2021

ಅಂಬಲಪಾಡಿ ಗ್ರಾಪಂ ವತಿರ್ದ್ ಪೊಸತಾದ್ ನ್ಯಾಯ ಬೆಲೆ ಅಂಗಡಿ

ಒಡಿಪು , ಎ.21 ಪೇಂಟೆದ ಅಂಬಲಪಾಡಿ ಗ್ರಾಪಂ ವತಿರ್ದ್ ಪೊಸತಾದ್ ನ್ಯಾಯ ಬೆಲೆ ಅಂಗಡಿನ್ ಮಂಜೂರು ಮಲ್ದೆರ್ , ಈ ತಿಂಗೊಲುರ್ದು ಪಡಿತರದಾರೆರ್ನ ಕಾರ್ಡುಲೆಗ್ ಆಹಾರಧಾನ್ಯ ಕೊರ್ರೆ ಉಲ್ಲೆರ್.ಪಡಿತರದಾರೆರ್ ಸಂಬಂಧ ಪಟ್ಟಿನ ವ್ಯಾಪ್ತಿದ ನ್ಯಾಯಬೆಲೆ ಅಂಗಡಿಡ್ ಪಡಿತರ ಆಹಾರಧಾನ್ಯ ದೆತೊನೊಲಿ .

ಈ ನ್ಯಾಯಬೆಲೆ ಅಂಗಡಿ ವ್ಯಾಪ್ತಿಗ್ ಸಂಪೂರ್ಣ ಅಂಬಲಪಾಡಿ ಗ್ರಾಮ, ಪಂದುಬೆಟ್ಟು, ಕಡೆಕಾರು, ಕಿದಿಯೂರು ಬೊಕ್ಕ ಮೂಡನಿಡಂಬೂರು ಗ್ರಾಮ ಬರ್ಪುಂಡು ಪಂದ್ ಜಿಲ್ಲಾ ಆಹಾರ ಬೊಕ್ಕ ನಾಗರಿಕ ಸರಬರಾಜು ಇಲಾಖೆದ ಉಪನಿರ್ದೇಶಕೆರ್ ಪ್ರಕಟಣೆಗ್ ಪಂತೆರ್.

ಮ್ಯಾಕೊ ಕೋಪರೇಟಿವ್ ಸೊಸೈಟಿ ವತಿರ್ದ್ ರಿಕ್ಷಾ ಚಾಲಕೆರೆಗ್ ಉಚಿತ ಲಸಿಕೆ ಶಿಬಿರ

ಕುಡ್ಲ , ಎ.21 ಕುಡ್ಲ ಮ್ಯಾಕೊ ಕೋಪರೇಟಿವ್ ಸೊಸೈಟಿ ವತಿರ್ದ್ ರಿಕ್ಷಾ ಚಾಲಕೆರೆಗ್ ಉಚಿತ ಲಸಿಕೆ ಶಿಬಿರನ್ ಬಿಜೈ ಪ್ರಾಥಮಿಕ ಆರೋಗ್ಯ ಕೇಂದ್ರದ ಒಟ್ಟು ಸೇರಿಗೆಡ್ ಪೇಂಟೆದ ಬಲ್ಮಠ ಪೆಟ್ರೋಲ್ ಬಂಕ್‌ದ ಆವರಣಡ್ ನಡತುಂಡು.

ಲೇಸ್ ನ್ ಉದಿಪನ ಮಲ್ತಿನ ಮ್ಯಾಕೋ ಕೋಪರೇಟಿವ್ ಸೊಸೈಟಿದ ಗುರ್ಕಾರ್ಲಾಯಿನ ಐವನ್ ಡಿಸೋಜ ಮಾತಾ ಕಾರ್ಮಿಕೆರ್ ಲಸಿಕೆ ದೆತೊನುನ ಮುಖೇನ ಕೊರೋನ ವೈರಸ್ ಪರಡನ್ದಿಲಕ ಮುನ್ನೆಚ್ಚರಿಕೆ ವಯಿಸೊಡು ಪಂದ್ ಪಂಡೆರ್.

ಸೊಸೈಟಿದ ನಿರ್ದೇಶಕೆರಾಯಿನ ಶೇಖರ್ ದೇರಳಕಟ್ಟೆ, ಬಬಿತಾ ಡಿಸೋಜ, ಸಂಜೀವ ಒಕ್ಕಲಿಗ, ಗ್ರೆಗೊರಿ ಡಿಸೋಜ, ಹಬೀಬುಲ್ಲಾ, ಅಶಿತ್ ಪಿರೇರಾ, ವಿವೇಕ್ ರಾಜ್ ಪೂಜಾರಿ, ಭಾಸ್ಕರ್ ರಾವ್, ಸವಾದ್ ಗೂನಡ್ಕ,, ಮ್ಯಾಕೋ ಕಾರ್ಯದರ್ಶಿ ದಿನೇಶ್ ಕುಮಾರ್, ಶಶಿಕಾಂತ್ ಪೂಜಾರಿ ಪಾಲ್ ಪಡೆದಿತ್ತೆರ್.