ಬೊಲ್ತೆರ್ ಸುದ್ದಿ | Belthangady News

ಉಜಿರೆ ಎಸ್.ಡಿ.ಎಂ ಮಲ್ಟಿ ಸ್ಪೆಷಾಲಿಟಿ ಆಸ್ಪತ್ರೆದ ದಂತ ಚಿಕಿತ್ಸಾ ಕೇಂದ್ರಡ್ ಸುರುತ್ತ ವರ್ಷದ ವರ್ಷಾಚರಣೆ

ಪೂಜ್ಯ ಡಾ.ಡಿ. ವೀರೇಂದ್ರ ಹೆಗ್ಗಡೆರ್ ಬೊಕ್ಕ ಮಾತೃಶ್ರೀ ಹೇಮಾವತಿ ವಿ. ಹೆಗ್ಗಡೆರೆನ ಯೋಚನೆದಂಚ ಉಜಿರೆ ಎಸ್.ಡಿ.ಎಂ ಮಲ್ಟಿ-ಸ್ಪೆಷಾಲಿಟಿ ಆಸ್ಪತ್ರೆಡ್ ಸುರು ಆಯಿನ ದಂತ ಚಿಕಿತ್ಸಾ ಕೇಂದ್ರದ ಸುರುತ್ತ ವರ್ಷದ ವರ್ಷಾಚರಣೆನ್ ಜುಲೈ 11 ಕ್ಕ್ ಆಚರಣೆ ಮಲ್ತೆರ್.

2022 ಜುಲೈ 11 ಕ್ಕ್ ಹರ್ಷೇಂದ್ರ ಕುಮಾರ್ ಮೆರೆರ್ದ್ ಈ ದಂತ ಚಿಕಿತ್ಸಾ ಕೇಂದ್ರ ಉದಿಪನ ಆದಿತ್ತ್‌ದ್, ಇತ್ತೆ ಒಂಜಿ ವರ್ಷ ಆತಿನೆಡ್ದಾವರ ಕೇಕ್ ಕಟ್ಟ್ ಮಲ್ತ್‌ದ್ ವರ್ಷಾಚರಣೆ ಮಲ್ತೆರ್.

ಉಜಿರೆದ ದಂತ ಚಿಕಿತ್ಸಾ ತಜ್ಞೆರ್ ಡಾ| ದಯಾಕರನ್ ಪಾತೆರ್ದ್, ಉಜಿರೆ ಎಸ್.ಡಿ.ಎಂ ಆಸ್ಪತ್ರೆ ಎಡ್ಡೆ ಸೇವೆ ಬೊಕ್ಕ ಸ್ವಚ್ಚತೆಗ್ ಪುದರ್ ಪಡೆತ್ಂಡ್ ಪಂದ್ ಪಂಡೆರ್.

ಉಜಿರೆ ಎಸ್.ಡಿ.ಎಂ ಆಸ್ಪತ್ರೆ ಒಂಜಿ ಕುಟುಮದ ಪರಿಕಲ್ಪನೆಡ್ ಪೂಜ್ಯ ಡಾ.ಡಿ. ವೀರೇಂದ್ರ ಹೆಗ್ಗಡೆ ಮೆರೆನ ನಿರ್ದೇಶನಡ್ ವೈದ್ಯಕೀಯ ಸೇವೆ ಕೊರೊಂದಿಪ್ಪುನೆಡ್ದಾವರ ಮುಲ್ಪ ರೋಗಿಲೆಗ್ ಎಡ್ಡೆ ಸೇವೆ ಕೊರಿಯರೆ ಸಾಧ್ಯ ಆವೊಂದುಂಡು. ಎಸ್.ಡಿ.ಎಂ ಆಸ್ಪತ್ರೆದ ದಂತ ಚಿಕಿತ್ಸಾ ಕೇಂದ್ರ ಸುರುತ್ತ ವರ್ಷಡೇ 3 ಸಾರರ್ದ್ ಎಚ್ಚಗ್ ದಂತಚಿಕಿತ್ಸೆನ್ ಕೊರ್ತ್ಂಡ್ ಪಂದ್ ಆಸ್ಪತ್ರೆದ ನಿರ್ದೇಶಕೆರ್ ಎಂ. ಜನಾರ್ದನ್ ಪಂಡೆರ್.

ಈ ಪೊರ್ತುಡು ದಂತ ಚಿಕಿತ್ಸಾ ತಜ್ಞೆರ್ ಡಾ| ಮೀರಾ ಅನುಪಮ್, ವೈದ್ಯಕೀಯ ಅಧೀಕ್ಷಕೆರ್ ಡಾ| ದೇವೇಂದ್ರ ಕುಮಾರ್. ಪಿ, ವೈದ್ಯಾಧಿಕಾರಿ ಡಾ| ಸಾತ್ವಿಕ್ ಜೈನ್ ಲೇಸ್‌ಡ್ ಪಾಲ್ ಪಡೆದಿತ್ತೆರ್. ವಿಮಾ ವಿಭಾಗದ ಜಗನ್ನಾಥ್ ಲೇಸ್ ಸುಧಾರಿಕೆ ಮಲ್ತೆರ್.

ಚಾರ್ಮಾಡಿ: ಕಲ್ವ ಸಾದಿಡ್ ಪೊಯ್ಯೆ ಸಾಗಾವೊಂದಿತ್ತಿನ ಲಾರಿ ಪೊಲೀಸೆರ್‍ನ ವಶಕ್ಕ್

ಬೊಲ್ತೇರ್: ಚಾರ್ಮಾಡಿಡ್ ಲೈಸನ್ಸ್ ಇಜ್ಜಂದೆ ಕಲ್ವ ಸಾದಿಡ್ ಪೊಯ್ಯೆ ಸಾಗಾವೊಂದಿತ್ತಿನ ಲಾರಿನ್ ಧರ್ಮಸ್ಥಳ ಪೊಲೀಸೆರ್ ವಶಕ್ಕ್ ದೆತೊಂದೆರ್.

ಚಾರ್ಮಾಡಿಡ್ ಮುನೀರ್ ಪನ್ಪಿನರೆಗ್ ಸೇರಿನ ಸುಲ್ತಾನ್ ಪುದರ್‌ದ ಲಾರಿನ್ ಉಂತಾದ್ ತಪಾಸಣೆ ಮಲ್ಪುನಗ ಅವೆಟ್ ಸಂಬಂದಪಟ್ಟಿನ ಲೈಸನ್ಸ್ ಬೊಕ್ಕ ದಾಖಲೆನ್ ಕೆನ್ನಗ ಒವ್ವೇ ದಾಖಲೆ ಇಜ್ಜಿ ಪಂದಿತ್ತೆರ್. ಅಪಗ ಲಾರಿನ್ ವಶಕ್ಕ್ ದೆತೊನಿನ ಧರ್ಮಸ್ಥಳ ಪೊಲೀಸೆರ್ ನನದ ಕ್ರಮಗಾದ್ ಗಣಿ ಇಲಾಖೆಗ್ ವರದಿ ಸಂದಾದೆರ್.

Beltangady: Boy dies after swing rope gets stuck around his neck ಬೊಲ್ತೇರ್: ಜೋಕಾಲಿಡ್ ಗೊಬ್ಬೊಂದಿಪ್ಪುನಗ ತಿರ್ತ್ ಬೂರ್ದು ತೀರ್ ಪೋಯಿನ ಆಣ್

ಬೊಲ್ತೇರ್: ಸೀರೆಡ್ ಕಟ್ಟ್‌ದಿನ ಜೋಕಾಲಿಡ್ ಗೊಬ್ಬೊಂದಿಪ್ಪುನಗ ಆಣ್ ಒರಿ ತಿರ್ತ್ ಬೂರ್ದು ತೀರ್ ಪೋಯಿನ ಘಟನೆ ಬೊಲ್ತೇರ್ ತಾಲೂಕ್‌ದ ದಿಡುಪೆಡ್ ನಡತ್ಂಡ್.

ಬೊಲ್ತೇರ್‌ದ ಮಲವಂತಿಗೆ ಗ್ರಾಮದ ಮಂಟಮೆ ನಿವಾಸಿ ಬಾಲಕೃಷ್ಣ ಪನ್ಪಿನರೆನ ಮಗೆ ಶ್ರೀಶ (13) ತೀರ್ ಪೋಯಿನ ಆಣ್. ಇಲ್ಲಡ್ ಏರ್ ಇಜ್ಜಂದಿನ ಪೊರ್ತುಡು ಸೀರೆಡ್ ಪಾಡ್ದಿನ ಜೋಕಾಲಿಡ್ ಗೊಬ್ಬುದೆ. ಬೊಲ್ತೇರ್ ಪೊಲೀಸ್ ಠಾಣೆದ ಸಬ್ ಇನ್ಸ್‌ಪೆಕ್ಟರ್ ಧನರಾಜ್ ಬೊಕ್ಕ ಸಿಬ್ಬಂದಿಲು ಜಾಗೆಗ್ ಭೇಟಿ ಕೊರ್ದು ಪರಿಶೀಲನೆ ಮಲ್ತ್‌ದೆರ್.

Beltangady: Boy dies after swing rope gets stuck around his neck

Beltangady: A tragic incident occurred when a young boy lost his life while playing on a swing, as the rope got entangled around his neck.

The victim, Srisha, a 14-year-old student in 8th grade and the son of Balakrishna from Mantame village in Malavantige taluk, met with this unfortunate accident.

ಪುಂಜಾಲಕಟ್ಟೆ: ತಾಲೂಕು ಮಟ್ಟದ ಸ್ವಾಸ್ತ್ಯ ಸಂಕಲ್ಪ ಲೇಸ್

ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ(ರಿ) ಮಡಂತ್ಯಾರು ವಲಯ ಅಖಿಲ ಜನಜಾಗೃತಿ ವೇದಿಕೆ ಬೊಲ್ತೇರ್ ಬೊಕ್ಕ ಪ್ರಥಮ ದರ್ಜೆ ಕಾಲೇಜು ಪುಂಜಾಲಕಟ್ಟೆ ಮೊಕಲೆನ ಒಟ್ಟು ಸೇರಿಗೆಡ್ ಪ್ರಥಮ ದರ್ಜೆ ಕಾಲೇಜಿಡ್ ತಾಲೂಕು ಮಟ್ಟದ ಸ್ವಾಸ್ತ್ಯ ಸಂಕಲ್ಪ ಲೇಸ್ ನಡತ್ಂಡ್. ಈ ಲೇಸ್‌ನ್ ಕಾಲೇಜಿದ ಪ್ರಾಂಶುಪಾಲೆರ್ ಡಾ. ಟಿ.ಕೆ. ಶರತ್ ಕುಮಾರ್ ಉದಿಪನ ಮಲ್ತೆರ್.

ಸಂಪನ್ಮೂಲ ವ್ಯಕ್ತಿಯಾದ್ ಪಾಲ್ ಪಡೆಯಿನ ಜನ ಜಾಗೃತಿ ವೇದಿಕೆದ ಪ್ರಾದೇಶಿಕ ನಿರ್ದೇಶಕೆರ್ ವಿವೇಕ್ ವಿನ್ಸೆಂಟ್ ಪಾಯಸ್ ಪಾತೆರ್ದ್ ಗಂಗಸರ ಪರ್ಪಿನವು ಬೊಕ್ಕ ಮಾದಕ ವಸ್ತುದ ಚಟರ್ದ್ ಸೀಕ್ ಬರ್ಪುಂಡು. ಆತ್ಮಹತ್ಯೆ ಇಂಚಿತ್ತಿನ ಘಟನೆಲು ಗಂಗಸರ ಪರ್ಪಿನೆರ್ದ್ ಎಚ್ಚಾದ್ ಆಪುಂಡು. ಕಲ್ಪಾರ್ಥಿಲು ಓದುನ ಪ್ರಾಯಡ್ ಸಾದಿ ತಪ್ಪರೆ ಬಲ್ಲಿ. ತನ್ನ ಬದ್‌ಕ್‌ಡ್ ಕಪ್ಪು ಚುಕ್ಕೆ ಬರಂದಿಲೆಕ ಎಚ್ಚೆರ್ಗೆ ವಹಿಸೊನೊಡು. ಕಲ್ಪಾರ್ಥಿಲು ಯಶಸ್ವಿ ಆಪಿನ ಕಾರ್ಯಡ್ ಪಾಲ್ ಪಡೆಯೊಡು ಪಂದ್ ಪಂಡೆರ್.

ಜಿಲ್ಲಾ ನಿರ್ದೇಶಕೆರ್ ಮಹಾಬಲ ಕುಲಾಲ್, ಜನ ಜಾಗೃತಿ ವಲಯದ ಅದ್ಯಕ್ಷೆರ್ ಪದ್ಮನಾಭ ಸಾಲ್ಯಾನ್, ತಾಲೂಕ್‌ದ ಯೋಜನಾಧಿಕಾರಿ ದಯಾನಂದ ಪೂಜಾರಿ, ಸಹಾಯಕ ಪ್ರಾಧ್ಯಾಪಕೆರ್ ಶೇಖರ್, ವಲಯ ಮೇಲ್ವಿಚಾರಕೆರ್ ವಸಂತಕುಮಾರ್, ಬಸವನಗುಡಿ ವಿಭಾಗದ ಸೇವಾಪ್ರತಿನಿಧಿ ಭಾರತಿ ಬೊಕ್ಕ ರೋಹಿಣಿ ಲೇಸ್‌ಡ್ ಪಾಲ್ ಪಡೆದಿತ್ತೆರ್.

Beltangady BJP unit-organise a special implementation procedure meeting ಬೊಲ್ತೇರ್ ಬಿಜೆಪಿ ಮಂಡಲ ಮುತಾಲಿಕೆಡ್ ವಿಶೇಷ ಕಾರ್ಯಾಚರಣೆ ಸಭೆ

ಬೊಲ್ತೇರ್: ಭಾರತೀಯ ಜನತಾ ಪಾರ್ಟಿ ಬೊಲ್ತೇರ್ ಮಂಡಲ ಮುತಾಲಿಕೆಡ್ ವಿಶೇಷ ಕಾರ್ಯಾಚರಣೆ ಸಭೆ ಜೂ.9 ಗ್ ಲಾಯಿಲ ಸಂಗಮ ಸಭಾಭವನಡ್ ನಡತ್ಂಡ್.

ಬಿಜೆಪಿ ಜಿಲ್ಲಾ ವಕ್ತಾರ, ಮಂಡಲ ಪ್ರಭಾರಿ ಹರಿಕೃಷ್ಣ ಬಂಟ್ವಾಳ್ ತುಡರ್ ಅರ್ಲಾದ್ ಲೇಸ್‌ನ್ ಉದಿಪನ ಮಲ್ತೆರ್.

ಅಯಿರ್ದ್ ಬೊಕ್ಕ ಪಾತೆರಿನ ಆರ್, ಬಿಜೆಪಿ ಸೋಲ್‌ದ ಮುಟ್ಟುನು ಬರ್ತ್‌ದೆ ಮಿತ್ತ್ ಬತ್ತಿನವು. ಬಿಜೆಪಿ ಕರ್ನಾಟಕಡ್ ಸೋತ್‌ದ್ ಇಪ್ಪು. ಆಂಡ ರಾಷ್ಟ್ರದ ಅಭಿವೃದ್ದಿ, ಸಂಘಟನೆ, ವಿಚಾರಡ್ ಸೋಪರೆ ಸಾಧ್ಯ ಇಜ್ಜಿ ಪಂದ್ ಪಂಡೆರ್.

ಲೇಸ್‌ಡ್ ವಿಧಾನ ಪರಿಷತ್ ಸದಸ್ಯೆರ್ ಪ್ರತಾಪ್ ಸಿಂಹ ನಾಯಕ್, ಮಂಡಲ ಉಸ್ತುವಾರಿ ಸುಧೀರ್ ಶೆಟ್ಟಿ ಕಣ್ಣೂರು, ಮಂಡಲದ ಅಧ್ಯಕ್ಷೆರ್ ಜಯಂತ ಕೋಟ್ಯಾನ್ ಸೇರಿನಂಚನೆ ಪ್ರಮುಖ ಕಾರ್ಯಕರ್ತೆರ್ ಇತ್ತೆರ್.

Beltangady: Madyanthar’s Arun Furtado appointed deputy secretary of administration to CM ಮಡಂತ್ಯಾರ್ ಮೂಲದ ಅರುಣ್ ಫುರ್ಟಾಡೊ ನನ ಸಿಎಂಗ್ ಉಪ ಕಾರ್ಯದರ್ಶಿ

ಮಡಂತ್ಯಾರ್: ಬೊಲ್ತೇರ್ ತಾಲೂಕ್‌ದ ಮಡಂತ್ಯಾರ್ ಮೂಲದ ಅರುಣ್ ಫುರ್ಟಾಡೊ ಮೆರೆನ್ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೆರೆನ ಉಪಕಾರ್ಯದರ್ಶಿಯಾದ್ ನೇಮಕ ಮಲ್ತ್‌ದೆರ್.

ಈ ಬಗೆಟ್ ಸರ್ಕಾರದ ಅಧೀನ ಕಾರ್ಯದರ್ಶಿ ಕೆ ವಿ ಅಶೋಕ ಮೇರ್ ಪಾಡ್ದಿನ ಆದೇಶಡ್ ಅರುಣ್ ಫುರ್ಟಾಡೊ, ಹೆಚ್ಚುವರಿ ನಿರ್ದೇಶಕೆರ್, ಡಾ ಬಾಬು ಜಗಜೀವನರಾಮ್ ಸಂಶೋಧನಾ ಕೇಂದ್ರ ಮೆರೆನ್ ಮುಖ್ಯಮಂತ್ರಿಲೆನ ಅಧಿಕಾರಾವಧಿಇಪ್ಪುನ ಮುಟ್ಟ ಮುಖ್ಯಮಂತ್ರಿಲೆನ ಉಪ ಕಾರ್ಯದರ್ಶಿಯಾದ್ (ಆಡಳಿತ) ಹುದ್ದೆಗ್ ನಿಯೋಜನೆ ಮಲ್ತ್‌ದೆರ್.