ತುಳು ಸುದ್ದಿ

ಆಗುಂಬೆ ಘಾಟಿ : ಭಾರಿ ಗಾಡಿ ಸಂಚಾರ ನಿಷೇದ ತೆರವು ಮಲ್ಪರೆ ಒಡಿಪು ಜಿಲ್ಲಾಧಿಕಾರಿ ಸೂಚನೆ

ಒಡಿಪು ,ಜುಲೈ 9: ರಾಷ್ಟ್ರೀಯ ಹೆದ್ದಾರಿ-169ಎ ದ ತೀರ್ಥಹಳ್ಳಿ- ಓಡಿಪು – ಕುಡ್ಲ ಮಾರ್ಗದ ಆಗುಂಬೆ ಘಾಟಿಡ್ ಸದ್ಯ ಬರ್ಸ ಕಮ್ಮಿ ಉಪ್ಪುನೆರ್ದಾವರ ಬರ್ಸ ಜಾಸ್ತಿ ಆಪಿನ ಮುಟ ಭಾರಿ ವಾಹನ ಸಂಚಾರನ್ ನಿಷೇಧಿಸಾದ್ ಪರ್ಯಾಯ ಮಾರ್ಗಡ್ ಸಂಚಾರ ಮಲ್ಪರೆ ಅವಕಾಶ ಕೊರ್ತಿನ ಆದೇಶವನ್ ತಾತ್ಕಾಲಿಕವಾದ್ ಉಂತಾದ್ ಭಾರಿ ವಾಹನದ ಸಂಚಾರಗ್ ಅನುಮತಿ ಕೊರೊಡು ಪಂದ್ ಜಿಲ್ಲಾಧಿಕಾರಿ ಬೊಕ್ಕ ಜಿಲ್ಲಾ ದಂಡಾಧಿಕಾರಿ ಜಿ. ಜಗದೀಶ್ ಆದೇಶ ಕೊರ್ತೆರ್ .

ಕೃಷಿ ಸಚಿವೆಯಾದ್ ಅಧಿಕಾರ ಸ್ವೀಕಾರ ಮಲ್ತಿನ ಶೋಭಾ ಕರಂದ್ಲಾಜೆ

ಒಡಿಪು, ಜುಲೈ 9: ಕೇಂದ್ರದ ಪೊಸ ಕೃಷಿ ಬೊಕ್ಕ ರೈತರ ಕಲ್ಯಾಣ ಸಚಿವೆಯಾದ್ ಒಡಿಪು -ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರದ ಸದಸ್ಯೆ ಶೋಭಾ ಕರಂದ್ಲಾಜೆ ಕೋಡೆ ಬೈಯ್ಯ ಹೊಸದಿಲ್ಲಿದ ಕೃಷಿಭವನದ ತಮ್ಮ ಕಚೇರಿಡ್ ಅಧಿಕಾರ ಸ್ವೀಕಾರ ಮಲ್ತೆರ್ .

ಕೇಂದ್ರ ಸಚಿವೆರಾಯಿನ ಪ್ರಹ್ಲಾದ್ ಜೋಷಿ, ನರೇಂದ್ರ ಸಿಂಗ್ ತೋಮರ್, ಕೈಲಾಷ್ ಚೌಧುರಿ, ಸಿ.ಟಿ.ರವಿ ಸೇರಿನಂಚ ಇಲಾಖೆದ ಅಧಿಕಾರಿಲು ಈ ಪೊರ್ತುಡು ಪಾಲ್ ಪಡೆದಿತ್ತೆರ್.

ಅರಸಾಳು ರೈಲ್ವೆ ನಿಲ್ದಾಣದ ಮಾಲ್ಗುಡಿ ಮ್ಯೂಸಿಯಂ ಇನಿರ್ದ್ ಸುರು

ಶಿವಮೊಗ್ಗ,ಜುಲೈ 9: :ಹೊಸನಗರ ತಾಲೂಕುದ ಅರಸಾಳು ರೈಲ್ವೆ ನಿಲ್ದಾಣದ ಮಾಲ್ಗುಡಿ ಮ್ಯೂಸಿಯಂ ಜುಲೈ 9 ರ್ದ್ ಸುರು ಆಪುಂಡು ಪಂದ್ ರೈಲ್ವೆ ಇಲಾಖೆ ಪ್ರಕಟಣೆಡ್ ತೆರಿಪಾದುಂಡು.

ಕೋವಿಡ್ ಲಾಕ್‌ಡೌನ್ ಕಾರಣರ್ದ್ ಮ್ಯೂಸಿಯಂ ಬಂದ್ ಮಲ್ತಿತ್ತೆರ್ .ಇತ್ತೇ ಕುಡ ಸುರು ಮಲ್ದೆರ್, ಪ್ರವಾಸಿಗೆರ್ ಅಂಗಾರೆ ಬುರ್ದು ಒರಿದಿನ ಮಾತಾ ದಿನಟ್ ಕಾಂಡೆ 9 ಗಂಟೆರ್ದ್ ಬೈಯ್ಯ 5 ಗಂಟೆ ಮುಟ ಸಾರ್ವಜನಿಕೆರ್ನ ವಿಕ್ಷಣೆಗೆ ಅವಕಾಶ ಮಲ್ತ್ ಕೊರ್ತೆರ್ .

23,123 ಕೋಟಿ ರೂ. ಮೌಲ್ಯದ ಕೋವಿಡ್ ಪ್ಯಾಕೇಜ್ ಘೋಷಣೆ ಮಲ್ತಿನ ಕೇಂದ್ರ ಸರ್ಕಾರ

ಹೊಸದಿಲ್ಲಿ, ಜುಲೈ 9 : ಕೊರೋನವೈರಸ್ ಸಾಂಕ್ರಾಮಿಕ ರೋಗನ್ ನಿವಾರಣೆ ಮಲ್ಪರೆ 23,123 ಕೋಟಿ ರೂ. ಮೌಲ್ಯದ ಹೊಸ ತುರ್ತು ಪ್ರತಿಕ್ರಿಯೆ ಪ್ಯಾಕೇಜ್ ನ್ ಕೇಂದ್ರ ಸರ್ಕಾರ ಗುರುವಾರ ಪ್ರಕಟ ಮಲ್ದುಂಡು . ಗುರುವಾರ ನಡತಿನ ಪ್ರಧಾನಿ ನರೇಂದ್ರ ಮೋದಿನ ಪುನರ್ ರಚಿತ ಕೇಂದ್ರ ಸಚಿವ ಸಂಪುಟದ ಸುರುತ ಸಭೆರ್ದ್ ಬೊಕ್ಕ ಈ ಘೋಷಣೆ ಮಲ್ತೆರ್ .

‘ದೇಶಡ್ ಸುಮಾರ್ 736 ಜಿಲ್ಲೆಡ್ ಜೋಕ್ಲೆನ ಆರೈಕೆ ಕೇಂದ್ರದ ನಿರ್ಮಾಣ, 20,000 ಪೊಸ ಐಸಿಯು ಹಾಸಿಗೆಲು ಬೊಕ್ಕ ಮರ್ದ್ ದ ಬಫರ್ ಸ್ಟಾಕ್ ಪಡೆಯರೆ ಈ ಪ್ಯಾಕೇಜ್ ಸಹಾಯ ಆಪುಂಡು ” ಪಂದ್ ನೂತನ ಆರೋಗ್ಯ ಸಚಿವ ಮನ್ಸುಖ್ ಮಾಂಡವೀಯ ಪತ್ರಿಕಾಗೋಷ್ಠಿಡ್ ಪ್ಯಾಕೇಜ್ ಕುರಿತಾದ್ ವಿವರ ಕೊರಿಯೆರ್ .

ತುಳುನಾಡ ಪೊರ್ಲು ಸೇವಾ ಟ್ರಸ್ಟ್ : ಅಪ್ಪಿ ಕುಲಾಲ್ ಮೆರ್ನ ಇಲ್ಲ್ ಶಿಲಾನ್ಯಾಸ

ಬಂಟ್ವಾಳ, ಜುಲೈ 8: ಬಂಟ್ವಾಳ ಕಾವಳಮೂಡೂರು ಜೋಡುಕಟ್ಟೆದ ತನ್ನ ಮಗಲ್ ನ ಒಟ್ಟುಗು ಉಪ್ಪುನ ಅಪ್ಪಿ ಕುಲಾಲ್ ಮೆರೆಗ್ ತುಳುನಾಡ ಪೊರ್ಲು ಸೇವಾ ಟ್ರಸ್ಟ್ 59ನೇ ತಿಂಗೊಲ್ದ ಸೇವಾ ಪಯಣಡ್ ಇಲ್ಲ್ ಕಟ್ದ್ ಕೊರ್ರೆ ದುಂಬು ಬೈದೆರ್. ಇನಿ ಕಾಂಡೆ 8.30ಕ್ ಶಿಲಾನ್ಯಾಸ ಕಾರ್ಯಕ್ರಮ ವಿಧ್ಯುಕ್ತವಾದ್ ನಡತುಂಡು .

ಸಂಸ್ಥೆದ ಸೇವಾ ಮಾಣಿಕ್ಯೆರ್ ಕೈತಲ್ ದ ಹಿತೈಷಿಲು ಈ ಪೊರ್ತುಡು ಪಾಲ್ ಪಡೆದಿತ್ತೆರ್ .
ಇಲ್ಲ್ ಕಟ್ಟರೆ ದಾನಿಲು ಅಕ್ಲೆಗ್ ಆಪಿನoಚಿನ ಸಾಕಾರ ಕೊರಿಯೆರ್.ಸಾಕಾರ ಕೊರ್ಪಿನಕುಲು ಈ ತಿರ್ತ್ ದ ಖಾತೆಗ್ ಜಮಾ ಮಲ್ಪೊಲಿ .

ಬ್ಯಾಂಕ್ ಖಾತೆ ವಿವರ

Name: Tulunada porlu seva trust

A/c No :02702200018893

IFSC Code: CNRB0010270
Bank: Canara bank
Branch: B.c road

Paytm/Google Pay/Phone pe:9686583703

“ಕಲ್ಯಾಣ ಕರ್ನಾಟಕ ಸಾರಿಗೆ ” ಆದ್ ಬದಲಾಯಿನ ಈಶಾನ್ಯ ಸಾರಿಗೆ

ಕಲಬುರ್ಗಿ, ಜುಲೈ 8 : ಕಲ್ಯಾಣ ‌ಕರ್ನಾಟಕದ ಏಳ್ ಜಿಲ್ಲೆ ಬೊಕ್ಕ ಉತ್ತರ ಕರ್ನಾಟಕದ ವಿಜಯಪುರ ಜಿಲ್ಲೆದ ವ್ಯಾಪ್ತಿ ಉಪ್ಪುನ ಈಶಾನ್ಯ ‌ಕರ್ನಾಟಕ ಮಾರ್ಗ ಸಾರಿಗೆ ಸಂಸ್ಥೆದ ಪುದರ್ ನ್ ಸಾರಿಗೆ ಇಲಾಖೆ ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ಪಂದ್ ಮರುನಾಮಕರಣ ‌ಮಲ್ದುಂಡು .

ಯಡಿಯೂರಪ್ಪ ಮೇರ್ ಮುಖ್ಯಮಂತ್ರಿಯಾದ್ ಅಧಿಕಾರ ವಹಿಸಿ ಬೊಕ್ಕ ಹೈದರಾಬಾದ್ ಕರ್ನಾಟಕ ಪುದರ್ ನ್ ಕಲ್ಯಾಣ ‌ಕರ್ನಾಟಕ ಪಂದ್ ಬದಲಾವಣೆ ಮಲ್ತಿತ್ತೆರ್ ಇತ್ತೇ ಸಾರಿಗೆ ಸಂಸ್ಥೆದ ಪುದರ್ ಲಾ ಬದಲಾತುಂಡು.