ತುಳು ಸುದ್ದಿ

ಅ.19-21 : ಮೂಲ್ಕಿಡ್ 25ನೇ ವರ್ಷದ ಸಾರ್ವಜನಿಕ ಶ್ರೀ ಶಾರದಾ ಮಹೋತ್ಸವ

ಮೂಲ್ಕಿ: ಹಿಂದೂ ಯುವಸೇನೆ ಬೊಕ್ಕ ಮಹಿಳಾ ಮಂಡಳಿ ಮೂಲ್ಕಿ ಘಟಕದ ಮುತಾಲಿಕೆಡ್‌ 25ನೇ ವರ್ಷದ ಸಾರ್ವಜನಿಕ ಶ್ರೀ ಶಾರದೋತ್ಸವ ಅ.19 ರ್ದ್‌ 21 ಮುಟ್ಟ ಮೂಲ್ಕಿ ಪುನರೂರು ಕಾಂಪ್ಲೆಕ್ಸ್‌ದ ಕೈತಲ್‌ ದ ಶಿವಾಜಿ ಮಂಟಪಡ್ ನಡಪರೆ ಉಂಡು.

ಅ.19 ದಾನಿ ಕಾಂಡೆ ಗಣಹೋಮ, ಶಾರದಾ ಮಾತೆನ ಪ್ರತಿಷ್ಟೆ, ಬಯ್ಯಗ್‌ ರಾಜ್ಯಪ್ರಶಸ್ತಿ ಪುರಸ್ಕೃತ ನಾಗಸ್ವರ ವಾದನ ನಾಗೇಶ್‌ ಎ ಬಪ್ಪನಾಡು ಮೇರೆಗ್‌ ಮಾನಾದಿಗೆ ನಡಪೆರೆ ಉಂಡು. ಬಯ್ಯ ೭.೩೦ ಕ್ಕ್‌ ಸಾಂಸ್ಕೃತಿಕ ಕಾರ್ಯಕ್ರಮ, ಅಂಚನೆ ಪುದರ್‌ ದೀದಾಂಡ್‌ ತುಳು ಹಾಸ್ಯಮಯ ನಾಟಕ ನಡಪೆರೆ ಉಂಡು.

ಅ.20 ದಾನಿ ಸರಸ್ವತಿ ಯಾಗ, ಭಜನೆ, ಬೇತೆ ಬೇತೆ ಆಟೋಟ ಸ್ಪರ್ಧೆಲು ಅಂಚನೆ ಧಾರ್ಮಿಕ ಸಭೆ ನಡಪರೆ ಉಂಡು. ನಿವೃತ್ತ ಯೋಧೆರ್ ನಾರಾಯಣ ರೈ ಬೊಕ್ಕ ರೋಹಿತ್‌ ಕುಲಾಲ್‌ ಕಿಲ್ಪಾಡಿ ಮೊಕ್ಲೆಗ್‌ ಈ ಪೊರ್ತುಡು ಮಾನಾದಿಗೆ ನಡಪರೆ ಉಂಡು. ಬಯ್ಯಗ್‌ 5 ಗಂಟೆಗ್‌ ಸಮೂಹ ನೃತ್ಯ ಪಂತೋ ನಡಪರೆ ಉಂಡು. ಅ.21 ದಾನಿ ಭಜನೆ, ಮಹಾಪೂಜೆ, ಮುಗಿತಲದ ಲೇಸ್‌ ಆದ್‌ ಬಯ್ಯ 4 ಗಂಟೆಗ್‌ ಲಕ್ಕಿಡಿಪ್‌ ಡ್ರಾ, 4.30 ಕ್ಕ್‌ ವಿಸರ್ಜನಾ ಪೂಜೆ ಆದ್‌ ಶಾರದಾ ದೇವಿನ ಭವ್ಯ ಶೋಭಾಯಾತ್ರೆ ನಡಪರೆ ಉಂಡು.

ಮುಲ್ಕಿಡ್ ದರೋಡೆ ಮಲ್ದಿನ ದಾವಣಗೆರೆತ್ತ ಆರೋಪಿಲು ಅರೆಸ್ಟ್

ಮುಲ್ಕಿ: ಪೊಲೀಸ್ ಠಾಣಾ ವ್ಯಾಪ್ತಿದ ಬೆಳ್ಳಾಯರು ಗ್ರಾಮದ ಕೊಲ್ನಾಡು ಚಂದ್ರ ಮೌಳೀಶ್ವರ ದೇವಸ್ಥಾನದ ಕೈತಲ್ದ “ಶ್ರೀನಿಧಿ” ನಿವಾಸಿ ವಸಂತಿ ಶೆಟ್ಟಿ ಅರೆನ ಕೆಕ್ಕಿಲ್‌ರ್ದ್ 40 ಗ್ರಾಂ ತೂಕದ ಬಂಗಾರ್ದ ಕರಿಮಣಿ ಸರನ್‌ 4 ಜನ ದರೋಡೆ ಮಲ್ತ್ ದ್ ಬಸ್ ಸ್ಟ್ಯಾಂಡ್ ದ ಕೈತಲ್ ಸೂರಪ್ರಕಾಶ್ ಎನ್ ಮೇರ್ ಉಂತಾದಿತ್ತಿನ ಬಜಾಜ್ ಡಿಸ್ಕವರ್ 50 ಸಿಸಿ ಬೈಕ್ ಡ್ ಪದ್ರಾಡ್ ಪಾಡ್ದಿನ 5 ಜನ ಆರೋಪಿಲೆನ್ ಮುಲ್ಕಿ ಪೊಲೀಸೆರ್ ಅರೆಸ್ಟ್‌ ಮಲ್ತ್‌ದೆರ್.
ಆರೋಪಿಲಾಯಿನ ದಾವಣಗೆರೆತ್ತ ಮಲಶೆಟ್ಟಿಹಳ್ಳಿದ ರಘು ಎಸ್(30), ವಿನೋಬನಗರದ ಪ್ರಮೋದ್ ವಿ. , ಅವರಗೇರಿದ ಹೆಚ್.ರವಿಕಿರಣ್, (23) ಪಿಬಿ ಬಡಾವಣೆದ ದಾವಲ ಸಾಬ್ ಹೆಚ್,(25) ಬಾಪೂಜಿ ಬಡಾವಣೆ ಮಂಜುನಾಥ, (29) ಪಂದ್‌ ಗುರುತಿಸಾದೆರ್.

ಅ.20: ಮೂಲ್ಕಿಡ್ ಸಮೂಹ ನೃತ್ಯ ಪಂತೊ

ಮೂಲ್ಕಿ: ಹಿಂದೂ ಯುವಸೇನೆ ಬೊಕ್ಕ ಮಹಿಳಾ ಮಂಡಳಿ ಮೂಲ್ಕಿ ಘಟಕ ನೆತ್ತ ಮುತಾಲಿಕೆಡ್ 25 ನೇ ವರ್ಷದ ಸಾರ್ವಜನಿಕ ಶ್ರೀ ಶಾರದೋತ್ಸವದ ಅಂಗವಾದ್ ಅ.20 ದಾನಿ ಸಮೂಹ ನೃತ್ಯ ಸ್ಪರ್ಧೆ ನಡಪರೆ ಉಂಡು. ಪಾಲ್ ಪಡೆಯುನ ಕೂಟದಕುಲು ಅ.15 ದ ಉಲಾಯಿ ಪುದರ್ ನೊಂದಾವಣೆ ಮಲ್ತೊನೊಡು. ಅಂಚೆನೆ ಈ ಸ್ಪರ್ಧೆಗ್ ಪ್ರವೇಶ ಶುಲ್ಕ ಇಪ್ಪುಜಿ ಪಂದ್ ಸಂಘಟಕೆರ್ ತೆರಿಪಾದೆರ್.