2023

ಕುಡ್ಲ: 9ನೇ ಮಾಳಿಗೆರ್ದ್ ಬೂರ್ದು ತೀರ್ ಪೋಯಿನ ಎ.ಸಿ ಮೆಕ್ಯಾನಿಕ್

ಕುಡ್ಲ: ಬೇಲೆ ಮಲ್ತೊಂದು ಇಪ್ಪುನಗ 9ನೇ ಮಾಳಿಗೆಡ್ ಎಸಿದ ಪಿರವುದ ಸ್ಕ್ರೂ ತಿಕ್ಕಾಯೆರೆ ಪೋನಗ ಅಕಲ್ ತಪ್ಪುಡು ತಿರ್ತ್ ಬೂರ್ದು ತೀರ್ ಪೋಯಿನ ಘಟನೆ ಕುಡ್ಲ ಪೇಂಟೆದ ನಂತೂರ್‌ ದ ಮಾಂಟ್‌ ಟಿಯರಾ ಫ್ಲ್ಯಾಟ್‌ ಡ್ ಇನಿ ಬಯ್ಯಗ್ 6 ಗಂಟೆಗ್ ನಡತ್ಂಡ್.

ತೀರ್ ಪೋಯಿನ ಜವನೆ ವಿನಯ್‌ ತಾವ್ರೋ (22) ಪಂದ್ ತೆರಿದ್ ಬೈದ್ಂಡ್. ಮೆರೆನ ಮೃತದೇಹನ್ ಎಜೆ ಆಸ್ಪತ್ರೆದ ಶವಾಗಾರಡ್ ದೀತೆರ್. ಈ ಘಟನೆದ ಜಾಗೆಗ್ ಕದ್ರಿ ಪೊಲೀಸೆರ್ ಭೇಟಿ ಕೊರ್ತೆರ್.

ಎ.1: ಕುಕ್ಕುಂದೂರು ಅಯ್ಯಪ್ಪ ನಗರ ವಿಜೇತ ವಿಶೇಷ ಶಾಲೆಡ್ ಸಪ್ತಮ ವಾರ್ಷಿಕ ಉಚ್ಚಯ

ಕಾರ್ಲ: ಶ್ರೀ ಗುರುರಾಘವೇಂದ್ರ ಸೇವಾ ಟ್ರಸ್ಟ್ (ರಿ.), ಶ್ರೀ ದುರ್ಗಾ ವಿದ್ಯಾ ಸಂಘ ಟ್ರಸ್ಟ್ (ರಿ.), ವಿಜೇತ ವಸತಿಯುತ ವಿಶೇಷ ಶಾಲೆ ಬೊಕ್ಕ ವೃತ್ತಿ ಶಿಕ್ಷಣ ತರಬೇತಿ ಸಂಸ್ಥೆ ನೆತ್ತ ಒಟ್ಟುಸೇರಿಗೆಡ್ ಯೂನಿಯನ್ ಬ್ಯಾಂಕ್ ಸಿಎಸ್ ಆರ್ ಪ್ರಾಯೋಜಕತ್ವದ ಕಟ್ವಾನ ಉದಿಪನ, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರ ನಿರ್ಮಾಣದ ಕೊಠಡಿ ಉದಿಪನ, ಫಿಸಿಯೋ ಥೆರಪಿ ಕೇಂದ್ರದ ಉದಿಪನ, ಸೋಲಾರ್ ಇನ್ವರ್ಟರ್ ಗ್ರಿಡ್ ಟೈ ಸಿಸ್ಟಮ್ ಕೊರ್ಪುನ ಲೇಸ್ ಬೊಕ್ಕ ಸಪ್ತಮ ವಾರ್ಷಿಕ ಉಚ್ಚಯ ಲೇಸ್ ಎ.1 ಸನಿಯಾರ ಕುಕ್ಕುಂದೂರುದ ಅಯ್ಯಪ್ಪ ನಗರ ವಿಜೇತ ವಿಶೇಷ ಶಾಲೆಡ್ ನಡಪರೆ ಉಂಡು.

ಬೊಲ್ಪುಗು ಒಡಿಪು ಜಿ.ಪಂ ಮುಖ್ಯ ಕಾರ್ಯ ನಿರ್ವಾಹಣಾಧಿಕಾರಿ ಡಾ. ಪ್ರಸನ್ನ ಹೆಚ್ ಧ್ವಜಾರೋಹಣ ಬೊಕ್ಕ ಗೌರವ ವಂದನೆ ಸ್ವಿಕಾರ ಮಲ್ಪರೆ ಉಲ್ಲೆರ್. ಕಾರ್ಲ ತಾಲೂಕ್ ಪಂಚಾಯತ್ ಮಾಜಿ ಅಧ್ಯಕ್ಷೆರ್ ವಿಕ್ರಂ ಹೆಗ್ಡೆ ತುಡರ್ ಅರ್ಲಾವೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಕಾರ್ಲ ಉದ್ಯಮಿ ವಿಜಯ್ ಶೆಟ್ಟಿ, ಕಾಡುಹೊಳೆ ಜನಪ್ರಿಯ ರೈಸ್ ಮಿಲ್ ದ ಮಾಲಕೆರ್ ಮಂಜುನಾಥ್, ಅಜೆಕಾರ್ ಎಮ್ ಜೆ ಎಫ್ ಕೆಮ್ಮಂಜ ಬೊಕ್ಕ ಮಿಲನ್ ಮಲ್ಟಿ ಪರ್ಪಸ್ ಎ.ಸಿ ಹಾಲ್ ದ ಲಯನ್ ಗುರುಪ್ರಸಾದ್ ಶೆಟ್ಟಿ, ನಕ್ರೆ ಅಧ್ಯಾಪಕೆರ್ ಶಂಕರ್ ಪೂಜಾರಿ, ಬಾಗಲಕೋಟೆ ನಿವೃತ್ತ ಅಧಿಕಾರಿಲು ಬಿ. ಆರ್ ಐತಾಳ್ ಬರಿಯೆರೆ ಉಲ್ಲೆರ್.

ಬಯ್ಯಗ್ ಯೂನಿಯನ್ ಬ್ಯಾಂಕ್ ಆಫ್ ಇಂಡಿಯಾದ ಡಾ. ಎಚ್ ಟಿ ವಾಸಪ್ಪ ಯೂನಿಯನ್ ಬ್ಯಾಂಕ್ ದ ಕಟ್ವಾನ ಉದಿಪನ ಮಲ್ಪರೆ ಉಲ್ಲೆರ್. ಕುಡ್ಲ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರ್ ತಿಮ್ಮಪ್ಪ ಶೆಟ್ಟಿ ಚಣಿಲ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರ ನಿರ್ಮಾಣದ ಕೊಠಡಿ ಉದಿಪನ ಮಲ್ಪುವೆರ್. ಫಿಸಿಯೋ ಥೆರಪಿ ಕೇಂದ್ರದ ಉದಿಪನ ಉದ್ಯಮಿ ದಾಮೋದರ್ ಕಾಮತ್ ಮಲ್ಪುವೆರ್. ಸೋಲಾರ್ ಇನ್ವರ್ಟರ್ ಗ್ರಿಡ್ ಟೈ ಸಿಸ್ಟಮ್ ನ್ ಎಸ್ ಕೆಎಫ್ ಎಲಿಕ್ಸರ್ ದ ಮ್ಯಾನೇಜಿಂಗ್ ಡೈರೆಕ್ಟರ್ ಪ್ರಜ್ಪಲ್ ಆಚಾರ್ ಕೊರಿಯೆರೆ ಉಲ್ಲೆರ್. ಬೊಕ್ಕ ಸಮಾರಂಭದ ಉದಿಪನನ್ ಐಎಎಸ್ ನಿರ್ದೇಶಕೆರ್ ಕೆ ಲಲಿತಾ ಕುಮಾರಿ ಮಲ್ಪುವೆರ್. ಸಭಾಧ್ಯಕ್ಷತೆನ್ ಉದ್ಯಮಿ ಉದಯ್ ಶೆಟ್ಟಿ ಮುನಿಯಾಲು ಒಯಿಸೊನ್ವೆರ್. ಈ ಲೇಸ್ ಗ್ ಮಲ್ಲ ಬಿನ್ನೆರಾದ್ ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಮಾಜಿ ಅಧ್ಯಕ್ಷೆರ್ ಮಟ್ಟಾರ್ ರತ್ನಾಕರ ಹೆಗ್ಡೆ, ಐಎಎಸ್ ದ ವ್ಯವಸ್ಥಾಪಕ ನಿರ್ದೇಶಕೆರ್ ಜಯವಿಭವ ಸ್ವಾಮಿ, ಕಾರ್ಲ ತಾ.ಪಂ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಗುರುದತ್ತ್ ಎಮ್ ಎನ್, ಕಾರ್ಲ ನಿವೃತ್ತ ಸಿಎ ಕಮಲಾಕ್ಷ ಕಾಮತ್, ಶ್ರೀ ದುರ್ಗಾ ವಿದ್ಯಾ ಸಂಘ ಟ್ರಸ್ಟ್ ದ ಟ್ರಸ್ಟಿ ಡಾ.ಟಿ.ಎನ್ ನಿರಂಜನ್, ಅಧ್ಯಕ್ಷೆರ್ ಕೆ. ರಾಧಕೃಷ್ಣ ಶೆಟ್ಟಿ, ಜಿಲ್ಲಾ ವಿಕಲಚೇತನರ ಸಬಲೀಕರಣ ಅಧಿಕಾರಿಲು ರತ್ನಾ, ಬನ್ನಂಜೆ ಗುತ್ತಿಗೆದಾರೆರ್ ಉದಯ್ ಹೆಗ್ಡೆ, ಪಿಎಚ್ ಡಿ ಫಿಸಿಯೋ ಥೆರಪಿಸ್ಟ್ ಡಾ. ವೆನ್ಸಿಟಾ ಆರಾನ್ಹ ಬರಿಯೆರೆ ಉಲ್ಲೆರ್. ಬೊಕ್ಕ ಸತ್ಯಾಶ್ರಯ ಕಲ್ಕೂರ್ ಬೊಕ್ಕ ಸತೀಶ್ ಸುವರ್ಣ ಒಡಿಪು ಮೊಕುಲೆಗ್ ಗೌರವ ಸಮರ್ಪಣೆ ನಡಪರೆ ಉಂಡು. ಬೊಕ್ಕ ಶಾಲೆದ ಕಲ್ಪಾರ್ಥಿಲೆರ್ದ್ ನೃತ್ಯ ವೈಭವ, ವಿಜೇತ ವಿಶೇಷ ಶಾಲೆದ ಜೋಕುಲೆರ್ದ್ ನೃತ್ಯ ರೂಪಕ ಕೃಷ್ಣಲೀಲೆ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.

ರಾತ್ರೆ ಶ್ರೀ ದುರ್ಗಾ ಯಕ್ಷಗಾನ ಕೇಂದ್ರದ ಕಲ್ಪಾರ್ಥಿಲೆರ್ದ್ ಯಕ್ಷಗಾನ ಪ್ರಸಂಗ ಮೀನಾಕ್ಷಿ ಕಲ್ಯಾಣ ಆಟ ನಡಪರೆ ಉಂಡು. ಬೊಕ್ಕ ಬಲೆ ತೆಲಿಪಾಲೆ, ಮಜಾಭಾರತ ಬೊಕ್ಕ ವಿ4 ಕಾಮಿಡಿ ಪ್ರೀಮಿಯರ್ ಲೀಗ್ ಚಾಂಪಿಯನ್ ಖ್ಯಾತಿದ ಸುನಿಲ್ ನೆಲ್ಲಿಗುಡ್ಡೆ ಮುತಾಲಿಕೆಡ್ ತೆಲಿಕೆದ ಬರ್ಸ ಲೇಸ್ ನಡಪರೆ ಉಂಡು ಪಂದ್ ವಿಜೇತ ವಿಶೇಷ ಶಾಲೆದ ಮುಖ್ಯೋಪಾಧ್ಯಾಯೆರ್ ಡಾ. ಕಾಂತಿ ಹರೀಶ್, ಅಧ್ಯಕ್ಷೆರ್ ರತ್ನಾಕರ್ ಅಮೀನ್, ಗೌರವಾಧ್ಯಕ್ಷೆರ್ ಉದಯ ಶೆಟ್ಟಿ ಮುನಿಯಾಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಮುಲ್ಕಿ ಸಾಧಕೆರೆನ ಶ್ರಮರ್ದ್ ಮುಲ್ಕಿ ಅಭಿವೃದ್ಧಿ ಆವೊಂದು ಉಂಡು: ಡಾ. ಹರಿಕೃಷ್ಣ ಪುನರೂರು

ಮುಲ್ಕಿ: ಪೊಸ ಅಂಗಣ ತಿಂಗಳ ಬೆಳಕು ಲೇಸ್ ಮುಲ್ಕಿದ ಟೂರಿಸ್ಟ್ ಹೋಮ್ ಸಭಾಂಗಣಡ್ ನಡತ್ಂಡ್.

ಲೇಸ್ ದ ಗುರ್ಕಾರ್ಮೆನ್ ಕಸಾಪ ಮಾಜಿ ರಾಜ್ಯಾಧ್ಯಕ್ಷೆರ್ ಡಾ. ಹರಿಕೃಷ್ಣ ಪುನರೂರು ಒಯಿಸೊಂದು ಪಾತೆರ್ದ್, ಸಾಧಕೆರೆನ ಶ್ರಮರ್ದ್ ಮುಲ್ಕಿಗ್ ಮೂಲಭೂತ ಸೌಕರ್ಯ, ಬೊಕ್ಕ ಅಭಿವೃದ್ಧಿ ಕಜ್ಜೊಲು ನಡತೊಂದು ಉಂಡು ಪಂದ್ ಪಂಡೆರ್.

ಬೊಕ್ಕ ಲೇಸ್ ಡ್ ಬೇತೆ ಬೇತೆ ಸಂಘಟನೆಡ್ ಗುರುತಿಸಾದ್ ಸಕಾಯ ಮಲ್ತೊಂದು ಸಾಮಾಜಿಕ ಕಜ್ಜೊನು ನಡಪಾವೊಂದು ಇಪ್ಪುನ ಲತಾ ಶೇಖರ್ ಕೊಳಚಿಕಂಬಳ ಮೆರೆಗ್ ಮಾನಾದಿಗೆ ಮಲ್ತೆರ್.

ಈ ಪೊರ್ತುಡು ಚಾವಡಿಡ್ ಮಲ್ಲ ಬಿನ್ನೆರಾದ್ ಮುಲ್ಕಿ ನ.ಪಂ ಮಾಜಿ ಅಧ್ಯಕ್ಷೆರ್ ಪಾಂಡು ಕಾರ್ನಾಡ್, ಹಿಂದೂ ಯುವ ಸೇನೆ ಮುಲ್ಕಿ ಘಟಕದ ಅಧ್ಯಕ್ಷೆರ್ ದಿನೇಶ್ ಕೊಲ್ನಾಡ್, ಉದ್ಯಮಿ ವಾಸು ಪೂಜಾರಿ ಚಿತ್ರಾಪು, ವಿಜಯಕುಮಾರ್ ಕುಬೆವೂರ್ ಜಾನ್ ಕ್ವಾಡ್ರಸ್, ಮುಲ್ಕಿ ಬಿಲ್ಲವ ಸಂಘದ ಅಧ್ಯಕ್ಷೆರ್ ಪ್ರಕಾಶ್ ಸುವರ್ಣ, ವಾಮನ ನಡಿಕುದ್ರು, ಮುಲ್ಕಿ ರೋಟರಿ ಕ್ಲಬ್ ದ ಮಾಜಿ ಅಧ್ಯಕ್ಷೆರ್ ಶಿವರಾಮ ಜಿ. ಅಮೀನ್, ಹೊಸ ಅಂಗಣ ಮಾಸ ಪತ್ರಿಕೆದ ಸಂಪಾದಕೆರ್ ಡಾ. ಹರಿಶ್ಚಂದ್ರ ಸಾಲ್ಯಾನ್, ಐಕಳ ಜಯಪಾಲ ಶೆಟ್ಟಿ, ರವಿಚಂದ್ರ ಶೆಟ್ಟಿ ಇತ್ತೆರ್.

Radio Manipal – to air Chinnaradani program ರೇಡಿಯೊ ಮಣಿಪಾಲ್ ಡ್ ‘ಚಿಣ್ಣರ ದನಿ’ ಲೇಸ್

ಮಣಿಪಾಲ: ಸಮುದಾಯ ಬಾನುಲಿ ರೇಡಿಯೊ ಮಣಿಪಾಲ್ ಬೊಕ್ಕ ವಾಯ್ಸ್ ಆಫ್ ಆರಾಧನಾ ಸಂಸ್ಥೆದ ಒಟ್ಟುಸೇರಿಗೆಡ್ ರೇಡಿಯೊ ಮಣಿಪಾಲ್ ಡ್ ‘ಚಿಣ್ಣರ ದನಿ’ ಲೇಸ್ ಇನಿ (ಬುಧಾರ) 5.30 ಕ್ಕ್ ಪ್ರಸಾರ ಆಂಡ್.

ಇನಿ ಪ್ರಸಾರ ಆಪಿನ ಲೇಸ್ ದ ರಡ್ಡನೇ ಸಂಚಿಕೆಡ್ ಬಾಲ ಪ್ರತಿಭೆ ದೀಕ್ಷ್ಣಾ ಒಡಿಪು ಪಾಲ್ ಪಡೆಯೆರ್  ಪಂದ್ ರೇಡಿಯೊ ಮಣಿಪಾಲದ ಪ್ರಕಟಣೆ ತೆರಿಪಾದ್ಂಡ್. ನನ ಗುರುವಾರ ಮಧ್ಯಾಹ್ನ 1.30ಕ್ಕ್ ಮರು ಪ್ರಸಾರ ಆಪುಂಡು.

Radio Manipal – to air Chinnaradani program

Manipal: Radio Manipal and Voice of Aradhana come together to air Chinnaradani program

March 31st-April 1st: 62 nd annual Ekaha Bhajana at Kadaba Shri Durgambika Amma temple ಮಾ.31-ಎ.1: ಕಡಬ ಶ್ರೀ ದುರ್ಗಾಂಬಿಕಾ ಅಮ್ಮನ ದೇವಲ್ಯಡ್ 62ನೇ ವರ್ಷೊದ ಏಕಾಹ ಭಜನೆ

ಕಡಬ ಶ್ರೀ ದುರ್ಗಾಂಬಿಕಾ ಅಮ್ಮನ ದೇವಲ್ಯಡ್ 62ನೇ ವರ್ಷೊದ ಏಕಾಹ ಭಜನೆ ಮಾ.31 ಬೊಲ್ಪುರ್ದ್ ಎ.1 ಬೊಲ್ಪು ಮುಟ್ಟ ನಡಪರೆ ಉಂಡು.

ಈ ಲೇಸ್ ಸುಬ್ರಹ್ಮಣ್ಯ ಮಠತ್ತ ಶ್ರೀ ವಿದ್ಯಾಪ್ರಸನ್ನ ತೀರ್ಥ ಸ್ವಾಮೀಜಿನ ಆಶೀರ್ವಾದೊಟ್ಟಿಗೆ ನಡಪರೆ ಉಂಡು. ಮಾ.31 ಸುಕ್ರಾರ ಬೊಲ್ಪುಗು ದೀಪಾರಾಧನೆ, ಭಜನೆ ಸುರು ಆಪುಂಡು. ಬೊಕ್ಕ ಗಣಪತಿ ಹೋಮ ನಡಪರೆ ಉಂಡು. ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ, ಬಯ್ಯಗ್ ದುರ್ಗಾಪೂಜೆ, ರಾತ್ರೆ ಅನ್ನಸಂತರ್ಪಣೆ, ಭಜನೆ ಮೆರವಣಿಗೆ, ಉಲ್ಪೆ ಸಮರ್ಪಣೆ, ಪೂಜ್ಯ ಯತಿಕುಲೆರ್ದ್ ಆಶೀರ್ವಚನ, ಮಹಾಪೂಜೆ, ಪ್ರಸಾದ ಕೊರಿಯೆರೆ ಉಂಡು. ಎ.1 ಸನಿಯಾರ ಬೊಲ್ಪುಗು ಭಜನೆದ ಮಂಗಳ ಆಪುಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದುರ್ಗಾಂಬಿಕಾ ಅಮ್ಮನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಸೀತಾರಾಮ ಗೌಡ ಪೊಸವಳಿಕೆ, ಶ್ರೀ ದುರ್ಗಾಂಬಿಕಾ ಭಜನಾ ಮಂಡಳಿದ ಅಧ್ಯಕ್ಷೆರ್ ಕೆ. ಸೋಮಪ್ಪ ನಾಯಿಕ್, ಏಕಾಹ ಭಜನೆ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಅಜಿತ್ ರೈ ಆರ್ತಿಲ, ಗೌರವ ಸಲಹೆಗಾರೆರ್ ಹರೀಶ್ ಆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

62 nd annual program, Prathiba Puraskara and cultural events at Ashoka Nagar school campus ಅಶೋಕನಗರ ಶಾಲೆದ ವಠಾರಡ್ ನಡತ್ಂಡ್ 62ನೇ ವಾರ್ಷಿಕ ಉಚ್ಚಯ, ಪ್ರತಿಭಾ ಪುರಸ್ಕಾರ, ತಮ್ಮನ, ಸಾಂಸ್ಕೃತಿಕ ವೈಭವ

ಭಾರತ ಸರಕಾರ ಯುವಕಾರ್ಯ ಬೊಕ್ಕ ಕ್ರೀಡಾ ಸಚಿವಾಲಯ ನೆಹರು ಯುವಕೇಂದ್ರ ಕುಡ್ಲ, ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲಾ ಅತ್ಯುತ್ತಮ ಯುವಮಂಡಲ ಪ್ರಶಸ್ತಿ ವಿಜೇತ ಅಶೋಕನಗರ ಯುವಕ ಸಂಘ (ರಿ) ನೆತ್ತ 62ನೇ ವಾರ್ಷಿಕ ಉಚ್ಚಯ, ಪ್ರತಿಭಾ ಪುರಸ್ಕಾರ, ತಮ್ಮನ ಲೇಸ್ ಬೊಕ್ಕ ಸಾಂಸ್ಕೃತಿಕ ವೈಭವ ಲೇಸ್ ಮಾ.18 ಸನಿಯಾರ ಅಶೋಕನಗರ ಶಾಲೆದ ವಠಾರಡ್ ನಡತ್ಂಡ್.

ನೆಹರು ಯುವಕೇಂದ್ರದ ಮಾಜಿ ಜಿಲ್ಲಾ ಯುವ ಅಧಿಕಾರಿ ರಘುವೀರ್ ಸೂಟರ್‌ಪೇಟೆ ಗುರ್ಕಾರ್ಮೆನ್ ಒಯಿಸೊಂದು ಪಾತೆರ್ದ್, ಯುವಜನತೆ, ಕಲ್ಪಾರ್ಥಿಲು ಬೊಕ್ಕ ಸಂಘ ಸಂಸ್ಥೆದಕುಲು ಸರಕಾರರ್ದ್ ತಿಕುನ ಸವಲತ್ತುಲೆನ್ ಪಡೆಯೆರೆ ದುಂಬಾವೊಡು. ಕಲ್ಪಾರ್ಥಿಲು ಉತ್ತಮವಾದ್ ಕಲ್ತ್ ದ್ ಮಲ್ಲ ಮಟ್ಟದ ವಿದ್ಯೆ ಪಡೆಪುನ ದಿಟ್ಟಿಡ್ ಪ್ರಯತ್ನ ಮಲ್ಪೊಡು. ಅಂಚೆನೆ ಈ ಮತ ಕಜ್ಜೊಲೆನ್ ಮಲ್ಪೆರೆ ಯಾನ್ ನಿಕುಲೆನೊಟ್ಟಿಗೆ ಏಪಲ ಉಪ್ಪುವೆ ಪಂದ್ ಪಂಡೆರ್. ಬೊಕ್ಕ ಸಂಘದ ಕಾರ್ಯಚಟುವಟಿಕೆಲೆನ ಬಗೆಟ್ ಮೆಚ್ಚಿಯೆರ್.

ಮಲ್ಲ ಬಿನ್ನೆರಾದ್ ಬತ್ತಿನ ಉರ್ವ ಆರಕ್ಷಕ ಠಾಣೆದ ಪೊಲೀಸ್ ನಿರೀಕ್ಷಕೆರ್ ಭಾರತಿ ಜಿ. ಪಾತೆರ್ದ್, ಸಂಘ ಮಲ್ಪುನ ಸಮಾಜಮುಖಿ ಕೆಲಸ ಕಾರ್ಯಲೆಗ್ ಠಾಣೆರ್ದ್ ಸಂಪೂರ್ಣ ಸಹಕಾರ ಕೊರ್ಪ ಪಂದ್ ಪಂಡೆರ್.

ಪ್ರಧಾನ ಕಾರ್ಯದರ್ಶಿ ವಸಂತ್‌ಕುಮಾರ್ ಬಿ. ವರದಿ ಓದಿಯೆರ್. ಈ ಪೊರ್ತುಡು ಲೇಸ್ ಡ್ ಸಂಘದ ಮಹಾಪೋಷಕೆರ್, ದುಬೈಡ್ ವಿಶ್ವಮಾನವ ಪ್ರಶಸ್ತಿ ಪಡೆಯಿನ ಜೋಸೆಫ್ ಮರ್ಥಾಸ್ ಬೊಕ್ಕ ಅಶೋಕನಗರದ ನಿವಾಸಿ ಎಂ.ಬಿ.ಎ.ಡ್ ಮೂಜಿನೇ ರ‍್ಯಾಂಕ್ ಪಡೆಯಿನ ಕುಮಾರಿ ಶಿವಾನಿ ಎಸ್. ಸುವರ್ಣ ಮೊಕ್ಲೆಗ್ ತಮ್ಮನ ನಡತ್ಂಡ್.

ಎಸ್‌ಎಸ್‌ಎಲ್‌ಸಿ ಬೊಕ್ಕ ಪಿಯುಸಿಡ್ ಅತೀ ಎಚ್ಚ ಮಾರ್ಕ್ ಪಡೆಯಿನ ಕೈತಲ್ ದ ಕಲ್ಪಾರ್ಥಿ ಭಾಗ್ಯ ಭಟ್, ಅಪೂರ್ವ ಶ್ರೀ, ಶ್ರೇಯಾ ವಿ. ಶೆಟ್ಟಿಗಾರ್, ಅಂಕಿತಾ, ಜೆನ್ನಿಸ್ ರೋನಾಲಿ ವರ್ಟಿಕ ಮೊಕ್ಲೆಗ್ ಪ್ರತಿಭಾ ಪುರಸ್ಕಾರ ಕೊರ್ದು ಮಾನಾದಿಗೆ ಮಲ್ತೆರ್. ಬೊಕ್ಕ ಅಶೋಕನಗರದ ಹಿರಿಯ ಪ್ರಾಥಮಿಕ ಶಾಲೆಡ್ 2021-22 ಟ್ಟ್ 1ನೇ ಕ್ಲಾಸ್ ರ್ದ್ 7ನೇ ಕ್ಲಾಸ್ ಮುಟ್ಟ ಅತೀ ಎಚ್ಚ ಮಾರ್ಕ್ ಪಡೆಯಿನ ಕಲ್ಪಾರ್ಥಿಲೆಗ್ ಮಾನಾದಿಗೆ ಮಲ್ತೆರ್.

ಈ ಪೊರ್ತುಡು ಮುಲ್ಕಿ ಸುವರ್ಣ ಆರ್ಟ್ಸ್‌ ಮಾಲಕೆರ್ ಚಂದ್ರಶೇಖರ್ ಸುವರ್ಣ, ಸಂಘದ ಗೌರವಾಧ್ಯಕ್ಷೆರ್ ಜೋಸೆಫ್ ಲೋಬೊ ಬೊಕ್ಕ ಅಧ್ಯಕ್ಷೆರ್ ಜಯರಾಮ ಚಾವಡಿಡ್ ಇತ್ತೆರ್.

ಅಶೋಕನಗರ ಶಾಲೆದ ಕಲ್ಪಾರ್ಥಿಲು ಪ್ರಾರ್ತನೆ ಮಲ್ತೆರ್. ಬಿ. ಶ್ರೀನಿವಾಸ, ವಾಸುದೇವ ಶೆಟ್ಟಿಗಾರ್, ಆರ್. ಪ್ರವೀಣ್‌ಕುಮಾರ್ ಮೊಕುಲು ಲೇಸ್ ನ್ ಸುಧಾರಿಕೆ ಮಲ್ಪರೆ ಸಹಕಾರ ಮಲ್ತೆರ್. ಚೇತನ್‌ಕುಮಾರ್ ಮಾತೆರೆನ್ಲಾ ಎದ್ಕೊಂದು, ಸೊಲ್ಮೆ ಸಂದಾಯೆರ್. ಅಕೇರಿಗ್ ಮುಲ್ಕಿ ನವವೈಭವ ಕಲಾವಿದೆರೆರ್ದ್ ತುಳುನಾಡ ತುಡರ್ ಲೇಸ್ ನಡತ್ಂಡ್.

62 nd annual program, Prathiba Puraskara and cultural events at Ashoka Nagar school campus

The government youth and sports ministry’s Nehru Yuvakendra Mangalore and SK district best yuvakamandal awardee The Ashoknagar Yuvaka Sangha (R) ,celebrated its 62 nd annual program on Saturday, March 18 th at the Ashok nagar school campus.

Radio Manipal to air program on the success story of the right way of disposal of sanitary pads at Heggunje college ರೇಡಿಯೊ ಮಣಿಪಾಲ್ ಡ್ ಸ್ಯಾನಿಟರಿ ಪ್ಯಾಡ್ ಲೆನ ನಿರ್ವಹಣೆಡ್ ಹೆಗ್ಗುಂಜೆ ಕಾಲೇಜ್ ದ ಯಶೋಗಾಥೆ ಬಗೆಟ್ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ, ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಮಾ.29 ಬುಧಾರ ಬಯ್ಯಗ್ 6 ಗಂಟೆಗ್ ಸ್ಯಾನಿಟರಿ ಪ್ಯಾಡ್ ಲೆನ ನಿರ್ವಹಣೆಡ್ ಹೆಗ್ಗುಂಜೆ ಕಾಲೇಜ್ ದ ಯಶೋಗಾಥೆ ಬಗೆಟ್ ಪೊಲಬು ಪ್ರಸಾರ ಆಪುಂಡು.

ಈ ಲೇಸ್ ಡ್ ಹೆಗ್ಗುಂಜೆ ಗ್ರಾಮ ಪಂಚಾಯತ್ ವ್ಯಾಪ್ತಿಡ್ ಇಪ್ಪುನ ಶ್ರೀ ದುರ್ಗಾ ಪರಮೇಶ್ವರಿ ಪದವಿಪೂರ್ವ ಕಾಲೇಜ್ ದ ಕಲ್ಪಾರ್ಥಿಲು ಬೊಕ್ಕ ಉಪನ್ಯಾಸಕೆರ್ ಪಾಲ್ ಪಡೆಯೆರೆ ಉಲ್ಲೆರ್. ನನ ಮಾ.30 ಕ್ಕ್ ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

March 30th: Foundation stone laying ceremony – Brahma Shree Mugera Mahankali Daivastana, Eshwaragoli ಮಾ‌.30: ಈಶ್ವರಗೋಳಿ ಬ್ರಹ್ಮ ಶ್ರೀ ಮುಗೇರ ಮಹಾಂಕಾಳಿ ದೈವೊಲ್ಯಡ್ ಕೆಸರ್ ಕಲ್ಲ್ ಪಾಡುನ ಲೇಸ್

ಹೊಸಬೆಟ್ಟು: ಕುಳಾಯಿದ ಈಶ್ವರಗೋಳಿ ಬ್ರಹ್ಮ ಶ್ರೀ ಮುಗೇರ ಮಹಾಂಕಾಳಿ ದೈವೊಲ್ಯಡ್ ಕೆಸರ್ ಕಲ್ಲ್ ಪಾಡುನ ಲೇಸ್ ಮಾ‌.30 ಗುರುವಾರ ನಡಪರೆ ಉಂಡು.

ಈ ಲೇಸ್ ದ ಗುರ್ಕಾರ್ಮೆನ್ ಕುಡ್ಲ ಉತ್ತರ ವಿಧಾನಸಭೆ ಶಾಸಕೆರ್ ಡಾ.ವೈ ಭರತ್ ಶೆಟ್ಟಿ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಹಿಂದುಳಿದ ವರ್ಗದ ಸಚಿವೆರ್ ಕೋಟ ಶ್ರೀನಿವಾಸ ಪೂಜಾರಿ, ಮೀನುಗಾರಿಕೆ ಸಚಿವೆರ್ ಅಂಗಾರ, ಮಾಜಿ ಸಚಿವೆರ್ ರಮಾನಾಥ ರೈ, ಹತ್ವಾರ್ ಚಾವಡಿ ಹೊಸಬೆಟ್ಟುದ ಎಚ್. ಗಿರಿಧರ ಹತ್ವಾರ್, ಶ್ರೀ ಕ್ಷೇತ್ರ ಕುದ್ರೋಳಿದ ಕೋಶಾಧಿಕಾರಿ ಪದ್ಮರಾಜ್ ಆರ್, ಯಂ. ದಿವಾಕರ ಕುಳಾಯಿ, ಚಿತ್ರಾಪುರ ದ್ವಾರ ಹೋಟೆಲ್ ದ ಮಾಲಕೆರ್ ಕೃಷ್ಣ ಶೆಟ್ಟಿ, ಹೊಸಬೆಟ್ಟು ಗುಹಾನ್ ಅಸೋಸಿಯೇಟ್ಸ್ ದ ನವೀನ್, ಕುಳಾಯಿ ವಾರ್ಡ್ ದ ಮ.ನ.ಪಾ ಸದಸ್ಯೆರ್ ವೇದಾವತಿ, ಹೊಸಬೆಟ್ಟು 8ನೇ ವಾರ್ಡ್ ದ ಸದಸ್ಯೆರ್ ವರುಣ್ ಚೌಟ, ಪಿ.ವಿ.ಎಸ್ ಗ್ರೂಪ್ ದ ಮ್ಯಾನೇಜಿಂಗ್ ಡೈರೆಕ್ಟರ್ ಸರೋಜಿನಿ ಡಿ.ಕುಶೆ, ಕುಡ್ಲ ಎಕ್ಕೂರುದ ಭಾರ್ಗವ ಬಲ್ಯಾಯ, ಕುಡ್ಲ ಮುಗೇರ ಸಂಘದ ಅಧ್ಯಕ್ಷೆರ್ ಸೀತಾರಾಮ ಕೊಂಚಾಡಿ, ಎಲ್.ಐ.ಸಿ ನಿವೃತ್ತ ಅಧಿಕಾರಿ ಸುಂದರ ಮೇರ ಬರಿಯೆರೆ ಉಲ್ಲೆರ್ ಪಂದ್ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್, ಆಡಳಿತ ಸಮಿತಿದ ಬೊಕ್ಕ ಮಹಿಳಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.