ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಅಸಹಾಯಕೆರ್ನ ಪಾಲ್ ಗ್ ಬೊಲ್ಪಾಯಿನ ರಿಕ್ಷಾಚಾಲಕೆ ‘ರವಿ’

ರಾಂಚಿ, ಎಪ್ರಿಲ್ 25: : “ಅಳಿಲ ಸೇವೆ ಮಳಲ ಭಕ್ತಿ” ಪನ್ಪಿನ ಪಾತೆರ ಉಂಡು. ಈ ಪಾತೆರಗ್ ಅಕ್ಷರಶಃ ಸಾಕ್ಷಿಯಾಯಿನಾರ್ ರಾಂಚಿದ ರಿಕ್ಷಾವಾಲ ರವಿ ಅಗರ್ವಾಲ್. ಅಂದ್ , ಕೋವಿಡ್ ಸೋಂಕು ಮಾತಾ ಜನಕ್ಲೆನ ಜೀವ ದೆತ್ತೊಂದು ಉಂಡು. ದೇಶದ ಬೇತೆ ಬೇತೆ ರಾಜ್ಯಡ್ ವೀಕೆಂಡ್ ಕರ್ಫ್ಯೂ ಸೇರಿನಂಚ ಲಾಕ್ ಡೌನ್ ಘೋಷಣೆ ಮಲ್ದೆರ್ . ನೆರ್ದಾವರ ಲಾಕ್ ಡೌನ್ ಮಲ್ತಿನ ಪೊರ್ತು ಜನಕ್ಲೆಗ್ ಆಸ್ಪತ್ರೆಗ್ ಪೋಯೆರೆ ಸಾರಿಗೆ ವ್ಯವಸ್ಥೆ ಇಜ್ಜಂದೆ ಜನಕುಲು ಪರದಾಡೊಂದು ಉಲ್ಲೆರ್ . ಇಂಚಿನ ಪೊರ್ತುಡು ಜಾರ್ಖಂಡ್ ರಾಜ‍ಧಾನಿ ರಾಂಚಿಡ್ ರಿಕ್ಷಾವಾಲ ಮಾನವೀಯತೆ ತೋಜಾವುನೆತ್ತ ಒಟ್ಟುಗು ತನ್ನನೆ ಆಯಿನ ಆದ ಸೇವೆನ್ ದೇಶಗಾದ್ ಕೊರೊಂದು ಉಲ್ಲೆರ್.

ರಾಂಚಿದ ಆಟೋ ಚಾಲಕ ರವಿ ಅಗರ್ವಾಲ್ ಕೋವಿಡ್ ಸೋಂಕಿತೆರೆಗ್ ಅಂಚನೇ ಆಸ್ಪತ್ರೆಗ್ ಪೋಪಿನಕ್ಲೆಗ್ ಉಚಿತವಾದ್ ತನ್ನ ಆಟೋಡ್ ಲೆತೊಂದು ಪೋವೊಂದು ಉಲ್ಲೆರ್ ಕರಿನ ಏಪ್ರಿಲ್ 15 ತಾರೀಖ್ ರ್ದ್ ರವಿ ತನ್ನ ಆಟೋನ್ ಉಚಿತ ಸೇವೆಗಾದ್ ದೀತೆರ್.