ಅಭಿಯಾನ: ಟ್ವೀಟ್ ಮಲ್ತಿನ ಸಂಸದೆರ್

ಯಶಸ್ವಿಯಾಯಿನ “ಟ್ವೀಟ್‌ ತುಳುನಾಡು” ಅಭಿಯಾನ: 4 ಲಕ್ಷರ್ದ್ ಜಾಸ್ತಿ ಟ್ವೀಟ್

ಕುಡ್ಲ, ಜೂನ್ 14:: ಪಂಚ ದ್ರಾವಿಡ ಭಾಷೆಡ್ ಒಂಜಾಯಿನ ತುಳು ಭಾಷೆ ರಾಜ್ಯದ ಅಧಿಕೃತ ಭಾಷೆ ಆವೊಡು ಪನ್ಪಿನ ಸೊರೊ ತುಳುನಾಡ್ ಡ್ ಏಪಲಾ ಕೇನೊಂದು ಉಂಡು. ಈ ಬಗ್ಗೆ ಹೋರಾಟಲಾ ನಡತೊಂದು ಉಂಡು. ಆಂಡ ಕಡೆತ ಹಂತ ಮಾತ್ರ ನನಲ ಮುಟ್ಟು ದಿಜಿ . ತುಳು ಭಾಷೆ ಸಂವಿಧಾನದ ಎನ್ಮನೆ ಪರಿಚ್ಛೇದಗ್ ಸೇರ್ಪಡೆ ಅವೊಡೆ . ಅಧಿಕೃತ ಭಾಷಾ ಮಾನ್ಯತೆ ತಿಕ್ಕೊಡೆ ಪನ್ಪಿನ ನೆಲೆಟ್ಟ್ ಸರಕಾರದ ಗಮನ ಸೆಳೆಯುನ ನೆಲೆಟ್ಟ್ ಜೂನ್ ೧೩ನೇ ಐತಾರ ದಾನಿ ಜೈತುಳುನಾಡು ಸಂಘಟನೆ ಬೊಕ್ಕ ಬೇತೆ ತುಳು ಪರ ಸಂಘಟನೆದ ಒಟ್ಟು ಸೇರಿಗೆಡ್ ಟ್ವಿಟರ್ ಅಭಿಯಾನ ಸುರು ಆದಿತ್ತುಂಡು .

ಕಾಂಡೆರ್ದ್ ರಾತ್ರಿ ಮುಟ ನಡತಿನ ಈ ಅಭಿಯಾನಡ್ ನಾಲ್ ಲಕ್ಷರ್ದ್ ಜಾಸ್ತಿ ಜನ ಟ್ವೀಟ್ ಮಲ್ಪುನ ಮುಖೇನ ಭಾಷೆದ ಮಹತ್ವ ಸಾರ್ದೆರ್ . .ತುಳು ಅಫೀಶಿಯಲ್ ಇನ್ ಕೆಎ,ಕೆಎಲ್’ ಪನ್ಪಿನ ಹ್ಯಾಷ್‌ಟ್ಯಾಗ್ ಅಡಿಟ್ ಅಭಿಯಾನ ನಡತುಂಡು . ಜೈ ತುಳುನಾಡು, ಯುವ ತುಳುನಾಡು ಸಂಘಟನೆದ ಮುತಾಲಿಕೆಡ್ ಅವ್ವೆತೋ ಸಂಘ ಸಂಸ್ಥೆಲು ಈ ಅಭಿಯಾನಡ್ ಪಾಲ್ ಪಡೆದಿತ್ತೆರ್.