ತುಳು ಸುದ್ದಿ

ಒಲಂಪಿಕ್ಸ್ : ಭಾರತ ಸೇರ್ದ್ ಬೇತೆ 5 ದೇಶದ ಕ್ರೀಡಾ ಪಟುಲೆಗ್ ಕೋವಿಡ್ ಟೆಸ್ಟ್

Jun 28, 2021

ಟೋಕಿಯೊ, ಜೂನ್ 28: ಒಲಿಂಪಿಕ್ಸ್‌ಡ್ ಪಾಲ್ ಪಡೆಯರೇ ಉಪ್ಪುನ ಭಾರತ ಬೊಕ್ಕ ಬೇತೆ 5 ದೇಶದ ಅತ್ಲೀಟ್‌ ನಕುಲು ಜಾಸ್ತಿ ಕೋವಿಡ್‌ ಪರೀಕ್ಷೆನ್ ಮಲ್ಪಾವೊಡು ಪಂದ್ ಜಪಾನ್‌ ಸೂಚಿಸಾವುನ ಸಾಧ್ಯತೆ ಉಂಡು ಪಂದ್ ಪಂತೆರ್.

ಡೆಲ್ಟಾ ವೈರಸ್‌ ಆಘಾತಡ್ ಉಪ್ಪುನ ದೇಶದ ಕ್ರೀಡಾಪಟುಲು ಒಲಿಂಪಿಕ್ಸ್‌ಗ್ ಪೋಪಿನ ದುಂಬು ಒಂಜಿ ವಾರ ಮುನ್ನ ದಿನಾಲ ಪರೀಕ್ಷೆ ಮಲ್ಪಾವೊಡು ಪಂದ್ ಜಪಾನ್‌ ನಿಯಮ ಮಲ್ದುಂಡು.

ಇನಿರ್ದ್ ಹಾಲ್ ಡ್ ಮದಿಮೆ ಮಲ್ಪರೆ ಅವಕಾಶ : ದ. ಕ ಜಿಲ್ಲಾಧಿಕಾರಿ

Jun 28, 2021

ಕುಡ್ಲ , ಜೂ.28: ಕೋವಿಡ್-19 ಮಾರ್ಗಸೂಚಿ ಕಟ್ಟು ನಿಟ್ಟಾದ್ ಪಾಲಿಸಾವುನೆತ್ತ ಒಟ್ಟುಗು ಛತ್ರ, ಹೊಟೇಲ್‌, ರೆಸಾರ್ಟ್‌ಡ್ ಸಭಾಂಗಣಡ್ ಮದಿಮೆ ನಡಪಾಯೆರೆ ಜೂ.28ರ್ದ್ ಜಿಲ್ಲಾದ್ಯಂತ ಅವಕಾಶ ಕೊರ್ತೆರ್ .

ಆಂಡ ಮದಿಮೆಡ್ ಪಾಲ್ ಪಡೆಪಿನಕ್ಲೆನ ಸಂಖ್ಯೆ 40 ಡಾಟರೆ ಬಲ್ಲಿ ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ಪಂಡಿನ ಪೊಸ ಆದೇಶಡ್ ತೆರಿಪಾದೆರ್.

ಮದಿಮೆ ಕಾರ್ಯಕ್ರಮ ನಡಪಾವುನಕುಲು ಮಂಗಳೂರು ನಗರ ಪಾಲಿಕೆ ವ್ಯಾಪ್ತಿಡ್ ಪಾಲಿಕೆದ ಆಯುಕ್ತೆರ್ , ನಗರ ಸ್ಥಳೀಯಾಡಳಿತ ಸಂಸ್ಥೆದ ವ್ಯಾಪ್ತಿಡ್ ಸಂಬಂಧಪಟ್ಟಿ ನಂಚ ಸಂಸ್ಥೆದ ಮುಖ್ಯಾಧಿಕಾರಿಲು , ಗ್ರಾಪಂ ವ್ಯಾಪ್ತಿಡ್ ಪಿಡಿಒ ರ್ದ್ ಪೂರ್ವಾನುಮತಿ ಪಡೆಯೊಡು ಪಂದ್ ಪಂಡೆರ್.

ಹುಷಾರ್ ದಾಂತೆ ತೀರ್ ಪೋಯಿನ ಪುತ್ತೂರುದ ಅಕ್ಷತಾ

Jun 28, 2021

ಪುತ್ತೂರು, ಜೂನ್ 28: ಪೆದ್ದ್ ದ್ ರಡ್ಡ್ ತಿಂಗೊಲ್ ಆನಗನೇ ಹುಷಾರ್ ದಾಂತೆ ತೀರ್ ಪೋಯಿನ ಘಟನೆ ಕೋಡೆ ಪುತ್ತೂರುಡು ನಡತುಂಡು . ಪುತ್ತೂರ್ದ ಕೃಷ್ಣ ನಗರ ನಿವಾಸಿ ದಿಲೀಪ್ ಪನ್ಪಿನಾರ್ನ ಬುಡೆದಿ ಅಕ್ಷತಾ (26) ತೀರ್ ಪೋಯಿನಾರ್ .

ಅಕ್ಷತಾ 2 ತಿಂಗೊಲ್ ದ ಪಿರವು ಬಾಲೆ ಪೆದ್ದ್ ದ್ ಇತ್ತೆರ್. ಐರ್ದ್ ಬೊಕ್ಕ ಅರೆಗ್ ಹುಷಾರ್ ದಾಂತೆ ಆಯಿನೆರ್ದಾವರ ಅರೆನ್ ಪುತ್ತೂರುದ ಖಾಸಗಿ ಆಸ್ಪತ್ರೆಗೆ ಧಾಖಲ್ ಮಲ್ತಿತ್ತೆರ್ ಎಚ್ಚದ ಚಿಕಿತ್ಸೆಗಾದ್ ಕುಡ್ಲದ ಆಸ್ಪತ್ರೆಗ್ ದಾಖಲ್ ಮಲ್ತುಂಡಲ ಮರ್ದ್ ಫಲಕಾರಿಯಾವಂದೆ ಕೋಡೆ ತೀರ್ ಪೋಯೆರ್.

ಸೋಂಕಿತೆರೆಗ್ ಕೇರ್ ಸೆಂಟರ್’ಡ್ ಚಿಕಿತ್ಸೆ ಉತ್ತಮ: ಸಚಿವ ಎಸ್ ಅಂಗಾರ

Jun 28, 2021

ಸುಬ್ರಹ್ಮಣ್ಯ, ಜೂನ್ 28:: ಕೋವಿಡ್ ಸೋಂಕಿತೆರ್ ಕೇರ್ ಸೆಂಟರ್ ಡ್ ಇತ್ತ್ ದೆ ಮರ್ದ್ ಪಡೆಯುನ ಉತ್ತಮ ಪಂದ್ ಸಚಿವ ಅಂಗಾರ ಪಂಡೆರ್ . ಮೇರ್ ಕೋಡೆ ಸುಬ್ರಹ್ಮಣ್ಯ ಗ್ರಾಮ ಪಂಚಾಯತ್ ಸಭಾಂಗಣಡ್ ನಡತಿನ ಪರಿಶೀಲನಾ ಸಭೆಟ್ ಪಾತೆರಿಯೆರ್ .

ಕೋವಿಡ್ ಪಾಸಿಟಿವ್ ವರದಿ ಬತ್ತಿನಕುಲು ಇಲ್ಲಡ್ ಉಪ್ಪುನೆರ್ದ್ ಆರೈಕೆ ಕೇಂದ್ರಡ್ ಉಪ್ಪುನ ಎಡ್ಡೆ . ಇಲ್ಲಡ್ ಇತ್ತುಂಡ ಕೈತಲ್ ದಕ್ಲೆಗ್ ಮಾತಾ ಸೋಂಕು ಪಸರುನ ಸಾಧ್ಯತೆ ಉಂಡು ಪಂದ್ ಪಂಡೆರ್

ಸಚಿವೆರ್ ಸಭೆಟ್ ಕೋವಿಡ್ ವಾರಿಯರ್ಸ್ ಲಾಯಿನ ಆಶಾ ಕಾರ್ಯಂತೆರೆಗ್ ದಿನಸಿ ಕಿಟ್ ಕೊರಿಯೆರ್ . ಕುಮಾರಧಾರ ಸಭಾಂಗಣಡ್ ನಡತಿನ ಸಭೆಟ್ ಕಡಬ ತಹಶೀಲ್ದಾರ್, ಸುಳ್ಯ ತಹಶೀಲ್ದಾರ್, ತಾಲೂಕು ಕೋವಿಡ್ ನೋಡೆಲ್ ಅಧಿಕಾರಿ, ಆರೋಗ್ಯ ಅಧಿಕಾರಿಲು ಬೊಕ್ಕ ಸುಬ್ರಮಣ್ಯ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಕಾರ್ಯದರ್ಶಿ ಬೊಕ್ಕ ಸಿಬ್ಬಂದಿಲು ಪಾಲ್ ಪಡೆದಿತ್ತೆರ್ .

ಕುಡ್ಲದ ಸಾಯಿ ಪ್ಯಾಲೇಸ್ ಹೋಟೆಲ್ ಗ್ ಪೊಲೀಸ್ ದಾಳಿ: ನಾಲ್ ಯುವಜೋಡಿಲು ವಶಕ್

Jun 27, 2021

ಕುಡ್ಲ, ಜೂನ್ 27: ಕುಡ್ಲದ ಪ್ರತಿಷ್ಟಿತ ಹೊಟೇಲ್ ದ ಮಿತ್ತ್ ಬಂದರು ಪೊಲೀಸೇರ್ ದಾಳಿ ಮಲ್ತ್ ಭಿನ್ನಕೋಮುದ ನಾಲ್ ಯುವ ಜೋಡಿಲೆನ್ ವಶಕ್ ದೆತೊನ್ದೆರ್ .

ಕುಡ್ಲದ ಸಾಯಿ ಪ್ಯಾಲೇಸ್ ಹೊಟೇಲ್ ಡ್ ಯುವ ಜೋಡಿಲು ಇಪ್ಪುನ ಬಗ್ಗೆ ಸಾಮಾಜಿಕ ಜಾಲತಾಣಡ್ ಸುದ್ದಿ ಇತ್ತುಂಡು . ಈ ಬಗ್ಗೆ ಹಿಂದೂ ಜಾಗರಣ ವೇದಿಕೆ ಕಾರ್ಯಂತೆರ್ ಮಾಹಿತಿ ಕಲೆ‌ಪಾರ್ದ್ ಬಂದರು ಪೊಲೀಸೆರೆಗ್ ಮಾಹಿತಿ ಕೊರ್ದಿತ್ತೆರ್ .

ಅಕ್ಲೆನ ದೂರುದ ಪ್ರಕಾರ ಪೊಲೀಸೆರ್ ಇನಿ ಲಾಡ್ಜ್ ದ ಮಿತ್ತ್ ದಾಳಿ ಮಲ್ತ್ ನಾಲ್ ಜನ ಮುಸ್ಲಿಂ ಜವಣ್ಯೆರ್ ಅಂಚನೇ ನಾಲ್ ಜನ ಹಿಂದೂ ಪೊಣ್ಣುಲೆನ್ ವಶಕ್ ದೆತೊನ್ದೆರ್ ಪಂದ್ ತೆರಿದ್ ಬೈದುಂಡು. ಪೊಲೀಸೇರ್ ತನಿಖೆ ನಡಪಾವೊಂದು ಉಲ್ಲೆರ್ .

ಹುಷಾರ್ ದಾಂತೆ ತೀರ್ ಪೋಯಿನ ಜಯ ಶೆಟ್ಟಿ ಕಕ್ಯಪದವು

Jun 27, 2021

ಪುಂಜಾಲಕಟ್ಟೆ, ಜೂನ್ 27: ಮಾಜಿ ಕಂಬಳ ಎರು ಗಿಡವುನಾರ್ ಆಯಿನ ಧಾರ್ಮಿಕ, ಸಹಕಾರಿ ಮುಂದಾಳು ಉಳಿಗ್ರಾಮದ ಕಕ್ಯಪದವು, ಕಿಂಜಾಲು ನಿವಾಸಿ ಜಯ ಶೆಟ್ಟಿ ಕಿಂಜಾಲು(65) ಮೇರ್ ಹುಷಾರ್ ದಾಂತೆ ಇನಿ ಕಾಂಡೆ ಕುಡ್ಲದ ಖಾಸಗಿ ಆಸ್ಪತ್ರೆಡ್ ತೀರ್ ಪೋಯೆರ್ .

ಮೃತೆರ್ ಬೊಡೆದಿ , ಮೂಜಿ ಪೊಣ್ಣು ಜೋಕ್ಲೆನೆರ್ದ್ ದೂರ ಆತೆರ್.ಕಂಬಳಕ್ಷೇತ್ರಡ್ ಪುದರ್ ಪಡೆಯಿನ ಮೇರ್ ಕಂಬಳ ಕ್ಷೇತ್ರದ ಅದ್ವಿತೀಯ ಸಾಧನೆಗಾದ್ ಅವ್ವೆತೋ ಮಾನದಿಗೆ ಪಡೆತೆರ್.

18+ ಕಾಲೇಜ್ ಜೋಕ್ಲೆಗಾದ್ ಮೆಗಾ ವ್ಯಾಕ್ಸಿನ್ ಅಭಿಯಾನ

Jun 27, 2021

ಕುಡ್ಲ : ಜೂನ್ 27: 18 ವರ್ಷ ಮಿತ್ತ್ ಪ್ರಯೋದ ಕಾಲೇಜ್ ಜೋಕ್ಲೆಗಾದ್ ಸೋಮವಾರ ಕಾಂಡೆ 10 ಗಂಟೆರ್ದ್ ಬೈಯ್ಯ 4 ಗಂಟೆ ಮುಟ ಮೆಗಾ ವ್ಯಾಕ್ಸಿನ್ ಅಭಿಯಾನ ನಡಪರೇ ಉಂಡು.

ವ್ಯಾಕ್ಸಿನ್ ಪಡೆಯರೇ ಜೋಕ್ಲೆಗ್ ಬೋಡಾಯಿನ ದಾಖಲೆಲು

* ಆಧಾರ್ ಕಾರ್ಡ್
*ಕಾಲೇಜ್ ಐಡಿ ದ ಪ್ರತಿ
*ಮೊಬೈಲ್

ಪುತ್ತೂರುಡು ಮಲೇರಿಯಾ ತಡೆ ಮಾಸಾಚರಣೆ : ಉಪನ್ಯಾಸ

Jun 27, 2021

ಪುತ್ತೂರು ಜೂನ್ 27: ಉಮಿಲ್ ದ ಮುಖೇನ ಪಸರುನ ಕೆಲವು ಸೀಕ್ ಡ್ ಒಂಜಾಯಿನ ಮಲೇರಿಯಾ ಸೀಕ್ ಲ ಒಂಜಿ ಕೈತಲ್ ಡ್ ನೀರ್ ಉಂತಂದಿಲಕ ಮಲ್ತ್ ಸ್ವಚ್ಛ ಪರಿಸರ ನಿರ್ಮಾಣ ಮಲ್ಪುನೆರ್ದಾವರ ಮಲೇರಿಯಾ ನಿಯಂತ್ರಣ ಸಾಧ್ಯ ಪಂದ್ ತಾಲ್ಲೂಕು ಆರೋಗ್ಯಾಧಿಕಾರಿ ಡಾ. ದೀಪಕ್ ರೈ ಪಂಡೆರ್ .

ಜಿಲ್ಲಾ ಪಂಚಾಯಿತಿ, ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ, ತಾಲ್ಲೂಕು ಆರೋಗ್ಯಾಧಿಕಾರಿ ಕಚೇರಿದ ಒಟ್ಟು ಸೇರಿಗೆಡ್ ಮಲೇರಿಯಾ ತಡೆ ಮಾಸಾಚರಣೆ ಪರವಾದ್ ಶನಿವಾರ ನಡತಿನ ಮಾಹಿತಿ ಕಾರ್ಯಕ್ರಮಟ್ ಆರ್ ‘ಶೂನ್ಯ ಮಲೇರಿಯಾ ಗುರಿ ತಲುಪೋಣ’ ಬಗ್ಗೆ ಪಾತೆರಿಯೆರ್..

ನಿಯಮ ಉಲ್ಲoಘನೆ ಮಲ್ತಿನ ಗಾಡಿ ವಶ

Jun 27, 2021

ವಿಟ್ಲ ಜೂನ್ 27: ಜಿಲ್ಲಾಡಳಿತ ವಿಧಿಸಾಯಿನ ವಾರಾಂತ್ಯದ ಕರ್ಫ್ಯೂ ವಿಟ್ಲದಡ್ ಯಶಸ್ವಿಯಾತುಂಡು . ನಾಲ್ ಮಾರ್ಗಡ್ ಪ್ರಭಾರ ಎಸೈ ರಾಜೇಶ್ ಕೆ.ವಿ ಮುತಾಲಿಕೆಡ್ ಪ್ರೊಬೇಷನರಿ ಎಸ್‌ಐ ಮಂಜುನಾಥ ಬೊಕ್ಕ ಪೊಲೀಸೇರ್ನ ಕೂಟ ನಾಕಾಬಂದಿ ಪಾರ್ದ್ ಇತ್ತೆರ್ . ಪೇರ್ ಬೊಕ್ಕ ಮರ್ದ್ ದ ಅಂಗಡಿ ಬುರ್ದು , ಅಗತ್ಯ ಇಜ್ಜಂದೆ ಪೇಂಟೆಗ್ ಬತ್ತಿನ ಗಾಡಿಲೆನ್ ವಶಕ್ ದೆತೊಂಡೆರ್.

ಜನಸಂಚಾರ, ಗಾಡಿ ಸಂಚಾರ ಇತ್ತ್ ಜಿ . ಪೇoಟೆ ಸಂಪೂರ್ಣ ಸ್ತಬ್ಧ ಆತುಂಡು .

ಕುಡ್ಲಗ್ ಯೆಲ್ಲೋ ಅಲರ್ಟ್ : ನನ ರಡ್ಡ್ ದಿನ ಭಾರಿ ಬರ್ಸ

Jun 27, 2021

ಬೆಂಗ್ಳೂರು ಜೂನ್ 27: ರಾಜ್ಯಡ್ ಮುಂಗಾರು ಚುರುಕಾಯಿನೆರ್ದಾವರ ಕರಾವಳಿ ಜಿಲ್ಲೆಡ್ ಜೂ.28ರಿಂದ ಜುಲೈ 1ಮುಟ ಧಾರಾಕಾರ ಬರ್ಸ ಬರ್ಪಿನ ಮುನ್ಸೂಚನೆ ಉಂಡು ಪಂದ್ ಹವಾಮಾನ ಇಲಾಖೆ ತೆರಿಪಾದುಂಡು .

‘ಕೆಲವು ದಿನರ್ದ್ ಕಮ್ಮಿ ಆದಿತ್ತಿನ ಬರ್ಸ ನನಾತ್ ಜೋರು ಬರ್ರೆ ಉಂಡು . ಕರಾವಳಿದ ದಕ್ಷಿಣ ಕನ್ನಡ, ಉತ್ತರ ಕನ್ನಡ ಬೊಕ್ಕ ಒಡಿಪುಡು ಜು.1 ತಾರೀಖ್ ಮುಟ ಬಾರಿ ಬರ್ಸ ಬರ್ಪಿನ ಸಾಧ್ಯತೆ ಉಪ್ಪುನೆರ್ದಾವರ ‘ಯೆಲ್ಲೊ ಅಲರ್ಟ್‌’ ಘೋಷಣೆ ಮಲ್ದೆರ್ ‘.

M	T	W	T	F	S	S
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

ತುಳು ಸುದ್ದಿ

ಒಲಂಪಿಕ್ಸ್ : ಭಾರತ ಸೇರ್ದ್ ಬೇತೆ 5 ದೇಶದ ಕ್ರೀಡಾ ಪಟುಲೆಗ್ ಕೋವಿಡ್ ಟೆಸ್ಟ್

ಇನಿರ್ದ್ ಹಾಲ್ ಡ್ ಮದಿಮೆ ಮಲ್ಪರೆ ಅವಕಾಶ : ದ. ಕ ಜಿಲ್ಲಾಧಿಕಾರಿ

ಹುಷಾರ್ ದಾಂತೆ ತೀರ್ ಪೋಯಿನ ಪುತ್ತೂರುದ ಅಕ್ಷತಾ

ಸೋಂಕಿತೆರೆಗ್ ಕೇರ್ ಸೆಂಟರ್’ಡ್ ಚಿಕಿತ್ಸೆ ಉತ್ತಮ: ಸಚಿವ ಎಸ್ ಅಂಗಾರ

ಕುಡ್ಲದ ಸಾಯಿ ಪ್ಯಾಲೇಸ್ ಹೋಟೆಲ್ ಗ್ ಪೊಲೀಸ್ ದಾಳಿ: ನಾಲ್ ಯುವಜೋಡಿಲು ವಶಕ್

ಹುಷಾರ್ ದಾಂತೆ ತೀರ್ ಪೋಯಿನ ಜಯ ಶೆಟ್ಟಿ ಕಕ್ಯಪದವು

18+ ಕಾಲೇಜ್ ಜೋಕ್ಲೆಗಾದ್ ಮೆಗಾ ವ್ಯಾಕ್ಸಿನ್ ಅಭಿಯಾನ

ಪುತ್ತೂರುಡು ಮಲೇರಿಯಾ ತಡೆ ಮಾಸಾಚರಣೆ : ಉಪನ್ಯಾಸ

ನಿಯಮ ಉಲ್ಲoಘನೆ ಮಲ್ತಿನ ಗಾಡಿ ವಶ

ಕುಡ್ಲಗ್ ಯೆಲ್ಲೋ ಅಲರ್ಟ್ : ನನ ರಡ್ಡ್ ದಿನ ಭಾರಿ ಬರ್ಸ

You Missed

ತುಳುವೆರೆ ಸಂಘಟನೆಲು ಒಟ್ಟಾದ್ ಒಗ್ಗಟ್ಟಾವೊಡು: ಬಾ. ಸಾಮಗ

ಕರ್ನಾಟಕ ಸಾಂಸ್ಕೃತಿಕ ಅಕಾಡೆಮಿ ವತಿರ್ದ್ ರಾಜ್ಯೋತ್ಸವ ಪ್ರಶಸ್ತಿ ಅರ್ಜಿ ಲೆಪ್ಪು

ಯುವಚೇತನ ಹೊಸಬೆಟ್ಟು ಕುಳಾಯಿ ವತಿರ್ದ್ ಶಿಕ್ಷಕರ ದಿನಾಚರಣೆ, ಗೌರವಾರ್ಪಣೆ

ಸೆ.30 : ಮುಲ್ಕಿಡ್ ಇಂಜಿನಿಯರ್ಸ್ ಡೇ ಆಚರಣೆ