ಆಸ್ಪತ್ರೆ

ಇನಿ ಕುಡ್ಲದ ಬೇತೆ ಬೇತೆ ಕಾಲೇಜ್ ಡ್ ಲಸಿಕಾ ಶಿಬಿರ

Jul 10, 2021

ಕುಡ್ಲ, ಜುಲೈ 10: ಕುಡ್ಲಡ್ ಜು.10ಕ್ಕ್ ಬೇತೆ ಬೇತೆ ಕಾಲೇಜ್ ಡ್ ನೋಂದಾವಣೆ ಮಲ್ತಿನ ಪದವಿ ಜೋಕುಲು /ಬೋಧಕ ಬೊಕ್ಕ ಬೊಧಕೇತರ ಸಿಬ್ಬಂದಿಲೆಗ್ ಕೋವಿಡ್ ಪ್ರತಿರೋಧ ಲಸಿಕಾ ಶಿಬಿರ ನಡಪರೇ ಉಂಡು .

ಫಲಾನುಭವಿಲು ಕಾಲೇಜ್ ದ ಗುರುತಿನ ಚೀಟಿ ಬೊಕ್ಕ ಆಧಾರ್ ಕಾರ್ಡ್ ಅತ್ತುಂಡ ಸರಕಾರ ನಿಗದಿ ಮಲ್ತಿನ ಬೇತೆ ಬೇತೆ ಗುರುತಿನ ಚೀಟಿದೊಟ್ಟುಗು ಬರೊಡು ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿಲೆನ ಪ್ರಕಟನೆಡ್ ತೆರಿಪಾದೆರ್ .

ಕುಡ್ಲದ ಶ್ರೀದೇವಿ ಕಾಲೇಜು ಕೆಂಜಾರ್, ಎಂ.ಆರ್. ಪೂಂಜಾ ಐಟಿಐ ತಪೋವನ ಎಸ್ಟೋಡಿ ಕೆಮ್ರಾಲ್. ಸಹ್ಯಾದ್ರಿ ಕಾಲೇಜು ಅಡ್ಯಾರ್, ಬದ್ರಿಯಾ ಕಾಲೇಜು ಬಂದರು, ಸಂತ ಆಯಗ್ನೆಸ್ ಕಾಲೇಜು ಬೆಂದೂರು, ಶ್ರೀನಿವಾಸ್ ಕಾಲೇಜು ಮುಕ್ಕ, ಸಂತ ಆಯನ್ಸ್ ಆಯನ್ಸ್ ಕಾಲೇಜು ಮಂಗಳೂರು, ಬಲ್ಮಠ ಮಹಿಳಾ ಕಾಲೇಜು, ಗೋವಿಂದದಾಸ್ ಕಾಲೇಜು ಸುರತ್ಕಲ್, ಎ.ಜೆ. ಡ್ ಲಸಿಕಾ ಶಿಬಿರ ನಡಪರೇ ಉಂಡು.

ಜೋಕ್ಲೆಗಾದ್ 13 ಕ್ವಾರಂಟೈನ್ ಕೇಂದ್ರ

Jul 3, 2021

ಕುಡ್ಲ, ಜುಲೈ 3: ಸಂಭಾವ್ಯ ಕೋವಿಡ್ 3ನೇ ಅಲೆತ ಪೊರ್ತುಡು ಜೋಕ್ಲೆನ ಪಾಲನಾ ಸಂಸ್ಥೆಗ್ ದಾಖಲಾವುನ ಜೋಕ್ಲೆನ ಸುರಕ್ಷತೆಗಾದ್ ಜಿಲ್ಲೆಡ್ 13 ಕ್ವಾರಂಟೈನ್‌ ಕೇಂದ್ರ ಸುರು ಜಿಲ್ಲಾಡಳಿತ ತಯಾರ್ ಮಲ್ದೆರ್ .

ಜಿಲ್ಲಾ ಮಕ್ಕಳ ರಕ್ಷಣಾ ಘಟಕ ಬೇತೆ ಬೇತೆ ರೀತಿದ ಸಮಸ್ಯೆ ಎದುರಿಸಾವುನ 18 ವರ್ಷದ ಉಲಯಿದ ಜೋಕ್ಲೆನ ಬಾಲನ್ಯಾಯ ಕಾಯ್ದೆ ಅಡಿಟ್ ರಕ್ಷಣೆ ಬೊಕ್ಕ ಪುನರ್ವಸತಿ ಒದಗಿಸಾದೆರ್ . ಇಂಚ ಬರ್ಪಿನ ಜೋಕುಲು ಪಾಲನಾ ಸಂಸ್ಥೆದ ಆರೈಕೆಡ್ ಇತ್ತೆರ್ .

ಬೇತೆ ಬೇತೆ ಇಲಾಖೆದ ಅಡಿಟ್ ಬರ್ಪಿನ ಆಜಿ ಜೋಕ್ಲೆನ ಪಾಲನಾ ಸಂಸ್ಥೆಲು , ರಡ್ಡ್ ವಸತಿ ನಿಲಯ, ಒಂಜಿ ವಸತಿ ಗೃಹ, ಒಂಜಿ ಖಾಸಗಿ ಟ್ರಸ್ಟ್‌ಲೆನ್ ಕ್ವಾರಂಟೈನ್ ಕೇಂದ್ರ ಪಂದ್ ಗುರ್ತಿಸಾದೆರ್.

“ಸಹಾಯ್ ” ಪಡಿತರ ಕಿಟ್ ಗ್ ಕುಡ್ಲಡ್ ಚಾಲನೆ

Jul 2, 2021

ಕುಡ್ಲ , ಜುಲೈ 2: ಕರ್ನಾಟಕ ಮುಸ್ಲಿಂ ಜಮಾಅತ್ ವತಿರ್ದ್ ಕೆಸಿಎಫ್ ಅಂತರಾಷ್ಟ್ರೀಯ ಸಮಿತಿದ ಪ್ರಾಯೋಜಕತ್ವಡ್ ರಾಜ್ಯಾದ್ಯಂತ ನಡಪುನ ಸಹಾಯ್ ಪಡಿತರ ಕಿಟ್ ವಿತರಣೆಗ್ ಕುಡ್ಲಡ್ ಚಾಲನೆ ಕೊರಿಯೆರ್.

ಕರ್ನಾಟಕ ಮುಸ್ಲಿಂ ಜಮಾಅತ್ ರಾಜ್ಯ ಪ್ರಧಾನ ಕಾರ್ಯದರ್ಶಿ ಶಾಫಿ ಸಅದಿ ಗುರ್ಕಾರ್ಮೆ ವಯಿಸ್ದ್ ಇತ್ತೆರ್. ಕೆಸಿಎಫ್ ಅಂತರಾಷ್ಟ್ರೀಯ ಸಮಿತಿ ಗುರ್ಕಾರ್ಲಾಯಿನ ಡಾ.ಶೇಕ್ ಬಾವಾ ಅಬುಧಾಬಿ ಸಭೆನ್ ಉದಿಪನ ಮಲ್ತೆರ್.

ಕಿಮ್ಸ್ ದ ಪ್ರಸೂತಿ ವಿಭಾಗಗ್ ರಾಷ್ಟ್ರ ಮಟ್ಟಡ್ ಮಾನಾದಿಗೆ

Jul 1, 2021

ಹುಬ್ಬಳ್ಳಿ, : ಕೊರೊನಾ ಸೋಂಕಿತ ಬಂಜಿನ ಪೊಂಜೊವುಲೆಗ್ ಯಶಸ್ವಿ ಹೆರಿಗೆ ಬೊಕ್ಕ ಶಸ್ತ್ರಚಿಕಿತ್ಸೆ ಮಲ್ತ್ ಅಪ್ಪೆ ಬಾಲೆನ್ ರಕ್ಷಣೆ ಮಲ್ತಿನೆಕ್ಕ್ ಕಿಮ್ಸ್‌ನ ಪ್ರಸೂತಿ ಗೃಹ ಬೊಕ್ಕ ಶಸ್ತ್ರಚಿಕಿತ್ಸೆ ವಿಭಾಗಗ್ ಕೇಂದ್ರ ಸರಕಾರ ಲಕ್ಷಾ ಪ್ರಮಾಣೀಕರಣಡ್ ಕ್ರಮವಾದ್ ಶೇ. 92.5 ಬೊಕ್ಕ ಶೇ. 90 ಅಂಕ ಕೊರ್ತೆರ್ , ರಾಷ್ಟ್ರಮಟ್ಟಡ್ ರಡ್ಡನೇ ಅತ್ಯುತ್ತಮ ಪ್ರಸೂತಿ ಬೊಕ್ಕ ಶಸ್ತ್ರಚಿಕಿತ್ಸೆ ಆಸ್ಪತ್ರೆ ಪನ್ಪಿನ ಪುಗಾರ್ತೆ ಪಡೆತುಂಡು.

ಕಿಮ್ಸ್‌ ಆಸ್ಪತ್ರೆದ ಪ್ರಸೂತಿ ಗೃಹ ಬೊಕ್ಕ ಶಸ್ತ್ರಚಿಕಿತ್ಸೆ ವಿಭಾಗದ ಕೂಟ ಕೋವಿಡ್‌ -19 ಒಂಜನೆ ಅಲೆಟ್ 130 ಬೊಕ್ಕ ರಡ್ಡನೇ ಅಲೆಟ್ಟ್ 235 ಸೇರ್ದ್ ಒಟ್ಟು 365 ಬಂಜಿನ ಪೊನ್ಜೊವುಲೆಗ್ ಯಶಸ್ವಿಯಾದ್ ಪೆದ್ದಾದೆರ್. ನೆತ್ತ ಕಾರ್ಯಗ್ ಕೇಂದ್ರ ಸರಕಾರ ಲಕ್ಷಾ ಪ್ರಮಾಣೀಕರಣಡ್ ಅತೀ ಜಾಸ್ತಿ ಅಂಕ ಕೊರ್ತುಂಡು.

ಕುಡ್ಲಡ್ ಲಾಕ್ಡೌನ್ ಸಡಿಲಿಕೆ ಬಗ್ಗೆ ಎಲ್ಲೆ ಅಧಿಕೃತ ಆದೇಶ : ಸಚಿವ ಕೋಟ

Jun 30, 2021

ಬೊಲ್ತೆರ್ , ಜೂ.30: ಕುಡ್ಲಡ್ ಕೊರೋನ ಪ್ರಕರಣ ಕಮ್ಮಿ ಆಪಿನ ನೆಲೆಟ್ಟ್ ಲಾಕ್ಡೌನ್ ಸಡಿಲಿಕೆ ಮಲ್ಪೊಡು ಪಂದ್ ಮುಖ್ಯಮಂತ್ರಿಡ ಬಿನ್ನಾಪು ಮಲ್ದೆರ್. ಗುರುವಾರ(ಜು.1) ಈ ಬಗ್ಗೆ ಸರಕಾರದ ಅಧಿಕೃತ ಆದೇಶ ಬರ್ಪಿನ ನಿರೀಕ್ಷೆ ಉಂಡು ಪಂದ್ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ಕೊಕ್ಕಡಡ್ ಮಾಧ್ಯಮದಕ್ಲೆನೊಟ್ಟುಗು ಪಾತೆರಿನ ಸಚಿವೆರ್ , ಜಿಲ್ಲೆಡ್ ಇತ್ತೇ ಕೊರೋನ ಪಾಸಿಟಿ ವಿಟಿ ರೇಟ್ ಐನೆರ್ದ್ ತಿರ್ತ್ ಬೈದುಂಡು ಈ ನೆಲೆಟ್ಟ್ ಕುಡ್ಲಡ್ ಕಾಂಡೆ ಏಳ್ ಗಂಟೆರ್ದ್ ಬೈಯ್ಯ 5 ಗ‌ಂಟೆ ಮುಟ ಅಂಗಡಿಲೆಡ್ ಬೇರ ಮಲ್ಪರೆ ಅಂಚನೇ ಬಸ್ ಸಂಚಾರ ಮಲ್ಪರೆ ಅವಕಾಶ ಕೊರ್ದು ಲಾಕ್ಡೌನ್ ಸಡಿಲಿಕೆ ಮಲ್ಪುವೆರ್ . ಈ ಬಗ್ಗೆ ಇತ್ತೇ ನಿರ್ಧಾರ ದೆತೊನ್ದೆರ್ ಇನಿ ಬೈಯ್ಯ ಅತ್ತುಂಡ ಗುರುವಾರ ಅಧಿಕೃತ ಆದೇಶ ಕೊರ್ಪಿನ ಸಾಧ್ಯತೆ ಉಂಡು.

ಬ್ಲಾಕ್ ಫಂಗಸ್ ಗ್ ಕುಡ್ಲಡ್ ಒಂಜಿ ಬಲಿ

Jun 30, 2021

ಕುಡ್ಲ, ಜೂನ್ 30: ಕುಡ್ಲಡ್ ಅಂಗಾರೆ ಬ್ಲ್ಯಾಕ್ ಫಂಗಸ್‌ಗ್ ಒರಿ ಬಲಿಯಾತೆರ್. ನೆತ್ತ ಒಟ್ಟುಗು ಬ್ಲ್ಯಾಕ್ ಫಂಗಸ್‌ಗ್ ಬಲಿಯಾಯಿನಕ್ಲೆಗ್ ಸಂಖ್ಯೆ 19ಕ್ಕ್ ಏರ್ದುಂಡು ನೆಟ್ಟ್ ದ.ಕ.ಜಿಲ್ಲೆದ 4 ಬೊಕ್ಕ ಪಿದಾಯಿದ ಜಿಲ್ಲೆದ 15 ಜನ ಸೇರ್ದೆರ್ .

ಅಂಗಾರೆ ಬ್ಲ್ಯಾಕ್ ಫಂಗಸ್‌ದ ಪೊಸ ಪ್ರಕರಣ ದಾಖಲಾತುಂಡು . ಆಂಡ ಒರಿ ಹುಷಾರ್ ಆದ್ ಆಸ್ಪತ್ರೆರ್ದ್ ಬುಡುಗಡೆ ಆಪಿನೆತ್ತ ಒಟ್ಟುಗು ಹುಷಾರ್ ಆಯಿನಕ್ಲೆನ ಸಂಖ್ಯೆ 36ಕ್ಕ್ ಏರ್ದುಂಡು .

ಆಸ್ಪತ್ರೆಡ್ ಬೂರ್ದು ತೀರ್ ಪೋಯಿನ ಉಳ್ಳಾಲದ ಜವಣ್ಯೆ

Jun 29, 2021

ಉಳ್ಳಾಲ :, ಜೂನ್ 29: ಆಸ್ಪತ್ರೆಗ್ ತಪಾಸಣೆಗ್ ಪಂದ್ ಪೋಯಿನ ಜವನ್ಯೆ ಬೂರ್ದು ತೀರ್ ಪೋಯಿನ ಘಟನೆ ಕೆ.ಎಂ.ಸಿ ಆಸ್ಪತ್ರೆಡ್ ನಡತುಂಡು .

ಕುಂಪಲ ಆಶ್ರಯ ಕಾಲೊನಿ ನಿವಾಸಿ ರಿಕ್ಷಾ ಚಾಲಕ ರಾಜೇಶ್ ರಾವ್ (31) ತೀರ್ ಪೋಯಿನಾರ್ .ಹೃದಯ ಸಂಬಂಧಿತ ಸಮಸ್ಯೆಗಾದ್ ವಾರದ ಪಿರವು ದೇರಳಕಟ್ಟೆ ಖಾಸಗಿ ಆಸ್ಪತ್ರೆಡ್ ಪರೀಕ್ಷೆ ಮಲ್ತಿತ್ತೆರ್ . ಅಲ್ಪ ಜಾಸ್ತಿ ಬಿಪಿ ಇತ್ತಿನೆನ್ ವೈದ್ಯೆರ್ ಪಂದ್ ಇತ್ತೆರ್ ತಿಗಲೆ ಬೇನೆ ಕಮ್ಮಿ ಆವಂದಿನ ಕಾರಣ ಕುಡ್ಲದ ಆಸ್ಪತ್ರೆಗ್ ಆರ್ನ ದೋಸ್ತಿಲು ಲೆತೊಂದು ಬತ್ತಿತ್ತೆರ್.ಆಸ್ಪತ್ರೆಡ್ ವೈದ್ಯೆರ್ ಬಿಪಿ ಚೆಕ್ ಮಲ್ಪರೆ ಬತ್ತಿಲಕನೇ ರಾಜೇಶ್ ರಾವ್ ಜಾಗೆಡೆ ಬೂರ್ದು ತೀರ್ ಪೋಯೆರ್.

ಎಸ್ಎಸ್ಎಲ್ ಸಿ ಪರೀಕ್ಷಾ ವೇಳಾಪಟ್ಟಿ ಪ್ರಕಟ

Jun 29, 2021

ಬೆಂಗ್ಳೂರು, ಜೂನ್ 29: ಕೋವಿಡ್ ಕಾರಣರ್ದ್ ಈ ಸಲ ವಿಶೇಷವಾದ್ ಪರೀಕ್ಷೆ ನಡಪಾವೊಂದು ಉಲ್ಲೆರ್ . ಈ ಸಲ ರಡ್ಡ್ ದಿನ ಪರೀಕ್ಷೆ ನಡಪರೇ ಉಂಡು . ಜು.19ಕ್ಕ್ ಕೋರ್ ವಿಷಯದ ಪರೀಕ್ಷೆ (ಸಮಾಜ ವಿಜ್ಞಾನ, ಗಣಿತ, ವಿಜ್ಞಾನ) ಜು. 22ಕ್ಕ್ ಭಾಷಾ ವಿಷಯದ ಪರೀಕ್ಷೆ ನಡರೆ ಉಂಡು ಪಂದ್ ಸಚಿವ ಸುರೇಶ್ ಕುಮಾರ್ ಪಂಡೆರ್ .

ಕರ್ನಾಟಕಡ್ ಎಸ್ಎಸ್ಎಲ್ಸಿ ಪರೀಕ್ಷೆ ನಡಪಾಯರೇ ನಿರ್ಧಾರ ದೆತೊನ್ದಿನ ಶಿಕ್ಷಣ ಇಲಾಖೆ ಕೋಡೆ ಮಹತ್ವದ ಸಭೆ ನಡಪಾದ್ ನಿರ್ಧಾರ ದೆತೊನ್ದೆರ್ . ಜುಲೈ ತಿಂಗೊಲ್ ದ ಮೂಜನೇ ವಾರಡ್ ಅಟ್ಟನೆ ಮಲ್ಪರೆ ನಿರ್ಧಾರ ಮಲ್ದಿನ ಎಸ್ಎಸ್ಎಲ್ಸಿ ಪರೀಕ್ಷೆದ ಅಧಿಕೃತ ವೇಳಾಪಟ್ಟಿನ್ ಕೋಡೆ ನಡತಿನ ಸಭೆಟ್ ನಿರ್ಧಾರ ಮಲ್ತೆರ್ , ಕಾಂಡೆ 10.30ರ್ದ್ 1.30 ಮುಟ ಪರೀಕ್ಷೆಗೆ ನಡಪರೇ ಉಂಡು ಪಂದ್ ಶಿಕ್ಷಣ ಸಚಿವ ಸುರೇಶ್ ಕುಮಾರ್ ಘೋಷಣೆ ಮಲ್ತೆರ್ .

ಶಿಖರ್ ಧವನ್ ಮುತಾಲಿಕೆಡ್ ಶ್ರೀಲಂಕಾ ಮುಟ್ಟಿನ ಟೀಂ ಇಂಡಿಯಾ

Jun 29, 2021

ಜೂನ್ 29: ಶಿಖರ್ ಧವನ್ ಮುತಾಲಿಕೆದ ಭಾರತೀಯ ಸೀಮಿತ ಓವರ್‌ದ ಕೂಟ ಸೋಮವಾರ ಬೈಯ್ಯ ಶ್ರೀಲಂಕಾ ಮುಟ್ಟುದುಂಡು . ರಾಹುಲ್ ದ್ರಾವಿಡ್ ಕೋಚ್ ಆದ್ ಪೋಯಿನ ಈ ಕೂಟಡ್ ಯುವ ಆಟಗಾರರ ದಂಡೇ ಉಂಡು . ಮೂಜಿ ಟಿ20 ಬೊಕ್ಕ ಮೂಜಿ ಏಕದಿನ ಪಂದ್ಯದ ಸರಣಿಡ್ ಟೀಮ್ ಇಂಡಿಯಾ ಲಂಕಾ ತಂಡನ್ ಎದುರಿಸಾಯೆರೆ ಉಂಡು .

ಭಾರತ ತಂಡದ ಖಾಯಂ ನಾಯಕ ವಿರಾಟ್ ಕೊಹ್ಲಿ ಇಂಗ್ಲೆಂಡ್ ಪ್ರವಾಸಡ್ ಉಲ್ಲೆರ್ ಟೀಮ್ ಇಂಡಿಯಾ ಕೂಟನ್ ಟೆಸ್ಟ್ ಸರಣಿಡ್ ದುಂಬು ಕೊನೊಯರೇ ಉಲ್ಲೆರ್ . ಆಗಸ್ಟ್ ತಿಂಗೊಲ್ ಡು ಐನ್ ಪಂದ್ಯದ ಟೆಸ್ಟ್ ಸರಣಿ ಇಂಗ್ಲೆಂಡ್ ವಿರುದ್ಧ ನಡಪರೇ ಉಂಡು .