2021

ರಾಜ್ಯ ವಿಧಾನ ಪರಿಷತ್ ಓಟುಗು ದಿನ ನೆಕ್ಕಿ

ಬೆಂಗ್ಳೂರ್, ನ.9: ರಾಜ್ಯದ 25 ವಿಧಾನ ಪರಿಷತ್ ಸ‍್ಥಾನಲೆಗ್ ಚುನಾವಣಾ ಆಯೋಗ ದಿನಾಂಕನ್ ಪ್ರಕಟಿಸಾದೆರ್.

ಕರ್ನಾಟಕ ವಿಧಾನ ಪರಿಷತ್ ದ 25 ಸ್ಥಾನಲೆಗ್ ಡಿ.10 ಕ್ಕ್ ಓಟು ನಡಪರೆ ಇತ್ತ್ ದ್,ಡಿ. 14ಕ್ಕ್ ಓಟುನ್ ಗೆನ್ತುದ್, ಡಿ.25 ಕ್ಕ್ 25 ಸ್ಥಾನದ ರಿಸಲ್ಟ್ ಪ್ರಕಟ ಆಯರೇ ಉಂಡು. ನವೆಂಬರ್ 16 ಕ್ಕ್ ಚುನಾವಣೆ ಅಧಿಸೂಚನೆ ಮಲ್ಪರಾಪುಂಡ್ ಪಂದ್ ಚುನಾವಣಾ ಆಯೋಗ ಪ್ರಕಟಿಸಾದೆರ್.

ನವೆಂಬರ್ 23 ಕ್ಕ್ ನಾಮಪತ್ರ ನ್ ಕೊರಿಯರೇ ಕಡೆತ್ತ ದಿನವಾತ್ಂಡ್. ಡಿ.10 ಕ್ಕ್ ಕಾಂಡೆ 10 ಗಂಟೆಡ್ದ್ 4 ಗಂಟೆ ಮುಟ್ಟ ಮತದಾನ ನಡಪರೆ ಉಂಡು ಪಂದ್ ಚುನಾವಣಾ ಆಯೋಗ ತೆರಿಪಾದ್ಂಡ್.

ಬೀದರ್ 01, ಕಲಬುರಗಿ 01, ಬಿಜಾಪುರ 02, ಬೆಳಗಾವಿ 02, ಉತ್ತರ ಕನ್ನಡ 01, ಧಾರವಾಡ 02, ರಾಯಚೂರು 01, ಬಳ್ಳಾರಿ 01, ಚಿತ್ರದುರ್ಗ 01, ಶಿವಮೊಗ್ಗ 01, ದಕ್ಷಿಣ ಕನ್ನಡ 02, ಚಿಕ್ಕಮಗಳೂರು 01, ಹಾಸನ 01, ತುಮಕೂರು 01, ಮಂಡ್ಯ 01, ಬೆಂಗಳೂರು 01, ಬೆಂಗಳೂರು ಗ್ರಾಮಾಂತರ 01, ಕೋಲಾರ 01, ಕೊಡಗು 01, ಮೈಸೂರು 02 ಸ್ಥಾನಲೆಗ್ ಚುನಾವಣೆ ನಡಪರೆ ಉಂಡು.