August 2023

ತುಡರ್ ಫ್ರೆಂಡ್ಸ್ ದ ಮುತಾಲಿಕೆಡ್ ಸುರುತ್ತ ವರ್ಷೊದ ಆಟಿದ ನೆಂಪು ಲೇಸ್

ಎಕ್ಕೂರ್ : ತುಳುವೆರೆನ ಸಂಪ್ರದಾಯ ಸಂಸ್ಕೃತಿ ಮರತೊಂದು ಪೋಪಿನ ಕಾಲಡ್, ನಮ್ಮ ಹಿರಿಯೆರ್ ಆಚರಣೆ ಮಲ್ತೊಂದು ಬತ್ತಿನ ಆಚರಣೆಲೆನ್ ಇನಿ ತುಡರ್ ಫ್ರೆಂಡ್ಸ್ ಸಂಘ ಮಸ್ತ್ ಅರ್ಥ ಪೂರ್ಣವಾದ್ ಆಚರಿಸಾದ್ ನನದ ಪೀಳಿಗೆಗ್ ಅವೆನ್ ಪರಿಚಯ ಮಲ್ತ್ ದ್ ಕೊರ್ಪುನ ದಿಟ್ಟಿಡ್ ಆಟಿದ ನೆಂಪು ಲೇಸ್ ನ್ ಆಯೋಜನೆ ಮಲ್ತಿನವು ಮೆಚ್ಚೊಡಾಯಿನ ಬೇಲೆ ಪಂದ್ ಹಿಂದೂ ಯುವ ಸೇನೆ ಕೇಂದ್ರೀಯ ಮಂಡಳಿದ ಗೌರವಾಧ್ಯಕ್ಷೆರ್ ಭಾಸ್ಕರ್ ಚಂದ್ರ ಶೆಟ್ಟಿ ಪಂಡೆರ್.

ಮೇರ್ ಆ.13 ಕ್ಕ್ ಕೆವಿಕೆದ ನಮೋ ಚಾವಡಿಡ್ ನಡತಿನ ತುಡರ್ ಫ್ರೆಂಡ್ಸ್ ನೆತ್ತ ಸುರುತ್ತ ವರ್ಷೊದ ಆಟಿದ ನೆಂಪು ಲೇಸ್ ಡ್ ತುಡರ್ ಅರ್ಲಾದ್ ಉದಿಪನ ಮಲ್ತ್ ದ್ ಪಾತೆರಿಯೆರ್.

ಪೆಲಕಾಯಿನ್ ತುಂಡು ಮಲ್ಪುನ ಮುಖೇನ ಯಶೋಧರ ಚೌಟ ಮೇರ್ ಲೇಸ್ ಗ್ ಚಾಲನೆ ಕೊರಿಯೆರ್.

ಚಾವಡಿಡ್ ಪೊಂಜೋವ್ ನಕ್ಲೆಗ್ ಮೈಪು ಒಲಿಪುನ, ತಾರಾಯಿ ತೆಪ್ಪು ಲಕ್ಕವುನ, ತೇಟ್ಲಾ ಕಟ್ಟುನ, ಮಡಲ್ ಮೊಡೆಪುನ, ಚೀನ್ಕಿರಿ ಮಲ್ಪುನ ಗೊಬ್ಬುಲೆನ್ ಆಯೋಜನೆ ಮಲ್ತ್ ದ್ ಇತ್ತೆರ್.

ಈ ಪೊರ್ತುಡು ಚಾವಡಿಡ್ ಕಾವು ಪಂಚಲಿಂಗೇಶ್ವರ ದೇವಲ್ಯದ ಆಡಳಿತ ಮೊಕ್ತೇಸೆರ್ ಕಿರಣ್ ರೈ ಬಜಾಲ್, ಹಿಂದೂ ಯುವ ಸೇನೆ ಕೇಂದ್ರೀಯ ಮಂಡಳಿದ ಕಾರ್ಯದರ್ಶಿ ರವಿಚಂದ್ರ ಎಕ್ಕುರ್, ಕಾರ್ಪೊರೇಟರ್ ವೀಣಾ ಮಂಗಳ, ಸುಮತಿ ಚಂದ್ರಶೇಖರ್ ಎಕ್ಕುರ್, ಪ್ರವೀಣ್ ಎಕ್ಕುರ್, ಭರತ್ ರಾಜ್ ಬಜಾಲ್, ಪ್ರವೀಣ್ ಎಕ್ಕುರ್, ಯಸ್. ಕುಮಾರ್, ಅಶೋಕ್ ಕೆ, ಎಸ್ ಆರ್ ಟಿ ಸಿ. ಸುರೇಶ್ ಬಜಲ್ ಇತ್ತೆರ್. ಅಂಚೆನೆ ತುಡರ್ ಫ್ರೆಂಡ್ಸ್ ದ ಸದಸ್ಯೆರ್ ಪಾಲ್ ಪಡೆದಿತ್ತೆರ್.

ಕಿರಣ್ ಬಜಲ್ ಲೇಸ್ ದ ಸುಧಾರಿಕೆ ಮಲ್ತೆರ್. ಮಾನಸ ರೈ ಸೊಲ್ಮೆ ಸಂದಾಯೆರ್.

ಸುರತ್ಕಲ್ ಬಂಟರ ಸಂಘದ ಚಾವಡಿಡ್ ಸ್ವಾತಂತ್ರೋತ್ಸವ; ಸುಬೇದಾರ್ ಮೇಜರ್ ಶಶಿಧರ ಆಳ್ವೆರೆಗ್ ಮಾನಾದಿಗೆ

ಸುರತ್ಕಲ್: ಬಂಟರ ಸಂಘ (ರಿ.) ಸುರತ್ಕಲ್ ಬೊಕ್ಕ ಮಹಿಳಾ ವೇದಿಕೆದ ಒಟ್ಟುಸೇರಿಗೆಡ್, ಸುಭಾಷಿತ ನಗರ ರೆಸಿಡೆಂಟ್ ಅಸೋಸಿಯೇಷನ್ (ರಿ.) ದ ಮುತಾಲಿಕೆಡ್ ದೇಶದ 76ನೇ ವರ್ಷೊದ ಸ್ವಾತಂತ್ರೋತ್ಸವ ಲೇಸ್ ಸುರತ್ಕಲ್ ಬಂಟರ ಸಂಘದ ಚಾವಡಿಡ್ ನಡತ್ಂಡ್.

ಸಂಘದ ಅಧ್ಯಕ್ಷೆರ್ ಲೋಕಯ್ಯ ಶೆಟ್ಟಿ ಮುಂಚೂರು ರಾಷ್ಟ್ರದ ಕೊಡಿನ್ ರಾಪಾಯೆರ್. ಲೇಸ್ ಡ್ ಸುಬೇದಾರ್ ಮೇಜರ್ ಶಶಿಧರ್ ಆಳ್ವ ಮೆರೆಗ್ ಸನ್ಮಾನ ನಡತ್ಂಡ್.

ಈ ಪೊರ್ತುಡು ಚಾವಡಿಡ್ ಮಹಿಳಾ ವೇದಿಕೆದ ಅಧ್ಯಕ್ಷೆರ್ ಭವ್ಯ ಶೆಟ್ಟಿ, ಸುಭಾಷಿತನಗರ ರೆಸಿಡೆಂಟ್ ವೆಲ್ಫೇರ್ ಅಸೋಸಿಯೇಷನ್ ದ ಅಧ್ಯಕ್ಷೆರ್ ರಮೇಶ್ ಶೆಟ್ಟಿ, ಸುರತ್ಕಲ್ ಬಂಟರ ಸಂಘದ ನಿಕಟಪೂರ್ವ ಅಧ್ಯಕ್ಷೆರ್ ಸುಧಾಕರ ಪೂಂಜ, ಪದಾಧಿಕಾರಿಲು ಪುಷ್ಪರಾಜ ಶೆಟ್ಟಿ ಕುಡುಂಬೂರು, ಲೀಲಾಧರ ಶೆಟ್ಟಿ ಕಟ್ಲ, ಸುಜೀರ್ ಶೆಟ್ಟಿ, ಜಯರಾಮ ಶೆಟ್ಟಿ, ಶಿಶಿರ್ ಶೆಟ್ಟಿ, ಪ್ರವೀಣ್ ಶೆಟ್ಟಿ, ಗುಣಶೇಖರ ಶೆಟ್ಟಿ, ರತ್ನಾಕರ ಶೆಟ್ಟಿ, ಪ್ರಹ್ಲಾದ್ ಶೆಟ್ಟಿ, ಸುಭಾಷಿತನಗರ ಅಸೋಸಿಯೇಷನ್ ದ ಪದಾಧಿಕಾರಿಲು ನರಸಿಂಹ ಸುವರ್ಣ, ತಾರಾನಾಥ ಸಾಲ್ಯಾನ್, ಚಂದ್ರಶೇಖರ ಶೆಟ್ಟಿ, ಮಹಿಳಾ ವೇದಿಕೆದ ಪದಾಧಿಕಾರಿಲು ಸುಜಾತ ಶೆಟ್ಟಿ ಕೃಷ್ಣಾಪುರ, ಕೇಸರಿ ಪೂಂಜ, ಸುಜಾತ ಶೆಟ್ಟಿ ಹೊಸಬೆಟ್ಟು, ಮಾಜಿ ಅಧ್ಯಕ್ಷೆರ್ ಬೇಬಿ ಶೆಟ್ಟಿ, ಕವಿತಾ ಪುಷ್ಪರಾಜ್, ಶೈಲಾ ಎಸ್ ಶೆಟ್ಟಿ, ಸವಿತಾ ಶೆಟ್ಟಿ ಇತ್ತೆರ್.

ಬಂಟರ ಮಾತೃ ಸಂಘದ ಕುಡ್ಲ ತಾಲೂಕ್ ಸಮಿತಿರ್ದ್ ಪ್ರತಿಭಾ ಪುರಸ್ಕಾರ

ಕುಡ್ಲ: ಬದ್ ಕ್ ಪನ್ಪಿನ ನೌಕೆಗ್ ಸರಿಯಾತಿನ ದಿಕ್ಸೂಚಿದ ಅಗತ್ಯ ಉಂಡು. ಬೇತೆಕ್ಲೆನ ಸಲಹೆ ಸೂಚನೆ ದೆತೊಂದು ವಿದ್ಯಾರ್ಜನೆ ಮಲ್ತ್ಂಡ ಯಶಸ್ಸ್ ಆಯೆರೆ ಸಾಧ್ಯ ಪಂದ್ ಹೈದರಾಬಾದ್ ಬಂಟರ ಸಂಘದ ಮಾಜಿ ಅಧ್ಯಕ್ಷೆರ್ ರತ್ನಾಕರ ರೈ ಪಂಡೆರ್.

ಮೇರ್ ಬಂಟರ ಯಾನೆ ನಾಡವರ ಮಾತೃ ಸಂಘದ ಕುಡ್ಲ ತಾಲೂಕ್ ಸಮಿತಿದ ಮುತಾಲಿಕೆಡ್ ಬಂಟ್ಸ್ ಹಾಸ್ಟೆಲ್ ದ ಅಮೃತೋತ್ಸವ ಕಟ್ಟಡದ ಚಾವಡಿಡ್ ನಡತಿನ ಸಮಾಜದ ಕಲ್ಪಾರ್ಥಿಲೆಗ್ ಪ್ರತಿಭಾ ಪುರಸ್ಕಾರ ಲೇಸ್ ನ್ ಉದಿಪನ ಮಲ್ತ್ ದ್ ಪಾತೆರಿಯೆರ್.

ರಾಮಕೃಷ್ಣ ಪದವಿ ಕಾಲೇಜ್ ದ ಪ್ರಾಂಶುಪಾಲೆರ್ ಪ್ರೊ. ಬಾಲಕೃಷ್ಣ ಶೆಟ್ಟಿ ಪಾತೆರ್ದ್, ಕಲ್ಪಾರ್ಥಿಲು ಕಲ್ಪುನೆತ್ತೊಟ್ಟಿಗೆ ಸಾಮಾಜಿಕ, ಸಾಂಸ್ಕೃತಿಕ ಬೊಕ್ಕ ಆಧ್ಯಾತ್ಮಿಕ ಇಸಯಲೆಡ್ ಸಕ್ರಿಯ ಆದಿತ್ತ್ಂಡ ಸಮಗ್ರ ವ್ಯಕ್ತಿತ್ವ ಬುಲೆವಣಿಗೆ ಆಪುಂಡು ಪಂದ್ ಪಂಡೆರ್.

ಮಲ್ಲ ಬಿನ್ನೆರ್ ಒಡಿಯೂರು ಸಹಕಾರಿ ಸಂಘದ ಗುರ್ಕಾರ್ಲು ಸುರೇಶ್ ರೈ ಪಾತೆರ್ದ್, ಕಲ್ಪಾರ್ಥಿಲು ದೂರದರ್ಶಿತ್ವ ಇತ್ತ್ ದ್, ಏಪಲ ಪರಿಶ್ರಮ ಪಡೆವೊಡು ಪಂದ್ ಪಂಡೆರ್.

ಗುರ್ಕಾರ್ಮೆನ್ ಒಯಿಸೊನ್ನ ಕುಡ್ಲ ತಾಲೂಕ್ ಸಮಿತಿದ ಸಂಚಾಲಕೆರ್ ವಸಂತ ಶೆಟ್ಟಿ ಪ್ರತಿಭಾ ಪುರಸ್ಕಾರ ಪಡೆಯಿನ ಕಲ್ಪಾರ್ಥಿಲೆಗ್ ಅಭಿನಂದನೆ ಸಂದಾಯೆರ್. ರತ್ನಾಕರ ರೈ ದಂಪತಿಲೆಗ್, ಪ್ರೊ. ಬಾಲಕೃಷ್ಣ ಶೆಟ್ಟಿ ಬೊಕ್ಕ ಸುರೇಶ್ ರೈ ಸನ್ಮಾನ ಮಲ್ತೆರ್. ಪ್ರತಿಭಾ ಪುರಸ್ಕಾರ ಪಡೆಯಿನ ನಿಧಿಶ್ರೀ ಶೆಟ್ಟಿ ಬೊಕ್ಕ ಮಹತಿ ಶೆಟ್ಟಿ ಅಭಿಪ್ರಾಯ ಪಂಡೆರ್.

ಈ ಪೊರ್ತುಡು ಬಂಟರ ಯಾನೆ ನಾಡವರ ಮಾತೃಸಂಘದ ಪ್ರಧಾನ ಕಾರ್ಯದರ್ಶಿ ಕೆ ಎಂ ಶೆಟ್ಟಿ, ಕೋಶಾಧಿಕಾರಿ ರಾಮಮೋಹನ್ ರೈ, ಕಾರ್ಯಕಾರಿ ಸಮಿತಿ ಸದಸ್ಯೆರ್ ನಿಟ್ಟೆಗುತ್ತು ರವಿರಾಜ್ ಶೆಟ್ಟಿ, ಉಲ್ಲಾಸ್ ಶೆಟ್ಟಿ ಪೆರ್ಮುದೆ, ಉಮೇಶ್ ರೈ ಪದವು ಮೇಗಿನಮನೆ, ಮುರಳೀಧರ ಶೆಟ್ಟಿ, ರವೀಂದ್ರನಾಥ ರೈ, ಜಯರಾಯ ಸಾಂತ, ಆನಂದ ಶೆಟ್ಟಿ ಇತ್ತೆರ್.

ಕುಡ್ಲ ತಾಲೂಕ್ ಸಮಿತಿದ ಸಹ ಸಂಚಾಲಕೆರ್ ರತ್ನಾಕರ ಶೆಟ್ಟಿ ಎಕ್ಕಾರ್ ಸೊಲ್ಮೆ ಸಂದಾಯೆರ್.
ಸತೀಶ್ ಶೆಟ್ಟಿ ಕೊಡಿಯಾಲ್ ಬೈಲ್ ಬೊಕ್ಕ ಕಿರಣ್ ಪಕ್ಕಳ ಲೇಸ್ ದ ಸುಧಾರಿಕೆ ಮಲ್ತೆರ್. ಸುಲತಾ ಶೆಟ್ಟಿ ಸಹಕಾರ ಕೊರಿಯೆರ್.