2021

ಕರಾವಳಿ ಕಾವಲು ಪೊಲೀಸ್ ಕೇಂದ್ರ ಕಚೇರಿಡ್ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ

ಒಡಿಪು , ಮಾ.9: ಮಲ್ಪೆ ಕರಾವಳಿ ಕಾವಲು ಪೊಲೀಸ್ ಕೇಂದ್ರ ಕಚೇರಿಡ್ ಸೋಮವಾರ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆನ್ ಆಚರಣೆ ಮಲ್ತೆರ್.ಕರಾವಳಿ ಕಾವಲು ಪೊಲೀಸ್ ಘಟಕದ ಪೊಲೀಸ್ ಅಧೀಕ್ಷಕ ಚೇತನ್ ಆರ್ ಲೇಸ್ ದ ಗುರ್ ಕಾರ್ಮೆ ವಯಿಸ್ದಿತ್ತೆರ್.

ಈ ಪೊರ್ತುಡು ಯೋಗ ಕ್ಷೇತ್ರಡ್ ಸಾಧನೆ ಮಲ್ದಿನ ರೇಣುಕಾ ಗೋಪಾಲಕೃಷ್ಣ ಪೆರಂಪಳ್ಳಿ ಮೆರೆಗ್ ಮಾನದಿಗೆ ಮಲ್ತೆರ್.ಮಲ್ಪೆಕರಾವಳಿ ಕಾವಲು ಪೊಲೀಸ್ ಠಾಣೆದ ಪೊಲೀಸ್ ಉಪನಿರೀಕ್ಷಕಿ ಪುಷ್ಪಾ ಪ್ರಾಸ್ತಾವಿಕವಾದ್ ಪಾತೆರಿಯೆರ್.

ಈ ಲೇಸ್ ಡ್ ಪೊಲೀಸ್ ಉಪಾಧೀಕ್ಷಕ ಪ್ರವೀಣ್ ಹೆಚ್. ನಾಯಕ್, ಕರಾವಳಿ ಕಾವಲು ಪೊಲೀಸ್ ಕೇಂದ್ರ ಕಚೇರಿದ ಸಹಾಯಕ ಆಡಳಿತಾಧಿಕಾರಿ ಮಂಜುಳಾ ಗೌಡ, ಪೂಜಾ ನಾಯ್ಕಾ ಬೊಕ್ಕ ಮಹಿಳಾ ಸಿಬ್ಬಂದಿಲು ಪಾಲ್ ಪಡೆದಿತ್ತೆರ್.

“ಇಂಗ್ಲಿಷ್” – ಎಂಕ್ಲೆಗ್ ಬರ್ಪುಜಿ ಬ್ರೋ’ ತುಳು ಸಿನಿಮಾ ಬುಡುಗಡೆಗ್ ಭಾರಿ ತಯಾರಿ

ಕುಡ್ಲ : ತುಳು ಚಿತ್ರ ಕರಾವಳಿ ಜಿಲ್ಲೆಗ್ ಮಾತ್ರ ಸೀಮಿತ ಆವಂದೆ ಕರ್ನಾಟಕದ ಮೂಲೆ ಮೂಲೆಗ್ ಲಾ ಮುಟ್ಟೋಡು ಅಂಚನೇ ಬೇತೆ ಭಾಷೆದ ಚಿತ್ರಗ್ ಏತ್ ಪ್ರಾಧಾನ್ಯ ಕೊರ್ಪನ ಆತೇ ಪ್ರಾಧಾನ್ಯತೆ ತುಳು ಭಾಷೆದ ಚಿತ್ರಗ್ ನೀಡುವ ಕೊರ್ಪಿನ ಮುಖೇನ ತುಳು ಚಲನಚಿತ್ರ ಕಲಾವಿದೆರೆಗ್ ಪ್ರೋತ್ಸಾಹ ಕೊರೊಡು ಮೂಲಕ ಕರುನಾಡಿನ ಸಮಸ್ತ ಪಂದ್ ಕನ್ನಡ-ತುಳು ಸಿನಿಮಾ ನಿರ್ಮಾಪಕ, ದುಬೈ ಉದ್ಯಮಿ ಹರೀಶ್ ಶೇರಿಗಾರ್ ಪಂಡೆರ್ .ಅಕ್ಮೆ(ACME ) ಮೂವೀಸ್ ಇಂಟರ್‌ನ್ಯಾಷನಲ್ ಲಾಂಛನಡ್ ದುಬೈದಉ ದ್ಯಮಿ, ಕನ್ನಡ ಸಿನಿಮಾ ನಿರ್ಮಾಪಕ ಹರೀಶ್ ಶೇರಿಗಾರ್ ಬೊಕ್ಕ ಶರ್ಮಿಳಾ ಶೇರಿಗಾರ್ ರಚನೆ ಮಲ್ದಿನ ಕೆ. ಸೂರಜ್ ಶೆಟ್ಟಿ ನಿರ್ದೇಶನದ ತುಳು‌ ಚಿತ್ರರಂಗದ ಬಹುನಿರೀಕ್ಷೆದ ಗಿಲ್ಬಿಸ್ಟಿಕ್ ಕಾಮಿಡಿ ತುಳು ಚಿತ್ರ “ಇಂಗ್ಲಿಷ್” – ಎಂಕ್ಲೆಗ್ ಬರ್ಪುಜಿ ಬ್ರೋ’ ಸಿನಿಮಾದ ಬುಡುಗಡೆ ದ ಇಚಾರಾಡ್ ಅಟ್ಟನೆ ಮಲ್ತಿನ ಪತ್ರಿಕಾಘೋಷ್ಟಿ ಡ್ ಆರ್ ತೆರಿಪಾಯೆರ್.

ಜೆಸಿಐ ಅಲಂಕಾರ್ ಮಹಿಳಾ ಉತ್ಸವ- ಮಹಿಳಾ ದಿನಾಚರಣೆ:ಭಂದನ್ -2021

ಮಾರ್ಚ್ 9 : ಮಹಿಳಾ ದಿನದ ಭಾಗವಾದ್ ಜೆಸಿಐ ಅಲಂಕಾರು ಜೆಸಿಐ ಆಚರಣೆನ್ ಎಲ್ಒಎಂ ಮಟ್ಟಡ್ ಜಾರಿಗ್ ಕನಯೆರೆ ಯೋಜನೆ ಮಲ್ತಿತ್ತೆರ್. ನೆತ್ತ ಭಾಗವಾದ್ ಮಾರ್ಚ್ 2, 2021 ಕ್ಕ್ ವಲಯ ಒತ್ತುಗುರ್ಕಾರ್ಲಾಯಿನ ಜೆಎಫ್ ಪಿ ಪ್ರಶಾಂತ್ ಕುಮಾರ್ ರೈ ಮೇರ್ ತುಡರ್ ಅರ್ಲಾವುನ ಮುಖೇನ ಮಹಿಳಾ ಉತ್ಸವ ಭಂದನ್ -2021 ಲೇಸ್ ಉದಿಪನ ಮಲ್ತೆರ್.

ಜೆಸಿಆರ್ಟಿ ಗುರ್ಕಾರ್ಲಾಯಿನ ವಸಂತಿ ಕೊನೆಮಾರು ಲೇಸ್ ದ ಗುರ್ಕಾರ್ಮೆ ನ್ ವಯಿಸ್ದಿತ್ತೆರ್. ಉದಿಪನ ಲೇಸ್ ರ್ದ್ ಬೊಕ್ಕ ಮಹಿಳಾ ಸಬಲೀಕರಣದ ಬಗ್ಗೆ ವಲಯ ತರಬೇತುದಾರೆರಾಯಿನ ಜೆಎಫ್‌ಪಿ ಹೇಮಲತಾ ಪ್ರದೀಪ್ ಬಕೀಲಾ ತರಬೇತಿ ಕೊರಿಯೆರ್ . ಮೇರ್ ಮಹಿಳಾ ಸಬಲೀಕರಣ ಬೊಕ್ಕ ತರಬೇತಿಗ್ ಸಂಭಂದ ಪಟ್ಟಿನ ಎಚ್ಚದ ಸಂಪನ್ಮೂಲಲೆನ್ ಪಡೆಯೊಂದಿನ ತರಬೇತುದಾರೆರಾತೆರ್.ಅಧಿವೇಶನಡ್ 15 ಲೇಡಿ ಜೇಸೀಸ್ ಬೊಕ್ಕ 10 ಜೇಸೀಸ್ ಪಾಲ್ ಪಡೆದಿತ್ತೆರ್ .

ಈ ನೆಲೆಟ್ಟ್ ಜೆಸಿಐ ಅಲಂಕಾರು ಜ್ಯೂನಿಯರ್ ಜೇಸಿ ಬೊಕ್ಕ ಜೇಸಿರೆಟ್ ವಿಭಾಗ ಪ್ರಾಂತ್ಯ ವಲಯ XV ಮಹಿಳಾ ಸಪ್ತಾಹದ ರಡ್ಡನೇ ದಿನತ ಲೇಸ್ ದ ಪರವಾದ್ ಜೇಸಿ ಮಮತಾ ಪಟ್ಟಿ (ಶ್ರೀ ಮೆಡಿಕಲ್ ಅಲಂಕಾರು) ಮೆರ್ನ ಮುತಾಲಿಕೆಡ್ ಉಚಿತ ನೆತ್ತೆರ್ ಪರೀಕ್ಷೆ ಬೊಕ್ಕ ಮದುಮೇಹ ಪರೀಕ್ಷೆ ತಪಾಸಣೆ ನಡತುಂಡು.ಈ ಪೊರ್ತುಡು ಜೆಸಿಐ ಅಲಂಕರ್ ಗುರ್ಕಾರ್ಲಾಯಿನ ಜೆಎಫ್ಪಿ ಗಣೇಶ್ ಕಟ್ಟಪುಣಿ ಬೊಕ್ಕ ಬೇತೆ ಗುರ್ಕಾರ್ಲು ಪಾಲ್ ಪಡೆದಿತ್ತೆರ್.

ಈ ಲೇಸ್ ದ ಮೂಜನೇ ದಿನದ ಅಂಗವಾದ್ ಮಹಿಳಾ ತರಬೇತು ದಾರೆರೆರ್ದ್ ಹದಿಹರೆಯದ ತರಬೇತಿ ಲೇಸ್ ಅಲಂಕಾರ್ ದ ಪೆರಾಬೆ ಸರ್ಕಾರಿ ಶಾಲೆಡ್ ನಡತುಂಡು. ಪ್ರಾಯೋಗು ಬತ್ತಿನ ಜೋಕುಲು ಈ ಲೇಸ್ ಡ್ ಪಾಲ್ ಪಡೆದ್ ಇತ್ತೆರ್ ಸರಿ ಸುಮಾರ್ 35 ಜೋಕುಲು ಪಾಲ್ ಪಡೆದ್ ಇತ್ತೆರ್. ತರಬೇತು ದಾರೆರ್ ಈ ಪೊರ್ತುಡು ಪಾಲೀಸಾವೊಡಾಯಿನ ಸುರಕ್ಷತಾ ಕ್ರಮತ ಬಗ್ಗೆ ಮಾಹಿತಿ ತೆರಿಪಾಯೆರ್.

ಈ ಪೊರ್ತುಡು ZVP ಜೆಎಫ್‌ಪಿ ಹೇಮಲತಾ ಪ್ರದೀಪ್ ಬಕೀಲಾ, ಜೆಸಿಆರ್ಟಿ ಗುರ್ಕಾರ್ಲಾಯಿನ ವಸಂತಿ ಕೊನೆಮಾರು, ಜೆಸಿಐ ಅಲಂಕರ್ ಗುರ್ಕಾರ್ಲಾಯಿನ – ಜೆಸಿ ಎಚ್‌ಜಿಎಫ್ ಗಣೇಶ್ ಕಟ್ಟಪುಣಿ ಪಾಲ್ ಪಡೆದ್ ಇತ್ತೆರ್. ಅಂಚನೇ ನಾಲನೆ ದಿನ ಅಲಂಕಾರ್ ಪ್ರದೇಶೋಗು ಸೇರಿನ ಪೊಂಜೊವ್ಲೆಗ್ ಸ್ವರಕ್ಷಣೆ ತರಬೇತಿ ಕೊರಿಯೆರ್.ಈ ಕಾರ್ಯಗಾರಡ್ , ದಾಳಿನ್ ಎದುರಿಸಾವುನ ಬಗ್ಗೆ ಅಂಚನೇ ಸ್ವರಕ್ಷಣೆ ತಂತ್ರ ದ ಬಗ್ಗೆ ಮಾಹಿತಿ ತೆರಿಪಾಯೆರ್.ಈ ಕಾರ್ಯಗಾರಡ್ ಗ್ರಾಮೀಣ ಪ್ರದೇಶದ ಪೊಂಜೊವುಲು ಪಾಲ್ ಪಡೆದಿತ್ತೆರ್.

ಕಾಪು ಶ್ರೀ  ಮಾರಿಗುಡಿ ದೇವಸ್ಥಾನ ಡ್ ‘ಶಿಲಾ ಸೇವೆ’

ಕಾಪು : ಸುಮಾರ್ 35 ಕೋಟಿ ರೂಪಾಯಿಡ್ ಕಟ್ಟೊಂದು ಉಪ್ಪುನ ಕಾಪು ಸಾವಿರ ಸೀಮಿದ ಗುರ್ಕಾರ್ದಿ ಕಾಪು ಶ್ರೀ ಹೊಸ ಮಾರಿಗುಡಿ ದೇವಸ್ಥಾನ ಶಿಲಾಮಯ ದೇಗುಲಗ್ ಶಿಲಾ ಸೇವೆದ ಮುಖೇನ ದೇಣಿಗೆ ಕೊರ್ಪಿನ ಉದ್ದೇಶಡ್ ಮಾ. 23 ತಾರೀಖ್ ಗ್ ‘ಶಿಲಾ ಸೇವೆ’ ಅರ್ಪಣಾ ಲೇಸ್ ನಡಪರೆ ಉಂಡು .

ದೇವಸ್ಥಾನದ ಸಭಾಂಗಣಡ್ ಐತಾರ ನಡತಿನ ಸುದ್ದಿಗೋಷ್ಠಿಡ್ ಪಾತೆರಿನ ಶ್ರೀ ಹೊಸ ಮಾರಿಗುಡಿ ದೇವಸ್ಥಾನ ಅಭಿವೃದ್ಧಿ ಸಮಿತಿದ ಗುರ್ಕಾರ್ಲಾಯಿನ ಕೆ. ವಾಸುದೇವ ಶೆಟ್ಟಿ ಈ ಬಗ್ಗೆ ಮಾಹಿತಿ ಕೊರಿಯೆರ್ .

ಕಾಪು ಹೊಸ ಮಾರಿಗುಡಿ ದೇವಸ್ಥಾನನ್ ಸಮಗ್ರ ಜೀರ್ಣೋದ್ಧಾರ ಮಲ್ಪುನ ನೆಲೆಟ್ಟ್ ಅಭಿವೃದ್ಧಿ ಸಮಿತಿ ಅಮ್ಮನ ಭಕ್ತ ಕೂಟನ್ ಒಟ್ಟು ಸೇರಾವೊಂದುಇತ್ತೆ ಬೇಲೆ ಮಲ್ತೊಂದು ಉಲ್ಲೆರ್ . 2019 ನೇ ಜ. 23 ತಾರೀಖ್ ಗ್ ಪೇಜಾವರ ಪೆರಿಯಾ ಶ್ರೀಲೆನ ದಿವ್ಯ ಹಸ್ತಡ್ ಗಣ್ಯೆರ್ನ ಒಟ್ಟು ಸೇರಿಗೆಡ್ ನಿಧಿಕುಂಭ ಸ್ಥಾಪನೆ ಮಲ್ತೆರ್ .

ಈದು ಗ್ರಾಮ ಪಂಚಾಯತ್ ಪೊಸ ಗುರ್ಕಾರ್ಲು ಬೊಕ್ಕ ಒತ್ತುಗುರ್ಕಾರ್ಲೆಗ್ ಜೈ ತುಲುನಾಡ್ ರಿ. ಕಾರ್ಲ ವತಿರ್ದ್ ತುಲು ಲಿಪಿ ಪುದರ್ ಪಲವೆ ಕೊರ್ದು ಮಾನದಿಗೆ

ಕಾರ್ಲ : ಈದು ಗ್ರಾಮ ಪಂಚಾಯತ್ದ ಪೊಸ ಗುರ್ಕಾರ್ಲಾದ್ ಅಂಚನೇ ಒತ್ತುಗುರ್ಕಾರ್ಲೆಗ್  ಜೈ ತುಲುನಾಡ್ ರಿ. ಕಾರ್ಲ ಮೆಕ್ಲೆನ ವತಿರ್ದ್ ತುಲು ಲಿಪಿ ಪುದರ್ ಪಲವೆದ ಮಾನದಿಗೆ ಮಲ್ಪುನೆತ್ತ ಒಟ್ಟುಗು ತುಳು ಕ್ಯಾಲೆಂಡರ್ ಬೊಕ್ಕ ಗ್ರಂಥಾಲಯಗ್ ತುಳುಲಿಪಿ ಕಲಿಕೆದ ಪುಸ್ತಕನ್ ಕೊರಿಯೆರ್.

ಸ್ವಚ್ಚಭಾರತ ಅಭಿಯಾನಗ್ ಪೂರಕ ಆಪಿಲಕ ಮರತ ಕೆತ್ತನೆದ ಮುಖೇನ ತಯಾರ್ ಮಲ್ತ್ ದ್ ತುಳುವ ಸಂಸ್ಕೃತಿನ್ ಸಾರುನ ಓಂಕಾರ, ಸೂರ್ಯ ಚಂದ್ರ ಬೊಕ್ಕ ತುಳುವ ಬಾವುಟನ್ ಕೆತ್ತ್ ದೆರ್ ಉಂದು ಯುವ ಶಿಲ್ಪಿಲಾಯಿನ ಶ್ರೀಯುತ ಸವಿತ್‌ರಾಜ್ ಆಚಾರ್ಯ ಮೆರ್ನ ಕೈ ಚಾತುರ್ಪುಡು ಮೂಡುದ್ ಬೈದುಂಡು.

ಪುದರ್ ಪಲವೆನ್ ಕೊರ್ಪಿನೆತ್ತ ಒಟ್ಟುಗು ತುಳು ಭಾಷೆನ್ ಒರಿಪಾವುನ ಸಲುವಾದ್ ಪಂಚಾಯತ್ ಕಾರ್ಯಕ್ರಮಡ್ ತುಳುಬಾಸೆನ್ ಬೊಕ್ಕ ತುಳುಲಿಪಿನ್ ಗಲಸೊಡು ಪಂದ್ ಅಂಚನೇ ತುಳು ಬಾಷೆಗ್ ಅಧಿಕೃತವಾದ್ ಮಾನ್ಯತೆ ತಿಕ್ಕುನಲ್ಪ ಸರಕಾರಗ್ ಒತ್ತಡ ಪಾಡೊಡು ಪಂದ್ ಪಂಚಾಯತ್ ಅಭಿವೃದ್ಧಿ ಅಧಿಕಾರಿಲೆಗ್ ಬೊಕ್ಕ ಗುರ್ಕಾರ್ಲೆಗ್ ಮನವಿ ಮಲ್ತೆರ್. ನೆತ್ತ ಒಟ್ಟುಗು ನೂತನವಾದ್ ಆಯ್ಕೆಯಾಯಿನ ಪಂಚಾಯತ್ ಸದಸ್ಯೆರೆಗ್ ಬೊಕ್ಕ ಗುರ್ಕಾರ್ಲೆಗ್ , ಉಪಾಧ್ಯಕ್ಷೇರೆಗ್ ಜೈ ತುಲುನಾಡ್ ರಿ. ಸಂಘಟನೆರ್ದ್ ಮಾನದಿಗೆ ಮಲ್ತೆರ್.

ಈ ಲೇಸ್ ಡ್ ಜೈ ತುಳುನಾಡ್ ರಿ. ಸಂಘಟನೆದ ಗುರ್ಕಾರ್ಲಾಯಿನ ವಿಶು.ಶ್ರೀಕೇರ, ಶೇಖರ್ ಶ್ರೀಗಂಗೆ ಪ್ರಶಾಂತ್ ಆಚಾರ್ಯ, ಪವನ್ ಕರ್ಕೇರ , ಕು.ಶೃತಿ ಆಚಾರ್ಯ, ಶ್ರೀಮತಿ ರೇಖಾ ಜೈನ್ ಬೊಕ್ಕ ಹಿಂದೂ ಜಾಗರಣ ವೇದಿಕೆ ಹೊಸ್ಮಾರು ವಲಯದ ಪ್ರಧಾನ ಕಾರ್ಯದರ್ಶಿಲಾಯಿನ ಶ್ರೀ ರಾಜೇಶ್ ಆಚಾರ್ಯ ಬೊಕ್ಕ ಸವಿತ್‌ರಾಜ್ ಆಚಾರ್ಯರವರು ಪಾಲ್ ಪಡೆದಿತ್ತೆರ್ .