2023

April 16th: Folk art festival at Smt Radhabai Thimappa Bhandari Sabha Bavana , Mumbai ಎ.16: ಬೊಂಬೈದ ಕುರ್ಲಾ (ಪೂ) ಶ್ರೀಮತಿ ರಾಧಾಬಾಯಿ ತಿಮ್ಮಪ್ಪ ಭಂಡಾರಿ ಸಭಾಗ್ರಹ ಬಂಟರ ಭವನಡ್ ಜಾನಪದ ಕಲಾ ಮಹಾ ಉಚ್ಚಯ

ಬೊಂಬೈ: ಕರ್ನಾಟಕ ಜಾನಪದ ಪರಿಪತ್ತ್ (ರಿ.) ಬೆಂಗ್ಲೂರ್ ನೆತ್ತ ಮಹಾರಾಷ್ಟ್ರ ಘಟಕದ ಸುರುತ ವಾರ್ಷಿಕ ಸಾಂಸ್ಕೃತಿಕ ಸಂಭ್ರಮ ಜಾನಪದ ಕಲಾ ಮಹಾ ಉಚ್ಚಯ ಎ.16 ಐತಾರ ಮಧ್ಯಾಹ್ನ 2.30 ರ್ದ್ ಬೊಂಬೈದ ಕುರ್ಲಾ (ಪೂ) ಶ್ರೀಮತಿ ರಾಧಾಬಾಯಿ ತಿಮ್ಮಪ್ಪ ಭಂಡಾರಿ ಸಭಾಗ್ರಹ ಬಂಟರ ಭವನಡ್ ನಡಪರೆ ಉಂಡು.

ನೆತ್ತ ಉದಿಪನ ಲೇಸ್ ಕಂಬಿಹಳ್ಳಿ ಶ್ರೀಮತಿ ಅಪ್ಪಿ ಕೃಷ್ಣ ಶೆಟ್ಟಿ ವೇದಿಕೆಡ್ ನಡಪರೆ ಉಂಡು. ನೆತ್ತ ಉದಿಪನನ್ ಬೆಂಗ್ಲೂರ್ ಕರ್ನಾಟಕ ಜಾನಪದ ಪರಿಪತ್ತ್ (ರಿ.) ದ ಅಧ್ಯಕ್ಷೆರ್ ಪ್ರೋ. ರಾಮಚಂದ್ರೇ ಗೌಡ ಮಲ್ಪರೆ ಉಲ್ಲೆರ್. ಗುರ್ಕಾರ್ಮೆನ್ ಬೆಂಗ್ಲೂರ್ ಮಹಾರಾಷ್ಟ್ರ ಘಟಕದ ಕರ್ನಾಟಕ ಜಾನಪದ ಪರಿಪತ್ತ್ (ರಿ.) ದ ಅಧ್ಯಕ್ಷೆರ್ ಡಾ. ಆರ್. ಕೆ ಶೆಟ್ಟಿ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಬೊಂಬೈ ಬಂಟರ ಸಂಘದ ಅಧ್ಯಕ್ಷೆರ್ ಚಂದ್ರಹಾಸ ಕೆ ಶೆಟ್ಟಿ ಬರಿಯೆರೆ ಉಲ್ಲೆರ್. ಗೌರವ ಉಪಸ್ಥಿತಿಡ್ ಮೀರಾರೋಡ್ ಸೈಂಟ್ ಎಗ್ನೇಸ್ ಹೈಸ್ಕೂಲ್ ಕಾರ್ಯಾಧ್ಯಕ್ಷೆರ್ ಡಾ. ಅರಣೋದಯ ಎಸ್ ರೈ ಪಾಲ್ ಪಡೆಯೆರೆ ಉಲ್ಲೆರ್. ಮಹಾರಾಷ್ಟ್ರದ ಪುಗರ್ತೆದ ಕೂಟದಕ್ಲೆರ್ದ್ ವೈವಿಧ್ಯಪೂರ್ಣ ಕರ್ನಾಟಕ ಜಾನಪದ ನೃತ್ಯ ಪಂತೊ ಬೊಕ್ಕ ಆಮಂತ್ರಿತ ಕಲಾವಿದೆರೆರ್ದ್ ಬೇತೆ ಬೇತೆ ಜಾನಪದ ವಿನೋದಾವಳಿ ನಡಪರೆ ಉಂಡು.

ಬೊಕ್ಕ ಸುರುತ ವಾರ್ಷಿಕ ಸಂಭ್ರಮದ ಗುರ್ಕಾರ್ಮೆನ್ ಬೆಂಗ್ಲೂರ್ ಮಹಾರಾಷ್ಟ್ರ ಘಟಕದ ಕರ್ನಾಟಕ ಜಾನಪದ ಪರಿಪತ್ತ್ (ರಿ.) ದ ಅಧ್ಯಕ್ಷೆರ್ ಡಾ. ಆರ್. ಕೆ ಶೆಟ್ಟಿ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಜಾಗತಿಕ ಬಂಟರ ಸಂಘದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಬರಿಯೆರೆ ಉಲ್ಲೆರ್. ಬರೋಡ ತುಳುಕೂಟದ ಅಧ್ಯಕ್ಷೆರ್ ಶಶಿಧರ ಶೆಟ್ಟಿ ಮೇರ್ ಸ್ಮರಣ ಸಂಚಿಕೆನ್ ಬುಡುಗಡೆ ಮಲ್ಪರೆ ಉಲ್ಲೆರ್. ಗೌರವ ಉಪಸ್ಥಿತಿಡ್ ಮನಿಪೋಲ್ಡ್ ಕೋ- ಆಪ್ ಕ್ರೆಡಿಟ್ ಸೊಸೈಟಿ ಕಾರ್ಯಾಧ್ಯಕ್ಷೆರ್ ಸುರೇಶ್ ಭಂಡಾರಿ, ಕರ್ನಾಟಕ ಮಲ್ಲ ದಿನಪತ್ರಿಕೆ ಸಂಪಾದಕೆರ್ ಚಂದ್ರಶೇಖರ ಪಾಲೆತ್ತಾಡಿ, ಹೋಟೆಲ್ ಉದ್ಯಮಿ ಪ್ರಸಾದ್ ಶೆಟ್ಟಿ ಅಂಗಡಿಗುತ್ತು, ಪುಗರ್ತೆದ ಚಿತ್ರನಟೆ ಶ್ರೇಯಸ್ ತಲಪಡೆ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಉಪಾಧ್ಯಕ್ಷೆರ್ ಡಾ. ಸುರೇಂದ್ರಕುಮಾರ್ ಶೆಟ್ಟಿ, ಬೊಕ್ಕ ಮಹಾರಾಷ್ಟ್ರ ಘಟಕದ ಮುಖ್ಯ ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

April 16th: Folk art festival at Smt Radhabai Thimappa Bandari Sabha Bavana , Mumbai

Mumbai: Karnataka Janapada parishad (R) , Bangalore whose unit in Maharashtra has arranged it’s first folk art festival Samskritika Sambrama on April 16 th.

The folk festival will be inaugurated by Prof Ramachandra Gowda president of Karnataka Janapada parishad.The program will be presided by Dr R K Shetty president of the Maharashtra unit of Karnataka Janapada parishad.

Radio Manipal to air program on the role of the public in community development of the village ರೇಡಿಯೊ ಮಣಿಪಾಲ್ ಗ್ರಾಮಲೆನ ಅಭಿವೃದ್ಧಿಡ್ ಸಾರ್ವಜನಿಕೆರೆನ ಪಾತ್ರದ ಬಗೆಟ್ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz, ಡ್ ಶುದ್ಧ ಜಲ, ಸ್ವಚ್ಛ ನೆಲ, ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಮಾ.31 ಸುಕ್ರಾರ ಬಯ್ಯಗ್ 6 ಗಂಟೆಗ್ ಗ್ರಾಮಲೆನ ಅಭಿವೃದ್ಧಿಡ್ ಸಾರ್ವಜನಿಕೆರೆನ ಪಾತ್ರದ ಬಗೆಟ್ ಲೇಸ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಮಣಿಪಾಲ ಕೆ.ಎಂ.ಸಿದ ಸಮುದಾಯ ವೈದ್ಯಕೀಯ ವಿಭಾಗದ ವೈದ್ಯಕೀಯ ಸಮಾಜ ಸೇವಕೆರ್ ನೀಲಾವತಿ ಎ ಪಾಲ್ ಪಡೆಯೆರೆ ಉಲ್ಲೆರ್. ಎ.1 ಕ್ಕ್ ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

First PUC results today ಇನಿ ಫಸ್ಟ್ ‘ಪಿಯುಸಿ’ ರಿಸಟ್ಟ್

ಬೆಂಗ್ಲೂರ್: ಕರ್ನಾಟಕ ಪದವಿ ಪೂರ್ವ ಶಿಕ್ಷಣ ಇಲಾಖೆ ಫಸ್ಟ್ ಪಿಯುಸಿ ವಾರ್ಷಿಕ ಪರೀಕ್ಷೆದ ರಿಸಟ್ಟ್ ನ್ ಇನಿ ಪ್ರಕಟಣೆ ಮಲ್ದ್ಂಡ್.

ಫಸ್ಟ್ ಪಿಯುಸಿ ಪರೀಕ್ಷೆ ಬರೆಯಿನ ಕಲ್ಪಾರ್ಥಿಲು ತನ್ನ ರಿಸಟ್ಟ್ ನ್ ಅಧಿಕೃತ ವೆಬ್ ಸೈಟ್ result.dkpucpa.com ಗ್ ಭೇಟಿ ಕೊರ್ದು ರಿಸಟ್ಟ್ ಪರಿಶೀಲನೆ ಮಲ್ಪೊಲಿ.

ಕಲ್ಪಾರ್ಥಿಲು ಈ ವೆಬ್ ಸೈಟ್ ಗ್ ಭೇಟಿ ಕೊರ್ದು ಓಪನ್ ಆಯಿನ ಪೇಜ್ ಡ್ ನೋಂದಣಿ ಸಂಖ್ಯೆ ಬೊಕ್ಕ ಪುಟ್ಟುನ ತಾರೀಕ್ ನ್ ಪಾಡೊಡು. ಅವೆರ್ದ್ ಬೊಕ್ಕ ‘Go’ ಪನ್ಪುನ ಲಿಂಕ್ ದ ಮಿತ್ತ್ ಒತ್ತುಂಡ ರಿಸಟ್ಟ್ ಪ್ರಕಟ ಆಪುಂಡು.

First PUC results today

Bangalore: The Karnataka pre University board declared the first PUC results today

Results can be got from the official website result.dkpucpa.com

Shivalinga Swamiji of Bidari Kalmutt no more ತಿಗಲೆ ಬೇನೆಡ್ ದೇವೆರೆ ಪಾದೊ ಸೇರಿಯೆರ್ ಬಿದರಿ ಕಲ್ಮಠದ ಶಿವಲಿಂಗ ಸ್ವಾಮೀಜಿ

ಬಾಗಲಕೋಟೆ: ಬಿದರಿ ಕಲ್ಮಠದ ಶಿವಲಿಂಗ ಸ್ವಾಮೀಜಿ (62) ಕೋಡೆ (ಮಾ.30) ರಾತ್ರೆ ತಿಗಲೆ ಬೇನೆಡ್ ದೇವೆರೆ ಪಾದೊ ಸೇರಿಯೆರ್.

ಬಾಗಲಕೋಟೆ ಜಿಲ್ಲೆದ ಜಮಖಂಡಿ ತಾಲೂಕ್ ದ ಬಿದರಿ ಗ್ರಾಮಡ್ ಶಿವಲಿಂಗ ಸ್ವಾಮೀಜಿ 1986 ಟ್ಟ್ ಬಿದರಿ ಮಠತ್ತ ಪೀಠಾಧಿಪತಿ ಆತೆರ್. ಅಂಚೆನೆ ಬಿದರಿದ ಕಲ್ಮಠ ಮೂಲ ಮಠ ಆತ್ಂಡ್. ಸವದತ್ತಿ, ಗುಲಗಾಲಜಂಬಗಿಡ್ ಶಾಖೆ ಮಠಲು ಉಂಡು.

Shivalinga Swamiji of Bidari Kalmutt no more

Bagalkot: Shivalinga Swamiji (62) of Bidari Kalmutt died of a heart attack on March 30th.

He was anointed as Swamiji of Bidari Kalmutt of Jamakandi in Bagalkot district in 1986.

PUC pass students can apply for Vacancies in ISRO ಪಿಯುಸಿ ಆಯಿನಕುಲೆಗ್ ಇಸ್ರೋಡ್ ಉಂಡು ಬೇಲೆ

ಇಸ್ರೋಡ್ ಫೈರ್ ಮ್ಯಾನ್, ಡ್ರೈವರ್‌, ಡ್ರಾಫ್ಟ್ ಮನ್, ಟೆಕ್ನಿಷಿಯನ್ ಬೊಕ್ಕ ಟೆಕ್ನಿಕಲ್ ಅಸಿಸ್ಟೆಂಟ್ ಸೇರಿನಂಚೆನೆ 63 ಬೇಲೆ ಖಾಲಿ ಉಂಡು.

ಇಸ್ರೋಡ್ ಬೇಲೆ ಮಲ್ಪರೆ ಆಸಕ್ತಿ ಇಪ್ಪುನಕುಲು ಸಂಬಂಧ ಪಟ್ಟಿನ ಟ್ರೇಡ್ ಡ್ 12 ನೇ ಕ್ಲಾಸ್ ಅತ್ತಂಡ, ಡಿಪ್ಲೊಮಾ ಪಾಸ್ ಆದಿಪ್ಪೊಡು. ಅರ್ಜಿ ಪಾಡುನ ಅಭ್ಯರ್ಥಿಲು 18-25 ವರ್ಷದೊಲಯಿ ಇಪ್ಪೊಡು. ಅರ್ಜಿ ಸಂದಾಯೆರೆ ಏಪ್ರಿಲ್ 24 ಅಕೇರಿದ ತಾರೀಕ್ ಆತ್ಂಡ್.

PUC pass students can apply for Vacancies in ISRO

There is a call for 63 vacancies in ISRO for various posts for students who have passed PUC and diploma pass.age limit is 18-24 years. The last date to apply is April 24th.