ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News

New menu at Indira Canteen ಇಂದಿರಾ ಕ್ಯಾಂಟೀನ್ ಡ್ ಪೊಸ ಮೆನು

ಬೆಂಗ್ಲೂರ್: ಕಾಂಗ್ರೆಸ್ ಸರ್ಕಾರದ ಪಿರವುದ ಅವಧಿಡ್ ಜಾರಿ ಆಯಿನ ಇಂದಿರಾ ಕ್ಯಾಂಟೀನ್‌ನ್ ನನಾತ್ ಸುಧಾರಣೆ ಮಲ್ಪರೆ ಸಿಎಂ ಸಿದ್ದರಾಮಯ್ಯ ದುಂಬು ಬತ್ತಿತ್ತ್‌ದ್, ಇತ್ತೆ ಇಂದಿರಾ ಕ್ಯಾಂಟೀನ್‌ದ ಮೆನುಟ್ಟ್ ಪೊಸ ಐಟಂಲೆನ್ ಸೇರ್ಪಡೆ ಮಲ್ಪರೆ ನಿರ್ಧಾರ ಮಲ್ತ್‌ದೆರ್.

ಕಾಂಡೆದ ಚಾ ತಿಂಡಿದ ಬೆರಿಕ್ಕೆ ಬ್ರೆಡ್ ಜಾಮ್ ಬೊಕ್ಕ ಕುಡ್ಲ ಸ್ಪೆಷಲ್ ಬನ್ಸ್, ಮಧ್ಯಾಹ್ನದ ವನಸ್‌ಗ್ ಪಾಯಸ ಬೊಕ್ಕ ದಿನ ಬುಡ್ದ್ ದಿನ ಮುದ್ದೆ, ತೊಪ್ಪು ಸಾರ್ ವನಸ್ ಅಂಚನೆ ಚಪಾತಿ, ಸಾಗು, ಪಾಯಸ ಉಂಡು.

ಉಂದೆರ್ದ್ ದುಂಬು ಕಾಂಡೆ ಇಡ್ಲಿ, ಪುಳಿಯೋಗರೆ, ಖಾರಾಬಾತ್, ಪೊಂಗಲ್ ರವಾ ಕಿಚಡಿ, ಚಿತ್ರಾನ್ನ, ವಾಂಗಿಬಾತ್, ಕೇಸರಿಬಾತ್ ಇತ್ತ್ಂಡ್. ಇತ್ತೆ ಜಾಮ್ ಬೊಕ್ಕ ಸ್ಪೆಷಲ್ ಬನ್ಸ್ ಉಂಡು. ಮಧ್ಯಾಹ್ನದ ವನಸ್‌ಡ್ ನುಪ್ಪು, ತರಕಾರಿ ಸಾಂಬಾರ್ ಬೊಕ್ಕ ಮೊಸರನ್ನ ಮಾತ್ರ ಕೊರೊಂದಿತ್ತೆರ್. ಇತ್ತೆ ಪೊಸತ್ತಾದ್ ಪಾಯಸ, ಮುದ್ದೆ, ತೊಪ್ಪು ಸಾರ್ ಕೊರೊಂದುಲ್ಲೆರ್.

Chief Minister of Karnataka Siddaramaiah orders tax exemption for ‘Daredevil Mustafa’ “ಡೇರ್ ಡೆವಿಲ್ ಮುಸ್ತಫಾ” ಪಿಚ್ಚರ್‌ಗ್ ತೆರಿಗೆ ವಿನಾಯಿತಿ ಘೋಷಣೆ ಮಲ್ತಿನ ರಾಜ್ಯ ಸರ್ಕಾರ

ರಾಜ್ಯ ಸರ್ಕಾರ “ಡೇರ್ ಡೆವಿಲ್ ಮುಸ್ತಫಾ” ಪಿಚ್ಚರ್‌ಗ್ ತೆರಿಗೆ ವಿನಾಯಿತಿ ಘೋಷಣೆ ಮಲ್ತ್‌ದ್ಂಡ್.

ರಡ್ಡ್ ದಿನತ್ತ್ ಪಿರವು ಈ ಪಿಚ್ಚರ್‌ದ ತಂಡ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೆರೆನ್ ಭೇಟಿ ಮಲ್ತ್‌ದ್ ಕೋಮುಸಾಮರಸ್ಯ ಬೊಕ್ಕ ಭಾವೈಕ್ಯತೆದ ಸಂದೇಶ ಸಾರುನ ಪಿಚ್ಚರ್‌ಗ್ ತೆರಿಗೆ ವಿನಾಯಿತಿ ಮಲ್ಪುಲೆ, ಫ್ರೀ ಇಪ್ಪುನಗ ಪಿಚ್ಚರ್‌ನ್ ತೂಲೆ ಪಂದ್ ಬಿನ್ನಾಪು ಮಲ್ತ್‌ದಿತ್ತೆರ್. ಈ ಬಿನ್ನಾಪುಗ್ ಸರ್ಕಾರ ಉತ್ತರ ಕೊರ್ತ್ಂಡ್.

CET results announced ಸಿಇಟಿ ರಿಸಲ್ಟ್ ಪ್ರಕಟ

ಬೆಂಗ್ಲೂರ್: 2023-24ನೇ ಸಾಲ್‌ದ ವೃತ್ತಿಪರ ಕೋರ್ಸ್‌ದ ಪ್ರವೇಶಗ್ ಮಲ್ತಿನ ಕರ್ನಾಟಕ ಸಾಮಾನ್ಯ ಪ್ರವೇಶ ಪರೀಕ್ಷೆ-ಸಿಇಟಿ ಪರೀಕ್ಷೆದ ಫಲಿತಾಂಶ ಪ್ರಕಟ ಆತ್ಂಡ್.

ಉನ್ನತ ಶಿಕ್ಷಣ ಸಚಿವೆರ್ ಡಾ.ಸುಧಾಕರ್ ಮೇರ್ ಬೆಂಗ್ಲೂರ್‌ದ ಮಲ್ಲೇಶ್ವರಂದ ಕೆಇಎ ಕಚೇರಿಡ್ ಸಿಇಟಿ ರಿಸಲ್ಟ್‌ನ್ ಪ್ರಕಟ ಮಲ್ತ್‌ದಿತ್ತ್‌ದ್, ಈ ಸರ್ತಿ ಸಿಇಟಿಡ್ ಪೊಂಜೋಕುಲೇ ಸಾಧನೆ ಮಲ್ತ್‌ದೆರ್.

Muhurtha fixed for Kantara 2 Movie ಕಾಂತಾರ 2 ಪಿಚ್ಚರ್‌ಗ್ ಮೂರ್ತ ಫಿಕ್ಸ್

ಪುಗರ್ತೆದ ನಟೆ ರಿಷಬ್ ಶೆಟ್ಟಿ ನಿರ್ದೇಶನ ಬೊಕ್ಕ ನಟನೆ ಮಲ್ತಿನ ಕಾಂತಾರ ಪಿಚ್ಚರ್ ದೇಶ ಮಾತ್ರ ಅತ್ತಂದೆ ವಿದೇಶಡ್‌ಲ ಪುಗರ್ತೆ ಪಡೆತ್ಂಡ್.

ಇತ್ತೆ ಕಾಂತಾರ 2 ಪಿಚ್ಚರ್ ಸದ್ಯಗೆ ಬುಡುಗಡೆ ಆಯರೆ ಇತ್ತ್‌ದ್ ಉಂದೆತ್ತ ಮೂರ್ತ ಆಗಸ್ಟ್ ೨೭ನೇ ತಾರೀಕ್‌ಗ್ ನಡಪರೆ ಉಂಡು. ಸ್ಕ್ರಿಪ್ಟ್ ತಯಾರ್ ಆದಿತ್ತ್‌ದ್ ಶೂಟಿಂಗ್‌ಗ್ ಬೋಡಾದಿನ ಜಾಗೆನ್ ನಾಡೊಂದುಲ್ಲೆರ್.

Dutch Vlogger harassed on Bengaluru streets; accused arrested ಡಚ್ ವ್ಲಾಗರ್‌ನ ಮಿತ್ತ್ ಹಲ್ಲೆ ಮಲ್ದಿನ ಆರೋಪಿ ಅರೆಸ್ಟ್

ಬೆಂಗ್ಲೂರ್: ವೀಡಿಯೋ ರೆಕಾರ್ಡ್ ಮಲ್ತೊಂದಿಪ್ಪುನಗ ಡಚ್ ವ್ಲಾಗರ್ ಒರಿಯನ ಮಿತ್ತ್ ಜನ ಒರಿ ಹಲ್ಲೆ ಮಲ್ತಿನ ಘಟನೆ ಚಿಕ್ಕಪೇಟೆ ಪ್ರದೇಶದ ಜನನಿಬಿಡ ಮಾರ್ಗಡ್ ನಡತ್ಂಡ್.

ಪೆಡ್ರೊ ಮೋಟಾ ಹಲ್ಲೆ ಆತಿನ ವ್ಲಾಗರ್ ಪಂದ್ ತೆರಿದ್ ಬೈದ್ಂಡ್. ನೆದರ್‌ಲ್ಯಾಂಡ್ ಮೂಲದ ಪೆಡ್ರೊ ಮೋಟಾ ಅರೆನೊಟ್ಟುಗು ಒರಿ ಪುಂಡೆ ಬೊಡ್ಚಾಂದಿನ ರೀತಿಡ್ ವರ್ತಿಸಾದ್ ಹಲ್ಲೆ ಮಲ್ತ್‌ದೆರ್ ಪಂದ್ ತೆರಿದ್ ಬೈದ್ಂಡ್.

ಆರೋಪಿ ಸಾದಿಡ್ ಬ್ಯಾರ ಮಲ್ಪುನ ನವಾಬ್ ಹಯಾತ್ ಷರೀಫ್ ಮಿತ್ತ್ ಕರ್ನಾಟಕ ಪೊಲೀಸ್ ಕಾಯ್ದೆ ಸೆಕ್ಷನ್ 92 ತ್ತ ಅಡಿಟ್ಟ್ ಕೇಸ್ ದಾಖಲ್ ಮಲ್ತ್‌ದ್ ಆರೆನ್ ಅರೆಸ್ಟ್ ಮಲ್ತ್‌ದೆರ್ ಪಂದ್ ಬೆಂಗ್ಲೂರ್ ಪಶ್ಚಿಮ ವಿಭಾಗ ಡಿಸಿಪಿ ಲಕ್ಷ್ಮಣ್ ಬಿ.ನಿಂಬರಗಿ ತೆರಿಪಾದೆರ್.

Daughter kills mother, stuffs body in suitcase and reports to police ಅಪ್ಪೆನ್ ಕೆರ್ದ್ ಪುನನ್ ಸೂಟ್‌ಕೇಸ್‌ಡ್ ಪಾಡ್ದ್ ಪೊಲೀಸ್ ಸ್ಟೇಶನ್ ಗ್ ಕನತಿನ ಮಗಲ್

ಬೆಂಗ್ಲೂರ್: ಮಗಲ್ ಒರ್ತಿ ಅಪ್ಪೆನ್ ಕೆರ್ದ್ ಸೂಟ್‌ಕೇಸ್‌ಡ್ ಪುನನ್ ಪಾಡೊಂದು ಪೊಲೀಸ್ ಸ್ಟೇಶನ್ ಗ್ ಬೈದಿನ ಘಟನೆ ರಾಜಬೂಡು ಬೆಂಗ್ಲೂರುಡು ನಡತ್ಂಡ್.

ಬೀವಾ ಪಾಲ್(70 ವರ್ಷ) ತೀರ್ ಪೋಯಿನಾರ್. ಅರೆನ ಮಗಲ್ ಸೆನಾಲಿ ಸೇನ್ (39) ಅಪ್ಪೆನ್ ಕೆರ್ತಿನ ಆರೋಪಿ ಮಗಲ್.

ಸೆನಾಲಿ ಸೇನ್ ನ ಅಮ್ಮ ಬೊಕ್ಕ ಮಾಮಿ ಒಂಜೇ ಇಲ್ಲಡ್ ಇತ್ತೆರ್. ಇರ್ವೆರ್‌ಲ ದಿನಲ ಲಡಾಯಿ ಮಲ್ತೊಂದಿತ್ತೆರ್. ಬೀವಾ ಪಾಲ್ ನಿದ್ರೆದ ಮಾತ್ರೆ ನಿಂಗ್‌ದ್ ಸೈಪೆ ಪಂದ್ ಪಂಡ್‌ದಿತ್ತೆರ್. ಆಂಡ ಸೆನಾಲಿ ಸೇನ್ ತನ್ನ ಅಪ್ಪೆಗ್ 20 ನಿದ್ರೆದ ಮಾತ್ರೆನ್ ಕೊರ್ದು ಬೊಕ್ಕ ನಾಲಿಡ್ ಪತ್ ದ್ ಕೆರ್ತೆರ್.ಅಯಿರ್ದ್ ಬೊಕ್ಕ ಟ್ರ್ಯಾಲಿ ಸೂಟ್‌ಕೇಸ್‌ಡ್ ಅಪ್ಪೆನ ಪುನನ್ ದೀದ್ ಅಮ್ಮೆರ್‍ನ ಫೋಟೊ ದೀದ್ ಪೊಲೀಸ್ ಸ್ಟೇಷನ್‌ಗ್ ಬೈದಲ್. ಉಂದೆನ್ ತೂದು ಪೊಲೀಸೆರೆಗ್ ಆಶ್ಚರ್ಯ ಆತ್ಂಡ್. ಮೈಕೋ ಲೇಔಟ್ ಪೊಲೀಸೆರ್ ಕೇಸ್ ದಾಖಲ್ ಮಲ್ತ್‌ದ್ ಸೆನಾಲಿ ಸೇನ್ ಮೆರೆನ್ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್.