ವಿಶ್ವಡೇ ಸುರುತ್ತ ಸರ್ತಿ ನರಮಾನಿ ಒರಿಯಗ್ ಪಂಜಿದ ಕಿಡ್ನಿನ್ ಯಶಸ್ವಿಯಾದ್ ಕಸಿ ಮಲ್ದ್ಂಡ್ ಪಂದ್ ಅಮೆರಿಕದ ವೈದ್ಯಕೀಯ ತಜ್ಞೆರ್ ಮಾಧ್ಯಮಗ್ ತೆರಿಪಾದೆರ್.
ಅಕೇರಿದ ಹಂತದ ಮೂತ್ರಪಿಂಡ ಸೀಕ್ ರ್ದ್ ನರಲೊಂದು ಇತ್ತಿನ 62 ವರ್ಷದ ರೋಗಿಗ್ ಗುರುವಾರ 4 ಗಂಟೆದ ಕಾರ್ಯಾಚರಣೆದ ಬೊಕ್ಕ ಪಂಜಿದ ಮೂತ್ರಪಿಂಡದೊಟ್ಟಿಗೆ ಕಸಿ ಮಲ್ದ್ಂಡ್ ಪಂದ್ ಮೆಸಾಚೂಸೆಟ್ಸ್ ಜನರಲ್ ಆಸ್ಪತ್ರೆದ ವೈದ್ಯೆರ್ ತೆರಿಪಾದೆರ್. ವೈದ್ಯಕೀಯ ಇತಿಹಾಸಡ್ ಉಂದೊಂಜಿ ಪೊಸ ದಾಖಲೆ ಆತ್ಂಡ್.
ವಿಟ್ಲ: ಬಿಜೆಪಿ ಅಭ್ಯರ್ಥಿ ಕ್ಯಾಪ್ಟನ್ ಬ್ರಿಜೇಶ್ ಚೌಟ ಮೇರ್ ವೋಟುದ ಪ್ರಚಾರನ್ ಮಲ್ತೊಂದು ಉಲ್ಲೆರ್.
ಪುತ್ತೂರು ಮಂಡಲದ ಪ್ರವಾಸನ್ ವಿಟ್ಲ ಶ್ರೀ ಪಂಚಲಿಂಗೇಶ್ವರ ದೇವೆರೆನ ದರ್ಶನ ಪಡೆಪುನ ಮುಕೇನ ಸುರು ಮಲ್ತೆರ್.
ಈ ಪೊರ್ತುಡು ಸುಮಾರ್ ಪ್ರಮುಖೆರ್, ಕಾರ್ಯಕರ್ತೆರ್ ಪಾಲ್ ಪಡೆದಿತ್ತೆರ್.
ಬಿಜಿಪಿ ಅಭ್ಯರ್ಥಿಲೆನ 4ನೇ ಪಟ್ಟಿ ಬುಡುಗಡೆ ಆತ್ಂಡ್.
ಈ ಪಟ್ಟಿಡ್ ತಮಿಳುನಾಡ್ ದ 14 ಬೊಕ್ಕ ಪುದುಚೇರಿದ 1 ಕ್ಷೇತ್ರಗ್ ಅಭ್ಯರ್ಥಿಲೆನ ಪುದರ್ ನ್ ಘೋಷಣೆ ಮಲ್ದ್ಂಡ್.
ತಮಿಳು ಖ್ಯಾತ ನಟೆ ಶರತ್ ಕುಮಾರ್ ಬೊಡೆದಿ ರಾಧಿಕಾಗ್ ವಿರುದುನಗರ ಲೋಕಸಭೆ ಕ್ಷೇತ್ರರ್ದ್ ಟಿಕೆಟ್ ಕೊರ್ತುಂಡು.
ಶ್ರೀ ಕ್ಷೇತ್ರ ಕಣಜಾರು ಬ್ರಹ್ಮಲಿಂಗೇಶ್ವರ ಬೊಕ್ಕ ವೀರಭದ್ರ ದೇವೆರೆನ ಬ್ರಹ್ಮ ಕಲಶ ಉಚ್ಚಯದ ಪೊಸ ಲಾಂಛನ ಇನಿ ಬುಡುಗಡೆ ಆಂಡ್.
ಈ ಲಾಂಭನ ಆಡಳಿತ ಮಂಡಳಿದ ಮುಖ್ಯಸ್ಥೆರೆನ
ಸಮ್ಮುಖಡ್ ಬುಡುಗಡೆ ಆಂಡ್.
ಇನಿರ್ದ್ ಐಪಿಎಲ್ ಮ್ಯಾಚ್ ಚೆನ್ನೈದ ಎಂ.ಎ.ಚಿದಂಬರಂ ಮೈದಾನೊಡು ನಡಪರೆ ಉಂಡು. ಉಂದು ಐಪಿಎಲ್ 17ನೇ ಸೀಸನ್ ಆತ್ಂಡ್. ಬಯ್ಯ 6.30 ಗಂಟೆಗ್ ಉದಿಪನ ಆಯರೆ ಇತ್ತ್ದ್ ಭಾರಿ ತಯಾರಿ ನಡತೊಂದು ಉಂಡು.
ಈ ಸರ್ತಿದ ಉದಿಪನ ಲೇಸ್ಗ್ ಬಿನ್ನೆರಾದ್ ಬಾಲಿವುಡ್ದ ಪುಗರ್ತೆದ ನಟೆ ಅಕ್ಷಯ್ ಕುಮಾರ್, ಟೈಗರ್ ಶ್ರಾಫ್, ಪುಗರ್ತೆದ ಹಿನ್ನಲೆ ಗಾಯಕೆರ್ ಆಯಿನ ಎಆರ್ ರೆಹಮಾನ್, ಸೋನು ನಿಗಮ್ ಬರಿಯರೆ ಉಲ್ಲೆರ್. ಈ ಪೊರ್ತುಡು ಸುರುತ್ತ ಪಂತೊ ಚೆನ್ನೈ ಬೊಕ್ಕ ಬೆಂಗ್ಲೂರ್ದ ನಡುಟ್ಟ್ ರಾತ್ರೆ 8 ಗಂಟೆಗ್ ನಡಪರೆ ಉಂಡು.
ದ.ಕ. ಲೋಕಸಭೆ ಅಭ್ಯರ್ಥಿ ಕ್ಯಾಪ್ಟನ್ ಬ್ರಿಜೇಶ್ ಚೌಟ ಮೇರ್ ಮುಲ್ಕಿ ಬೆದ್ರದ ಪ್ರವಾಸನ್ ಮಾ.23 ಕ್ಕ್ ಮಲ್ಪೆರೆ ಉಲ್ಲೆರ್.
ಬೊಲ್ಪುಗು 9:30 ಕ್ಕ್ ಪೊರ್ಕೋಡಿ ಶ್ರೀ ಸೋಮನಾಥೇಶ್ವರ ದೇವಸ್ಥಾನ
10 ಗಂಟೆಗ್ ಕಾರ್ಯಕರ್ತೆರೆನ ಸಭೆ, ಬಜಪೆ ವಿಶ್ವಕರ್ಮ ಸಭಾಭವನ
11 ಗಂಟೆಗ್ ಲಿಂಗಪ್ಪಯ್ಯ ಕಾಡು ಶ್ರೀ ಚೆನ್ನಮಲ್ಲಿಕಾರ್ಜುನ ಮಠ ಕೆ ಎಸ್ ಆರ್ ನಗರ ಮುಲ್ಕಿ
11:30 ಕ್ಕ್ ಮುಲ್ಕಿ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ
ಮಧ್ಯಾಹ್ನ 12 ಗಂಟೆಗ್ ಮುಲ್ಕಿ ಅದಿಧನ್ ಹೊಟೇಲ್ ಸಭಾಂಗಣ ಕಾರ್ಯಕರ್ತೆರೆನ ಸಭೆ
12:45 ಕ್ಕ್ ಮುಲ್ಕಿ ಶ್ರೀ ವೆಂಕಟರಮಣ ದೇವಸ್ಥಾನ
1 ಗಂಟೆಗ್ ಶ್ರೀ ವೀರಭದ್ರ ಮಹಮ್ಮಾಯಿ ದೇವಸ್ಥಾನ ಮುಲ್ಕಿ
2 ಗಂಟೆಗ್ ಜೈನ ಮಠ ಬೆದ್ರ
2:30 ಕ್ಕ್ ಬೆದ್ರ ಪಿರಾಕ್ ದ ಶ್ರೀ ಆದಿಶಕ್ತಿ ಮಾರಿಗುಡಿ
3 ಗಂಟೆಗ್ ಕನ್ನಡ ಭವನ ಬೆದ್ರ ಕಾರ್ಯಕರ್ತೆರೆನ ಸಭೆ
ಬಯ್ಯಗ್ 4 ಗಂಟೆಗ್ ಶ್ರೀ ಕಾಳಿಕಾಂಬ ದೇವಸ್ಥಾನ ಬೆದ್ರ
4:30 ಕ್ಕ್ ಅಲಂಗಾರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ
5 ಗಂಟೆಗ್ ಕೊಡ್ಯಡ್ಕ ಶ್ರೀ ಅನ್ನಪೂರ್ಣೇಶ್ವರಿ ದೇವಸ್ಥಾನ
5:30 ಕ್ಕ್ ಪುತ್ತಿಗೆ ಶ್ರೀ ಸೋಮನಾಥೇಶ್ವರ ದೇವಸ್ಥಾನ
6 ಗಂಟೆಗ್ ಶ್ರೀ ಆಂಜನೇಯ ದೇವಸ್ಥಾನ ಬೆದ್ರ
6:30 ಕ್ಕ್ ಶ್ರೀ ವೆಂಕಟರಮಣ ದೇವಸ್ಥಾನ ಬೆದ್ರ
7 ಗಂಟೆಗ್ ಶ್ರೀ ಸೀತಾರಾಮಚಂದ್ರ ದೇವಸ್ಥಾನ ಅಶ್ವಥಪುರ
8 ಗಂಟೆಗ್ ಮಿಜಾರು ಶ್ರೀ ವಿಷ್ಣುಮೂರ್ತಿ ದೇವಸ್ಥಾನಗ್ ಪ್ರವಾಸ ಮಲ್ಪೆರೆ ಉಲ್ಲೆರ್.
ಮುಲ್ಕಿ: ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿದ ಸದಸ್ಯೆರಾಯಿನ ಎಚ್ ವಸಂತ ಬರ್ನಾಡ್ ಮೆರೆನ್ 2024 ತ್ತ ಲೋಕಸಭಾ ಚುನಾವಣೆಗ್ ಪೂರಕವಾದ್ ಬೆದ್ರ ಕ್ಷೇತ್ರದ ಕಾಂಗ್ರೆಸ್ ಚುನಾವಣಾ ಉಸ್ತುವಾರಿಯಾದ್ ನೇಮಕ ಮಲ್ತ್ದ್ ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ಸಮಿತಿದ ಅಧ್ಯಕ್ಷೆರ್ ಹರೀಶ್ ಕುಮಾರ್ ಮೇರ್ ಆದೇಶ ಪಾಡ್ದೆರ್.
ಮೇರ್ ಕರಿನ ವಿಧಾನಸಭಾ ವೋಟುಡು ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿ ಮಿಥುನ್ ರೈ ಮೆರೆನ ಚುನಾವಣಾ ಏಜೆಂಟ್ ಆದ್ ಕರ್ತವ್ಯ ಮಲ್ತೊಂದಿತ್ತೆರ್.
ಕುಡ್ಲ: ಮೀನ್ ಪತ್ತರೆ ಪೋಯಿನ ಆಣ್ ಗಾಳಿದ ಬಿರ್ಸ್ಗ್ ಕಡಲ್ ಪಾಲ್ ಆಯಿನ ಘಟನೆ ಪೇಂಟೆದ ತೋಟ ಬೆಂಗ್ರೆ ಕೈತಲ್ ನಡತ್ಂಡ್.
ಮಿಥುನ ಪನ್ಪಿನರೆನ ಮಗೆ ಪ್ರಜೀತ್ ಎಂ. ತಿಂಗಳಾಯ ತೀರ್ ಪೋಯಿನ ಆಣ್ ಪಂದ್ ಗುರ್ತಿಸಾದೆರ್. ಇಲ್ಲಡ್ ಮಸ್ತ್ ಬಡತನ್ ಅಂಚನೆ ತನ್ನ ವಿದ್ಯಾಭ್ಯಾಸದ ವ್ಯವಸ್ಥೆಗ್ ತನ್ನ ಅಮ್ಮೆರೆನ ಒಟ್ಟಿಗೆ ಕೋಡೆ ಬಯ್ಯ 5.30 ಗಂಟೆಗ್ ಬೆಂಗ್ರೆ ಕಡಲ್ಡ್ ಮೀನುಗಾರಿಕೆಗ್ ಪಂದ್ ಪೋಯಿನ ಪೊರ್ತುಡು ಗಾಳಿದ ಬಿರ್ಸ್ಗ್ ತಿಕ್ಕೊಂದು ನೀರ್ಪಾಲ್ ಆತೆರ್. ಬಯ್ಯ 6.50 ಗ್ ಪುನ ಸಿರೆತ್ತ ಬಿರ್ಸ್ಗ್ ಮಿತ್ತ್ ಮಿತ್ತ್ ಬತ್ತ್ದಿತ್ತ್ದ್ ಕೈತಲ್ದಕುಲ್ ಮಿತ್ತ್ ದೆರ್ತ್ದ್ ಆಂಬುಲೆನ್ಸ್ ಮುಕೇನ ಆಸ್ಪತ್ರೆಗ್ ಕೊನತೆರ್.
ಬೆಂಗ್ಲೂರ್: ರೀಲ್ಸ್ ಸ್ಟಾರ್, ಬಿಗ್ಬಾಸ್ ಕನ್ನಡ ಒಟಿಟಿ ಸೀಸನ್ ಮುಕೇನ ಫೇಮಸ್ ಆಯಿನ ಸೋನು ಶ್ರೀನಿವಾಸ್ ಗೌಡ ಮೇರ್ ಅರೆಸ್ಟ್ ಆತೆರ್. ಕಾನೂನು ಬಾಹಿರವಾದ್ ಮೇರ್ ಬಾಲೆನ್ ದತ್ತು ಪಡೆಯೊನಿನ ಆರೋಪದ ಮಿತ್ತ್ ಅರೆನ್ ಅರೆಸ್ಟ್ ಮಲ್ತ್ದೆರ್.
ಜೋಕ್ಲೆನ ರಕ್ಷಣಾ ಕಚೇರಿ ಇಲಾಖೆದ ಅಧಿಕಾರಿಲು ಅಂಚನೆ ಬೆಂಗ್ಲೂರ್ದ ಬ್ಯಾಡರಹಳ್ಳಿ ಪೊಲೀಸೆರ್ ಸೋನು ಶ್ರೀನಿವಾಸ್ ಗೌಡ ಮೆರೆನ್ ಅರೆಸ್ಟ್ ಮಲ್ತ್ದೆರ್. ಸಾಮಾಜಿಕ ಜಾಲತಾಣಡ್ ಬಾಲೆ ದತ್ತ್ ಪಡೆಯೊನಿನ ಬಗೆಟ್ ಟ್ರೋಲ್ ಆದಿತ್ತ್ಂಡ್. ಅಂಚನೆ ಪೊಣ್ಣು ಬಾಲೆನ್ ದತ್ತು ದೆತೊಂದು ಸೋಶಿಯಲ್ ಮೀಡಿಯಾಡ್ ಪ್ರಚಾರ ಮಲ್ತ್ದಿತ್ತೆರ್.
ಉತ್ತರ ಕರ್ನಾಟಕದ 7 ವರ್ಷದ ಪೊಣ್ಣನ್ ದತ್ತು ಪಡೆಯೊಂದು ಫುಲ್ ಬಿಲ್ಡಪ್ ಕೊರ್ದಿತ್ತೆರ್. ಕಾನೂನುದ ಪ್ರಕಾರ ದತ್ತು ಪಡೆಯೊನಿನ ಬಾಲೆನ್ ಸಾರ್ವಜನಿಕವಾದ್ ಮಾಹಿತಿ ಕೊರ್ರೆ ಇಜ್ಜಿ.
ಹಳೆಯಂಗಡಿ ಪ್ರಿಯದರ್ಶಿನಿ ಕೋ- ಆಪರೇಟಿವ್ ಸೊಸೈಟಿ ಲಿ. ನೆತ್ತ ಪೊಸ ಶಾಖೆ ಮಾ.31 ಐತಾರ ಕಿನ್ನಿಗೋಳಿದ ಬೆತ್ಲೇಮ್ ಸ್ಟಾರ್ ಕಾಂಪ್ಲೆಕ್ಸ್ ಡ್ ನಡಪರೆ ಉಂಡು.
ಈ ಲೇಸ್ ಗುರ್ಕಾರ್ಮೆನ್ ಮುಲ್ಕಿ ಸೀಮೆ ಅರಸೆರ್ ಎಂ.ದುಗ್ಗಣ್ಣ ಸಾವಂತೆರ್ ಒಯಿಸೊನ್ವೆರ್. ಕುಡ್ಲ ದ.ಕ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ದ ಅಧ್ಯಕ್ಷೆರ್ ಡಾ| ಎಂ.ಎನ್ ರಾಜೇಂದ್ರ ಕುಮಾರ್ ಉದಿಪನ ಮಲ್ಪುವೆರ್. ಮಾಜಿ ಸಚಿವೆರ್ ಕೆ. ಅಭಯಚಂದ್ರ ತುಡರ್ ಅರ್ಲಾವೆರ್. ಶಾಸಕೆರ್ ಮಂಜುನಾಥ ಭಂಡಾರಿ ಭದ್ರತಾ ಕೊಠಡಿ ಉದಿಪನ ಮಲ್ಪುವೆರ್. ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ಎಂ ರೈ ಪ್ರಿಯದರ್ಶಿನಿ ಸ್ವಸಹಾಯ ಗುಂಪುಗು ಚಾಲನೆ ಕೊರಿಯೆರೆ ಉಲ್ಲೆರ್.
ಕಿನ್ನಿಗೋಳಿ ಕೊಸೆಸಾಂವ್ ಅಮ್ಮ ಚರ್ಚ್ ದ ಧರ್ಮಗುರು ಫಾ| ಫಾವುಸ್ತಿನ್ ಲುಕಾಸ್ ಲೋಬೋ ಅಮೃತ ನಗದು ಪತ್ರ ಠೇವಣಿ ಬುಡುಗಡೆ ಮಲ್ಪೆರೆ ಉಲ್ಲೆರ್. ಕಿನ್ನಿಗೋಳಿ ದುರ್ಗಾದಯದ ಸೀತಾರಾಮ ಶೆಟ್ಟಿ ಠೇವಣಿ ಪತ್ರ ಬುಡುಗಡೆ ಮಲ್ಪೆರೆ ಉಲ್ಲೆರ್. ಬೆಂಗ್ಲೂರು ಕರ್ನಾಟಕ ರಾಜ್ಯ ಸಹಕಾರ ಮಾರಾಟ ಮಹಾಮಂಡಳಿ ನಿರ್ದೇಶಕೆರ್ ಡಾ| ಐಕಳಬಾವ ದೇವಿ ಪ್ರಸಾದ್ ಶೆಟ್ಟಿ ಉಳಿತಾಯ ಖಾತೆದ ಪಾಸ್ ಬುಕ್ ವಿತರಣೆ ಮಲ್ಪೆರೆ ಉಲ್ಲೆರ್. ಹಳೆಯಂಗಡಿ ಸಿಎಸ್ ಐ ಅಮ್ಮನ್ ಮೆಮೊರಿಯಲ್ ಚರ್ಚ್ ದ ಸಭಾಪಾಲಕೆರ್ ರೆ.ಅಮೃತ್ ರಾಜ್ ಖೋಡೆ ಮಾಸಿಕ ಠೇವಣಿ ಪತ್ರ ಬುಡುಗಡೆ ಮಲ್ಪೆರೆ ಉಲ್ಲೆರ್. ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಬಿ. ಸೂರ್ಯ ಕುಮಾರ್ ಸುರುತ್ತ ವೆಹಿಕಲ್ ಲೋನ್ ವಿತರಣೆ ಮಲ್ಪುವೆರ್. ಲಯನ್ ಜಿಲ್ಲಾ ಗವರ್ನರ್ ಲಯನ್ ಡಾ| ಮೆಲ್ವಿನ್ ಡಿಸೋಜ ನಿತ್ಯನಿಧಿ ಪಾಸ್ ಬುಕ್ ವಿತರಣೆ ಮಲ್ಪುವೆರ್.
ಮಲ್ಲ ಬಿನ್ನೆರಾದ್ ದ.ಕ, ಒಡಿಪು ಸಹಕಾರ ಸಂಘಲೆನ ಉಪನಿಬಂಧಕೆರ್ ಎಚ್ ಎನ್ ರಮೇಶ್, ಕಿನ್ನಿಗೋಳಿ ಪಟ್ಟಣ ಪಂಚಾಯತ್ ಮುಖ್ಯಾಧಿಕಾರಿ ಎಮ್ ಎಲ್ ನಾಗರಾಜ್, ಕಿನ್ನಿಗೋಳಿ ಇನ್ನರ್ ವಿಲ್ ಕ್ಲಬ್ ದ ಅಧ್ಯಕ್ಷೆರ್ ಸವಿತಾ ಶೆಟ್ಟಿ, ಗುತ್ತಕಾಡು ಖಲಿರಿಯಾ ಜುಮ್ಮಾ ಮಸೀದಿದ ಅಧ್ಯಕ್ಷೆರ್ ಅಬೂಬಕ್ಕರ್, ಕಿನ್ನಿಗೋಳಿ ಧರ್ಮ ಕೇಂದ್ರ ಪಾಲನಾ ಮಂಡಳಿ ಉಪಾಧ್ಯಕ್ಷೆರ್ ವಿಲಿಯಂ ಡಿಸೋಜ, ಎಪಿಎಮ್ ಸಿ ಮಾಜಿ ಅಧ್ಯಕ್ಷೆರ್ ಪ್ರಮೋದ್ ಕುಮಾರ್,
ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯೆರ್ ಶೈಲಾ ಸಿಕ್ವೇರಾ, ಕಿನ್ನಿಗೋಳಿ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷೆರ್ ಟಿ ಎಚ್ ಮಯ್ಯದ್ಧಿ, ಎಕ್ಕಾರ್ ಶಾಲೆದ ದ.ಕ ಜಿಲ್ಲಾ ಉತ್ತಮ ಶಿಕ್ಷಕಿ ಪ್ರಶಸ್ತಿ ಪುರಸ್ಕೃತೆರ್ ಜಯಂತಿ, ಕಿನ್ನಿಗೋಳಿ ಶ್ರೀ ಕಾಳಿಕಾಂಬ ಜ್ಯುವೆಲರ್ಸ್ ದ ಯೋಗೀಶ್ ಆಚಾರ್ಯ, ಬೆತ್ಲೇಮ್ ಸ್ಟಾರ್ ಕಾಂಪ್ಲೆಕ್ಸ್ ಮಾಲಕೆರ್ ಕೆ. ದೀಪಕ್ ಎ. ರೊಡ್ರಿಗಸ್, ಕಟ್ವಾನದ ಮಾಲಕೆರ್ ಗೋಪಾಲಕೃಷ್ಣ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಅಧ್ಯಕ್ಷೆರ್ ಎಚ್ ವಸಂತ್ ಬೆರ್ನಾರ್ಡ್, ಉಪಾಧ್ಯಕ್ಷೆರ್ ಪ್ರತಿಭಾ ಕುಳಾಯಿ, ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಸುದರ್ಶನ್ ಲೆಪ್ಪೋಲೆಡ್ ತೆರಿಪಾದೆರ್.
