸ್ತುವಾರಿ ಸಚಿವ ವಿ.ಸುನೀಲ್ ಕುಮಾರ್ ಕೆಸರ್ ಕಲ್ಲ್ ಪಾಡಿಯೆರ್ .

ಐರ್ದ್ ಬೊಕ್ಕ ಮಾಧ್ಯಮದಕ್ಲೆನ ಒಟ್ಟುಗು ಪಾತೆರಿನ ಆರ್, ಕುಡ್ಲದ ಪ್ರಮುಖ ಮಾರ್ಗಗ್ ಈ ದುಂಬೇ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಪುದರ್ ದೀದ್ ಇತ್ತೆರ್.
ಈಗ ಪ್ರಾಧಿಕಾರದ ಒಟ್ಟು ಸೇರಿಗೆಡ್ 48 ಲಕ್ಷ ರೂ. ಪನವುದ ಸಾಕರಡ್ ಪೊರ್ಲು ನಾರಾಯಣ ಗುರು ವೃತ್ತ ಮಲ್ಪರೆ ಅಧಿಕೃತವಾದ್ ಕೆಸರ್ ಕಲ್ಲ್ ಪಾಡಿಯೆರ್.

ಈ ಪೊರ್ತುಡು ಶಾಸಕೆರಾಯಿನ ವೇದವ್ಯಾಸ ಕಾಮತ್, ಡಾ ಭರತ್ ಶೆಟ್ಟಿ, ಮೇಯರ್ ಪ್ರೇಮಾನಂದ ಶೆಟ್ಟಿ, ಬೇತೆ ಬೇತೆ ಜನಪ್ರತಿನಿಧಿಕುಲು , ಪಾಲ್ ಪಡೆದಿತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ ಬರ್ರೆ ಉಂಡು ಚಂಡಮಾರುತ; ಕುಡ್ಲರ್ದ್ ದಾಮನ್ ಮುಟ್ಟ ಎಚ್ಚೆರ್ಗೆ

Jul 15, 2022

ಅರಬ್ಬಿ ಸಮುದ್ರಡ್ ಚಂಡಮಾರುತ ಸೃಷ್ಟಿಯಾದಿತ್ತ್ ದ್, ಅವ್ ಜುಲೈ 20 ಕ್ಕ್ ಕರ್ನಾಟಕದ ಗೋಕರ್ಣ ಅತ್ತಂಡ ಗೋವಾ ಬೊಕ್ಕ ರತ್ನಗಿರಿ ಮುಟ್ಟ ಬರ್ಪಿನ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆ ಎಚ್ಚರಿಕೆ ಕೊರ್ತ್ಂಡು.

ಭಾರೀ ಪ್ರಮಾಣಡ್ ಚಂಡಮಾರುತ ಬರ್ರೆ ಇತ್ತ್ ದ್, ಜುಲೈ 20 ರ್ದ್ ಬೊಕ್ಕ ಗೋಕರ್ಣ, ಗೋವಾ, ಬೊಂಬಾಯಿ, ಪೂನಾ ಸೇರಿನಂಚನೆ ತುಳುನಾಡ್ ಡ್ ಭಾರೀ ಬರ್ಸ ಬರ್ಪಿನ ಸಾಧ್ಯತೆ ಉಂಡು. ದುಂಬುದ 8 ದಿನತ್ತ ಕಾಲ ಗೋವಾ, ಗೋಕರ್ಣ, ಬೊಂಬಾಯಿಗ್ ಯೇರ್ಲ ಪ್ರವಾಸ ಪೋಯರೆ ಬಲ್ಲಿ ಪಂದ್ ಸೂಚನೆ ಕೊರ್ತುಂಡು.

ಚಂಡಮಾರುತ ಜುಲೈ 20 – 26 ಮುಟ್ಟ ಪೂರ್ಣ ಪ್ರಮಾಣನಡ್ ಬರ್ಪಿನ ಸಾಧ್ಯತೆ ಉಂಡು. ಅಂಚಾದ್ ದಾಮನ್‌ ರ್ದ್ ಕುಡ್ಲದ ಮುಟ್ಟ ತುಳುನಾಡ್ ಜನಕುಲು ಎಚ್ಚರಿಕೆಡ್ ಇಪ್ಪೊಡ್ ಪಂದ್ ಹವಾಮಾನ ಇಲಾಖೆ ತೆರಿಪಾದ್oಡ್.

ಕುಡ್ಲದ ಅಶೋಕ ವಿದ್ಯಾಲಯಡ್ ಎನ್ಮನೆ ವಿಶ್ವ ಯೋಗ ದಿನಾಚರಣೆ

Jun 22, 2022

ಕುಡ್ಲದ ಅಶೋಕ ವಿದ್ಯಾಲಯಡ್ 8 ನೇ ವಿಶ್ವ ಯೋಗ ದಿನಾಚರಣೆ

ಕುಡ್ಲ : ಎನ್ಮನೇ ವರ್ಸದ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆನ್ ಕುಡ್ಲದ ಅಶೋಕ ವಿದ್ಯಾಲಯಡ್ ಜೂ.21 ಅಂಗಾರೆದಾನಿ ಆಚರಣೆ ಮಲ್ತೆರ್. ದೇವೆರ್ನ ಸುಗಿಪು ದೊಟ್ಟುಗು ಲೇಸ್ ಸುರು ಆಂಡ್. ಶಾಲಾ ಸಹ ಶಿಕ್ಷಕಿ ಸುಮನ ಮೇರ್ ಬತ್ತಿ ಬಿನ್ನೆರೆನ್ ಎದುಕೊಂಡೆರ್. ಕೈತಲ್ ದ ಮಾಜಿ ಕಾರ್ಪೊರೇಟರ್ ರಾಧಾಕೃಷ್ಣ ತುಡರ್ ಅರ್ಲಾದ್ ಯೋಗ ದಿನಾಚರಣೆದ ಉದಿಪನ ಮಲ್ತ್ ಯೋಗದ ಬಗ್ಗೆ ಪಾತೆರಿಯೆರ್.

ಯೋಗ ತರಬೇತುದಾರೆರಾಯಿನ ಕುಮಾರಿ ನಯನ ಯೋಗಾಭ್ಯಾಸದ ಬಗ್ಗೆ ಮಾಹಿತಿ ಕೊರಿಯೆರ್. ಶ್ರೀಮತಿ ವಿಜಯಲಕ್ಷ್ಮಿ ಬೊಕ್ಕ ಶ್ರೀಮತಿ ಅಕ್ಷತಾ ಪ್ರಭು ಲೇಸ್ ಡ್ ಯೋಗ ದಿನಾಚರಣೆದ ಬಗ್ಗೆ ಪಾತೆರಿಯೆರ್. ಶಾಲೆದ ಕಲ್ಪಾರ್ಥಿಲುಲ ಯೋಗದ ಬಗೆಟ್ ರಡ್ಡ್ ಪಾತೆರ ಪಂಡೆರ್.

ಯೋಗ ಮಂತ್ರ ಪನ್ಪಿನ ಮುಖೇನ ಯೋಗದ ಪ್ರಾತ್ಯಕ್ಷಿಕೆನ್ ಜೋಕ್ಲೆನೆರ್ದ್ ಮಲ್ಪಾಯೆರ್.
ಮೂಜಿ ಹಂತಡ್ ಯೋಗಾಭ್ಯಾಸನ್ ನಯನ ಮೇರ್ ನಡಪಾದ್ ಕೊರಿಯೆರ್ .
ಶಾಲಾ ಮುಖ್ಯೋಪಾಧ್ಯಾಯಿನಿ ಬೊಕ್ಕ ಸಹ ಶಿಕ್ಷಕೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಮಾಯೊದಪ್ಪೆ ಮಂತ್ರದೇವತೆಗ್ ಮೂರ್ತ: ಕಲಾವಿದೆರ್‌ ಕುಡ್ಲ ಕೂಟರ್ದ್ ಪೌರಾಣಿಕ ನಾಟಕ

Jun 20, 2022

ಮಾಯೊದಪ್ಪೆ ಮಂತ್ರದೇವತೆಗ್ ಮೂರ್ತ: ಕಲಾವಿದೆರ್‌ ಕುಡ್ಲ ಕೂಟರ್ದ್ ಪೌರಾಣಿಕ ನಾಟಕ

ಕುಡ್ಲ : ಪ್ರಾಪ್ತಿ ಕಲಾವಿದೆರ್‌ ಕುಡ್ಲ ಪ್ರದರ್ಶನ ಮಲ್ಪುನ ಕಲಾ ಸವ್ಯಸಾಚಿ ಪ್ರಶಾಂತ್‌ ಸಿ.ಕೆ. ರಚನೆ ಮಲ್ತ್ ನಿರ್ದೇಶಿಸಾಯಿನ ಮಾಯೊದಪ್ಪೆ ಮಂತ್ರದೇವತೆ ತುಳು ಪೌರಾಣಿಕ ನಾಟಕದ ಮುಹೂರ್ತ ಕದ್ರಿಮಂಜುನಾಥೇಶ್ವರ ದೇವಲ್ಯೊಡು ನಡತುಂಡು.

ಪೌರಾಣಿಕ ರಂಗಭೂಮಿದ ಜಿ.ಕೆ.ರೈ, ಸತೀಶ್‌ ಕದ್ರಿ, ಉದಯ್‌ ಆಚಾರ್‌, ಮಾಧವ ಇರುವೈಲ್‌ ಜತೆ ಸುಹಾನ್‌ ಕುಳಾಯಿ ಇಂಚಿನ ಯುವ ಕಲಾವಿದೆರ್ನ ಸೇರ್ಪಡೆದೊಟ್ಟುಗು ನಾಟಕ ರಂಗಭೂಮಿ ಪಯಣಗ್ ತಯಾರಿ ಆವೊಂದು ಉಂಡು .

ಮುಹೂರ್ತ ಲೇಸ್ ದ ಗುರ್ಕಾರ್ಮೆ ವಹಿಸ್ ದ್ ಪಾತೆರಿನ ರಂಗಭೂಮಿ ನಿರ್ದೇಶಕ ಕಿಶೋರ್‌ ಡಿ.ಶೆಟ್ಟಿ ಪಾತೆರ್ದ್ , ಪೌರಾಣಿಕ ನಾಟಕದ ಬಗ್ಗೆ ಜನಕ್ಲೆನ ನಿರೀಕ್ಷೆ ಮಸ್ತ್ ಉಂಡು ಪಂದ್ ಪಂಡೆರ್.

ನಿರ್ದೇಶಕ ಪ್ರಶಾಂತ್‌ ಸಿ.ಕೆ. ಎದುಕೊಂಡೆರ್ . ವಿಜೆ ಮಧುರಾಜ್‌ ಲೇಸ್ ನಡಪಾದ್ ಕೊರಿಯೆರ್.

ಕುಡ್ಲದ ಶ್ಲಾಘ್ಯ ತರಬೇತಿ ಸಂಸ್ಥೆಡ್ ಇಂಗ್ಲಿಷ್ ಪಾತೆರುನ ಕೋರ್ಸ್

Jun 20, 2022

ಕುಡ್ಲದ ಶ್ಲಾಘ್ಯ ತರಬೇತಿ ಸಂಸ್ಥೆಡ್ ಇಂಗ್ಲಿಷ್ ಪಾತೆರುನ ಕೋರ್ಸ್

ಕುಡ್ಲ : ಪೇಂಟೆದ ಬೊಂದೇಲ್ ಡ್ ಉಪ್ಪುನ ಪ್ರತಿಷ್ಠಿತ, ಶ್ಲಾಘ್ಯ ತರಬೇತಿ ಸಂಸ್ಥೆಡ್ ಇಂಗ್ಲಿಷ್ ಪಾತೆರುನ ಕೋರ್ಸ್ ಸುರು ಆಯೆರೆ ಉಂಡು .

ಐತಾರದ ಬ್ಯಾಚ್ :
ಕಾಂಡೆ 10.00 ಗಂಟೆರ್ದ್ ಮಧ್ಯಾಹ್ನ 1.00 ಗಂಟೆ ಮುಟ, ಜುಲೈ 3, 2022 ರ್ದ್ ಮುಟ10 ಐತಾರ – 30 ಗಂಟೆ

ಸೀಮಿತ ಸೀಟ್ ಲಭ್ಯ ಉಂಡು .ಎಚ್ಚದ ಮಾಹಿತಿಗಾದ್ :ಶ್ಲಾಘ್ಯ ಟ್ರೈನಿಂಗ್ ಇನ್‌ಸ್ಟಿಟ್ಯೂಟ್, ‘ಶೀಲಾ ಸನ್ನಿಧಿ’, ಬ್ಯಾಂಕ್ ಆಫ್ ಬರೋಡಾ ಸಮೀಪ, ಬೊಂದೇಲ್, ಕುಡ್ಲ

ಮೊಬೈಲ್ : 7349327494

ಕುಡ್ಲ : ನಿಷೇಧಿತ ಅಮಲ್ ದ ವಸ್ತು ಸಾಗಾಟ -ನಾಲ್ ಜನ ಅರೆಸ್ಟ್

Jun 16, 2022

ಕುಡ್ಲ : ನಿಷೇಧಿತ ಅಮಲ್ ದ ವಸ್ತು ಸಾಗಾಟ -ನಾಲ್ ಜನ ಅರೆಸ್ಟ್

ಕುಡ್ಲ : ನಿಷೇಧಿತ ಅಮಲ್ ದ ವಸ್ತು ಎಂಡಿಎಂಎನ್ ಸಾಗಾಟ ಮಲ್ತೊಂದು ಇತ್ತಿನ ಪೊಂಜೊವ್ ಸೇರಿನoಚ ನಾಲ್ ಜನನ್ ಕುಡ್ಲ ಸಿಸಿಬಿ ಪೊಲೀಸೆರ್ ಕಾರ್ಯಾಚರಣೆ ಮಲ್ತ್ ಅರೆಸ್ಟ್ ಮಲ್ದೆರ್.

ಕೇರಳ ರಾಜ್ಯದ ಕಾಸರಗೋಡು ದ ಉಪ್ಪಳ ನಿವಾಸಿ ಮಹಮ್ಮದ್ ರಮೀಝ್(24), ಶಿರಿಯಾ, ಕುನ್ನಿಲ್ ಶಿರಿಯಾ ನಿವಾಸಿ ಮೊಹಿದ್ದೀನ್ ರಾಶೀದ್(24), ಉಪ್ಪಳದ ಮುಳಿಂಜ ನಿವಾಸಿ ಅಬ್ದುಲ್ ರವೂಫ್(35) ಬೊಕ್ಕ ಬೆಂಗ್ಳೂರುದ ಮಡಿವಾಳ‌ ನಿವಾಸಿ ಸಬಿತಾ ಅಲಿಯಾಸ್ ಚಿಂಚು ಅಲಿಯಾಸ್ ಸಮೀರಾ(25) ಬಂಧಿತ ಆರೋಪಿಲು .

ಈ ಕಲ್ವೆರ್ ನೆರ್ದ್ ಒಟ್ಟು 125 ಗ್ರಾಂ ತೂಕದ 6 ಲಕ್ಷ ರೂ. ಪನವುದ ಎಂಡಿಎಂಎ ಅಮಲ್ ವಸ್ತು ದೊಟ್ಟುಗು 6 ಮೊಬೈಲ್ ಫೋನ್ , ಡಿಜಿಟಲ್ ತೂಕ ಮಾಪಕ ಬೊಕ್ಕ ಸಾಗಾಟಕ್ಕೆ ಮಾರುತಿ ರಿಡ್ಜ್ ಕಾರ್ ವಶಕ್ ದೆತೊನ್ದೆರ್.

Mangalore Four persons arrested for trafficking drugs.

Mangalore: Four persons including an woman was arrested for carrying MDMN an abusive substance by the CCB police after investigation.

The arrested have been identified as Ramiz(24) ; Mohideen Rashid (24); Abdul Rauf (35) ,all from Uppala in Kasaragod, Kerala.Sabita alias Chinchi alias Samira (25) is from Madivala in Bangalore.

Drugs wort six lakh rupees,six mobiles, digital weighing machine and a transport vehicle has been confiscated by the police.

ಜೂ.21 ಕುಡ್ಲದ 3 ಕಡೆಟ್ ಯೋಗ ದಿನ

Jun 16, 2022

ಜೂ.21 ಕುಡ್ಲದ 3 ಕಡೆಟ್ ಯೋಗ ದಿನ

ಕುಡ್ಲ : ಕುಡ್ಲದ ಕೆಲವು ಸಂಘ-ಸಂಸ್ಥೆ ಬೊಕ್ಕ ಶಾಲಾ ಕಾಲೇಜುಡು ಯೋಗ ದಿನಾಚರಣೆ ಜೂ. 21ಕ್ಕ್ ನಡಪೆರೆ ಉಂಡು , ಈ ನೆಲೆಟ್ಟ್ ಮೂಜಿ ಕಡೆಟ್ ಜಿಲ್ಲಾ ಮಟ್ಟದ ಯೋಗ ದಿನಾಚರಣೆನ್ ಅಟ್ಟನೆ ಮಲ್ದೆರ್ .

ಈ ನೆಲೆಟ್ಟ್ ದಕ್ಷಿಣ ಕನ್ನಡ ಜಿಲ್ಲೆದ ಆಯುಷ್‌ ಮಹಾವಿದ್ಯಾಲಯ, ಎನ್‌ಎಸ್‌ಎಸ್‌, ಎನ್‌ಸಿಸಿ ಕೋ ಆರ್ಡಿನೇಟರ್, ವಿವಿಧ ಯೋಗ ಸಂಘಟನೆದ ವತಿರ್ದ್ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಕಚೇರಿಡ್ ಪೂರ್ವಭಾವಿ ಸಭೆ ನಡತುಂಡು .

June 21st Yoga day celebration
District level program at 3 places.

Mangalore: Many organisations and schools have made arrangements to celebrate yoga day on June 21st. Celebrations at district level will be done at three places.

The DK district Ayush University, NSS, NCC coordinator, various yoga associations had a high level meeting in this regard at the DC office.

ಕುಡ್ಲ

ಕುಡ್ಲ : ಬಯ್ಯ 6 ಗಂಟೆದುಲಯಿ ಅಂಗಡಿ ಬಂದ್ ಮಲ್ಪರೆ ಆದೇಶ ಕೊರಿನ ಡಿಸಿ

ಕುಡ್ಲದ ಇಮಾನ ನಿಲ್ದಾಣೊಡು ಪಚ್ಚೆ ಪಜಿರ್ ದೈಸಿರ

ಕುಡ್ಲ : ” ಯೂತ್ ಜೋಡೋ ಬೂತ್ ಜೋಡೋ ” ಲೇಸ್ ಗ್ ಚಾಲನೆ

ಕುಡ್ಲದ ಲೇಡಿಹಿಲ್ ಡ್ ನಾರಾಯಣ ಗುರು ವೃತ್ತಗ್ ಕೆಸರ್ ಕಲ್ಲ್ ಪಾಡುನ ಲೇಸ್

ಕುಡ ಬರ್ರೆ ಉಂಡು ಚಂಡಮಾರುತ; ಕುಡ್ಲರ್ದ್ ದಾಮನ್ ಮುಟ್ಟ ಎಚ್ಚೆರ್ಗೆ

ಕುಡ್ಲದ ಅಶೋಕ ವಿದ್ಯಾಲಯಡ್ ಎನ್ಮನೆ ವಿಶ್ವ ಯೋಗ ದಿನಾಚರಣೆ

ಮಾಯೊದಪ್ಪೆ ಮಂತ್ರದೇವತೆಗ್ ಮೂರ್ತ: ಕಲಾವಿದೆರ್‌ ಕುಡ್ಲ ಕೂಟರ್ದ್ ಪೌರಾಣಿಕ ನಾಟಕ

ಕುಡ್ಲದ ಶ್ಲಾಘ್ಯ ತರಬೇತಿ ಸಂಸ್ಥೆಡ್ ಇಂಗ್ಲಿಷ್ ಪಾತೆರುನ ಕೋರ್ಸ್

ಕುಡ್ಲ : ನಿಷೇಧಿತ ಅಮಲ್ ದ ವಸ್ತು ಸಾಗಾಟ -ನಾಲ್ ಜನ ಅರೆಸ್ಟ್

ಜೂ.21 ಕುಡ್ಲದ 3 ಕಡೆಟ್ ಯೋಗ ದಿನ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ