ಬೊಲ್ತೆರ್ ಸುದ್ದಿ | Belthangady News

ಕಮಿಷನರೇಟ್ ವ್ಯಾಪ್ತಿಡ್ 157 ಕಡೆಟ್ ಪತ್ತೆರ್ ಸೇರ್ದು ಗಣಪತಿ ಪ್ರತಿಷ್ಠಾಪನೆ ಮಲ್ತೆರ್

Sep 10, 2021

ಕುಡ್ಲ, ಸೆ.10: ಕಮಿಷನರೇಟ್ ವ್ಯಾಪ್ತಿಡ್ ಒಟ್ಟು 157 ಕಡೆಡ್ ಭಕ್ತೆರ್ ಸೇರ್ದು ಗಣಪತಿನ್ ಪ್ರತಿಷ್ಠಾಪನೆ ಅಂಚನೆ ಆಚರಣೆ ಮಲ್ತೊಂದಿತ್ತುದ್, ಸರ್ಕಾರದ ಅದೇಶಲೆನ್ ಅಂಚನೆ ಮಾರ್ಗಸೂಚಿನ್ ಕಟ್ಟಿನಿಟ್ಟಾದ್ ಪಾಲಿಸಾವೊಡ್ ಪಂದು ನಗರ ಪೊಲೀಸ್ ಕಮಿಷನರ್ ತೆರಿಪಾಯೆರ್.

ದೇವೆರೆನ್ ತೂಯರೆ ಬರ್ಪುನ ಭಕ್ತಾದಿಲ್ ಕಡ್ಡಾಯವಾದ್ ಮಾಸ್ಕ್ ಪಾಡುದ್ ಸಾಮಾಜಿಕ ಅಂತರನ್ ಕಾಪಡೊಡ್. ಜನಕುಲೆಗ್ ಅಂಚನೆ ಗಾಡಿ ಪೊಯರೆ ಒವ್ವೆ ರೀತಿದ ತೊಂದರೆ ಆವಂದೆ ಗಣೇಶನ್ ಪ್ರತಿಷ್ಠಾಪನೆ ಮನ್ಪರೆ ಪ್ರಕಟನೆಡ್ ತೆರಿಪಾದುಂಡು.

ನಗರೊಡ್ ಶಾಂತಿ ಅಂಚನೆ ಸುವ್ಯವಸ್ಥೆನ್ ಕಾಪಾಡರೆ 3 ಡಿಸಿಪಿ, 5 ಎಸಿಪಿ, 24 ಪಿಐ , 62 ಪಿಎಸ್ಐ, 1,222 ಎಎಸ್ಐ ಬೊಕ್ಕ ಸಿಬ್ಬಂದಿಲ್ 6 ಸಿಎಆರ್ ಅಂಚನೆ 5 ಕೆಎಸ್ಆರ್ ಪಿ ತುಕಡಿನ್ ನಿಯೋಜಿಸಾದೆರ್. ಶೇಕಡಾ 90 ದಾತು ಗಣೇಶ ವಿಸರ್ಜನೆದ ಉತ್ಸವಲ್ ಸುರುತ ದಿನನೇ ಉಂಡು ಪಂಡು ಕಮಿಷನರ್ ಕಚೇರಿ ಪ್ರಕಟಣೆಡ್ ತೆರಿಪಾಯೆರ್.

ಕುಡ್ಲದ ಉತ್ತಮ ಶಿಕ್ಷಕಿ ಮಾನದಿಗೆ ಪಡೆಯಿನ ಶ್ರೀಮತಿ ಪ್ರತಿಮಾಗ್ ಮಾನದಿಗೆ

Sep 10, 2021

ಕುಡ್ಲದ : ಕುಡ್ಲದ ಉತ್ತಮ ಶಿಕ್ಷಕ ಮಾನದಿಗೆ ಪಡೆಯಿನ ಶಿಕ್ಷಕಿಯಾಯಿನ ಶ್ರೀಮತಿ ಪ್ರತಿಮಾ ಹೆಬ್ಬಾರ್ ಮಾಡೂರು ಮೆರೆಗ್ ಅಮೃತನಗರ ಸೇವಾ ಸಮಿತಿ (ರಿ) ಅಮೃತ ನಗರ ಕುಂಪಲ ನೆತ್ತ ವತಿರ್ದ್ ಮಾನದಿಗೆ ಮಲ್ತೆರ್.

ಈ ಪೊರ್ತುಡು ಶಿಕ್ಷಕೆರಾಯಿನ ಶ್ರೀಮತಿ ಕವಿತಾ ಬೊಕ್ಕ ಶ್ರೀಮತಿ ಯಮುನಾ, ಕೋಟೆಕಾರು ಪಟ್ಟಣ ಪಂಚಾಯತಿದ ಮಾಜಿ ಒತ್ತು ಗುರ್ಕಾರ್ಲಾಯಿನ ಶ್ರೀ ಅನಿಲ್ ಬಗಂಬಿಲ,ಸೋಮೇಶ್ವರ ಗ್ರಾಮ ಪಂಚಾಯತಿದ ಮಾಜಿ ಗುರ್ಕಾರ್ಲಾಯಿನ ಶ್ರೀಮತಿ ಕಮಲ ಬೊಕ್ಕ ಅಮೃತನಗರ ಸೇವಾ ಸಮಿತಿದ ಗುರ್ಕಾರ್ಲು ಬೊಕ್ಕ ಸರ್ವ ಸದಸ್ಯೆರ್ ಪಾಲ್ ಪಡೆದಿತ್ತೆರ್ .

ರೇಡಿಯೋ ಮಣಿಪಾಲ್ 90.4 Mh : -ದೇಸಿ ಸೊಗಡು ಸಮುದಾಯ ಬಾನುಲಿ

Sep 9, 2021

ಮಣಿಪಾಲ : ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ” ಪನ್ಪಿನ ಬಾನುಲಿ ಸರಣಿ ಲೇಸ್ ಡ್ ಸೆಪ್ಟೆಂಬರ್ ತಿಂಗೊಲ್ ದ ತಾರೀಖ್ 9 ನೆ ಗುರುವಾರ ಬೈಯ್ಯಗ್ 6 ಗಂಟೆಗ್ ಸಾಂಪ್ರದಾಯಿಕ ಪರ್ವದ ಆಚರಣೆ ಬೊಕ್ಕ ಪರಿಸರ ಸಂರಕ್ಷಣೆಗಾದ್ ನೈಸರ್ಗಿಕ ಉತ್ಪನ್ನದ ಬಳಕೆದ ಬಗ್ಗೆ ಕಾರ್ಯಕ್ರಮ ಪ್ರಸಾರ ಆಯರೇ ಉಂಡು .ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ ಕಾರವಾರದ ಪರಿಸರಾಧಿಕಾರಿ ಡಾ.ಹೆಚ್.ಲಕ್ಷ್ಮೀಕಾಂತ್ ಪಾಲ್ ಪಡೆಯರೇ ಉಲ್ಲೆರ್.

ಸೆಪ್ಟೆಂಬರ್ 10 ತಾರೀಖ್ ಗ್ ಮಧ್ಯಾಹ್ನ 1ಗಂಟೆಗ್ ನೆತ್ತ ಮರುಪ್ರಸಾರ ಉಂಡು .

ಸಾಕಾರ : ಒಡಿಪು ಜಿ.ಪಂ

ಕರ್ನಾಟಕದ ಮಾತಾ ಗಡಿಜಿಲ್ಲೆಡ್ ವೀಕೆಂಡ್ ಕರ್ಪ್ಯೂ ರದ್ದು

Sep 9, 2021

ಬೆಂಗ್ಳೂರು: ಕರ್ನಾಟಕದ ಗಡಿ ಜಿಲ್ಲೆಡ್ ವೀಕೆಂಡ್ ಕರ್ಫ್ಯೂ ಉಂತಾದ್ ರಾಜ್ಯ ಸರ್ಕಾರ ಆದೇಶ ಕೊರ್ತುಂಡು . ಕೊಡಗು, ಕುಡ್ಲ , ಒಡಿಪು , ಹಾಸನಡ್ ಇತ್ತೆ ಜಾರಿಡ್ ಇತ್ತಿನ ವಾರಾಂತ್ಯದ ಕರ್ಫ್ಯೂನ್ ತೆರವು ಮಲ್ಪರೆ ಆದೇಶ ಕೊರ್ತೆರ್ .

ಗಡಿ ಜಿಲ್ಲೆಡ್ ಶೇ.2ರ್ದ್ ಕಮ್ಮಿ ಪಾಸಿಟಿವಿಟಿ ತೊಜಿದ್ ಬತ್ತಿನ ಕಾರಣ ಈ ನಿರ್ಧಾರ ದೆತೊನ್ದೆರ್ . ಆಂಡ ಕೊವಿಡ್ ಸೋಂಕು ಜಾಸ್ತಿ ಆಂಡ ಜಿಲ್ಲೆ ಜಿಲ್ಲಾಧಿಕಾರಿಲು ಕರ್ಫ್ಯೂ ಜಾರಿ ಮಲ್ಪೊಲಿ .

ಎಲೆಕ್ಟ್ರಿಕ್ ಗಾಡಿ ದೆತೊಂನಕುಲೆಗ್ ಚೀಪೆ ಸುದ್ದಿ ಕೊರ್ನ ಇಂಧನ ಸಚಿವೆರ್ ಸುನೀಲ್ ಕುಮಾರ್

Sep 9, 2021

ಬೆಂಗ್ಳೂರ್, ಸೆ.9: ಮಸ್ತು ಸಂಖ್ಯೆಡ್ ಎಲೆಕ್ಟ್ರಿಕ್ ಗಾಡಿಲ್ ಬರ್ಪುನೆಡ್ದಾವರ ಎಲೆಕ್ಟ್ರಿಕ್ ರೀಜಾರ್ಜ್ ಸೆಂಟರ್ ಲೆನ್ ನನ ದುಂಬುದ ದಿನೊಟ್ ರಾಜ್ಯಾದ್ಯಂತ ಓಪನ್ ಆಯಾರೆ ಉಂಡು ರಾಜ್ಯದ ಇಂಧನ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರ್ ಆಯಿನ ವಿ. ಸುನೀಲ್ ಕುಮಾರ್ ಪಂಡೆರ್.

ಮಲ್ಲೇಶ್ವರಂ ಬಿಜೆಪಿ ರಾಜ್ಯ ಕಾರ್ಯಾಲಯಡ್ ಪಾತೆರ್ದಿನ ಆರ್, ಎಲೆಕ್ಟ್ರಿಕ್ ಗಾಡಿದ ಸೌಕರ್ಯಗಾದ್ ಮಾತ ಜಿಲ್ಲಾ ಕೇಂದ್ರ, ಪ್ರವಾಸೋದ್ಯಮ ಕೇಂದ್ರಲೆಡ್ ರೀಜಾರ್ಜ್ ಕೇಂದ್ರ ನ್ ಒಪನ್ ಮಲ್ಪರೆ ಎಸ್ಕಾಂದಕುಲೆಗ್ ಪಂತೆರ್. ರಾಜ್ಯದ ಸರಕಾರಿ ಕಛೇರಿಡ್ ಪ್ರೀಪೇಯ್ಡ್ ಕರೆಂಟ್ ದ ಮೀಟರ್ ಲೆನ್ ದಿಯಾರ ಉಂಡು ಪಂದು ಪಂಡೆರ್.

ಕುಡ್ಲ ವಿಶ್ವ ವಿದ್ಯಾನಿಲಯದ 6 ನೇ ಸೆಮಿಸ್ಟರ್ ಪರೀಕ್ಷೆ ಆವಾಂದೆ 40 ಸಾರ ಜೋಕುಲ್ ಕಷ್ಟಡ್

Sep 9, 2021

ಕುಡ್ಲ, ಸೆ.9: ಕುಡ್ಲ ವಿಶ್ವ ವಿದ್ಯಾನಿಲಯ ವ್ಯಾಪ್ತಿದ 6ನೇ ಸೆಮಿಸ್ಟರ್ ಪರೀಕ್ಷೆ ನನಲ ಅವಂದಿನ ಕಾರಣ ಸುಮಾರು 40 ಸಾರ ಜೋಕುಲ್ ಕಷ್ಟಗ್ ತಿಕ್ಕುದು ಬೂರ್ದೆರ್. ಬೇತೆ ಕೋರ್ಸುಗ್ ಸೇರುಗ ಪನ್ನಗ 6 ನೇ ಸೆಮಿಸ್ಟರ್ ದ ಅಂಕಪಟ್ಟಿನ್ ಕೇನುನೆಡ್ದಾವರ ಜೋಕುಲೆಗ್ ದಿಕ್ಕು ತೊಜಾಂದಿಲೆಕ ಆತುಂಡು.

ಜೋಕುಲ್ನ ಭವಿಷ್ಯದ ದೃಷ್ಟಿಡ್ದು 6 ನೇ ಸೆಮಿಸ್ಟರ್ ಡ್ ಬಾಕಿ ಇತ್ತಿನ ತರಗತಿಲೆನ್ ಆಯಿನಾತು ಬೇಗ ಮುಗಿಪಾದ್ ಪರೀಕ್ಷೆಲೆನ್ ಬೇಗ ಮಲ್ಪಾಯೆರ ವಿ.ವಿ ಚಿಂತನೆ ಮಲ್ತೊಂದು ಉಂಡು.

ಸೆಪ್ಟೆಂಬರ್ ಅಕೇರಿಗ್ ಪರೀಕ್ಷೆ ಸುರು ಆಂಡ, ಬೊಕ್ಕ 10 ದಿನತ್ತೊಲಾಯಿ ಮುಗಿಪಾದ್, ಆಯಿಬೊಕ್ಕ 15 ದಿನತ್ತ ಉಲಾಯಿ ಮೌಲ್ಯಮಾಪನನ್ ಮುಗಿಪಾದ್ ಅಕ್ಟೋಬರ್ ನಡುಟ್ ಫಲಿತಾಂಶನ್ ಪ್ರಕಟನೆ ಮಲ್ಪುವೆರ್ ಪಂದು ವಿ.ವಿ.ಚಿಂತನೆ ಮಲ್ತುದುಂಡು.

ದೇವಸ್ಥಾನಗ್ ಪಾಡಿನ ನಿರ್ಬಂಧ, ಆದೇಶನ್ ಜಿಲ್ಲಾಡಳಿತ ಪಿರ ದೆತ್ತುಂಡು

Sep 9, 2021

ಕುಡ್ಲ, ಸೆ.9: ಕೊರೊನಾ ಸೀಕುನ್ ತಡೆಗಟ್ಟುನ ಹಿನ್ನಲೆಡ್ ತುಳುನಾಡುದ ಪ್ರಮುಖ ದೇವಸ್ಥಾನಲೆಗ್ ಈ ಪಿರವು ದೀತಿನ ನಿರ್ಬಂಧ, ಮಾರ್ಗಸೂಚಿಲೆನ್ ಪಿರ ದೆತೊಂಡು ಪೊಸ ಆದೇಶನ್ ದಿಯೆರ್.

ಶ್ರೀ ಕ್ಷೇತ್ರ ಧರ್ಮಸ್ಥಳ ಬೊಕ್ಕ ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಡ್ ಬೊಲ್ ಲ್ಪುಗು 7 ಗಂಟೆಡ್ದು ಬಯ್ಯ 7 ಗಂಟೆ ಮುಟ್ಟ ಮಾತ್ರ ಒಪನ್ ಆದ್ ಇಪ್ಪುಂಡು. ಭಕ್ತಾದಿಲೆಗ್ ದೇವೆರೆನ್ ತೂಯರೆ, ತೀರ್ಥ ಪ್ರಸಾದ, ನುಪ್ಪು ಸೇವೆ ಇಂದೆಟ್ ಪೂರ ಪಾಲ್ ಪಡೆಯೋಲಿ. ವಾರ ಅಕೇರಿದ ಕರ್ಫ್ಯೂ ಡ್ ಭಕ್ತಾದಿಲೆಗ್ ದೇವೆರ್ನ ದರ್ಶನಗ್ ಅವಕಾಶ ಇಪ್ಪುಜಿ.

ಚೌತಿ ಪರ್ಬಗ್ ರಾಜ್ಯ ಸರ್ಕಾರದ ದಾದ ನಿಯಮ ಉಂಡು ಅವ್ವೆ ಕುಡ್ಲಡ್ ಲ ಇಪ್ಪುಂಡು; ಡಾ. ರಾಜೇಂದ್ರ ಕೆ.ವಿ

Sep 9, 2021

ಕುಡ್ಲ, ಸೆ.9: ಸಾರ್ವಜನಿಕ ಗಣೇಶೋತ್ಸವಗ್ ರಾಜ್ಯ ಸರ್ಕಾರದ ದಾದ ನಿಯಮ ಉಂಡು ಅವ್ವೆ ಕುಡ್ಲ ಡ್ ಲ ಇಪ್ಪುಂಡು. ಬೇತೆ ಒವ್ವೆ ರೀತಿದ ನಿಯಮಲ್ ಇಪ್ಪುಜ ಪಂದು ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ ತೆರಿಪಾಯೆರ್.

ರಾಜ್ಯ ಸರ್ಕಾರ ಪಂತಿನ ಆದೇಶದಂಚೆ ಒರಕ್ 20 ಜನ ಮಾತ್ರ ಇಪ್ಪೊಡ್. ಆಯಿಡ್ದು ಜನ ಸೇರ್ರ ಬಲ್ಲಿ. ಒವ್ವೆ ರೀತಿದ ಗೌಜಿ ಇಜ್ಜಂದೆ ಇಲ್ಲ್, ದೇವಸ್ಥಾನ ಅಂಚನೆ ಸಾರ್ವಜನಿಕ ಸ್ಥಳಟ್ ಕಮ್ಮಿ ಜನಕುಲ್ ನೊಟ್ಟುಗ್ 5 ದಿನ ಮಾತ್ರ ಚೌತಿ ಪರ್ಬನ್ ಆಚರಣೆ ಮಲ್ಪೊಡು ಪಂದು ಪಂಡೆರ್.

ಇನಿ ಕುಡ್ಲಡ್ ಮಸ್ತು ಕಡೆಟ್ ಕರೆಂಟ್ ದ ತಾಪತ್ರೆ

Sep 9, 2021

ಕುಡ್ಲ ಸೆ.9: ನಗರದ ನೆಹರೂ ಮೈದಾನ ಉಪಕೇಂದ್ರಡ್ ದು ಪಿದಡುನ ಸೌತ್ ವಾರ್ಫ್ ಫೀಡರ್ ಡು ಮಸ್ತು ಬದಲಾವಣೆ ಆಯರೆ ಉಂಡು. ಅಂಚನೆ ಜೆಒಎಸ್ ದುರಸ್ತಿ ಕಾಮಗಾರಿದ ಬೇಲೆಲ್ ಇಪ್ಪುನೆಡ್ದಾವರ ಸೆ.9 ಗ್ ಬೊಲ್ಪುಗು 10 ತೆಡ್ದು ಬಯ್ಯ 5 ಗಂಟೆ ಮುಟ್ಟ ನಗರೊದ ಹ್ಯಾಮಿಲ್ಟನ್ ಸರ್ಕಲ್, ಡಿ.ಸಿ.ಆಫೀಸ್, ಸೈoಟ್ ಆನ್ಸ್, ನೀರೇಶ್ವಾಲ್ಯ ರೋಡ್, ಗೂಡ್ ಶೇಡ್ ಮಾರ್ಗ, ಬದ್ರಿಯಾ ಮಾರ್ಗ, ಬಂದರ್, ದಕ್ಕೆ ಅಂಚನೆ ಮುಲ್ಪದ ಕೈತಲ್ ದ ಪ್ರದೇಶಡ್ ಇನಿ ಕರೆಂಟ್ ಇಪ್ಪುಜಿ ಪಂದು ಮೆಸ್ಕಾಂ ಪ್ರಕಟನೆಡ್ ತೆರಿಪಾದೆರ್.

ನಂದಾವರ ಶ್ರೀ ವಿನಾಯಕ ಶಂಕರನಾರಾಯಣ ದುರ್ಗಾಂಬಾ ಕ್ಷೇತ್ರ : ಚೌತಿ ಉಚ್ಚಯ

Sep 9, 2021

ನಂದಾವರ : ನಂದಾವರ ಶ್ರೀ ವಿನಾಯಕ ಶಂಕರನಾರಾಯಣ ದುರ್ಗಾಂಬಾ ಕ್ಷೇತ್ರ ಡ್ ತಾ. 10-09-2021 ಕ್ಕ್ ಗಣೇಶ ಚತುರ್ಥಿದ ಪ್ರಯುಕ್ತ,ಚೌತಿ ಉಚ್ಚಯ ನಡಪರೆ ಉಂಡು.ಅವ್ವೆ ದಿನ ಕಾಂಡೆ 6 ಗಂಟೆಗ್ ಗಣಪತಿ ಹೋಮ, ಬೆ.7:30ಕ್ , ಪೂರ್ಣಾಹುತಿ, ಬೊಕ್ಕ ಧಾನ್ಯ ಲಕ್ಷ್ಮಿನ ಪೂಜೆ, ಕುರಲ್ ಪರ್ಬ , ಮಧ್ಯಾಹ್ನ ಮೂಜಿ ದೇವೆರೆಗ್ ಮಹಾಪೂಜೆ, ಭಗವದ್ಭಕ್ತೆರೆಗ್ ಮಹಾ ಪ್ರಸಾದ ಭೋಜನ, ಬೊಕ್ಕ ಭಗವದ್ಭಕ್ತೆರೆಗ್ ಕಾಂಡೆ 7:30 ಕ್ ಕುರಲ್ ಪಟ್ಟುನ ಲೇಸ್ ನಡಪರೆ ಉಂಡು .

ಈ ಉಚ್ಚಯಡ್ ಮಾಗಣೆದ ಬೊಕ್ಕ ಕ್ಷೇತ್ರದ ಸಮಸ್ತ ಭಗವದ್ಭಕ್ತೆರ್ ಈ ಪುಣ್ಯ ಕಾರ್ಯಡ್ ಪಾಲ್ ಪಡೆಯೋಡು ಪಂದ್ ಶ್ರೀಕ್ಷೇತ್ರ, ನಂದಾವರದ ಗುರ್ಕಾರ್ಲು ಬೊಕ್ಕ ಸರ್ವ ಸದಸ್ಯೆರ್ ಬಿನ್ನಾಪು ಮಲ್ದೆರ್.

M	T	W	T	F	S	S
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

ಬೊಲ್ತೆರ್ ಸುದ್ದಿ | Belthangady News

ಕಮಿಷನರೇಟ್ ವ್ಯಾಪ್ತಿಡ್ 157 ಕಡೆಟ್ ಪತ್ತೆರ್ ಸೇರ್ದು ಗಣಪತಿ ಪ್ರತಿಷ್ಠಾಪನೆ ಮಲ್ತೆರ್

ಕುಡ್ಲದ ಉತ್ತಮ ಶಿಕ್ಷಕಿ ಮಾನದಿಗೆ ಪಡೆಯಿನ ಶ್ರೀಮತಿ ಪ್ರತಿಮಾಗ್ ಮಾನದಿಗೆ

ರೇಡಿಯೋ ಮಣಿಪಾಲ್ 90.4 Mh : -ದೇಸಿ ಸೊಗಡು ಸಮುದಾಯ ಬಾನುಲಿ

ಕರ್ನಾಟಕದ ಮಾತಾ ಗಡಿಜಿಲ್ಲೆಡ್ ವೀಕೆಂಡ್ ಕರ್ಪ್ಯೂ ರದ್ದು

ಎಲೆಕ್ಟ್ರಿಕ್ ಗಾಡಿ ದೆತೊಂನಕುಲೆಗ್ ಚೀಪೆ ಸುದ್ದಿ ಕೊರ್ನ ಇಂಧನ ಸಚಿವೆರ್ ಸುನೀಲ್ ಕುಮಾರ್

ಕುಡ್ಲ ವಿಶ್ವ ವಿದ್ಯಾನಿಲಯದ 6 ನೇ ಸೆಮಿಸ್ಟರ್ ಪರೀಕ್ಷೆ ಆವಾಂದೆ 40 ಸಾರ ಜೋಕುಲ್ ಕಷ್ಟಡ್

ದೇವಸ್ಥಾನಗ್ ಪಾಡಿನ ನಿರ್ಬಂಧ, ಆದೇಶನ್ ಜಿಲ್ಲಾಡಳಿತ ಪಿರ ದೆತ್ತುಂಡು

ಚೌತಿ ಪರ್ಬಗ್ ರಾಜ್ಯ ಸರ್ಕಾರದ ದಾದ ನಿಯಮ ಉಂಡು ಅವ್ವೆ ಕುಡ್ಲಡ್ ಲ ಇಪ್ಪುಂಡು; ಡಾ. ರಾಜೇಂದ್ರ ಕೆ.ವಿ

ಇನಿ ಕುಡ್ಲಡ್ ಮಸ್ತು ಕಡೆಟ್ ಕರೆಂಟ್ ದ ತಾಪತ್ರೆ

ನಂದಾವರ ಶ್ರೀ ವಿನಾಯಕ ಶಂಕರನಾರಾಯಣ ದುರ್ಗಾಂಬಾ ಕ್ಷೇತ್ರ : ಚೌತಿ ಉಚ್ಚಯ

You Missed

“ಕುಡ್ಲಡ್ ನೀರ್‌ದ ಸಮಸ್ಯೆ ಪರಿಹಾರಗ್ ತುಂಬೆ ಡ್ಯಾಮ್ ಎತ್ತರ ಮಲ್ಪಾಲೆ, ಕಡಲ್‌ದ ನೀರ್ ಶುದ್ದ ಮಲ್ಪಾಲೆ”

ಸೆ.27 : ಶಿವಾಯ ಫೌಂಡೇಶನ್(ರಿ) ವತಿರ್ದ್ ಶೈಕ್ಷಣಿಕ ಸಹಾಯ, ಪ್ರತಿಭಾ ಪುರಸ್ಕಾರ, ವಿದ್ಯಾ ಪ್ರೇರಣಾ 2026

ನಿಡ್ಲೆ ಗೋವಿಂದ ಭಟ್ರೆಗ್ ಮಂಡೆಚ್ಚ ಪ್ರಶಸ್ತಿ -2026

ಪಾವಂಜೆ ಜಂಕ್ಷನ್ ಡ್ ಬ್ಯಾರಿಕೇಡ್ ಗ್ ತಾಂಟಿನ ಮೀನ್ ದ ಲಾರಿ – ತತ್ತಿನ ಮಲ್ಲ ಅನಾಹುತ