ಬೊಲ್ತೆರ್ ಸುದ್ದಿ | Belthangady News

ಆರೋಗ್ಯಕರ ಗ್ರಾಮಗ್ ನಿರ್ಮಲ ಅಗತ್ಯ : ರಾಮ್ಲಾನ್ ಮಾರಿಪಳ್ಳ

ಬಂಟ್ವಾಳ, ಜೂ.8: ಯು.ಟಿ.ಕೆ. ಕೋವಿಡ್-19 ಹೆಲ್ಪ್ ಲೈನ್ 24×7 ಬೊಕ್ಕ ಪುದು ಯುವ ಕಾಂಗ್ರೆಸ್ ಅಂಚನೇ ಪುದು ವಲಯ ಕಾಂಗ್ರೆಸ್ ವತಿರ್ದ್ ಪುದು ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ರಮ್ಲಾನ್ ಮಾರಿಪಳ್ಳ ಬೊಕ್ಕ ಜಿಲ್ಲಾ ಪಂಚಾಯತ್ ಮಾಜಿ ಸದಸ್ಯ ಉಮರ್ ಫಾರೂಕ್ ಮುತಾಲಿಕೆಡ್ ಐತಾರ ಗ್ರಾಮ ಸ್ವಚ್ಛತಾ ಕಾರ್ಯಕ್ರಮಗ್ ಚಾಲನೆ ಕೊರಿಯೆರ್ .

ಲೇಸ್ ದ ಸುರುತ್ತಾ ದಿನತ ಪರವಾದ್ ಗ್ರಾಮದ ಹತ್ತನೇ ಮೈಲಿಗಲ್ಲು ರಾಷ್ಟ್ರೀಯ ಹೆದ್ದಾರಿರ್ದ್ ಅಮ್ಮೆಮಾರ್ ಮಾರ್ಗದ ಕುಂಜತ್ಕಲ ವ್ಯಾಪ್ತಿ ಮುಟ ಸ್ವಚ್ಚತಾ ಶ್ರಮದಾನ ನಡತುಂಡು . ಮಾರ್ಗದ ಬರಿಟ್ ದೈ ನಡಿಯೆರ್.

ಪೆಟ್ರೋಲ್ ಡೀಸೆಲ್, ಬೆಲೆ ಜಾಸ್ತಿ ಆಯಿನ ನೆಲೆಟ್ಟ್ ಯುವ ಕಾಂಗ್ರೆಸ್ ವತಿರ್ದ್ ಪ್ರತಿಭಟನೆ

ಕುಡ್ಲ, ಜೂನ್ 8: ಪೆಟ್ರೋಲ್, ಡೀಸೆಲ್ ಬೆಲೆ ಏರಿಕೆ ವಿರೋಧಿಸಾದ್ ದ.ಕ. ಜಿಲ್ಲಾ ಯುವ ಕಾಂಗ್ರೆಸ್ ಮುತಾಲಿಕೆಡ್ ಕೋಡೆ ಪ್ರತಿಭಟನೆ ನಡತುಂಡು .

ದ.ಕ. ಜಿಲ್ಲಾ ಕಾಂಗ್ರೆಸ್ ಕಚೇರಿ ಎದುರು ನಡತಿನ ಪ್ರತಿಭಟನೆನ್ ಉದ್ದೇಶಿಸಾದ್ ಪಾತೆರಿನ ಪಿರಿಯಾ ಮುಖಂಡ ಇಬ್ರಾಹಿಂ ಕೋಡಿಜಾಲ್, ಪ್ರಧಾನಿ ಮೋದಿ ನೇತೃತ್ವದ ಸರಕಾರ ಗಡಿ ಗಡಿ ಡೀಸೆಲ್, ಪೆಟ್ರೋಲ್ ಒಟ್ಟುಗು ಅಡುಗೆ ಅನಿಲ ಬೆಲೆ ಜಾಸ್ತಿ ಮಲ್ತ್ ಈ ಕೊರೋನ ಸಂಕಷ್ಟಡ್ ನನಾತ್ ಕಷ್ಟ ಕೊರೊಂದು ಉಲ್ಲೆರ್ ಪಂದ್ ಪಂಡೆರ್.

ಒಂಜಿ ತಿಂಗೊಲ್ಡೇ 18 ಸಲ ತೈಲದ ಬೆಲೆ ಜಾಸ್ತಿ ಮಲ್ದೆರ್ . 30 ರೂ.ಗೆ ತಿಕ್ಕೊಡಿತ್ತಿನ ಪೆಟ್ರೋಲ್ ಬೆಲೆ 100 ರೂ. ದಾಟ್ ದುಂಡು ಪಂದ್ ಪಂಡೆರ್.

ಬರ್ಪಿನ ವಾರ ಕುಡ್ಲಡ್ ಲಾಕ್ಡೌನ್ ಬಿಗಿ : ಡಿಸಿ ರಾಜೇಂದ್ರ ಕೆವಿ

ಕುಡ್ಲ,ಜೂನ್ 8: ಲಾಕ್ ಡೌನ್ ಬಗ್ಗೆ ಜಿಲ್ಲೆಡ್ ಇತ್ತೇ ಉಪ್ಪುನ ನಿಯಮಲೆನ್ ನನಾತ್ ಬಿಗಿ ಮಲ್ಪುವ ಪಂದ್ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ. ವಿ. ಪಂಡೆರ್ .

ಕೋಡೆ ( ಜೂನ್ 07) ತನ್ನ ಕಚೇರಿಡ್ ಮಾಧ್ಯಮಗೋಷ್ಠಿಡ್ ಪಾತೆರಿನ ಆರ್ ಅನ್ ಲಾಕ್ ಮಲ್ಪೋಡಾoಡ ಪಾಸಿಟಿವಿಟಿ ದರ ಕಡಿಮೆ ಮಲ್ಪುನ ಅಗತ್ಯ ಉಂಡು . ಅಂಚಾದ್ ದುಂಬುದ ಒಂಜಿ ವಾರ ಕಾಲ ಜನಕ್ಲೆನ ಅನಗತ್ಯ ಸಂಚಾರನ್ ನಿಯಂತ್ರಣಗ್ ಕನೆರೆ ಕಟ್ಟು ನಿಟ್ಟ್ದ ಕ್ರಮ ದೆತೊನೊಡು ಪಂದ್ ಪಂಡೆರ್.

ಕಟ್ಟು ನಿಟ್ಟಿನ ಕ್ರಮ ಜಾರಿ ಮಲ್ಪುನ ನೆಲೆಟ್ಟ್ ಮಂಗಳೂರು ನಗರ ಪಾಲಿಕೆ ವ್ಯಾಪ್ತಿಡ್ 10 ತಂಡ ಸೇರಿನoಚ ಜಿಲ್ಲಾದ್ಯಂತ 150 ತಪಾಸಣಾ ತಂಡಲೆನ್ ರಚನೆ ಮಲ್ದೆರ್ . ನೆಕ್ಕ್ ಜನಕುಲು ಸಾಕಾರ ಕೊರೊಡು ಪಂದ್ ಪಂಡೆರ್.

“ವೈದ್ಯೆರ್ನ ನಡೆ ಹಳ್ಳಿದಡೆ ” : ಇಲ್ಲ ಇಲ್ಲಗ್ ವೈದ್ಯೆರ್ನ ಭೇಟಿ

ಬೆಳ್ತಂಗಡಿ, ಜೂನ್ 8: : ‘ಪೇಂಟೆದ ಪ್ರತಿಗ್ರಾಮದ ಜನತೆದ ಆರೋಗ್ಯದ ದೃಷ್ಟಿರ್ದ್ ಪ್ರತಿಯೊರಿ ನಾಗರಿಕೆಲಾ ಕೋವಿಡ್-19 ಸೋಂಕುದ ತಪಾಸಣೆ ಮಲ್ಪರೆ ಅನುಕೂಲ ಆಪಿಲಕ ವೈದ್ಯೆರ್ನ ನಡೆ ಹಳ್ಳಿದಾಡೆ ಪನ್ಪಿನ ವಿನೂತನ ಲೇಸ್ ನ್ ಅಟ್ಟನೆ ಮಲ್ತಿತ್ತೆರ್.

. ಕೋವಿಡ್‌ ಮುಕ್ತ ತಾಲ್ಲೂಕಾದ್ ಪರಿವರ್ತನೇ ಮಲ್ಪರೆ ಸಾರ್ವಜನಿಕೆರ್ ಈ ಅಭಿಯಾನಗ್ ಸಾಕಾರ ಕೊರೊಡು ಪಂದ್ ಶಾಸಕ ಹರೀಶ್ ಪೂಂಜ ಪಂಡೆರ್ .

ಬೆಳ್ತಂಗಡಿ ಮಿನಿವಿಧಾನಸೌಧ ಆವರಣಡ್ ತಾಲ್ಲೂಕು ಆಡಳಿತ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ ವತಿರ್ದ್ ನಡಪುನ ಈ ಅಭಿಯಾನಗ್ ಚಾಲನೆ ಕೊರ್ದು ಆರ್ ಪಾತೆರಿಯೆರ್.

‘ಫಾದರ್ ‍ಮುಲ್ಲರ್ಸ್ ಆಸ್ಪತ್ರೆದ ವೈದ್ಯೆರ್ , ಸಿಬ್ಬಂದಿಲು ಉಪ್ಪುನ ಈ ತಂಡ ಬೇಲೆ ಮಲ್ಪರೆ ತಯಾರ್ ಆತುಂಡು. ತಾಲ್ಲೂಕುದ 13 ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯೆರ್ ಸಿಬ್ಬಂದಿಲು ಸೇರೊಂದು ಮಾತಾ ಗ್ರಾಮ ಪಂಚಾಯಿತಿ ಬೊಕ್ಕ ತಾಲ್ಲೂಕುದ ಮಾತಾ ಅಧಿಕಾರಿಲೇನ ಸಹಕಾರಡ್ ಅಭಿಯಾನ ನಡಪುಂಡು ಪಂದ್ ಪಂಡೆರ್.

ಮೈಸೂರ್ ದ ನೂತನ ಅಧಿಕಾರಿಯಾದ್ ಡಾ. ಬಗಾದಿ ಗೌತಮ್ ಅಧಿಕಾರ ಸ್ವೀಕಾರ

ಮೈಸೂರು ಜೂ.08: ಜಿಲ್ಲೆಗ್ ನೂತನ ಜಿಲ್ಲಾಧಿಕಾರಿ ಬೈದೆರ್ .ಡಾ. ಬಗಾದಿ ಗೌತಮ್ ಮೇರ್ ಮೈಸೂರ್ ದ ಡಿಸಿ ಕಚೇರಿಡ್ ಅಪರ ಜಿಲ್ಲಾಧಿಕಾರಿ ಮಂಜುನಾಥಸ್ವಾಮಿ ಮೆರೆರ್ದ್ ಅಧಿಕಾರ ಸ್ವೀಕಾರ ಮಲ್ತೆರ್ .