ಬೊಲ್ತೆರ್ ಸುದ್ದಿ | Belthangady News

ನರಿಂಗಾನ ನವೀಕೃತ ಕಟ್ಟಡ ಉದಿಪನ

ಕೊಣಾಜೆ, ಜೂನ್ 11 : ‘ಗ್ರಾಮ ಪಂಚಾಯಿತಿ ಸದಸ್ಯೇರ್ ಒಗ್ಗಟ್ಟಾoಡ ಗ್ರಾಮದ ಅಭಿವೃದ್ಧಿನ್ ಏರೆರ್ದ್ ಲಾ ಸಾಧ್ಯ ಇಜ್ಜಿ.ನರಿಂಗಾನದ 30 ಜನ ಸದಸ್ಯೇರ್ ಅಕ್ಲೆಗ್ ಬರ್ಪಿನ ಗೌರವಧನನ್ ಆಶಾ ಕಾರ್ಯಂತೆರೆಗ್ ಕೊರ್ದು ಮನಾದಿಗೆ ಮಲ್ದಿನವು ಶ್ಲಾಘನೀಯ ಪಂದ್ ಶಾಸಕ ಯು.ಟಿ.ಖಾದರ್ ಪಂಡೆರ್ .

ನರಿಂಗಾನ ಗ್ರಾಮ ಪಂಚಾಯಿತಿದ ನವೀಕೃತ ಆಯಿನ ಕಟ್ಟಡದ ಉದಿಪನ ಬೊಕ್ಕ ನರಿಂಗಾನ ಗ್ರಾಮದ ಕೊರೊನಾ ವಾರಿಯರ್ಸ್‌ ಬೊಕ್ಕ ಸಾಧಕೆರೆನ್ ಮಾನದಿಗೆ ಮಲ್ತ್ ಪಾತೆರಿಯೆರ್.

ಪುತ್ತೂರುಡು ತಯಾರ್ ಆವೊಂದು ಉಂದು “ಆಯುಷ್ -24”

ಪುತ್ತೂರು ಜೂನ್ 10: : ಕೋವಿಡ್ ನಿಯಂತ್ರಣಗಾದ್ ಸರ್ಕಾರ ಅವ್ವೆತೋ ಕ್ರಮಕ್ಲೆನ್ ದೆತೊನೊಂದು ಉಲ್ಲೆರ್ . ಒಂಜಿ ಕಡೆ ಲಸಿಕೆ ಕೊರೊಂದು ಇತ್ತುಂಡ ನೆತ್ತ ಒಟ್ಟುಗು ನನಾತ್ ರೀತಿದ ಮರ್ದ್ ದ ಮುಖೇನ ಸೋಂಕು ನಿಯಂತ್ರಣ ಮಲ್ಪುನ ಬೇಲೆ ಆವೊಂದು ಉಂಡು. . ಈ ನಡುಟು ಆಯುಷ್ ಮಂತ್ರಾಲಯ ‘ಆಯುಷ್-64’ ಪನ್ಪಿನ ಮಾತ್ರೆನ್ ಕೋವಿಡ್ ಸೋಂಕಿತೆರೆಗ್ ಕೊರಿಯೆರೆ ತೀರ್ಮಾನ ಮಲ್ದೆರ್.ಇತ್ತಾತೆ ಮಾರುಕಟ್ಟೆಗ್ ಬೈದಿನ ಈ ಮಾತ್ರೆನ್ ಪುತ್ತೂರುಡು ತಯಾರ್ ಮಲ್ತೊಂದು ಉಲ್ಲೆರ್.

ಕುಡ್ಲಡ್ ಒವ್ವೆ ಪೊಸ ಬ್ಲಾಕ್ ಫಂಗಸ್ ಪ್ರಕರಣ ಇಜ್ಜಿ

ಕುಡ್ಲ, ಜೂನ್ 11: ಕೆಲವು ವಾರದ ಪಿರವು, ದಕ್ಷಿಣ ಕನ್ನಡ ಜಿಲ್ಲೆಡ್ 57 ಬ್ಲಾಕ್ ಫಂಗಸ್ ಪ್ರಕರಣ ವರದಿಯಾದಿತ್ತುಂಡು. ಆಂಡ ಕರಿನ ಕೆಲವು ದಿನರ್ದ್ ಜಿಲ್ಲೆಡ್ ಒವ್ವೆ ಪೊಸ ಬ್ಲಾಕ್ ಫಂಗಸ್ ಪ್ರಕರಣ ದಾಖಲಾತ್ಜಿ . ನೆರ್ದಾವರ ಅಧಿಕಾರಿಲು ಬೊಕ್ಕ ಜನಕ್ಲೆಗ್ ಉಸುಲು ಬುಡ್ಪಿಲಕ ಆತುಂಡು.

ಜಿಲ್ಲಾ ಆರೋಗ್ಯ ಇಲಾಖೆ ಕೊರಿನ ಮಾಹಿತಿ ಪ್ರಕಾರ ಇತ್ತೇ ಮುಟ ಒಟ್ಟು 57 ಬ್ಲಾಕ್ ಫಂಗಸ್ ಪ್ರಕರಣ ಜಿಲ್ಲೆಡ್ ವರದಿಯಾತುಂಡು . ಪ್ರಸ್ತುತ, ಆಸ್ಪತ್ರೆಡ್ 50 ಸಕ್ರಿಯ ಪ್ರಕರಣಲು ಮರ್ದ್ ದೆತೊನೊಂದು ಉಲ್ಲೆರ್ .

ತಾಲೂಕು ಕಚೇರಿಗ್ ವೈದ್ಯಕೀಯ ಸಾಮಗ್ರಿ ವಿತರಣೆ

ಕಾರ್ಕಳ, ಜೂ.10: ಕೊರೋನ ಮಹಾಮಾರಿ ಮೂಜನೆ ಅಲೆ ತಡೆಯರೆ ಇತ್ತೆನೆ ಮಾತಾ ತಯಾರ್ ಮಲ್ತೊಂದು ಉಲ್ಲೆರ್ . ಈ ಬಗ್ಗೆ ಆಸ್ಪತ್ರೆ, ವೈದ್ಯೇರ್ನ ನೇಮಕ ಉಂದು ಮಾತಾ ಸಿದ್ಧತೆದ ಬಗ್ಗೆ ಅಧಿಕಾರಿಲೆನ ಒಟ್ಟುಗು ಸುರುತ್ತ ಸುತ್ತುದ ಸಭೆನ್ ಇತ್ತೇ ನಡಪಾದೆರ್. ಹೆಚ್ಚುವರಿ ತಜ್ನೆರ್ ಬೊಕ್ಕ ಮಕ್ಕಳ ತಜ್ಞರ ನೇಮಕಗ್ ಸಂಬಂದಿಸಿ ಸರಕಾರಗ್ ಮನವಿ ಮಲ್ದೆರ್ ಪಂದ್ ಶಾಸಕ ವಿ.ಸುನೀಲ್‍ಕುಮಾರ್ ಪಂಡೆರ್ .

ಉದ್ಯಮಿ ಮಹಮ್ಮದ್ ಗೌಸ್ ತಾಲೂಕು ಕಚೇರಿಗ್ ಕೊರಿನoಚಿನ ಮಾಸ್ಕ್, ಸ್ಯಾನಿಟೈಸರ್ ಇಂಚಿನ ವೈದ್ಯಕೀಯ ಸಾಮಗ್ರಿಲೆನ್ ಪ್ರವಾಸಿ ಮಂದಿರ ಪಟ್ಟ್ದ್ ಆರ್ ಪಾತೆರಿಯೆರ್.

ಯುವಶಕ್ತಿ ಕಡೇಶಿವಾಲಯ (ರಿ)ವತಿರ್ದ್ ಸಕ್ರಿಯ ಸ್ವಯಂಸೇವಕೆರೆಗ್ ಮಾನದಿಗೆ

ಕಡೇಶಿವಾಲಯ, ಜೂನ್ 10: ಯುವಶಕ್ತಿ ಕಡೇಶಿವಾಲಯ (ರಿ)ವತಿರ್ದ್ ಸೇವಾಭಾರತಿ ಬಂಟ್ವಾಳ 24×7 ತುರ್ತುಸೇವೆಡ್ ಸುರುರ್ದೆ ಬೇಲೆ ಮಲ್ತೊಂದು ಉಪ್ಪುನ ಸಕ್ರಿಯ ಸ್ವಯಂಸೇವಕೆರೆನ್ ಇನಿ ಕಾರ್ಯಾಲಯಡ್ ಸಂಘ ಬೊಕ್ಕ ಪರಿವಾರ ಸಂಘಟನೆದ ಪ್ರಮುಖೇರ್ನ ಸಮ್ಮುಖಡ್ ಶಾಲು ಪಾರ್ದ್ ಅಕ್ಲೆನ ಇಲ್ಲಗ್ ಪೋದು ಅಗತ್ಯ ಫುಡ್ ಕಿಟ್ ಕೊರ್ದು ಅಕ್ಲೆನ ನಿರಂತರ ಸೇವೆಗಾದ್ ಮಾನದಿಗೆ ಮಲ್ತೆರ್.

ಈ ಲೇಸ್ ಡ್ ಮಲ್ಲ ಮಟ್ಟ್ ಡ್
ಕೈಜೋಡಾಯಿನ ಕಿರಣ್ ಶೆಟ್ಟಿ ಯಮುನಾ ,ವಿಜಯ ಕುಮಾರ್ ಅಳಕೆಮಜಲು,ದುರ್ಗಾದಾಸ್ ಶೆಟ್ಟಿ ಸಿದ್ದಕಟ್ಟೆ,ಲೋಕೇಶ್ ಶೆಟ್ಟಿ ಕುರುಂಬ್ಲಾಜೆ,ಸಂದೇಶ್ ಶೆಟ್ಟಿ ಅಮೈ,ವಿದ್ಯಾಧರ್ ರೈ ಅಮೈ,ಪ್ರದೀಪ್ ಪೂಜಾರಿ ಮಾಣಿ ಅಂಚನೇ ಸಹೃದಯಿ ದಾನಿಲೆಗ್ ಸೊಲ್ಮೆ ಸಂದೈತ ಮಲ್ತೆರ್.