ಒಡಿಪು

ತಾರಾಯಿದ ಇಸೇಸತೆ : ಶ್ರೀ ಸಂತೋಷ್ ಆಚಾರ್ಯ ಒಡಿಪು ಧಾರ್ಮಿಕ ಮಾರ್ಗದರ್ಶಕೆರ್

ಧರ್ಮಶಾಸ್ತ್ರಡ್ ಒಂಜಿ ಪಾತೆರ ಉಂಡು . “ತಾಂಬೂಲದ ಒಟ್ಟುಗು ತಾರಾಯಿ ದೀದ್ ದಾನ ಮಲ್ತುಂಡ “ಅಶ್ವಮೇಧಯಾಗದ ” ಫಲ ತಿಕ್ಕುಂಡು ಪಂದ್

ತಾರಾಯಿಡ್ ಐನ್ ವಿಧ ಉಂಡು..

ಶ್ರೀಫಲ : ಉಂದು ತುದೆತ ದಂಡೆದ ಮಿತ್ತ್ ತಿಕ್ಕುನ ಅಪರೂಪದ “ತಾರಾಯಿದ ಆಕಾರದ ಎಲ್ಯ ಫಲ. ಉಂದೆನ್ ಇಲ್ಲಡ್ ಅತ್ತುಂಡ ಬೇರದ ಜಾಗೆಡ್ ದೀದ್ ಪೂಜೆ ಮಲ್ತುಂಡ ಧನಕನಕ ಅಭಿವೃದ್ಧಿ ಆಪುಂಡು. ಬಡತನ ನಿವಾರಣೆಯಾದ್ , ಶ್ರೀಮಂತಿಕೆ ಪ್ರಾಪ್ತಿಯಾಪುಂಡು ಪನ್ಪಿ ವಾಡಿಕೆ ಉಂಡು.

ಇಸೇಸ ತಾರಾಯಿ ಪಂಡ ಗರ್ಭ ತಾರಾಯಿ , ಪೂರ್ಣಫಲ.. . ಗರ್ಭ ತಾರಾಯಿ ಪಂಡ , ತಾರಾಯಿದ ಉಲಯಿ ಕುಡೊಂಜಿ ಎಲ್ಯ ತಾರಾಯಿ ಉಪ್ಪುನೆಕ್ಕ್ ಗರ್ಭ ತಾರಾಯಿ ಪಂದ್ ಪನ್ಪೆರ್ ..

• ತಾರಾಯಿನ್ ಪೂಜೆ ಮಲ್ತುಂಡ ದೈವಬಲ ಜಾಸ್ತಿ ಆಪುಂಡು ..
• ಬೊಂಡನ್ 3 ದಿನ, 8, 12.. ದಿನ ಪೂಜೆ ಮಲ್ತುಂಡ ಇಲ್ಲದ ದಾರಿದ್ರ್ಯ ಬೊಕ್ಕ ಬಡತನ ನಿವಾರಣೆ ಆಪುಂಡು ..
• ಬೊಂಡ ಕೊರ್ದು ಈಶ್ವರಗ್ ಅಭಿಷೇಕ ಮಲ್ತುಂಡ ಕಿಡ್ನಿ ದ ತೊಂದರೆ ಬರ್ಪುಜಿ.
• ದೊಂಡೆ ಬೇನೆ ಉಪ್ಪುನಕುಲು ಏರೆಗಾಂಡಲ ಬೊಂಡ ಪರಿಯೆರೆ ಕೊರುಂಡ , ಬೇಗ ಕಮ್ಮಿ ಆಪುಂಡು.
• ಬೊಂಡ ನ್ ಬ್ರಾಣೆರೆಗ್ , ಗುರುಕ್ಲೆಗ್ , ಆಚಾರ್ಯೆರೆಗ್ , ಯತಿನಕ್ಲೆಗ್ .. ಕೊರ್ದು ನಮಸ್ಕಾರ ಮಲ್ತುಂಡ , ನಿಕ್ಲೆನ ಸಕಲ ಕಜ್ಜಲಾ ಬಾರಿ ಬೇಗ ಯಶಸ್ವಿ ಆದ್ , ಮಾತಾ ಕಷ್ಟರ್ದ್ ಲಾ ಬುಡುಗಡೆ ಆದ್ ಕೀರ್ತಿವoತೆರ್ ಆಪೆರ್ ಪನ್ಪಿ ನಂಬಿಕೆ.