ಒಡಿಪು

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಜೈತುಳುನಾಡು(ರಿ) ವತಿರ್ದ್ ಎಕ್ಕಾರು ನೀರುಡೆಡ್ ತುಳುಲಿಪಿ ಪರೀಕ್ಷೇಡ್ ಉತ್ತೀರ್ಣರಾಯಿನಕ್ಲೆಗ್ ಪ್ರಮಾಣಪತ್ರ ಪಟ್ಟುನ ಲೇಸ್

ಇಂಚೋಗು ತುಳುನಾಡ್ ದ ಪ್ರತಿಯೊಂಜಿ ಗ್ರಾಮಡ್ಲಾ ಉಚಿತ ತುಳುಲಿಪಿ ಶಿಕ್ಷಣ ಕೊರ್ಪಿನೆತ್ತ ಒಟ್ಟುಗು ಅವ್ವೆತೋ ಕಡೆ ತುಳುಲಿಪಿ ನಾಮಫ಼ಲಕನ್ ಪಾರ್ದ್ ,ತುಳು ಭಾಷೆದ ಒರಿಪುಗಾದ್ ಪಗೆಲ್ಇಡೀ ಬೆನೊಂದು ಉಪ್ಪುನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಜೈ ತುಳುನಾಡ್ ಪನ್ಪಿನ ಸಂಘಟನೆ.

ತುಳುನಾಡ್ ದ ಜನತೆಗ್ ಒಂಜಿ ಮಾದರಿ ಸಂಘಟನೆ ಪಂದ್ ಬಾರಿ ಪೆರ್ಮೆಡ್ ಪನೊಲಿ. ತನ್ಕುಲೆನ ಬೇಲೆ ವೈಹಿವಾಟ್ಡ ನಡುಟು ತಿಕ್ಕುನ ಒಂತೆ ಪೊರ್ತುನು ತುಳು ಭಾಷೆದ ಒರಿಪುಗಾದ್ ಕೊರೊಂದು ,ತುಳುನಾಡೊರ್ಮೆ ಪ್ರಸಿದ್ದ ಸಂಘಟನೆ ಪನ್ಪಿನ ಪುಗಾರ್ತೆ ನೆಕ್ಕ್ ಉಂಡು. ಪ್ರತಿಯೊಂಜಿ ಹಳ್ಳಿ ಹಳ್ಳಿಗ್ ಭೇಟಿ ಕೊರ್ದು ತುಳುಲಿಪಿ ಶಿಕ್ಷಣ ಕೊರ್ದು ಪರೀಕ್ಷೆಡ್ ಉತ್ತೀರ್ಣರಾಯಿನಕ್ಲೆಗ್ ಪ್ರಮಾಣ ಪತ್ರ ಕೊರ್ದು ಮಾನದಿಗೆ ಮಲ್ಪುನ ಲೇಸ್ ನ್ ನಡಪಾವೊಂದು ಉಲ್ಲೆರ್.

ತಾರೀಖ್ 31-1-2021 ನೇ ಐತಾರ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಎಕ್ಕಾರು, ನೀರುಡೆ ಬೊಕ್ಕ ನವಚೇತನ ಫ಼್ರೆಂಡ್ಸ್ ಎಕ್ಕಾರು,ನೀರುಡೆ ಮೆಕ್ಲೆನ ಒಟ್ಟು ಸೇರಿಗೆಡ್ ನಡತಿನ *ಬಲೇ ತುಳುಲಿಪಿ ಕಲ್ಪುಗ* ತರಗತಿಡ್ ಪರೀಕ್ಷೆ ಬರೆದ್ ಉತ್ತೀರ್ಣರಾಯಿನ ಜೋಕ್ಲೆಗ್ ಪ್ರಮಾಣ ಪತ್ರ ಕೊರ್ದು ಮನಾದಿಗೆ ಮಲ್ತೆರ್.ಈ ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಶ್ರೀಮತಿ ಕಸ್ತೂರಿ ಪಂಜ
(ಉಪಾಧ್ಯಕ್ಷೆ- ದ.ಕ.ಜಿಲ್ಲಾ ಪಂಚಾಯತ್)
ಶ್ರೀ ಸುದರ್ಶನ್ ಸುರತ್ಕಲ್ (ಗುರ್ಕಾರ್ಲು – ಜೈತುಳುನಾಡ್(ರಿ) ಶ್ರೀ ಹರಿಪ್ರಕಾಶ್ ನೆಲ್ಲಿತೀರ್ಥ
(ಗುರ್ಕಾರ್ಲು -ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ‌.ಎಕ್ಕಾರು ನೀರುಡೆ) ಶ್ರೀ ಉದಯ್ ಪೂಂಜಾ (ಉಪಾಧ್ಯಕ್ಷೆರ್ ಜೈತುಳುನಾಡ್(ರಿ)
ಶ್ರೀ ಜರ್ನಾಧನ ಗೌಡ(ಸದಸ್ಯೆರ್ ದ.ಕ .ಜಿಲ್ಲಾ ಪಂಚಾಯತ್)ಶ್ರೀ, ಸತೀಶ್ ಶೆಟ್ಟಿಎಕ್ಕಾರ್,ಶ್ರೀ ಪ್ರಕಾಶ್ ಕುಕ್ಯಾನ್ ಎಕ್ಕಾರ್,ಶ್ರೀ ಪ್ರತೀಕ್ ಶೆಟ್ಟಿ ಎಕ್ಕಾರ್, ಶ್ರೀ ಜೊಯ್ಸನ್ ಡಿಸೋಜಾ ಪಾಲ್ ಪಡೆದಿತ್ತೆರ್. ತುಳು ಲಿಪಿ ಶಿಕ್ಷಕರಾಯಿನ ಕಿರಣ್ ತುಳುವೆ,ದೀಕ್ಷಿತಾ ಮಧ್ಯ ಮೆಕ್ಲೆಗ್ ಗಣ್ಯೇರ್ನ ಉಪಸ್ಥಿತಿಡ್ ಶಾಲ್ ಪಾರ್ದ್ ಮಾನಾದಿಗೆ ಮಲ್ತೆರ್.

ನಿತೇಶ್ ಶೆಟ್ಟಿ ಎಕ್ಕಾರ್ ಲೇಸ್ ನಡಪಾದ್ ಕೊರಿಯೆರ್.ರಾಜೇಶ್ ಪೂಜಾರಿ ಎಕ್ಕಾರ್ ಮೇರ್ ಬತ್ತಿ ಬಿನ್ನೆರೆಗ್ ಸೊಲ್ಮೆಲು ಸಂದಯಿತಾ ಮಲ್ತೆರ್.

ಚಿತ್ರಕೃಪೆ -ರಾಜೇಶ್ ಪೂಜಾರಿ ಎಕ್ಕಾರ್

“ಬಲೇ ತುಳು ಲಿಪಿಟ್ ಪುದರ್ ಬರಲೆ ಇನಾಮು ಗೆಂದ್ಲೆ” ಪಂಥೋ ದ ಇನಾಮು ಪಟ್ಟುನ ಲೇಸ್

ಶ್ರೀ ಶಂಕರನಾರಾಯಣ ದೇವಸ್ಥಾನ ಕೊಡವೂರು ಜೈ ತುಳುನಾಡ್(ರಿ) ಸಂಘಟನೆ ಉಡುಪಿ ಘಟಕ ಬೊಕ್ಕ ಕೊಡವೂರು ಹಳೆವಿದ್ಯಾರ್ಥಿ ಸಂಘ ಅಂಚನೇ ಯುವಕ ಸಂಘದ ಒಟ್ಟು ಸೇರಿಗೆಡ್ ಜನವರಿ 30 ತಾರೀಖ್ ಗ್ ಕಾಂಡೆ 11ಗಂಟೆರ್ದ್ 6:30 ಮುಟ ಶ್ರೀ ದೇಗುಲದ ವಠಾರಡ್ “ಬಲೇ ತುಳು ಲಿಪಿಟ್ ಪುದರ್ ಬರಲೆ ಇನಾಮು ಗೆಂದ್ ಲೆ “ತುಳು ಲಿಪಿಟ್ ಪುದರ್ ಬರೆಪಿನ ಪಂಥ ನಡತುಂಡು. ಈ ಪಂಥ ಡ್ 400 ರ್ದ್ ಲಾ ಜಾಸ್ತಿ ಜನ ಪಾಲ್ ಪಡೆದಿತ್ತೆರ್. ನೆಟ್ಟ್ ಗೆಂದಿನ ಮೂಜಿ ಅದೃಷ್ಟಶಾಲಿಲೆಗ್ ” ಬಲೇ ತುಳು ಲಿಪಿ ಕಲ್ಪುಗ” ಲೇಸ್ ಡ್ ತುಳು ಲಿಪಿ ಕಲ್ತ್ ದ್ ಉತ್ತೀರ್ಣರಾಯಿನ ಜೋಕ್ಲೆಗ್ ಸರ್ಟಿಫಿಕೇಟ್ ಪಟ್ಟುನ ಲೇಸ್ ನಡಪರೆ ಉಂಡು ಈ ಲೇಸ್ದೊಟ್ಟುಗು  ಗೆಂದಿನಕ್ಲೆಗ್ ಇನಾಮು ಕೊರ್ಪ ಪಂದ್ ಜೈ ತುಳುನಾಡು ಸಂಘಟನೆದ ತುಳು ಲಿಪಿ ಕಮಿಟಿದ ಸದಸ್ಯರಾಯಿನ ಶರತ್ ಕೊಡವೂರು ಪ್ರಕಟಣೆಡ್ ತೆರಿಪಾಯೆರ್.

ಈ ಲೇಸ್ ಡ್ ಶಂಕರ ನಾರಾಯಣ ದೇವಸ್ಥಾನ ದ ವ್ಯವಸ್ಥಾಪನ ಸಮಿತಿ ಗುರ್ಕಾರ್ಲು ಪ್ರಕಾಶ್ ಜಿ ಕೊಡವೂರು, ರಾಮ ಸೇರಿಗಾರ್ ಅಯ್ಯಪ್ಪ ಭಕ್ತವೃಂದ, ಮಧುಕರ ಪೂಜಾರಿ, ಸತೀಶ್ ಕೊಡವೂರು, ಪ್ರಭಾತ್ ಕೊಡವೂರು, ತುಳು ಲಿಪಿ ಶಿಕ್ಷಕರಾಯಿನ ರಾಜೇಶ್ ತುಳುವೆ, ಅಕ್ಷತಾ ಕುಲಾಲ್, ಸ್ವಾತಿ ಸುವರ್ಣ ಬೊಕ್ಕ ಸುಪ್ರಿಯ ಅಖಿಲೇಶ್ ಪಾಲ್ ಪಡೆದಿತ್ತೆರ್ .

ಮಲ್ಲಾರುಗುತ್ತು ಶ್ರೀ.ಸುಬ್ರಹ್ಮಣ್ಯ ಶೆಟ್ಟಿ ಆರೋಗ್ಯದ ಸಮಸ್ಯೆರ್ದ್ ತೀರ್ ಪೋಯೆರ್

ಕಾಪು ವಿಧಾನ ಸಭಾ ಕ್ಷೇತ್ರದ ಮಾಜಿ ಶಾಸಕ ದಿ. ಭಾಸ್ಕರ್ ಶೆಟ್ಟಿ ಮೆರ್ನ ಸುಪುತ್ರ, ಕಾಪು ಪುರಸಭೆದ ಸದಸ್ಯೆ ಶ್ರೀಮತಿ. ಶಾಂತಲತಾ ಎಸ್. ಶೆಟ್ಟಿನ ಪತಿ, ಮಲ್ಲಾರುಗುತ್ತು ಶ್ರೀ.ಸುಬ್ರಹ್ಮಣ್ಯ ಶೆಟ್ಟಿ ಮೇರ್ ಅಲ್ಪಕಾಲದ ಅಸೌಖ್ಯರ್ದ್ ಮಲ್ಲಾರ್ದ ಸ್ವಗೃಹಡ್ ತೀರ್ ಪೋಯೆರ್. ಮೆರ್ನ ಅಂತ್ಯಕ್ರಿಯೆ ತಾ 30.01.2021 ಕೋಡೆ ರಾತ್ರಿ 9.00 ಗಂಟೆಗ್ ಮಲ್ಲಾರು ಗುತ್ತು ದ ಆರ್ನ ಇಲ್ಲಡ್ ನಡತುಂಡು.

ಗರ್ಭಾಶಯದ ಕ್ಯಾನ್ಸರ್ ಬೊಕ್ಕ ಸ್ತನ ಕ್ಯಾನ್ಸರ್ ಉಚಿತ ತಪಾಸಣಾ ಬೊಕ್ಕ ಮಾಹಿತಿ ಶಿಬಿರ

ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಆಯುರ್ವೇದ ಕಾಲೇಜು, ಆಸ್ಪತ್ರೆ ಕುತ್ಪಾಡಿ ಮೆಕ್ಲೆನ ಒಟ್ಟು ಸೇರಿಗೆಡ್ ಗರ್ಭಾಶಯ ಕ್ಯಾನ್ಸರ್ ಬೊಕ್ಕ ಸ್ತನ ಕ್ಯಾನ್ಸರ್ ಉಚಿತ ತಪಾಸಣಾ ಬೊಕ್ಕ ಮಾಹಿತಿ ಶಿಬಿರ ತಾರೀಖ್ 01-02-2021 ರ್ದ್ 07-02-2021ರ ಮುಟ ಕಾಂಡೆ 9.00 ರ್ದ್ ಬೈಯ್ಯ 5.00 ಗಂಟೆ ಮುಟ ನಡಪರೆ ಉಂಡು.

ಎಸ್.ಡಿ.ಎಮ್. ಆಸ್ಪತ್ರೆದ ಪ್ರಸೂತಿ ತಂತ್ರ ಬೊಕ್ಕ ರೋಗ ವಿಭಾಗದ ತಜ್ಞ ವೈದ್ಯೆರ್ ನೆರ್ದ್ ಗರ್ಭಾಶಯದ ಕೊರಳ್ ದ ಕ್ಯಾನ್ಸರ್ ಬೊಕ್ಕ ಸ್ತನದ ಕ್ಯಾನ್ಸರ್ ಬಗ್ಗೆ ಉಚಿತ ತಪಾಸಣಾ ಬೊಕ್ಕ ಮಾಹಿತಿ ಶಿಬಿರ ನಡಪರೆ ಉಂಡು .

ಈ ಸೌಲಭ್ಯದ ಸದುಪಯೋಗನ್ ಮಾತೆರ್ಲ ಪಡೆಯೊಂದು ಈ ಸೀಕ್ ರ್ದ್ ದೂರ ಉಪ್ಪುಲೆ .

ಬಲೇ ಒಟ್ಟಾದ್ ಕ್ಯಾನ್ಸರ್ ಪನ್ಪಿನ ಮಾರಿನ್ ದೂರ ಮಲ್ಪುಗ.

ಶ್ರೀ ಮಹಾಲಕ್ಷ್ಮಿ ದೇವಸ್ಥಾನ ಉಚ್ಚಿಲ ಮಹಾ ರಥಾರೋಹಣ

30.01.2021 ತಾರೀಖ್ ಶನಿವಾರಕಾಂಡೆ ಘಂಟೆ 5ರ್ದ್ ಪ್ರಾತಃಕಾಲ ಪೂಜೆ , ನವಕ ಪ್ರಧಾನ ಹೋಮ , ಅಲಂಕಾರ ಪೂಜೆ , ಸಹಸ್ರನಾಮಾರ್ಚನೆ , ಮಹಾಪೂಜೆ , ರಥ ಸಂಪ್ರೋಕ್ಷಣೆ , ಸಾಮೂಹಿಕ ಪ್ರಾರ್ಥನೆ , ರಥಾರೋಹಣ ಬಲಿ , ರಥಾರೋಹಣ ನೃತ್ಯ ದರ್ಶನ ನಡಪರೆ ಉಂಡು.ಮಧ್ಯಾಹ್ನ 12 45ಕ್ಕ್ ಮಹಾ ರಥಾರೋಹಣ, ಮಧ್ಯಾಹ್ನ 1:00 ಘಂಟೆಗ್ ಮಹಾ ಅನ್ನಸಂತರ್ಪಣೆ ನಡಪರೆ ಉಂಡು.

ಬೈಯ್ಯ ಗಂಟೆ 5.00 ರ್ದ್ ಭದ್ರಕಾಳಿ ಅಮ್ಮನ ದರ್ಶನ ಸೇವೆ,ರಾತ್ರಿ ಗಂಟೆ 8ರ್ದ್
ಸಾಮೂಹಿಕ ಪ್ರಾರ್ಥನೆ , ರಥಕ್ ಅಜಯ ಕಾಯಿ ಸಮರ್ಪಣೆ ಅಂಚನೇ ಶ್ರೀ ಮನ್ಮಾಮಹಾ ರಥೋತ್ಸವ ಉತ್ಸವ ಬಲಿ , ರಾತ್ರಿ ಪೂಜೆ ,
ಶ್ರೀ ಭೂತ ಬಲಿ , ಏಕಾಂತ ಸೇವೆ , ಶಯನೋತ್ಸವ , ಕವಾಟ ಪೂರಣ ನಡಪರೆ ಉಂಡು ಪಂದ್ ಪ್ರಕಟಣೆ ಗ್ ತೆರಿಪಾದೆರ್.

ಕೊಡವೂರು ಶಂಕರನಾರಾಯಣ ದೇವೆರೆಗ್ ಸಾನಿಧ್ಯ ಕಲಶಾಭಿಷೇಕ

ಕೋಡೆ ಶ್ರೀ ದೇವಳಡ್ ಶಂಕರನಾರಾಯಣ ಸ್ವಾಮಿಗ್ ಸಾನಿಧ್ಯ ಕಲಶಾಭಿಷೇಕ ಪುತ್ತೂರು ಹಯವದನ ತಂತ್ರಿಲೆನ ಮುತಾಲಿಕೆಡ್ ಋತ್ವಿಜರಾಯಿನ ಪಂಜ ಭಾಸ್ಕರ ಭಟ್, ಮಧುಸೂದನ ಭಟ್,ಪಾಡಿಗಾರು ಶ್ರೀನಿವಾಸ ತಂತ್ರಿ,ವಾದಿರಾಜ ತಂತ್ರಿನಕ್ಲೆನ ಒಟ್ಟು ಸೇರಿಗೆಡ್ ನಡತುಂಡು.

ದೇವಳದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರ್ಲಾಯಿನ ಪ್ರಕಾಶ್ ಜಿ ಕೊಡವೂರು, ಸದಸ್ಯರಾಯಿನ  ಜನಾರ್ದನ್ ಕೊಡವೂರು, ರಾಜ ಎ ಶೇರಿಗಾರ್, ಭಾಸ್ಕರ ಬಾಚನಬೈಲು, ಸುಧಾ ಎನ್ ಶೆಟ್ಟಿ, ಬಾಬ ,ಲಕ್ಷ್ಮೀ‌ನಾರಾಯಣ ಭಟ್ ,ಶ್ಯಾಮ ಸುಂದರ ಭಟ್,ಉಮೇಶ್ ರಾವ್,ಸಂಧ್ಯಾ ಪ್ರಕಾಶ್,ಪೂರ್ಣಿಮಾ‌ ಜನಾರ್ದನ್, ವಿಜಯಶ್ರೀ, ಸತೀಶ್ ಕೊಡವೂರ್, ಬಾಲಕೃಷ್ಣ, ಕಾಂತಪ್ಪ ಕರ್ಕೇರ, ಶಿವಪ್ಪ ಟಿ ಕಾಂಚನ್, ಹಿರಿಯಣ್ಣ, ಹರೀಶ್ ಕೋಟ್ಯಾನ್, ರಂಜಿತ್ ಕೊಡವೂರು ಅರುಣ್ ಕುಮಾರ್, ಪ್ರವೀಣ್ ಕೊಡವೂರ್ ಪಾಲ್ ಪಡೆದಿತ್ತೆರ್ .

ದೊಂದಿ ಬೊಲ್ಪು ಡು ನಡಪುನ ರಾಶಿ ಪೂಜೆಗ್ ಛಾಯಾಚಿತ್ರ ಸ್ಪರ್ಧೆದ ಸಾಂಗತ್ಯ -2021  

ಮಹತೋಬಾರ  ಕೊಡವೂರು ಶ್ರೀ ಶಂಕರನಾರಾಯಣ ರಾಶಿಪೂಜೆ ಸೇವಾ ಸಮಿತಿ ಪ್ರಾಯೋಜಕತ್ವಡ್  ಸೌತ್ ಕೆನರಾ ಫೋಟೋ ಗ್ರಾಪರ್ಸ್  ಅಸೋಷಿಯೇಷನ್  ಉಡುಪಿ ವಲಯ ಅಟ್ಟನೆ ಮಲ್ಪುನ ” ದೊಂದಿ ಬೊಲ್ಪುಡು ನಡಪುನ ರಾಶಿ ಪೂಜೆಗ್ ಛಾಯಾಚಿತ್ರ ಸ್ಪರ್ಧೆದ ಸಾಂಗತ್ಯ -2021″(ಈಶ ಸೇವೆದೊಟ್ಟುಗು ಕಲಾ ಸೇವೆ).

ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನಡ್ ಫೆಬ್ರವರಿ 4,ಗುರುವಾರ ದೊಂದಿ ಬೊಲ್ಪುಡು ನಡಪುನ ರಾಶಿ ಪೂಜಾ ಮಹೋತ್ಸವದ ಚಿತ್ತಾಕರ್ಷಕ
ದೃಶ್ಯನ್ ಛಾಯಾಗ್ರಾಹಕೆರ್ ಅಕ್ಲೆನ ಕ್ಯಾಮರಾ ಕಣ್ಣ್ ಡ್ ಸೆರೆ ಪತ್ತ್ ದ್ ಈ ಪಂಥೋ ಡು ಪಾಲ್ ಪಡೆದ್ ಇನಾಮು ಪಡೆಯರೆ ಇಂದೊಂಜಿ ಅಪೂರ್ವ ಅವಕಾಶ.
ಸುರುತ್ತ ಇನಾಮು 3,000-00 +ಸ್ಮರಣಿಕೆ
 ರಡ್ಡನೇ ಇನಾಮು  2,000-00 +ಸ್ಮರಣಿಕೆ,  
 ಮೂಜನೇ ಇನಾಮು 1,000-00 +ಸ್ಮರಣಿಕೆ ಬೊಕ್ಕ್  ರಡ್ಡ್ ಸಮಾಧಾನಕರ ಬಹುಮಾನ.

ಸ್ಪರ್ಧಾ ನಿಯಮ ಬೊಕ್ಕ ನಿಬಂಧನೆಲು :

ಒರಿ 8*10 ಗಾತ್ರದ ಗರಿಷ್ಠ ಮೂಜಿ  ಛಾಯಾಚಿತ್ರ ಕಡಪಾವೊಲಿ.ಛಾಯಾಚಿತ್ರದ  ಪಿರವು ತಮ್ಮ ಪುದರ್ , ವಿಳಾಸ ಬೊಕ್ಕ ಮೊಬೈಲ್ ಸಂಖ್ಯೆನ್ ಕಡ್ಡಾಯವಾದ್ ಬರೆಯೊಡು . ಧಾರ್ಮಿಕ ವಿಧಿ ವಿಧಾನಗಲೆಗ್ ಒವ್ವೆ ರೀತಿದ ಅಡಚಣೆಯಾವಂದಿಲಕ ಛಾಯಾಚಿತ್ರನ್ ದೆಪ್ಪೊಡು. ಛಾಯಾಚಿತ್ರ ದೆಪ್ಪುನ ಪೊರ್ತು ಫೆ.4, ಗುರುವಾರ ಬೈಯ್ಯ ಗಂಟೆ 7.00ರ್ದ್ ಫೆ. 5, ಶುಕ್ರವಾರ ಕಾಂಡೆ ಗಂಟೆ 6.00 ಮುಟ ಮಾತ್ರ ಅವಕಾಶ.ನಿರ್ಣಾಯಕೆರ್ನ ತೀರ್ಮಾನನೇ ಕಡೆತವು. ಮಾತೆರೆಗ್ಲಾ ಮುಕ್ತ ಅವಕಾಶ. ಛಾಯಾಚಿತ್ರ ಕಡಪಾಯರೇ ಕಡೆತ ದಿನ ತಾರೀಖ್ 15 .02.2021, ಸೋಮವಾರ.ಮೊಬೈಲ್ಡ್ ದೆತ್ತಿನ ಛಾಯಾಚಿತ್ರನ್ ಸ್ಪರ್ಧೆಗೆ ದೆಪ್ಪುಜ.ಛಾಯಾಚಿತ್ರಲೆನ್ ಕಡಪಾವೊಡಾಯಿನ ವಿಳಾಸ-ಶಾಡೋಸ್ ಡಿಜಿಟಲ್ ಕ್ರಿಯೇಶನ್, ಕಸ್ತೂರಿ ಬಿಲ್ಡಿಂಗ್, ರಡ್ಡನೇ ಮಹಡಿ ಶಿರಿಬೀಡು, ಉಡುಪಿ.ಇನಾಮು ಪಟ್ಟುನ ಲೇಸ್ 21. 02.  2021, ಸೋಮವಾರ. ಶ್ರೀದೇವಳಡ್   @ ಛಾಯಾಚಿತ್ರಲೆನ್ ಸಾಧಾರಣ ಅಂಚೆ ಅತ್ತುಂಡ ತ್ವರಿತ ಅಂಚೆ ಇಜ್ಜಿಡ ನೋಂದಾಯಿತ ಅಂಚೆ ಮುಖೇನ ಕಡಪಾವೊಡು.

ಎಚ್ಚದ ಮಾಹಿತಿಗಾದ್  :

ಕೊಡವೂರು ಪ್ರಕಾಶ್ ಜಿ.:9880058665

ಜನಾರ್ದನ್ ಕೊಡವೂರು: 9448252363

ಪ್ರಕಾಶ್ ಕೊಡಂಕೂರು: 9880953649

ಸುಕೇಶ್ ಅಮೀನ್ : 7204146368

ಲೆಪ್ಪು ಕೊರ್ಲೆ.