ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಪಂಪ್‌ವೆಲ್ ಫ್ಲೈಓವರ್‌ದ ಗೋಡೆದ ಮಿತ್ತ್ ಅಕ್ಷೇಪಾರ್ಹ ಬರವು : ಆರೋಪಿಲು ಅರೆಸ್ಟ್

Apr 28, 2021

ಕುಡ್ಲ , ಎ.28: ಪಂಪ್‌ವೆಲ್ ಕೈತಲ್ ದ ಫ್ಲೈಓವರ್‌ದ ಗೋಡೆದ ಮಿತ್ತ್ ಅಕ್ಷೇಪಾರ್ಹ ಸಾಲ್ ಬರೆಯಿನ ಪ್ರಕರಣಗ್ ಸಂಬಂಧ ಪಟ್ಟಿನಂಚ ಪೇಂಟೆದ ಪ್ರಮುಖ ಕಾಲೇಜ್ ದ ರಡ್ಡ್ ವಿದ್ಯಾರ್ಥಿಲೆನ್ ಅರೆಸ್ಟ್ ಮಲ್ದೆರ್ ಪಂದ್ ಪೊಲೀಸ್ ಆಯುಕ್ತ ಶಶಿಕುಮಾರ್ ತೆರಿಪಾದೆರ್ .

ಎ.20 ತಾರೀಖ್ ಗ್ ಪಂಪ್‌ವೆಲ್‌ದ ಫ್ಲೈಓವರ್ ಗೋಡೆದ ಮಿತ್ತ್ ‘ಲಾಕ್‌ಡೌನ್ ಬೋಡು ‘ ಪಂದ್ ಇಂಗ್ಲಿಷ್‌ಡ್ ಬರೆತಿನ ಬರವುದ ಕೈತಲೇ ‘ಬ್ಯಾಡ್ ಬಾಯ್ಸಾ ಇನ್ ದ ಸಿಟಿ’ ಬೊಕ್ಕ ಐತ ಮಿತ್ತ್ ‘ಟೆಲ್ ಯುವರ್ ಮಾಮ್ ****’ ಪಂದ್ ಬರೆದಿತ್ತೆರ್.

ಈ ಬಗ್ಗೆ ಕದ್ರಿ ಠಾಣೆಡ್ ಪ್ರಕರಣ ದಾಖಲಾತುಂಡು . ತನಿಖೆ ನಡಪಾಯಿನ ಪೊಲೀಸೆರ್ ಸಿಸಿ ಕ್ಯಾಮರಾದ ಆಧಾರದ ಮಿತ್ತ್ ರಡ್ಡ್ ಅಪ್ರಾಪ್ತ ಕಾಲೇಜು ವಿದ್ಯಾರ್ಥಿಲೆನ್ ಅರೆಸ್ಟ್ ಮಲ್ದೆರ್ .

ರಾಜ್ಯ ಸರಕಾರ ಕೊರಿನ ಮಾರ್ಗಸೂಚಿನ್ ಪಾಲನೆ ಮಲ್ಪುಲೇ : ಜಿ.ಜಗದೀಶ್

Apr 28, 2021

ಒಡಿಪು , ಎ.28: ಕೋವಿಡ್ 2ನೇ ಅಲೆ ನಿಯಂತ್ರಣಗ್ ಸಂಭಂದ ಪಟ್ಟಿನಂಚ , ಎ.27ರ್ದ್ ಮೇ 12 ಮುಟ ರಾಜ್ಯ ಸರಕಾರ ಕೊರಿನ ಮಾರ್ಗಸೂಚಿಲೆನ್ ಅನುಷ್ಠಾನ ಮಲ್ಪುನ ನೆಲೆಟ್ಟ್ ಜಿಲ್ಲೆದ ಗಡಿ ಪ್ರದೇಶಡ್ ಚೆಕ್‌ಪೋಸ್ಟ್‌ಲೆನ್ ದೆತ್ದ್ ಅನಗತ್ಯ ವಾಹನ ಸಂಚಾರನ್ ನಿಯಂತ್ರಣ ಮಲ್ಪೊಡು ಪಂದ್ ಜಿಲ್ಲಾಧಿಕಾರಿ ಜಿ.ಜಗದೀಶ್ ತೆರಿಪಾದೆರ್ .

ಮಣಿಪಾಲದ ಜಿಪಂ ಸಭಾಂಗಣಡ್ ಅಂಗಾರೆ ನಡತಿನ ಕೋವಿಡ್ ಮಾರ್ಗಸೂಚಿ ಅನುಷ್ಠಾನದ ಬಗ್ಗೆ ಅಧಿಕಾರಿಲೆನ ಮಟ್ಟದ ಸಭೆದ ಗುರ್ಕಾರ್ಮೆ ವಯಿಸೊಂದು ಪಾತೆರಿಯೆರ್.

ಗಡಿಪ್ರದೇಶಡ್ ಚೆಕ್ ಪೋಸ್ಟ್‌ಲೆನ್ ದೆತ್ದ್ ಅಗತ್ಯ ಸಿಬ್ಬಂದಿಲೆನ್ ನಿಯೋಜನೆ ಮಲ್ದೆರ್ ವೈದ್ಯಕೀಯ ಕಾರಣರ್ದ್ ಬೊಕ್ಕ ಸೂಕ್ತ ಪಾಸ್‌ಲೆನ್ ಪಡೆದ್ ಬರ್ಪಿನಕ್ಲೆನ್ ಥರ್ಮಲ್ ಸ್ಕ್ಯಾನರ್ ಮುಖೇನ ತಪಾಸಣೆ ಮಲ್ತ್ ಪ್ರವೇಶ ಮಲ್ಪರೆ ಅವಕಾಶ ಕೊರ್ಲೆ ಪಂದ್ ಪಂಡೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಭಾರತೀಯ ಜನತಾ ಪಾರ್ಟಿ ವತಿರ್ದ್ ನೆತ್ತೆರ್ ದಾನ ಶಿಬಿರ

Apr 28, 2021

ಕುಡ್ಲ, ಎಪ್ರಿಲ್ 28: ಭಾರತೀಯ ಜನತಾ ಪಾರ್ಟಿ,ಕುಡ್ಲ ನಗರ ದಕ್ಷಿಣ ಮಂಡಲ ಬೊಕ್ಕ ಸೇವಾಂಜಲಿ ಚಾರಿಟೇಬಲ್ ಟ್ರಸ್ಟ್ (ರಿ .) ಜೋಡುಮಠ ಮಾರ್ಗ , ಕುಡ್ಲ ಅಂಚನೇ
ಕೆ.ಎಂ.ಸಿ. ಆಸ್ಪತ್ರೆ, ಕುಡ್ಲ ಮೆಕ್ಲೆನ ಒಟ್ಟು ಸೇರಿಗೆಡ್ ತಾರೀಖ್ 30-04-2021ನೇ ಶುಕ್ರವಾರ ಕಾಂಡೆ 10.00 ಗಂಟೆರ್ದ್ ಬೈಯ್ಯ 5 ಗಂಟೆ ಮುಟ ಕುಡ್ಲದ ಶ್ರೀ ಟಿ.ವಿ. ರಮಣ ಪೈ ಸಭಾಂಗಣಡ್ ನೆತ್ತೆರ್ ದಾನ ಶಿಬಿರ ನಡಪರೆ ಉಂಡು.

ಎಚ್ಚದ ಮಾಹಿತಿಗಾದ್ ಲೆಪ್ಪು ಕೊರ್ಲೆ : 9141907907

ಒಡಿಪುಡು ಬೇರ ಮಲ್ತೊಂದು ಇತ್ತಿನ ಅಂಗಡಿಲೆಗ್ ನಗರಸಭೆ ಅಧಿಕಾರಿಲೆನ ದಾಳಿ: 80,500 ರೂ. ದಂಡ ವಸೂಲಿ

Apr 28, 2021

ಒಡಿಪು , ಎ.28: ಜಿಲ್ಲಾಡಳಿತದ ಆದೇಶದ ನಡುಟುಲಾ ಒಡಿಪುಡು ಬೇರ ಮಲ್ತೊಂದು ಇತ್ತಿನ ಕೆಲವು ಅಂಗಡಿಲೆಗ್ ನಗರಸಭೆ ಅಧಿಕಾರಿಲೆನ ಕೂಟ ಕೋಡೆ ದಾಳಿ ಮಲ್ದುಂಡು.

ಕೋಡೆ ಕಾಂಡೆರ್ದೆ ಬೈಯ್ಯ ಮುಟ್ಟಲಾ ರಥಬೀದಿ, ಮಸೀದಿ ರಸ್ತೆ, ಕೆಎಂ ಮಾರ್ಗ, ಮಣಿಪಾಲಡ್ ಬೇರ ಮಲ್ತೊಂದು ಇತ್ತಿನ ಸುಮಾರ್ 30 ಅಂಗಡಿಲೆಗ್ ದಾಳಿ ನಡಪಾಯಿನ ಅಧಿಕಾರಿಲೆನ ಕೂಟ, 80,500 ರೂ. ದಂಡ ವಸೂಲಿ ಮಲ್ದುಂಡು .

ಅಗತ್ಯ ವಸ್ತು ಬುರ್ದು ಒವ್ವೆ ರೀತಿದ, ಅಂಗಡಿ ದೆಪ್ಪoದಿಲಕ ಇತ್ತೇ ಜಿಲ್ಲಾಡಳಿತ ಆದೇಶ ಕೊರ್ತುಂಡು , ಆಂಡಲಾ ಕೆಲವೊಂಜಿ ಅಂಗಡಿದಕುಲು ಬೇರ ಮಲ್ತೊಂದು ಉಪ್ಪುನ ತೊಜಿದ್ ಬೈದುಂಡು. ಐಕಾದ್ ದಾಳಿ ಮಲ್ತ್ ದ್ , ಕನಿಷ್ಠ 2000ರೂ.ರ್ದ್ ಗರಿಷ್ಠ 10ಸಾರ ಮುಟ ದಂಡ ಪಾಡ್ದೆರ್ ಪಂದ್ ನಗರಸಭೆ ಪೌರಾಯುಕ್ತ ಡಾ.ಉದಯ ಶೆಟ್ಟಿ ತೆರಿಪಾದೆರ್ .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಕುಂಭಮೇಳಡ್ ಕಡೆತ ಶಾಹಿ ಸ್ನಾನ

Apr 28, 2021

ಹರಿದ್ವಾರ, ಎಪ್ರಿಲ್ 28: ದೇಶೋಡು ಕೋವಿಡ್‌ ರಡ್ಡನೇ ಅಲೆತ ತೀವ್ರ ಸ್ವರೂಪ ಜಾಸ್ತಿ ಆವೊಂದು ಇತ್ತಿಲಕನೇ ಕುಂಭಮೇಳಡ್ ಕಡೆತ ಶಾಹಿ ಸ್ನಾನ ನಡಪಾಯೆರ್ . ಕೋಡೆ ಕಾಂಡೆ ಐನರೆ ಗಂಟೆರ್ದ್ ಸ್ನಾನ ಸುರು ಆತುಂಡು , ಭಕ್ತಾದಿಲೆನ ಸಂಖ್ಯೆ ಜಾಸ್ತಿ ಇತ್ತುಂಡು ಪಂದ್ ತೆರಿದ್ ಬೈದುಂಡು.

ಬೇತೆ ಬೇತೆ ಘಾಟ್‌ಡ್ ಚೈತ್ರ ಪೂರ್ಣಿಮೆದಾನಿ ಬತ್ತಿನ ಭಕ್ತೆರ್ ಸಾಮೂಹಿಕ ಸ್ನಾನ ಮಲ್ತೆರ್ . ಇತ್ತೇ ಕುಂಭಮೇಳಡ್ ಪಾಲ್ ಪಡೆಯಿನ ಕೆಲವು ಜನಕ್ ಕೋವಿಡ್‌ ಸೋಂಕು ಬತ್ತಿನ ಕಾರಣ ಮಸ್ತ್ ಜನ ಅಖಾಡದ ಸನ್ಯಾಸಿಲು ಕುಂಭಮೇಳರ್ದ್ ಪಿರ ಜಾರ್ದ್ ಇತ್ತೆರ್

ಕಾಂಡೆದ ಬ್ರಾಹ್ಮಿ ಮುರ್ತಡ್ ಸ್ನಾನ ಸುರು ಆತುಂಡು ೧೦೦ ಜಾಸ್ತಿ ಸನ್ಯಾಸಿಲೆಗ್ ಒಟ್ಟುಗು ಅವಕಾಶ ಕೊರ್ತೆರ್.

ರಾಜ್ಯ ಸರ್ಕಾರರ್ದ್ ಕೊರೋನ ಮಾರ್ಗಸೂಚಿ ಪ್ರಕಟ

Apr 27, 2021

ಕುಡ್ಲ, ಎಪ್ರಿಲ್ 27: ತಾರೀಖ್ 28/4/2021 ನೆ ಬುಧವಾರ ರ್ದ್ ಪಾಡುನoಚಿನ ಕೊರೊನಾ ಲಾಕ್‌ಡೌನ್ದ ಮಾರ್ಗಸೂಚಿಲೆನ್ ರಾಜ್ಯ ಸರಕಾರ ಪ್ರಕಟ ಮಲ್ದುಂಡು .

ಉಲ್ಲೇಖ ಮಲ್ದಿನವು ಮಾತಾ ಕಾಂಡೆ 6 ಗಂಟೆರ್ದ್ 10:00 ಗಂಟೆ ಮುಟ ಮಾತ್ರ:

ಪೇರ್,ದಿನಸಿ ತರಕಾರಿ, ಫಲವಸ್ತು ಮಾರಾಟ ಉಂಡು.
ತರಕಾರಿ ಬೊಕ್ಕ ಫಲವಸ್ತುಲೆನ್ ಮಾರುಕಟ್ಟೆಗ್ ಕನೆರೆಲಾ ಅವಕಾಶ ಉಂಡು.
ಮೀನ್ ಮಾಸ ವ್ಯಾಪಾರಗ್ ಸಮ್ಮತಿ.
ಕೋರಿದ ಫಾರಂ ಓಪನ್.
ರೆಸ್ಟೋರೆಂಟ್ಡ್ ಪಾರ್ಸೆಲ್ ಗ್ ಮಾತ್ರ ಅವಕಾಶ.
ಆನ್ಲೈನ್ ಫುಡ್ ಡೆಲಿವರಿಗ್ ಅವಕಾಶ ಉಂಡು.
ಶಾಲಾ-ಕಾಲೇಜು ಪೂರ್ತಿ ಬಂದ್ ,
ಆಟೋ-ಟ್ಯಾಕ್ಸಿ ಬಂದ್
ಸಿನಿಮಾ ಹಾಲ್ ಜಿಮ್ ಬಂದ್.
ಒವ್ವೆ ರೀತಿದ ಧಾರ್ಮಿಕ ಕಾರ್ಯಕ್ರಮಲೆಗ್ ಅವಕಾಶ ಇಜ್ಜಿ.
ದೇವಸ್ಥಾನಡ್ ಪೂಜಾರಿಲೆಗ್ ಮಾತ್ರ ಅವಕಾಶ.
ಮದ್ಯದಂಗಡಿ ಓಪನ್,ಆಂಡ ಪಾರ್ಸೆಲ್ ಗ್ ಮಾತ್ರ ಅವಕಾಶ.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಗೌಜಿ ಗಮ್ಮತ್ ದ ಸುದ್ದಿ | Events & Functions ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಕೊಲ್ಲೂರು ಶ್ರೀಮೂಕಾಂಬಿಕಾ ದೇವಸ್ಥಾನದ ಗುರ್ಕಾರ್ಲಾದ್ ಕೆರಾಡಿ ಚಂದ್ರಶೇಖರ ಶೆಟ್ಟಿ ಆಯ್ಕೆ

Apr 27, 2021

ಕೊಲ್ಲೂರು, ಎ.27: ಕೊಲ್ಲೂರು ಶ್ರೀಮೂಕಾಂಬಿಕಾ ದೇವಳದ ಬಹು ನಿರೀಕ್ಷಿತ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲೆನ ಆಯ್ಕೆ ಕೋಡೆ ನಡತುದುಂಡು, ಸಂಘ ಪರಿವಾರದ ಹಿನ್ನೆಲೆ ಉಪ್ಪುನ ಕೆರಾಡಿ ಚಂದ್ರಶೇಖರ ಶೆಟ್ಟಿ ಗುರ್ಕಾರ್ಲಾದ್ ಆಯ್ಕೆಯಾತೆರ್.

ಕೆಐಒಸಿಎಲ್ ವತಿರ್ದ್ ತುರ್ತು ಸೇವೆಗಾದ್ ಆಂಬುಲೆನ್ಸ್

Apr 27, 2021

ಕುಡ್ಲ , ಎ.27: ಸರಕಾರದ ಅಧೀನ ಸಂಸ್ಥೆಯಾಯಿನ ಕೆಐಒಸಿಎಲ್ ಕೋವಿಡ್ ಪೊರ್ತುಡು ತುರ್ತು ಸೇವೆಗಾದ್ ಹೊರಗುತ್ತಿಗೆ ಸಂಸ್ಥೆರ್ದ್ ಒಂಜಿ ತಿಂಗೊಲ್ದ ಮಟ್ಟ್ ಗ್ ಆಂಬುಲೆನ್ಸ್ ಬಾಡಿಗೆಗ್ ದೆತೊoದು ಕುಡ್ಲ ಮಹಾನಗರ ಪಾಲಿಕೆಗ್ ಸೋಮವಾರ ಕೊರಿಯೆರ್ .

ಈ ಪೊರ್ತುಡು ಮೇಯರ್ ಪ್ರೇಮಾನಂದ ಶೆಟ್ಟಿ, ಮನಪಾ ಆಯುಕ್ತ ಅಕ್ಷಯ್ ಶ್ರೀಧರ್ ಪಾಲ್ ಪಡೆದಿತ್ತೆರ್ ಆಯಂಬುಲೆನ್ಸ್, ಐಕ್ ಬೋಡಾಯಿನ ಇಂಧನ ಬೊಕ್ಕ ಚಾಲಕನ್ ಕೆಐಒಸಿಎಲ್ ತಯಾರ್ ಮಲ್ದೆರ್.ಕೋವಿಡ್ ಸೋಂಕಿತೆರ್ ಅತ್ತುಂಡ ಕೋವಿಡ್‌ರ್ದ್ ತೀರ್ ಪೊಂಡ ಮೃತದೇಹ ಕೊನೊಯರೇ ಈ ಆಯಂಬುಲೆನ್ಸ್ ಬಳಕೆ ಮಲ್ಪೋಲಿ . ಐಕಾದ್ 0824-2220306 ಈ ಸಂಖ್ಯೆಗ್ ಲೆಪ್ಪು ಕೊರ್ಲೆ.

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಕಾಸರಗೋಡು 1,086 ಜನಕ್ ಕೋವಿಡ್ ಪಾಸಿಟಿವ್

Apr 27, 2021

ಕಾಸ್ರೊಡು,ಎಪ್ರಿಲ್ 27 : ಪೇಂಟೆಡ್ ಸೋಮವಾರ ಕೋವಿಡ್ ಸೋಂಕಿತೆರ್ನ ಸಂಖ್ಯೆ ಸಾರ ದಾಟ್ದುಂಡು . 1,086 ಜನಕ್ ಕೋವಿಡ್ ಪಾಸಿಟಿವ್ ದೃಢ ಆತುಂಡು . 424 ಜನ ಹುಷಾರ್ ಆತೆರ್ . 8,608 ಜನ ಮರ್ದ್ ಪಡೆಯೊಂದು ಉಲ್ಲೆರ್ . 12 ಆರೋಗ್ಯ ಸಿಬ್ಬಂದಿಗ್ ಲಾ ಸೋಂಕು ಪತ್ತೆಯಾತುಂಡು . 1,034 ಜನಕ್ ಸಂಪರ್ಕಡ್ ಸೋಂಕು ಬೈದುಂಡು .

ಕೊರೊನ ಸೋಂಕಿತೆರೆಗ್ ಉಚಿತ ವೈದ್ಯಕೀಯ ಸೇವೆ: ಗೌತಮ್ ಗಂಭೀರ್

Apr 26, 2021

ನವದೆಹಲಿ ಎಪ್ರಿಲ್ 26 : ಬಿಜೆಪಿ ಸಂಸದೆ ಬೊಕ್ಕ ಮಾಜಿ ಕ್ರಿಕೆಟಿಗೆ ಆಯಿನ ಗೌತಮ್ ಗಂಭೀರ್ ತಮ್ಮ ಪ್ರತಿಷ್ಠಾನದ ಮುಖೇನ ದೆಹಲಿದ ಕೋವಿಡ್ ಸೋಂಕಿತೆರೆಗ್ ಉಚಿತವಾದ ಆಂಟಿ-ವೈರಲ್ ಡ್ರಗ್ ಫ್ಯಾಬಿಘ್ನ ಬೊಕ್ಕ ಆಮ್ಲಜನಕ ಸಿಲಿಂಡರ್ ಕೊರ್ಪ ಪಂದ್ ಪಂತೆರ್.

ಕೊರೊನಾ ಸೋಂಕಿತೆರ್ ಆಕ್ಸಿಜನ್ ಫ್ಯಾಬಿನ್ನೂ ಮರ್ದ್ ಪಡೆಯರೆ ಆಧಾರ್ ಕಾರ್ಡ್ ಪತೊಂದು ಬರೊಡು ಪಂದ್ ಸೂಚನೆ ಕೊರ್ತೆರ್ . ಕೊರೊನಾ ಸೊಂಕಿತೆರೆಗ್ ಉಚಿತವಾದ್ ವೈದ್ಯಕೀಯ ಅಗತ್ಯತೆನ್ ಪೂರೈಸಾಯರೇ ಗೌತಮ್ ಗಂಭೀರ್ ದುಂಬು ಬೈದೆರ್ .

ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಪಂಪ್‌ವೆಲ್ ಫ್ಲೈಓವರ್‌ದ ಗೋಡೆದ ಮಿತ್ತ್ ಅಕ್ಷೇಪಾರ್ಹ ಬರವು : ಆರೋಪಿಲು ಅರೆಸ್ಟ್

ರಾಜ್ಯ ಸರಕಾರ ಕೊರಿನ ಮಾರ್ಗಸೂಚಿನ್ ಪಾಲನೆ ಮಲ್ಪುಲೇ : ಜಿ.ಜಗದೀಶ್

ಭಾರತೀಯ ಜನತಾ ಪಾರ್ಟಿ ವತಿರ್ದ್ ನೆತ್ತೆರ್ ದಾನ ಶಿಬಿರ

ಒಡಿಪುಡು ಬೇರ ಮಲ್ತೊಂದು ಇತ್ತಿನ ಅಂಗಡಿಲೆಗ್ ನಗರಸಭೆ ಅಧಿಕಾರಿಲೆನ ದಾಳಿ: 80,500 ರೂ. ದಂಡ ವಸೂಲಿ

ಕುಂಭಮೇಳಡ್ ಕಡೆತ ಶಾಹಿ ಸ್ನಾನ

ರಾಜ್ಯ ಸರ್ಕಾರರ್ದ್ ಕೊರೋನ ಮಾರ್ಗಸೂಚಿ ಪ್ರಕಟ

ಕೊಲ್ಲೂರು ಶ್ರೀಮೂಕಾಂಬಿಕಾ ದೇವಸ್ಥಾನದ ಗುರ್ಕಾರ್ಲಾದ್ ಕೆರಾಡಿ ಚಂದ್ರಶೇಖರ ಶೆಟ್ಟಿ ಆಯ್ಕೆ

ಕೆಐಒಸಿಎಲ್ ವತಿರ್ದ್ ತುರ್ತು ಸೇವೆಗಾದ್ ಆಂಬುಲೆನ್ಸ್

ಕಾಸರಗೋಡು 1,086 ಜನಕ್ ಕೋವಿಡ್ ಪಾಸಿಟಿವ್

ಕೊರೊನ ಸೋಂಕಿತೆರೆಗ್ ಉಚಿತ ವೈದ್ಯಕೀಯ ಸೇವೆ: ಗೌತಮ್ ಗಂಭೀರ್

You Missed

ಬಂಟ್ಸ್ ಹಾಸ್ಟೆಲ್ ಶ್ರೀ ಸಿದ್ಧಿವಿನಾಯಕ ಪ್ರತಿಷ್ಠಾನದ ಗಣೇಶೋತ್ಸವ

ಕಾಪಿಕಾಡ್‌ರೆನ ಪೊಸ ನಾಟಕ “ಸುಣ್ಣದ ಬೊಟ್ಟು”ಗು ಮೂರ್ತ

ಬಂಟ್ವಾಳ : ಅಮ್ಟಾಡಿ ಶಾಲೆದ ಜೋಕುಲೆಗ್ ಕಂಡೊಡು ನೇಜಿ ನಡ್ಪಾದ್ ಬೆನ್ನಿದ ಪಾಠ

ಮುಲ್ಕಿ- ಮೂಡಬಿದ್ರೆ ವಿಧಾನಸಭಾ ಕ್ಷೇತ್ರದ ಕಾಂಗ್ರೆಸ್ ಪ್ರಚಾರ ಸಮಿತಿ ಅಧ್ಯಕ್ಷೆರಾದ್ ಎಚ್. ವಸಂತ ಬರ್ನಾಡ್ ನೇಮಕ