ಬೊಲ್ತೆರ್ ಸುದ್ದಿ | Belthangady News

ಒಡಿಪು ಶಾಂತರಾಜ ಐತಾಳ್ರೆಗ್ ‘ಮನೆಯಂಗಳದಲ್ಲಿ’ ಮಾನದಿಗೆ

Sep 3, 2021

ಒಡಿಪು : ಬೆಂಗ್ಳೂರುದ “ಹಾಸ್ಯ ದರ್ಶನ” ಪತ್ರಿಕೆದ ಸಂಪಾದಕ ಎಸ್.ಎಸ್. ಪಡಶೆಟ್ಟಿ ಒಡಿಪುದ ಎಚ್. ಶಾಂತರಾಜ ಐತಾಳ್ರೆಗ್ ಅಂಗಾರೆ “ಮನೆಯಂಗಳದಲ್ಲಿ’ ಪ್ರಶಸ್ತಿ ಮಾನದಿಗೆ ಮಲ್ತೆರ್.

ಮಲ್ಲ ಬಿನ್ನೆರ್ ಆದ್ ಪ್ರದೀಪ್ ಕುಮಾರ ಕಲ್ಕೂರ, ಬೀಡು ರಮೇಶ ರಾವ್, ಡಾ.ರವೀಂದ್ರನಾಥ, ಪಾಲ್ ಪಡೆದಿತ್ತೆರ್.

ಕುಂಬ್ರಡ್ ಪೊಸತಾದ್ ಸುರು ಆಯಿನ ಶ್ರೀದೇವಿ ಎಂಟರ್ಪ್ರೈಸಸ್ ಗ್ ಭೇಟಿ ಕೊರಿನ ಗುಣರಂಜನ್ ಶೆಟ್ಟಿ

Sep 3, 2021

ಪುತ್ತೂರು: ಇಂಚೋಗು ಕುಂಬ್ರ ಮಂದಾರ ಸಂಕಿರ್ಣಡ್ ಉದಿಪನ ಆಯಿನ ಶ್ರೀದೇವಿ ಎಂಟರ್ಪ್ರೈಸಸ್ ಗೆ ಜಯ ಕರ್ನಾಟಕ ಜನಪರ ವೇದಿಕೆದ ಯುವ ಸಂಸ್ಥಾಪಕ ರಾಜ್ಯ ಗುರ್ಕಾರ್ಲಾಯಿನ ಗುಣರಂಜನ್ ಶೆಟ್ಟಿ ಭೇಟಿ ಕೊರ್ದು ಎಡ್ಡೆಪ್ಪುನು ಬಯಕಿಯೆರ್.

ಕೃಷಿಕೆರೇ ಜಾಸ್ತಿ ಉಪ್ಪುನ ಈ ಪ್ರದೇಶಡ್ ಇಂಚಿನ ಒಂಜಿ ರಸಗೊಬ್ಬರ ಮಾರಾಟ ಕೇಂದ್ರ ಸುರು ಮಲ್ದಿನವು ಎಡ್ಡೆ ನಿರ್ಧಾರ ಪಂದ್ ಗುಣರಂಜನ್ ಶೆಟ್ಟಿ ಸಂಸ್ಥೆದ ಗುರ್ಕಾರ್ಲೆಗ್ ಸೊಲ್ಮೆ ಸಂದೈತ ಮಲ್ತೆರ್ .

ಈ ಪೊರ್ತುಡು ಸಂತೋಷ್ ಕುಮಾರ್ ರೈ ಕೈಕಾರ, ರಾಜ್ಯ ಸಂಚಾಲಕೆರಾಯಿನ ರಾಮದಾಸ್ ಶೆಟ್ಟಿ, ಪ್ರವೀಣ್ ಶೆಟ್ಟಿ ತಿಂಗಳಾಡಿ, ಸುಂದರ್ ರೈ ಮಂದಾರ, ಪುರಂದರ ರೈ, ಪ್ರಜ್ವತ್ ರೈ, ಜಯಂತ್ ಕುಂಬ್ರ, ಧಕ್ಷತ್ ರೈ, ನವೀನ್ ಭಂಡಾರಿ ಕುತ್ಯಾಡಿ ಪಾಲ್ ಪಡೆದಿತ್ತೆರ್.

NISER ಸಂಸ್ಥೆ ನಡಪಾಯಿನ ಪರೀಕ್ಷೆಡ್ ವಿವೇಕಾನಂದ ಪ.ಪೂ ಕಾಲೇಜ್ದ ಚಂದನ ಶಂಕರ್‌ಗ್ 86.914 ಪರ್ಸಂಟ್ ಅಂಕ

Sep 3, 2021

ಪುತ್ತೂರು: ನ್ಯಾಷನಲ್ ಇನ್ಸಿಟ್ಯೂಟ್ ಆಫ್ ಸೈನ್ಸ್. ಎಜುಕೇಶನ್ ಬೊಕ್ಕ ರಿಸರ್ಚ್ ಸೆಂಟರ್ (NISER)ಮೂಲ ವಿಜ್ಞಾನ ವಿಷಯಗಾದ್ ಅಗಸ್ಟ್ 14 ಕ್ಕ್ ನಡಪಾಯಿನ ಪರೀಕ್ಷೆಡ್ ವಿವೇಕಾನಂದ ಪದವಿಪೂರ್ವ ಕಾಲೇಜ್ವಿ ಜ್ಞಾನ ವಿಭಾಗದ ವಿದ್ಯಾರ್ಥಿನಿ ಚಂದನ ಶಂಕರ್ 86.914 ಪರ್ಸಂಟ್ ಅಂಕ ಪಡೆದ್ ದುಂಬುದ ಹಂತಗ್ ತೇರ್ಗಡೆ ಆತೆರ್ .

ಪೈಪ್ ಬೂರ್ದು ಸೈತಿನ ಬಾಲೆ

Sep 2, 2021

ಮೂಲ್ಕಿ: ಮುಲ್ಪದ ಲಿಂಗಪ್ಪಯ್ಯಕಾಡಿನ ಆಶ್ರಯ ಕಾಲೊನಿದ ಕೈತಲ್ ದಾಸ್ತಾನು ದೀತಿನ ಸಿಮೆಂಟ್ ಪೈಪ್ ಬುಧವಾರ ಬೂರ್ನೆರ್ದಾವರ ಬಾಲೆ ತೀರ್ ಪೋಯಿನ ಘಟನೆ ನಡತುಂಡು. ಲಿಂಗಪ್ಪಯ್ಯ ಕಾಡ್ದ ನಿವಾಸಿ ರಾಮು ಪನ್ಪಿನರ್ನ ಬಾಲೆ ಯುವರಾಜ (4) ತೀರ್ ಪೋಯಿನ ಬಾಲೆ.

ನಾಗರಾಜ್ ಪನ್ಪಿನರೆನ ಕಂಪನಿದ ಸಿಮೆಂಟ್ ಪೈಪ್‌ಲೆನ್ ದಾಸ್ತಾನು ದೀದ್ ಇತ್ತೆರ್ . ಅಲ್ಪನೇ ಗೊಬ್ಬೊoದು ಇತ್ತಿನ ಬಾಲೆದ ತರೆತ ಮಿತ್ತ್ ಪೈಪ್ ಬೂರ್ದುಂಡು. ಮೂಲ್ಕಿ ಠಾಣೆಡ್ ಪ್ರಕರಣ ದಾಖಲಾತುಂಡು .

ಲಯನ್ಸ್ ಕ್ಲಬ್ ಬೊಲ್ತೆರ್ದ ಪೊಸ ಗುರ್ಕಾರ್ಲಾದ್ ಹೇಮಂತ ರಾವ್ ಮೆರೆಗ್ ಅಧಿಕಾರ ಪದಪ್ರದಾನ

Sep 2, 2021

ಬೊಲ್ತೆರ್ : ಲಯನ್ಸ್ ಕ್ಲಬ್ ಬೆಳ್ತಂಗಡಿ ನೆತ್ತ ಗುರ್ಕಾರ್ಲಾದ್ ಇತ್ತಿನ ರಾಜೀವ ಡಿ ಗೌಡ ಮೆರ್ನ ಅಕಾಲಿಕ ಮರಣರ್ದ್ ಕಾಲಿ ಆಯಿನ ಜಾಗೆಗ್ ಗುರ್ಕಾರ್ಲಾದ್ ಆಯ್ಕೆಯಾಯಿನ ಹೇಮಂತ ರಾವ್ ಯರ್ಡೂರು ಮೆರೆನ ಪದಗ್ರಹಣ ಲೇಸ್ ಅಂಗಾರೆ ಲಯನ್ಸ್ ಭವನಡ್ ನಡತುಂಡು.ಪೂರ್ವಾರ್ಧಡ್ ಲೇಸ್ ದ ಗುರ್ಕಾರ್ಮೆನ್ ಸಂಘದ ಪೂರ್ವಾಧ್ಯಕ್ಷ ರವೀಂದ್ರ ಶೆಟ್ಟಿ ಬಳಂಜ ವಹಿಸ್ದಿತ್ತೆರ್ .

ಲಯನ್ ಪ್ರಾಂತ್ಯಾಧ್ಯಕ್ಷ ಕೆ. ಧರಣೇಂದ್ರ ಜೈನ್ ಪೊಸ ಗುರ್ಕಾರ್ಲೆಗ್ ಪದಗ್ರಹಣ ಬೊಕ್ಕ ಪ್ರತಿಜ್ಞಾವಿಧಿ ಬೋಧಿಸಾಯೆರ್ .

ಈ ಲೇಸ್ ಡ್ ರಾಜು ಶೆಟ್ಟಿ, ನಿತ್ಯಾನಂದ ನಾವರ, ಮಂಜುನಾಥ ಜಿ, ಜಯರಾಮ ಭಂಡಾರಿ, ಲಕ್ಷ್ಮಣ ಮಾಸ್ಟರ್, ಸುರೇಶ್ ಶೆಟ್ಟಿ ಲಾಯಿಲ, ದೇವಿಪ್ರಸಾದ್, ರಘುರಾಮ ಶೆಟ್ಟಿ, ಸುಶೀಲಾ ಹೆಗ್ಡೆ, ಅಶ್ರಫ್ ಆಲಿಕುಂಞಿ ಮುಂಡಾಜೆ, ಧತ್ತಾತ್ರೇಯ ಗೊಲ್ಲ, ವಿನ್ಸೆಂಟ್ ಟಿ ಡಿಸೋಜಾ, ಡಾ. ದೇವಿಪ್ರಸಾದ್ ಬೊಳ್ಮ, ಬಿ ತುಕಾರಾಮ, ಕಿಟ್ ಣ್ ಕುಮಾರ್ ಶೆಟ್ಟಿ ಪಾಲ್ ಪಡೆದಿತ್ತೆರ್.

ಮಂಜೇಶ್ವರ ಹೊಸಂಗಡಿಡ್ ರೈಲು ಅಪಘಾತ| ಮುಂಡಾಜೆದ ಕುಂಞಿಮೋಣಾಕ ಸಾವು

Sep 2, 2021

ಮಂಜೇಶ್ವರ: ಮಂಜೇಶ್ವರದ ಹೊಸಂಗಡಿಡ್ ಇಂಚೋಗು ನಡತಿನ ರೈಲು ಅಪಘಾತದಡ್ ಮುಂಡಾಜೆಡ್ ಅವ್ವೆತೋ ವರ್ಷರ್ದ್ ‌ಇತ್ತಿನ ಕುಂಞಿಮೋಣಾಕ ಮೇರ್ ತೀರ್ ಪೋತೆರ್.

ವಯೋಸಹಜ ಅನಾರೋಗ್ಯಗ್ ತುತ್ತಾದಿತ್ತಿನ ಅರೆನ್ ಆರ್ನ ಕುಟುಂಬವರ್ಗದಕುಲು ಕೆಲ ತಿಂಗೊಲ್ ದ ಪಿರವು ಮಂಜೇಶ್ವರದ ಹೊಸಂಗಡಿ ಪನ್ಪಿನ ಜಾಗೆಡ್ ಆರ್ನ ಕುಟುಂಬ ದಕ್ಲೆನ ಒಟ್ಟುಗು ಪೋದು ಇತ್ತೆರ್ . ಅಲ್ಪ ಅರೆಗ್ ನನಾತ್ ಹುಷಾರ್ ದಾಂತೆ ಪೋಂಡು. ಆತೆ ಅತ್ತoದೆ ಅರೆಸ್ಮೃತಿಡ್ ಇತ್ತಿನ ಆರ್ ತನ್ನ ಎದುರು ಏರ್ ಬತ್ತುಂಡಲ ಗುರ್ತ ತಿಕ್ಕೊಂದು ಇತ್ತುಜಿ.

ಮೆರ್ನ ಅಂತ್ಯಸಂಸ್ಕಾರ ವಿಧಿಲು ಹೊಸಂಗಡಿಡೇ ನಡಪಾವ ಪಂದ್ ಕುಟುಂಬದ ಮೂಲರ್ದ್ ತೆರಿದ್ ಬೈದುಂಡು.

ಸೆಪ್ಟೆಂಬರ್ 4ಕ್ಕ್ ಕುಕ್ಕುಂದೂರು ಗ್ರಾಮ ಪಂಚಾಯತ್ ಗ್ರಾಮಸಭೆ

Sep 2, 2021

ಕಾರ್ಕಳ : ಕುಕ್ಕುಂದೂರು ಗ್ರಾಮ ಪಂಚಾಯತ್‌ದ ಪ್ರಥಮ ಹಂತದ ಗ್ರಾಮ ಸಭೆ ಸೆ. 4ರಂದು ತಾಲೂಕು ಪಂಚಾಯತ್ ಸಭಾಭವನಡ್ ನಡಪರೆ ಉಂಡು ಪಂದ್ ಪಂಚಾಯತ್ ಗುರ್ಕಾರ್ಲಾಯಿನ ಶಶಿಮಣಿ, ಒತ್ತು ಗುರ್ಕಾರ್ಲಾಯಿನ ಅನಿಲ್ ಪೂಜಾರಿ, ಪಿಡಿಒ ಪ್ರಮೀಳಾ ನಾಯಕ್ ಪ್ರಕಟನೆಡ್ ತೆರಿಪಾದೆರ್.

ಅಣ್ಣಿ. ಸಿ. ಶೆಟ್ಟಿ ಗುಂಡ್ಯಡ್ಕ ಮೆರೆಗ್ ಸಮಾಜ ರತ್ನ ಪ್ರಶಸ್ತಿ

Sep 2, 2021

ಕುಡ್ಲ : ನವೀ ಮುಂಬಯಿ ಶ್ರೀ ಮೂಕಾಂಬಿಕಾ ದೇವಸ್ಥಾನ ಟ್ರಸ್ಟ್ ಗುರ್ಕಾರ್ಲಾಯಿನ ಧರ್ಮದರ್ಶಿ ಅಣ್ಣಿ ಸಿ. ಶೆಟ್ಟಿ ಗುಂಡ್ಯಡ್ಕ ಮೇರ್ ಕರ್ನಾಟಕ ಜಾನಪದ ಪರಿಷತ್ ಕೇರಳ ಘಟಕ ಕೊರ್ಪಿನ ಸಮಾಜ ರತ್ನ ಮಾನದಿಗೆ ಪಡೆತೆರ್ . ಕುಡ್ಲಡ್ ನಡತಿನ ಲೇಸ್ ಡ್ ವಿಧಾನ ಪರಿಷತ್ ಸದಸ್ಯ ಕೆ. ಹರೀಶ್ ಕುಮಾರ್ ಪ್ರಶಸ್ತಿ ಪ್ರದಾನ ಮಲ್ತೆರ್ .

ಜೆಡಿಎಸ್ ಕಾರ್ಲ ವಿಧಾನ ಸಭಾ ಕ್ಷೇತ್ರಾಧ್ಯಕ್ಷರಾದ್ ಶ್ರೀ ಶ್ರೀಕಾಂತ್ ಪೂಜಾರಿ

Sep 2, 2021

ಕಾರ್ಲ : ಜೆಡಿಎಸ್ ಕಾರ್ಕಳ ವಿಧಾನಸಭಾ ಕ್ಷೇತ್ರಾಧ್ಯಕ್ಷರಾದ್ ಕುಟ್ಟೂರುದ ಶ್ರೀಕಾಂತ್ ಪೂಜಾರಿ ಮೇರ್ ಆಯ್ಕೆಯಾತೆರ್ . ಆ. 29ಗ್ ಒಡಿಪುದ ಪಕ್ಷದ ಕಚೇರಿಡ್ ಪೊಸ ಪದಾಧಿಕಾರಿಲೆನ್ ಆಯ್ಕೆ ಮಲ್ದೆರ್ ,.

ಕಾರ್ಯಂತೇರಾದ್ ರಂಜಿತ್ ಬಿರ್ವ ಪ್ರಧಾನ ಕಾರ್ಯದರ್ಶಿಯಾದ್ ಸುರೇಶ್ ದೇವಾಡಿಗ, ಶಿವಪ್ರಸಾದ್ ಶೆಟ್ಟಿ, ಒತ್ತು ಗುರ್ಕಾರ್ಲಾದ್ ಸಂಪತ್ ಭಂಡಾರಿ, ರಾಕೇಶ್ ಕುಮಾರ್, ಖಜಾಂಜಿಯಾಗಿ ಸಯ್ಯದ್ ಹರ್ಷದ್, ಕಾರ್ಯದರ್ಶಿಯಾದ್ ಸಂದೇಶ್ ರೆಂಜಾಳ, ಸುಲೈಮಾನ್ ನೆಲ್ಲಿಕಾರು, ನಜೀರ್ ಬಂಗ್ಲೆಗುಡ್ಡೆ, ಸಾಕು ಬೆಳಂಜೆ ಮೆರೆನ್ ಆಯ್ಕೆ ಮಲ್ದೆರ್ ಪಂದ್ ಜಾತ್ಯಾತೀತ ಜನತಾದಳ ಜಿಲ್ಲಾಧ್ಯಕ್ಷ ಯೋಗೀಶ್ ವಿ. ಶೆಟ್ಟಿ ಪ್ರಕಟನೆಡ್ ತೆರಿಪಾದೆರ್.