ಉಳ್ಳಾಲ

ಮಾ. 12ಕ್ಕ್ ವೀರಪ್ಪ ಮೊಯ್ಲಿನ ಆತ್ಮಕಥನ ಬುಡುಗಡೆ

ಬೆಂಗ್ಳೂರು : ಮಾಜಿ ಮುಖ್ಯಮಂತ್ರಿ, ಮಾಜಿ ಕೇಂದ್ರ ಸಚಿವ ಎಂ. ವೀರಪ್ಪ ಮೊಯ್ಲಿ ಮೆರೆನ ಆತ್ಮಕಥನ “ನನ್ನ ಬೊಗಸೆಯ ಆಕಾಶ” ಬೂಕು ಬುಡುಗಡೆ ದ ಲೇಸ್ ಮಾ. 12 ಕ್ಕ್ ಬೈಯ್ಯಗ್ 4 ಗಂಟೆಗ್ ಬೆಂಗ್ಳೂರು ಜೆ.ಸಿ. ಮಾರ್ಗದ ರವೀಂದ್ರ ಕಲಾ ಕ್ಷೇತ್ರಡ್ ನಡಪೆರೆ ಉಂಡು .

ನಿಟ್ಟೆ ಮೀನಾಕ್ಷಿ ತಾಂತ್ರಿಕ ಶಿಕ್ಷಣ ಸಂಸ್ಥೆಯ ಗೌರವ ಸಲಹೆಗಾರೆರಾಯಿನ ಪ್ರೊ. ಎನ್. ಆರ್. ಶೆಟ್ಟಿ ಗುರ್ಕಾರ್ಮೆ ವಹಿಸರೆ ಉಲ್ಲೆರ್ , ಮಾಜಿ ಉಪಮುಖ್ಯಮಂತ್ರಿ ಡಾ. ಜಿ. ಪರಮೇಶ್ವರ್ ಬೂಕು ಬುಡುಗಡೆ ಮಲ್ಪರೆ ಉಲ್ಲೆರ್ . ಮಾಜಿ ಕೇಂದ್ರ ಮಂತ್ರಿ ಡಾ. ಕೆ. ರೆಹಮಾನ್ ಖಾನ್, ನಿವೃತ್ತ ಆಂಗ್ಲ ಪ್ರಾಧ್ಯಾಪಕ ಪ್ರೊ. ಸಿ.ಎಸ್. ರಾಮಚಂದ್ರನ್, ಶಿಕ್ಷಣ ತಜ್ಞ ಬೊಕ್ಕ ಲೇಖಕ ಪ್ರೊ. ಕೆ. ಈ. ರಾಧಾಕೃಷ್ಣ ಪಾಲ್ ಪಡೆಯೆರೆ ಉಲ್ಲೆರ್.

ಕುಡ್ಲದಕ್ಲೆಗ್ ಎನ್‌ಐಟಿಕೆ ಟೋಲ್‌ರ್ದ್ ಮುಕ್ತಿ ಕೊರ್ಲೆ : ಸಚಿವ ಗಡ್ಕರಿಗ್ ಕೈಮುಗಿದ್ ಕೇಂಡಿನ ಸಂಸದ ನಳಿನ್

ಕುಡ್ಲ : ‘ಕುಡ್ಲದ ಎನ್‌ಐಟಿಕೆ ಕೈತಲ್ ಉಪ್ಪುನ ಸುರತ್ಕಲ್ ಟೋಲ್ ಗೇಟ್ ನ್ ಹೆಜಮಾಡಿಗ್ ವಿಲೀನ ಮಲ್ಪುನಃ ನೆಲೆಟ್ಟ್ ಪೊರ್oಬಾಟ ಆವೊಂದೇ ಉಂಡು . ಆ ಟೋಲ್‌ರ್ದ್ ಕುಡ್ಲದಕ್ಲೆಗ್ ಮುಕ್ತಿ ಕೊರ್ಲೆ ಪಂದ್ ಕೇಂದ್ರ ಹೆದ್ದಾರಿ ಸಚಿವ ನಿತಿನ್ ಗಡ್ಕರಿಗ್ ದ.ಕ ಸಂಸದ ನಳಿನ್ ಕುಮಾರ್ ಕಟೀಲು ಕೈ ಮುಗಿದ್ ಬಿನ್ನಾಪು ಮಲ್ದೆರ್ .

ಕುಡ್ಲದ ಕೊರ್ಡೆಲ್ ಹಾಲ್‌ಡ್ ನಡತಿನ 15 ರಾ.ಹೆದ್ದಾರಿ ಯೋಜನೆದ ಶಂಕುಸ್ಥಾಪನೆ ಬೊಕ್ಕ ಶಿಲನ್ಯಾಸ ಲೇಸ್ ಡ್ ಪಾತೆರಿನ ಆರ್ , ನಿಧಾನವಾದ್ ನಡತೊಂದು ಉಪ್ಪುನ ರಾ.ಹೆ ಕಾಮಗಾರಿಗ್ ಕುದುರೆಗತಿದ ವೇಗ ಕೊರಿನಾರ್ ನಿತಿನ್ ಗಡ್ಕರಿ.ಆ ನೆಲೆಟ್ಟ್ ಮೂಜಿ ಬೇಡಿಕೆ ದೀಯೊಂದು ಉಲ್ಲೆ ಐಟ್ ಸುರುತವು ನಂತೂರ್ ಪ್ರೈ ಓವರ್, ಬಿ.ಸಿ.ರೋಡ್-ಪೊಳಲಿ, ಕಟೀಲು ಮುಖೇನ ಮೂಲ್ಕಿಗ್ ಬೈಪಾಸ್ ಮಾರ್ಗ ಮೆಲ್ಕಾರ್‌ ರ್ದ್ -ತಲಪಾಡಿ ಮುಖೇನ ಕಾಸರಗೋಡ್ ಗ್ ಬೈಪಾಸ್ ಮಾರ್ಗ ಗ್ ಅನುಮತಿ ಕೊರೊಡು ಪಂದ್ ಬಿನ್ನಾಪು ಮಲ್ತೆರ್.

ಶ್ರೀ ಲಕ್ಷ್ಮೀ ನಾರಾಯಣ ವೀರಾಂಜನೇಯ ಸ್ವಾಮಿ ಕರಿಂಜೆ ದೇವಲ್ಯಡ್ ವರ್ಷಾವಧಿ ಉಚ್ಛಯ

ಬೆದ್ರ ; ಶ್ರೀ ಶ್ರೀ ಮುಕ್ತಾನಂದ ಸ್ವಾಮಿಲೆನ ತಪೋಭೂಮಿ, ಕರಿಂಜೆದ ಕ್ಷೇತ್ರಡ್ ವರ್ಷವಾದಿ ಉಚ್ಛಯ ಬೊಕ್ಕ ಧರ್ಮದೈವೊಲೆನ ನೇಮೋಚ್ಛಯ ನಡತುಂಡು.

108 ತಾರಾಯಿದ ಗಣಯಾಗ , ಲಲಿತಾ ಸಹಸ್ರನಾಮ ಯಾಗ ಬೊಕ್ಕ ಧರ್ಮಸಭೆದಂಚಿನ ಪೊರ್ಲ ಲೇಸು ಶ್ರೀ ಕ್ಷೇತ್ರಡ್ ನಡತುಂಡು..ಧರ್ಮಸಭೆಟ್ ಓಡಿಯೂರು ಶ್ರೀ ಪರಮಪೂಜ್ಯ ಗುರು ದೇವಾನಂದ ಸ್ವಾಮೀಜಿ ಆಶೀರ್ವಚನ ಕೊರಿಯೆರ್, ಅಂಚೆನೆ ಕ್ಷೇತ್ರದ ಯತಿಲಾಯಿನಂಚಿನ ಶ್ರೀ ಶ್ರೀ ಮುಕ್ತಾನಂದ ಸ್ವಾಮೀಜಿಲು ತನ್ನ ಎಡ್ಡೆಪುದ ಪಾತೆರನ್ ಪಂಡೆರ್. ಸಭೆಟ್ ಮಾರೂರು ಖಂಡಿಗ ರಾಮ್ ದಾಸ್ ಅಸ್ರಣ್ನ, ವಿಠಲ ಭಟ್ ನಂದಳಿಕೆ, ಗೌರವ ಅದ್ಯಕ್ಷೆರ್ ನಂಜಪ್ಪ , ಮಾಜಿ ಎ ಪಿ ಎಂ ಸಿ ಅದ್ಯಕ್ಷೆರ್ ಕೃಷ್ಣರಾಜ್ ಹೆಗ್ಡೆ, ಪುರಸಭಾ ಅದ್ಯಕ್ಷೆರು ಪ್ರಸಾದ್ ಕುಮಾರ್, ಹರೀಶ್ ಶೆಟ್ಟಿ ಮಜಲೋಡಿ ಸೇರಿನಂಚಿನ ಗಣ್ಯೆರ್ ಪಾಲು ಪಡೆದಿತ್ತೆರ್.ರಾಜರಾಮ್ ಮೂಡಬಿದ್ರಿ, ಲೇಸುದ ಅಧ್ಯಕ್ಷತೆನ್ ವಹಿಸೊಂದಿತ್ತೆರ್. ಬಿನ್ನೆರೆನ್ ದ ಕ ಬಿಜೆಪಿ ಅಧ್ಯಕ್ಷೆರ್ ಸುದರ್ಶನ್ ಎಂ ಮೂಡಬಿದ್ರಿ ಎದ್ಕೊಂಡೆರ್. ಲೇಸುದ ನಿರೂಪಣೆನ್ ಸುಧಾಕರ ನೂಯಿ ಮಲ್ತೆರ್. ಬಯ್ಯಗ್ ಜಗದೀಶ್ ಆಚಾರ್ಯ ಪುತ್ತೂರು ಬಳಗರ್ದ್ ಸಂಗೀತ ಗಾನ ಸುಧಾ ,ದೇವೆರೆನ ಬಲಿ .ಪಿಲಿಚಂಡಿ ದೈವದ ನೇಮೋಚ್ಛಯ,ದೈವ ದೇವೆರೆನ ಬೇಟಿ ನಡತುಂಡು. 28 ನೇ ಸೋಮವಾರದಾನಿ ದನ್ವಂತರಿ ಯಾಗ ನಡತುಂದು ಜಾತ್ರೆದ ಅಕೇರಿಯಾಂಡು

ಶ್ರೀ ಮಂತ್ರದೇವತಾ ಕ್ಷೇತ್ರ ಸಾನಿದ್ಯ : ವರ್ಷಾದಿದ ಉಚ್ಚಯ

ಬಂಟ್ವಾಳ : ಶ್ರೀ ಮಂತ್ರದೇವತಾ ಕ್ಷೇತ್ರ ಸಾನಿದ್ಯ ಕಟ್ಟೆಮಾರು ಡ್ ತಾರೀಖ್ 27/2/2022 ನೇ ಐತಾರ ದಾನಿ ರಾತ್ರಿ 11 ಗಂಟೆರ್ದ್ ದೊಂದಿ ಬೊಲ್ಪುಡು ಶ್ರೀ ಮಂತ್ರ ದೇವತೆ ದೈವದ ವರ್ಷದ ಕೋಲಉಚ್ಚಯ ಬೊಕ್ಕ ತಾರೀಖ್ 28/2/2022 ನೇ ಸೋಮಾರ ದಾನಿ ರಾತ್ರಿ 8 ಗಂಟೆರ್ದ್ ಸ್ವಾಮಿ ಕೊರಗಜ್ಜ ಬೊಕ್ಕ ಶ್ರೀ ಗುಳಿಗ ದೈವದ ಕೋಲಾ ನಡಪರೇ ಉಂಡು ಪಂದ್ ಪ್ರಕಟಣೆಡ್ ಪಂತೆರ್.