ಒಡಿಪು

ಜುಲೈ 26ರ್ದ್ ಕೃಷಿ ಅಭಿಯಾನ : ಒಡಿಪು ಜಿಲ್ಲಾಧಿಕಾರಿ

ಒಡಿಪು, ಜುಲೈ 22: ಜಿಲ್ಲೆಡ್ ಜುಲೈ 26ರ್ದ್ ಕೃಷಿ ಅಭಿಯಾನ ಲೇಸ್ ನ್ ಅಟ್ಟನೆ ಮಲ್ದೆರ್ . ಈ ಕಾರ್ಯಕ್ರಮಡ್ ರೈತೆರೆಗ್ ಕೃಷಿ ಬೊಕ್ಕ ತೋಟಗಾರಿಕಾ ಇಲಾಖೆರ್ದ್ ತಿಕ್ಕುನ ವಿವಿಧ ಸೌಲಭ್ಯದ ಬಗ್ಗೆ ಸಮಗ್ರ ಮಾಹಿತಿನ್ ಕೊರ್ಪಿಲಕ ಜಿಲ್ಲಾಧಿಕಾರಿ ಜಿ. ಜಗದೀಶ್ ತೆರಿಪಾಯೆರ್ .

ಅಂಗಾರೆ ಮಣಿಪಾಲದ ಜಿಲ್ಲಾಧಿಕಾರಿ ಕಛೇರಿ ಸಭಾಂಗಣಡ್ 2021-22ನೇ ಸಾಲ್ ದ ಸಮಗ್ರ ಕೃಷಿ ಅಭಿಯಾನ ಲೇಸ್ ಜಿಲ್ಲಾ ಮಟ್ಟದ ಅನುಷ್ಠಾನ ಸಮಿತಿ ಸಭೆತ ಗುರ್ಕಾರ್ಮೆ ವಹಿಸ್ದ್ ಪಾತೆರಿಯೆರ್ .

ಸಮಗ್ರ ಕೃಷಿ ಅಭಿಯಾನನ್ ಜಿಲ್ಲೆದ ಮಾತಾ ತಾಲ್ಲೂಕುಡು ಜು.26 ರ್ದ್ ಆಗಸ್ಟ್ 7 ಮುಟ ಅಟ್ಟನೆ ಮಲ್ತ್ ತೋಟಗಾರಿಕಾ ಇಲಾಖೆ ಅಧಿಕಾರಿಲು ಬೊಕ್ಕ ಕೃಷಿ ವಿಜ್ಞಾನಿಲೆನ ಕೂಟ ಮಾತಾ ಗ್ರಾಮಗ್ ಭೇಟಿ ಕೊರ್ದು ಸಮಗ್ರ ಕೃಷಿ ಅಭಿವೃಧ್ದಿ ಕುರಿತು ರೈತರೆಗ್ ವಿವರ ವಾದ ಮಾಹಿತಿ ಕೊರೊಡು ಪಂದ್ ಜಿಲ್ಲಾಧಿಕಾರಿ ಪಂಡೆರ್ .

ಒಡಿಪು ಜಿಲ್ಲೆಡ್ ಸರಳ ರೀತಿಡ್ ಬಕ್ರೀದ್ ಆಚರಣೆ

ಒಡಿಪು, ಜುಲೈ 22: ಕೋವಿಡ್ ಭೀತಿದ ನಡುಟು ಮಾತಾ ರೀತಿದ ಸುರಕ್ಷತಾ ಕ್ರಮತೊಟ್ಟುಗು ಒಡಿಪುದ ಮಸೀದಿಡ್ ಜು.21ಕ್ಕ್ ವಿಶೇಷ ನಮಾಝ್‌ ಮಲ್ಪುನ ಮುಖೇನ ಬಕ್ರೀದ್ ಹಬ್ಬ(ಈದುಲ್ ಅಝಾ) ಸರಳವಾದ್ ಆಚರಣೆ ಮಲ್ತೆರ್.

ಒಡಿಪು ಜಾಮೀಯ ಮಸೀದಿಡ್ ಖತೀಬ್ ಮೌಲಾನ ರಶೀದ್ ಅಹ್ಮದ್ ನದ್ವಿ ಉಮ್ರಿ ಬೊಕ್ಕ ಮೂಳೂರು ಜುಮಾ ಮಸೀದಿಡ್ ಖತೀಬ್ ಅಲ್‌ಹಾಜ್ ಅಬ್ದುರ್ರಹ್ಮಾನ್ ಮದನಿ ಮುತಾಲಿಕೆಡ್ ಈದ್ ನಮಾಝ್ ಬೊಕ್ಕ ಖುತ್ಬಾ ಪಾರಾಯಣ ನಡತುಂಡು .