ಬೊಲ್ತೆರ್ ಸುದ್ದಿ | Belthangady News

ಧರ್ಮಸ್ಥಳಡ್ ನಾಟಿ ಕಾರ್ಯಗ್ ಚಾಲನೆ

ಉಜಿರೆ, ಜೂನ್ 7: ‘ಪರಿಸರ ಸಂರಕ್ಷಣೆ ಪ್ರತಿಯೋರಿಯನ ಜವಾಬ್ದಾರಿ ಅತುಂಡು ಪ್ರತಿಯೊರಿಲಾ ಪರಿಸರ ಕಾಳಜಿರ್ದ್ ಜಾಗ ಉಪ್ಪುನಲ್ಪ ದೈ ನರ್ದ್ ಪಚ್ಚೆ ಬುಳೆಪಾವುನ ಬೇಲೆ ಮಲ್ಪೋಡು , ಆ ಮುಖೇನ ಕೈತಲ್ ದ ಪರಿಸರಡ್ ಶುದ್ಧ ಆಮ್ಲಜನಕ ಉತ್ಪಾದನೆ ಆಯೆರೆ ಕಾರಣಕರ್ತೆರಾವೊಡು ಪಂದ್ ಅರಣ್ಯ ಸಚಿವ ಅರವಿಂದ ಲಿಂಬಾವಳಿ ಪಂಡೆರ್ .

ಧರ್ಮಸ್ಥಳದ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆ ಮೆರ್ನ ಉಪಸ್ಥಿತಿಡ್ ವಿಶ್ವ ಪರಿಸರ ದಿನಾಚರಣೆದ ಪರವಾದ್ ಅಟ್ಟನೆ ಮಲ್ತಿನ ಕಾಡ್ ದ ವನ್ಯಮೃಗಕ್ಲೇಗಾದ್ ಫಲವಸ್ತುದ ದೈ ನಡ್ಪಿನ ಲೇಸ್ ಡ್ ಪಾತೆರಿಯೆರ್.

ಧರ್ಮಸ್ಥಳದ ಗ್ರಾಮೀಣಾಭಿವೃದ್ಧಿ ಯೋಜನೆ ಬೊಕ್ಕ ಅರಣ್ಯ ಇಲಾಖೆ ಜಂಟಿ ಸಹಭಾಗಿತ್ವಡ್ ಧರ್ಮಸ್ಥಳದ 125 ಹೆಕ್ಟೇರ್ ಪ್ರದೇಶಡ್ ಈ ಯೋಜನೆ ಅನುಷ್ಠಾನ ಆವೊಂದು ಉಂಡು .

ವಾಮದಪದವು ಸುರುತ್ತ ಆಮ್ಲಜನಕ ಘಟಕ ಲೋಕಾರ್ಪಣೆ

ಬಂಟ್ವಾಳ, ಜೂನ್ 7 : ‘ಜಿಲ್ಲೆದ ಒಟ್ಟು ಎನ್ಮ ಆಮ್ಲಜನಕ ಘಟಕದ ಪೈಕಿ ಗ್ರಾಮೀಣ ಪ್ರದೇಶ ವಾಮದಪದವು ಸಮುದಾಯ ಆರೋಗ್ಯ ಕೇಂದ್ರಡ್ ಸುರುತ್ತಾ ಆಮ್ಲಜನಕ ಘಟಕ ಉದಿಪನ ಅತುಂಡು . ಯೋಜನೆ ತ್ವರಿತ ಅನುಷ್ಠಾನಗ್ ಸಂಸದ ನಳಿನ್ ಕುಮಾರ್ ಕಟೀಲು ಬೊಕ್ಕ ಶಾಸಕ ರಾಜೇಶ ನಾಯ್ಕ್ ಮೆರ್ನ ಪರಿಶ್ರಮನೇ ಕಾರಣ’ ಪಂದ್ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ಈ ಘಟಕ ಪ್ರತಿ ನಿಮಿಷಗ್ 46 ಲೀಟರ್ ಆಮ್ಲಜನಕ ಉತ್ಪಾದಿಸಾವುನ ಸಾಮರ್ಥ್ಯ ಪಡೆತುಂಡು , ಜಿಲ್ಲೆದ ಬೇತೆಬೇತೆ ಕಡೆಟ್ಟ್ ಹಂತ ಹಂತವಾದ್ ಇಂಚಿನ ಘಟಕ ಸುರು ಆಯೆರೆ ಉಂಡು ಪಂದ್ ಪಂಡೆರ್.

ಕಿಯೋನಿಕ್ಸ್ ಗುರ್ಕಾರ್ಲಾಯಿನ ಕೆ.ಹರಿಕೃಷ್ಣ ಬಂಟ್ವಾಳ, ಜಿಲ್ಲಾ ಪಂಚಾಯಿತಿ ಸದಸ್ಯ ಎಂ.ತುಂಗಪ್ಪ ಬಂಗೇರ, ನೀರು ಸರಬರಾಜು ಬೊಕ್ಕ ಒಳಚರಂಡಿ ನಿಗಮದ ಸದಸ್ಯೆ ಸುಲೋಚನಾ ಜಿ.ಕೆ.ಭಟ್, ತಾಲ್ಲೂಕು ಪಂಚಾಯಿತಿ ಸದಸ್ಯ ಪ್ರಭಾಕರ ಪ್ರಭು, ಚೆನ್ನೈತ್ತೋಡಿ ಬೊಕ್ಕ ಕುಕ್ಕಿಪಾಡಿ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಭಾರತಿ ರಾಜೇಂದ್ರ ಪೂಜಾರಿ ಬೊಕ್ಕ ಗುರ್ಕಾರ್ಲಾಯಿನ ಸುಜಾತಾ ಆರ್. ಪೂಜಾರಿ, ಉಪಾಧ್ಯಕ್ಷ ಯೋಗೀಶ್ ಆಚಾರ್ಯ, ಬೂಡ ಗುರ್ಕಾರ್ಲಾಯಿನ ಬಿ.ದೇವದಾಸ್ ಶೆಟ್ಟಿ, ಬಿಜೆಪಿ ಕ್ಷೇತ್ರಾಧ್ಯಕ್ಷ ದೇವಪ್ಪ ಪೂಜಾರಿ, ಉಪ ವಿಭಾಗಾಧಿಕಾರಿ ಮದನ್ ಮೋಹನ್, ತಹಶಿಲ್ದಾರ್ ರಶ್ಮಿ ಪಾಲ್ ಪಡೆದಿತ್ತೆರ್.

ಪಿದಯಿ ಊರುಗು ಪೋಪಿನಕ್ಲೆಗ್ ಆದ್ಯತೆಡ್ ಲಸಿಕೆ

ಕುಡ್ಲ, ಜೂನ್ 7: ಉದ್ಯೋಗ, ವಿದ್ಯಾಭ್ಯಾಸ ನನಾತ್ ಕಾರಣಗ್ ಪಿದಾಯಿ ಊರುಗು ಪೋಪಿನ ಅನಿವಾರ್ಯತೆ ಉಪ್ಪುನಕ್ಲೆಗ್ ಆದ್ಯತೆ‌ಟ್ ಲಸಿಕೆ ಕೊರೊಂದು ಉಲ್ಲೆರ್ .ಕುಡ್ಲದ ಡೊಂಗರಕೇರಿದ ಕೆನರಾ ಹೈಸ್ಕೂಲ್ ಸುಧೀಂದ್ರ ಸಭಾಭವನಡ್ ಲಸಿಕೆ ಅಭಿಯಾನ‌ ಸುರು ಆತುಂಡು .

ಲಸಿಕೆ ಪಡೆಯಿನ ಪ್ರಮಾಣಪತ್ರನ್ ಕೆಲವು ದೇಶ ಖಡ್ಡಾಯ ಮಲ್ತಿನೆರ್ದಾವರ ತುರ್ತಾದ್ ವಿದೇಶಗ್ ಪೋಪಿನಕ್ಲೆಗ್ಕಷ್ಟ ಆದಿತ್ತುಂಡು ಉಂದೆನ್ ಜಿಲ್ಲಾಡಳಿತದ ಗೇನಗ್ ಕಂತಿತ್ತೆರ್ .

ಭಾರತೀಯ ರೆಡ್ ಕ್ರಾಸ್ ಘಟಕದ ಕಾರ್ಯದರ್ಶಿನ್ ಸಮನ್ವಯಾಧಿಕಾರಿಯಾದ್ ನೇಮಕ ಮಲ್ತಿನ ಜಿಲ್ಲಾಡಳಿತ, ಆನ್ ಲೈನ್ ನೋಂದಣಿಗೆ ಅವಕಾಶ ಮಲ್ತೆರ್ .

ಆರೋಗ್ಯ ಕೇಂದ್ರಗ್ ಆಕ್ಸಿಜನ್ ಸಿಲಿಂಡರ್

ವಿಟ್ಲ, ಜೂನ್ 7: ವಿಟ್ಲ-ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ವತಿರ್ದ್ ಸಮುದಾಯ ಆರೋಗ್ಯ ಕೇಂದ್ರಗ್ ತೀರಾ ಅಗತ್ಯ ಉಪ್ಪುನ ರಡ್ಡ್ ಆಮ್ಲಜನಕ ಜಂಬೊ ಸಿಲಿಂಡರ್ ಸಹಿತ ಅಗತ್ಯ ವಸ್ತುಲೆನ್ ಪಟ್ಟಿಯೆರ್.

ಮಾಜಿ ಶಾಸಕಿ ಶಕುಂತಳಾ ಶೆಟ್ಟಿ ಮೇರ್ ಈ ಸಾಮಗ್ರಿಲೆನ್ ಸಮುದಾಯ ಆರೋಗ್ಯ ಕೇಂದ್ರ ಆಡಳಿತ ವೈದ್ಯಾಧಿಕಾರಿ ಡಾ. ವೇದಾವತಿ ಮೆರೆಗ್ ಹಸ್ತಾಂತರ ಮಲ್ತೆರ್ .

ವಿಟ್ಲ ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಡಾ.ರಾಜಾರಾಮ್ ಕೆ.ಬಿ, ಬ್ಲಾಕ್ ಕಾಂಗ್ರೆಸ್ ಮಾಜಿ ಗುರ್ಕಾರ್ಲಾಯಿನ ಎಂ ಎಸ್ ಮಹಮ್ಮದ್, ಪ್ರವೀಣ್ ಚಂದ್ರ ಆಳ್ವ, ಮುರಳೀಧರ ರೈ ಮಠಂತಬೆಟ್ಟು, ಪುತ್ತೂರು ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಎಂ.ಬಿ ವಿಶ್ವನಾಥ ರೈ, ಪುತ್ತೂರು ನಗರ ಕಾಂಗ್ರೆಸ್ ಗುರ್ಕಾರ್ಲಾಯಿನ ಮಹಮ್ಮದಾಲಿ, ಪ್ರಮುಖರಾದ ಉಮನಾಥ ಶೆಟ್ಟಿ, ಅಶ್ರಫ್‌ ಬಸ್ತಿಕಾರ್, ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಸಿದ್ದಿಕುಲ್ ಅಕ್ಬರ್, ಸಂತೋಷ್ ಭಂಡಾರಿ ಚಿಲಿಮ್ಮೆತ್ತಾರ್, ವಿಟ್ಲ-ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ವಕ್ತಾರ ರಮಾನಾಥ ವಿಟ್ಲ, ವಿಟ್ಲ ನಗರ ಕಾಂಗ್ರೆಸ್ ಅಧ್ಯಕ್ಷ ವಿಕೆಎಂ ಅಶ್ರಫ್, ಪೆರುವಾಯಿ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಬಾಲಕೃಷ್ಣ ಪೂಜಾರಿ, ಉಪಾಧ್ಯಕ್ಷೆ ನೆಬಿಸಾ, ಪದ್ಮನಾಭ ಪೂಜಾರಿ ಅಳಿಕೆ, ಪಟ್ಟಣ ಪಂಚಾಯಿತಿ ಸದಸ್ಯೆರಾಯಿನ ಹಸೈನಾರ್ ನೆಲ್ಲಿಗುಡ್ಡೆ, ಸುನೀತಾ ಕೋಟ್ಯಾನ್, ಎಂ.ಕೆ ಮೂಸಾ, ಜಯಪ್ರಕಾಶ್ ಬದಿನಾರ್, ರವೀಂದ್ರ ಗೌಡ, ಸೀತಾರಾಮ ಶೆಟ್ಟಿ ಅಳಿಕೆ, ಪಂಚಪಾಲ ಶೆಟ್ಟಿ ಪೆರುವಾಯಿ, ಅಶೋಕ ಡಿಸಿಲ್ವ, ಶ್ರೀಧರ್ ಬಾಳೆಕಲ್ಲು, ಶ್ರೀಧರ್ ಶೆಟ್ಟಿ ಪುಣಚ, ಎಲ್ಯಣ್ಣ ಪೂಜಾರಿ, ಕರೀಂ ಕುದ್ದುಪದವು ಪಾಲ್ ಪಡೆದಿತ್ತೆರ್ .

ಉತ್ತರಾಖಂಡಡ್ ನಡಪುನ ರಾಷ್ಟ್ರೀಯ ಎನ್ಸಿಸಿ ಶಿಬಿರಗ್ ಮರ್ಕಂಜದ ಕೆಡೆಟ್ ವಿಸ್ಮಿತ ಕೆಪಿ ಆಯ್ಕೆ

ಸುಳ್ಯ, ಜೂ.06. ಎನ್‌ಎಂಸಿ ಸುಳ್ಯದ ಪ್ರಥಮ ಬಿ.ಕಾಂ. ವಿದ್ಯಾರ್ಥಿನಿ ಕೆಡೆಟ್ ವಿಸ್ಮಿತ ಕೆ.ಪಿ.ಮೇರ್ ಉತ್ತರಕಾಶಿ, ಉತ್ತರಾಖಂಡಡ್ ಎನ್.ಸಿ.ಸಿ. ವತಿರ್ದ್ ನಡಪುನ ರಾಷ್ಟ್ರೀಯ ಮಟ್ಟದ ಶಿಬಿರಗ್ 19 ಕೆಎಆರ್ ಬೆಟಾಲಿಯನ್ , ಎನ್.ಸಿ.ಸಿ. ಮಡಿಕೇರಿರ್ದ್ ಆಯ್ಕೆಯಾಯಿನ ಒರ್ತಿಯೇ ವಿದ್ಯಾರ್ಥಿನಿಯಾತೆರ್ .

2021 ಜೂನ್ 6 ರ್ದ್ ಜೂನ್ 19 ಮುಟ ರಾಷ್ಟ್ರೀಯ ಮಟ್ಟಡ್ ನಡಪುನ ಅಡ್ವೆಂಚರ್ಸ್ ಕೋರ್ಸ್ ಕ್ಯಾಂಪ್ಡ್ ಮೇರ್ ಪಾಲ್ ಪಡೆಯೆರೆ ಉಲ್ಲೆರ್ . ಮೆರೆಗ್ ಎನ್‌ಎಂಸಿ ಕಾಲೇಜ್ ದ ಎನ್.ಸಿ.ಸಿ ಘಟಕದ ಎಎನ್‌ಒ ಲೆಫ್ಟಿನೆಂಟ್ ಸೀತರಾಮ ಎಂ.ಡಿ. ಮೇರ್ ಮಾರ್ಗದರ್ಶನ ಕೊರ್ತೆರ್ . ಮೇರ್ ಪ್ರಾಥಮಿಕ ಬೊಕ್ಕ ಪ್ರೌಢ ಶಿಕ್ಷಣನ್ ಎಲಿಮಲೆ ಜ್ಞಾನ ದೀಪ ವಿದ್ಯಾಸಂಸ್ಥೆ ಡ್ ವ್ಯಾಸಂಗ ಮಲ್ದೆರ್ , ಪದವಿ ಪೂರ್ವ ಶಿಕ್ಷಣನ್ ಎನ್‌ಎಂಸಿ ಕಾಲೇಜ್ ಡ್ ಮಲ್ದೆರ್ .

ನೆಲ್ಯಾಡಿ ಸೀನಿಯರ್ ಛೇಂಬರ್ ವತಿರ್ದ್ ಪರಿಸರ ದಿನಾಚರಣೆ

ನೆಲ್ಯಾಡಿ, ಜೂ. 06 : ಪರಿಸರ ಸಂರಕ್ಷಣೆ ನಮ್ಮ ಕರ್ತವ್ಯ ಆದುಂಡು . ಇತ್ತೆದ ಕಾಲಮಾನಡ್ ಪರಿಸರ ಒರಿಪಾವುನ ಕಡೆಕ್ ಜಾಸ್ತಿ ಒತ್ತು ಕೊರೊಡು ಪಂದ್ ನೆಲ್ಯಾಡಿ ಸೀನಿಯರ್ ಛೇಂಬರ್ ನ ವತಿರ್ದ್ ವಿಶ್ವ ಪರಿಸರದ ದಿನಾಚರಣೆದ ಪ್ರಯುಕ್ತ ಸಂತ ಜಾರ್ಜ್ ಪದವಿ ಪೂರ್ವ ಕಾಲೇಜು ನೆಲ್ಯಾಡಿಡ್ ದೈ ನಡ್ಪಿನ ಮುಖೇನ ಬೊಕ್ಕ ಹೈಸ್ಕೂಲ್ ಜೋಕ್ಲೆಗ್ ರಾಜ್ಯಮಟ್ಟದ ” ಪರಿಸರ ಸಂರಕ್ಷಣೆ ಮತ್ತು ಕೊರೋನ” ಪನ್ಪಿನ ವಿಷಯದ ಬಗ್ಗೆ ಪ್ರಬಂಧ ಪಂಥ ಅಂಚನೇ ಪ್ರೈಮರಿ ಜೋಕ್ಲೆಗ್ “ಪರಿಸರ ಸಂರಕ್ಷಣೆ” ವಿಷಯದ ಮಿತ್ತ್ ಚಿತ್ರಕಲೆ ಪಂಥನ್ ಅಟ್ಟನೆ ಮಲ್ತಿತ್ತೆರ್ .

ಈ ಲೇಸ್ ಡ್ ನೆಲ್ಯಾಡಿ ‌ಸೀನಿಯರ್ ಛೇಂಬರ್ದ ಗುರ್ಕಾರ್ಲಾಯಿನ ಡಾ. ಸದಾನಂದ ಕುಂದರ್, ಕಾರ್ಯದಶಿ ಪ್ರಶಾಂತ ಸಿ.ಎಚ್, ಕೋಶಾಧಿಕಾರಿ ವೆಂಕಟರಮಣ ‌ಅರ್, ಕಾಲೇಜಿನ ಪ್ರಾಂಶುಪಾಲೆರಾಯಿನ ಏಲಿಯಸ್, ಮುಖ್ಯಗುರುಕುಲಾಯಿನ ತೋಮಸ್ ಬೊಕ್ಕ ಸದಸ್ಯೆರಾಯಿನ ವಿಶ್ವನಾಥ ರೈ ಪಾಲ್ ಪಡೆದಿತ್ತೆರ್ .

ವಿಶ್ವ ಹಿಂದೂ ಪರಿಷತ್ ಬಜರಂಗದಳ ಕೋಡಿಕಲ್ ವತಿರ್ದ್ ನೆತ್ತೆರ್ ದಾನ ಶಿಬಿರ

ಕೋಡಿಕಲ್, ಜೂನ್ 6: ತಾರೀಖ್ 6/6/2021 ನೇ ಐತಾರ ಕಾಂಡೆ 8:30 ರ್ದ್ ಮಧ್ಯಾಹ್ನ 12 ಗಂಟೆ ಮುಟ ವಿಶ್ವ ಹಿಂದೂ ಪರಿಷತ್ ಬಜರಂಗದಳ ಕೋಡಿಕಲ್ ನೆತ್ತ ವತಿರ್ದ್ ವೆನ್ಲಾಕ್ ಆಸ್ಪತ್ರೆದ ಒಟ್ಟು ಸೇರಿಗೆಡ್ ನೆತ್ತೆರ್ ದಾನ ಶಿಬಿರ ನಡಪರೇ ಉಂಡು.