ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಬೆದ್ರದ ಸುದ್ದಿ | Moodbidri News
ಬೊಲ್ತೆರ್ ಸುದ್ದಿ | Belthangady News
ರಪಕ್ಕ ಸುದ್ದಿ Flash News
ಗೌಜಿಡ್ ನಡತ್ಂಡ್ ನಂದಾರದ ತೇರ್
ಬಂಟ್ವಾಳ: ಬಂಟ್ವಾಳ ತಾಲೂಕುದ ಪ್ರಸಿದ್ಧ ಪುಣ್ಯಕ್ಷೇತ್ರವಾಯಿನ ನಂದಾವರ ಶ್ರೀ ವಿನಾಯಕ ಶಂಕರನಾರಾಯಣ ದುರ್ಗಾಂಬ ದೇವಸ್ಥಾನದ ವಾರ್ಷಿಕ ಜಾತ್ರಾ ಮಹೋತ್ಸವದ ಪರವಾದ್ ಮಹಾರಥೋತ್ಸವ ಅಂಗಾರೆ ರಾತ್ರೆ ನಡತುಂಡು.
ಫೆ.27 ತಾರೀಖ್ ಗ್ ಧ್ವಜಾರೋಹಣ ಮುಖೇನ ಸುರು ಆಯಿನ ಉತ್ಸವ, 28 ತಾರೀಖ್ ಗ್ ಬಯನ ಬಲಿ ಉತ್ಸವ, ಸೋಮವಾರ ನಡುಬಲಿ ಬೊಕ್ಕ ಪಾಲಕಿ ಉತ್ಸವ ನಡತುಂಡು . ಅಂಗಾರೆ ಮಹಾ ರಥೋತ್ಸವ ನಡತುಂಡು . ಈ ಪ್ರಯುಕ್ತ ಬೈಯ್ಯ 5 ಗಂಟೆಗ್ ಭಜನೆ ಸಂಕೀರ್ತನೆ ಬೊಕ್ಕ ಭಾಗವತ ಪ್ರವಚನ ನಡತುಂಡು . ರಾತ್ರಿ ಶ್ರೀ ದೇವೆರೆ ಮಹಾರಥೋತ್ಸವ ಬಾರಿ ಗೌಜಿಡ್ ನಡತುಂಡು. ಬುಧವಾರ ಶ್ರೀ ನಾಲ್ಕೆತ್ತಾಯ ದೈವದ ನೇಮ ನಡತುಂಡು . ಕ್ಷೇತ್ರದ ಸೇವಾ ಸಮಿತಿ ಗುರ್ಕಾರ್ಲಾಯಿನ ಅರವಿಂದ ಪದ್ಯಾಣ, ಮಾಜಿ ಗುರ್ಕಾರ್ಲಾಯಿನ ಎ.ಸಿ.ಭಂಡಾರಿ, ಸೇವಾ ಸಮಿತಿ ಸದಸ್ಯೆರ್ ಊರ, ಪರವೂರ ಭಕ್ತಾಭಿಮಾನಿಲು ಪಾಲ್ ಪಡೆದಿತ್ತೆರ್ . ಪ್ರಧಾನ ಅರ್ಚಕೆರಾಯಿನ ವೇ.ಮೂ.ಮಹೇಶ ಭಟ್ ಮುತಾಲಿಕೆಡ್ ಪೂಜಾ ವಿಧಿ ವಿಧಾನಲು ನಡತುಂಡು. ಕೋವಿಡ್ ಹಿನ್ನೆಲೆಡ್ ಈ ಸಲ ಬಾರಿ ಸರಳವಾದ್ ಜಾತ್ರೆ ನಡತುಂಡು.
ಶ್ರೀಯುತೆರಾಯಿನ ಕೆ.ಪ್ರಭಾಕರ್ ಶೆಟ್ಟಿ , ತಾರಾನಾಥ್ ಶೆಟ್ಟಿ, ಕೃಷ್ಣ ಶೆಟ್ಟಿಗಾರ್, ಸುಧೇಶ್, ಮಂಜುನಾಥ್ ಈ ಲೇಸ್ ಡ್ ಪಾಲ್ ಪಡೆದಿತ್ತೆರ್.
ಮಾರ್ಚ್ 7 ತಾರೀಖ್ ಗ್ ಐತಾರ ಕಾಂಡೆ 9.30 ರ್ದ್ ರಾತ್ರಿ 8.00 ಗಂಟೆ ಮುಟ ಲೇಸ್ ಅಟ್ಟನೆ ಮಲ್ದೆರ್.ಲೇಸ್ ದ ಉದಿಪನನ್ ಕೇಂದ್ರ ಸಚಿವ ಡಿ. ವಿ. ಸದಾನಂದ ಗೌಡ ಮೇರ್ ನಡಪಾಯರೇ ಉಲ್ಲೆರ್. ಈ ಪೊರ್ತುಡು ಮಾತೆರ್ಲ ಪಾಲ್ ಪಡೆದ್ ಅಂಚನೇ ತಮ್ಮ ಸಂಘಟನೆದ ಸರ್ವ ಸದಸ್ಯೆರೆನ್ ಲೆತೊಂದು ಈ ಲೇಸ್ ಡ್ ಪಾಲ್ ಪಡೆಯೋಡು ಪಂದ್ ಪ್ರಕಟಣೆಗ್ ತೆರಿ ಪಾದೆರ್.
