ಬೊಲ್ತೆರ್ ಸುದ್ದಿ | Belthangady News

ಬೋಲ್ತೆರ್: ನೆರಿಯ ಬೂತ್ ಸಮಿತಿ ಗುರ್ಕಾರೆ ಸೇರ್ದ್ ಮೂಜಿ ಜನತ ವಿರುದ್ದ ಕ್ರಮ ದೆತೊನ್ನ ಬಿಜೆಪಿ

ಬೋಲ್ತೆರ್:‌ ಪಕ್ಷದ ಆದೇಶ ಉಲ್ಲಂಘನೆ ಮಲ್ತಿನ ಹಿನ್ನಲೆಡ್ ಪಕ್ಷದ ಜವಾಬ್ದಾರಿ ಇಪ್ಪುನ ನೆರಿಯ ಬೂತ್ ಸಮಿತಿದ ಗುರ್ಕಾರ್ಲು ಸೇರ್ದ್ ಮೂಜಿ ಜನನ್ ಮಾತ ಹುದ್ದೆರ್ದ್ ಬೊಕ್ಕ ಜವಾಬ್ದಾರಿರ್ದ್ ದೆತ್ತ್‌ದ ಪಂದ್ ಬೋಲ್ತೆರ್ ಬಿಜೆಪಿ ತೆರಿಪಾದ್‌ಂಡ್.‌

ನೆರಿಯ ಗ್ರಾಮ ಪಂಚಾಯತ್‌ದ ರಡ್ಡನೇ ಅವಧಿದ ಗುರ್ಕಾರೆ, ಉಪಾಧ್ಯಕ್ಷ ಚುನಾವಣೆಡ್ ಪಕ್ಷದ ಆದೇಶನ್ ಉಲ್ಲಂಘನೆ ಮಲ್ತಿನ ಹಿನ್ನಲೆಡ್ ಪಕ್ಷದ ಈ ಕ್ರಮ ಕೈದೆತೊದುಂಡ್. ಪಕ್ಷದ ಜವಾಬ್ದಾರಿ ಇಪ್ಪುನ ಪ,ಜಾ. ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಬೊಕ್ಕ ನೆರಿಯ ಗ್ರಾಮ ಪಂಚಾಯತ್ ಗುರ್ಕಾರ್ದಿ ವಸಂತಿ ಕಡ್ಡಿಬಾಗಿಲು ಮನೆ, ನೆರಿಯ ಗ್ರಾಮದ ಬೂತ್ ಸಮಿತಿ ಗುರ್ಕಾರ್ಲು ಹಾಗೂ ಬೊಕ್ಕ ಗ್ರಾಮ ಪಂಚಾಯತ್ ಸದಸ್ಯೆ ಕುಶಾಲ ಕಡ್ಡಿಬಾಗಿಲು ಮನೆ, ನೆರಿಯ ಗ್ರಾಮ ಬೂತ್ ಸಮಿತಿ ಗುರ್ಕಾರೆ ಬೊಕ್ಕ ನೆರಿಯ ಗ್ರಾಮ ಪಂಚಾಯತ್ ಸದಸ್ಯೆರ್ ಸಚಿನ್ ಕುಲೆನಾಡಿ ಮನೆ ಮೊಕ್ಲೆನ್ ಭಾರತೀಯ ಜನತಾ ಪಾರ್ಟಿದ ಮಾತ ಹುದ್ದೆ ಬೊಕ್ಕ ಜವಾಬ್ದಾರಿರ್ದ್ ದೆತ್ತ್‌ದ ಪಂದ್ ಬೋಲ್ತೆರ್ ಬಿಜೆಪಿ ಪ್ರಕಟಣೆಡ್‌ ತೆರಿಪಾದುಂಡ್.

ಅ.17: ಸ್ವಾಮಿ ಕೊರಗಜ್ಜಗ್‌ ಪರಕೆದ ಕೋಲ

ಶ್ರೀ ಗಡಿಯಾಡಿ ಆದಿಮೊಗೇರ್ಕಳ, ಸ್ವಾಮಿ ಕೊರಗಜ್ಜ ಬೊಕ್ಕ ಪರಿವಾರ ದೈವದ ದೈವಸ್ಥಾನ ಪಟ್ಲಡ್ಕ-ಕೊಕ್ಕಡ, ಕೌಕ್ರಾಡಿ ಗ್ರಾಮ ಮೂಲು ಪರಕೆದ ಕೋಲ ಅ.17 ದಾನಿ ನಡಪೆರೆ ಉಂಡು. ಚೇತನ್‌, ದಯಾನಂದ, ಚರಣ್‌ ರಾಜ್‌, ಸೂರ್ಯ ಕುಮಾರ್‌ ದೊಡ್ಡಬಳ್ಳಾಪುರ ಮೊಕ್ಲೆನ ಸೇವಾರ್ಥವಾದ್‌ ಸ್ವಾಮಿ ಕೊರಗಜ್ಜಗ್‌ ಪರಕೆದ ಕೋಲ ನಡಪೆರೆ ಉಂಡು.
ಅಂಚನೆ ಪ್ರತಿ ತಿಂಗೊಲು ಸಂಕ್ರಾಂದಿದಾನಿ ಶ್ರೀ ಕ್ಷೇತ್ರಡ್‌ ಕೊರಗಜ್ಜ ದೈವಗ್‌ ಪರಕೆದ ಅಗೇಲ್‌ ಸೇವೆ ನಡಪುಂಡು. ಅಂಚಾದ್‌ ಈ ದೈವದ ಕಾರ್ಯಡ್‌ ಮಾತಾ ಭಕ್ತಾಭಿಮಾನಿಲು ಪಾಲ್‌ ಪಡೆದ್‌ ಶ್ರೀ ದೈವದ ಗಂಧ ಪ್ರಸಾದ ಸ್ವೀಕಾರ ಮಲ್ತ್‌, ಪರಿವಾರ ದೈವದ ಕೃಪೆಗ್‌ ಪಾತ್ರರಾವೊಡು ಪಂದ್‌ ಲೆಪ್ಪೋಲೆಡ್‌ ತೆರಿಪಾದೆರ್.‌

ಅ.15-23: ಕರಾಯ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್‌ ನವರಾತ್ರಿ ಉಚ್ಚಯ

ಕರಾಯ: ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್‌ ನವರಾತ್ರಿ ಉಚ್ಚಯ, ಸಾರ್ವಜನಿಕ ಚಂಡಿಕಾ ಹೋಮ ಬೊಕ್ಕ ಶ್ರೀ ಮಹಾಲಿಂಗೇಶ್ವರ ಭೊಜನ ಶಾಲೆ, ಅರ್ಚಕರ ವಸತಿಗೃಹದ ಒಕ್ಕೆಲ್ ಅ.15 ರ್ದ್‌ 23 ಮುಟ್ಟ ನಡಪೆರೆ ಉಂಡು.
ಶ್ರೀ ಕರಾಯ ಮಹಾಲಿಂಗೇಶ್ವರ ದೇವಸ್ಥಾನದ ಶ್ರೀ ದುರ್ಗಾದೇವಿನ ಸನ್ನಿದಿಡ್‌ ಅ.15 ರ್ದ್‌ 23 ಮುಟ್ಟ ನವರಾತ್ರಿ ಪೂಜೆ, ಅ.19 ದಾನಿ ರಾತ್ರೆ ನಾಗೇಶ್‌ ತಂತ್ರಿಲೆನ ನೇತೃತ್ವಡ್‌ ವಾಸ್ತು ಪೂಜೆ, ರಕ್ಷೋಘ್ನ ಹೋಮ, ಅ.20 ದಾನಿ ಶುಕ್ರವಾರ ಬೊಲ್ಪುಗು ಗಣಹೋಮ, ಸಾರ್ವಜನಿಕ ಚಂಡಿಕಾ ಹೋಮ ಬೊಕ್ಕ ಅನ್ನಸಂತರ್ಪಣೆ ನಡಪೆರೆ ಉಂಡು. ಅಂಚನೆ ಶ್ರೀ ಮಹಾಲಿಂಗೇಶ್ವರ ಭೋಜನ ಶಾಲೆ, ಬೊಕ್ಕ ಅರ್ಚಕೆರ್ನ ವಸತಿಗೃಹದ ಪ್ರವೇಶೋತ್ವವ ಕಾಂಡೆ 10 ಗಂಟೆಗ್‌ ನಡಪೆರೆ ಉಂಡು. ಈ ಪೊರ್ತುಡು ಮಹಾಲಿಂಗೇಶ್ವರ ದೇವಸ್ಥಾನದ ಉಪಾಧ್ಯಕ್ಷೆರ್‌ ಕೆ.ಎನ್.‌ ಅಜಿತ್‌ ಕುಮಾರ್‌ ಹಲೇಜಿ ಲೇಸ್‌ದ ಉದಿಪನ ಮಲ್ಪೆರೆ ಉಲ್ಲೆರ್.‌ ಮಾತೆರ್ಲ ಈ ಮಾತ ಕಾರ್ಯಕ್ರಮಡ್‌ ಪಾಲ್‌ ಪಡೆದ್‌ ಶ್ರೀ ದೇವೆರ್ನ ಬೊಕ್ಕ ದೇವಿನ ದರ್ಶನ ಮಲ್ತ್‌ದ್‌, ಪ್ರಸಾದ ಸ್ವೀಕಾರ ಮಲ್ಪೊಡು ಪಂದ್‌ ಲೆಪ್ಪೋಲೆಡ್‌ ತೆರಿಪಾದೆರ್.

ಧರ್ಮಸ್ಥಳಡ್ 25ನೇ ವರ್ಷದ ಭಜನಾ ತರಬೇತಿ ಕಮ್ಮಟದ ಮುಗಿತಲದ ಲೇಸ್‌

ಧರ್ಮಸ್ಥಳ: ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಭಜನಾ ಪರಿಷತ್ ಶ್ರೀ ಕ್ಷೇತ್ರ ಧರ್ಮಸ್ಥಳದ 25 ನೇ ವರ್ಷದ ಭಜನಾ ತರಬೇತಿ ಕಮ್ಮಟದ ಮುಗಿತಲದ ಲೇಸ್‌ ಅ.4 ದಾನಿ ಅಮೃತವರ್ಷಿಣಿ ಸಭಾ ಭವನಡ್‌ ನಡತ್‌ಂಡ್.‌ ಲೇಸ್‌ದ ಗುರ್ಕಾರ್ಮೆನ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆ ವಹಿಸ್‌ದ್‌ ಇತ್ತೆರ್.‌ ಹುಬ್ಬಳ್ಳಿ ಮೂಜಿ ಸಾವಿರ ಮಠದ ಮನ್ಮಹಾರಾಜನಿರಂಜನ ಜಗದ್ಗುರು ಡಾ.ಗುರು ಸಿದ್ದರಾಜ ಯೋಗೀಂದ್ರ ಮಹಾ ಸ್ವಾಮೀಜಿ ಆಶೀರ್ವಚನ ಕೊರಿಯೆರ್.‌
ರಾಜ್ಯಸಭಾ ಸದಸ್ಯೆರ್‌ ಬೊಕ್ಕ ಚಲನಚಿತ್ರ ಸಂಗೀತ ನಿರ್ದೇಶಕೆರ್‌, ಗಾಯಕೆರ್ ಇಲೈಯರಾಜ, ತಮಿಳುನಾಡ್‌ದ ಸಿದ್ಧಪನ್ ಅಯ್ಯಪ್ಪನ್, ಸಾರಿಗೆ ಬೊಕ್ಕ ಮುಜರಾಯಿ ಸಚಿವೆರ್‌ ರಾಮಲಿಂಗ ರೆಡ್ಡಿ, ವಿಧಾನ ಪರಿಷತ್ ಶಾಸಕೆರ್‌ ಪ್ರತಾಪಸಿಂಹ ನಾಯಕ್, ಮಾಣಿಲ ಶ್ರೀ ಧಾಮದ ಶ್ರೀ ಮೋಹನದಾಸ ಸ್ವಾಮೀಜಿ, ಸಾಹಿತಿ ಹಿರೇಮಗಳೂರು ಕಣ್ಣನ್, ಧರ್ಮಸ್ಥಳದ ಮಾತೃಶ್ರೀ ಹೇಮಾವತಿ ವಿ. ಹೆಗ್ಗಡೆ, ಡಿ.ಹರ್ಷೇಂದ್ರ ಕುಮಾರ್, ಸುಪ್ರಿಯಾ ಹರ್ಷೇಂದ್ರ ಕುಮಾರ್, ಭಜನಾ ಪರಿಷತ್ ಜಿಲ್ಲಾ ಗುರ್ಕಾರ್ಲು ಬಾಲಕೃಷ್ಣ ಪಂಜ, ಪ್ರದೀಪ್ ಕುಮಾರ್ ಕಲ್ಕೂರ, ಟ್ರಸ್ಟಿ ಸಂಪತ್ ಸಾಮ್ರಾಜ್ಯ, ಬೆಂಗಳೂರುದ ಉದ್ಯಮಿ ಅನಂತರಾಮಯ್ಯ, ಭಜನಾ ವೇದಿಕೆಡ್‌ ಇತ್ತೆರ್.

ಓಡೀಲು ಭಜನಾ ಸಮಿತಿರ್ದ್ ತುಮಕೂರು ಬೊಕ್ಕ ಸಿರಾ ತಾಲೂಕುಡ್ ಗಣೇಶೋತ್ಸವಗ್ ಕುಣಿತ ಭಜನಾ ಸೇವೆ

ವಿಶ್ವಹಿಂದೂ ಪರಿಷತ್ ಬೊಕ್ಕ ಬಜರಂಗದಳ ನೆತ್ತ ಗಣೇಶೋತ್ಸವ ವಿಸರ್ಜನ ಮಹೋತ್ಸವಡ್ ತರಬೇತಿದಾರೆರಾಯಿನ ಸಂದೇಶ್ ಮದ್ದಡ್ಕ ಮೆರ್‌ನ ಮಾರ್ಗದರ್ಶನಡ್ ಕುಣಿತ ಭಜನಾ ಪ್ರದರ್ಶನನ್‌ ಕೊರಿಯೆರ್.
ಸಂದೇಶ್ ಮದ್ದಡ್ಕ ಕಲ್ಪಾರ್ಥಿಲೆನ ತಂಡ ಶಿರಾ ದುರ್ಗಾಂಬ ಭಜನಾ ಮಂಡಳಿದ ಸದಸ್ಯೆರ್‌ ಬೊಕ್ಕ ಓಡೀಲು ಮಹಾಲಿಂಗೇಶ್ವರ ಭಜನಾ ಮಂಡಳಿ, ರಾಮಾಂಜನೇಯ ಭಜನಾ ಮಂಡಳಿ ಪುಂಜಾಲಕಟ್ಟೆ, ರುದ್ರಗಿರಿ ಭಜನಾ ಮಂಡಳಿ ತಣ್ಣೀರುಪಂತ, ಶ್ರೀ ವ್ಯಾಘ್ರ ಚಾಮುಂಡಿ ಕರಿಯಬೆ, ಶ್ರೀ ರಾಮಾಂಜನೇಯ ಭಜನಾ ಮಂಡಳಿ ಮಾಲಾಡಿ, ಶ್ರೀ ಗೋಪಾಲ ಕೃಷ್ಣ ಭಜನಾ ಮಂಡಳಿ ನಾವೂರು, ಬೊಕ್ಕ ಶ್ರೀ ದುರ್ಗಾಪರಮೇಶ್ವರಿ ಭಜನಾ ಮಂಡಳಿ ಚಂದ್ಕೂರು ಬೊಕ್ಕ ಶ್ರೀ ಭ್ರಾಮರಿ ಭಜನಾ ಮಂಡಳಿ ಗುರುವಾಯನಕೆರೆ ಸದಸ್ಯೆರ್‌ ಈ ಪೊರ್ತುಡು ಪಾಲ್‌ ಪಡೆದಿತ್ತೆರ್.‌ ಅಂಚನೆ ತುಮಕೂರು ಸಿದ್ದಗಂಗಾ ಮಠಡ್ ಭಜನಾ ಕಾರ್ಯಕ್ರಮನನ್‌ ಕೊರ್ದು ಮಾತೆರ್ನಲ ಮೆಚ್ಚುಗೆಗ್‌ ಪಾತ್ರರಾತೆರ್.

ಬಳಂಜ: ಬ್ರಹ್ಮಶ್ರೀ ಕುಣಿತ ಭಜನಾ ಮಂಡಳಿದ ಪೊಸ ಪದಾಧಿಕಾರಿಲೆನ ಆಯ್ಕೆ

ಬಳಂಜ: ಜಿಲ್ಲೆದ ಪುದರ್‌ ಪಡೆಯಿನ ಕುಣಿತ ಭಜನಾ ಮಂಡಲಿಡ್‌ ಒಂಜಾಯಿನ ಬಳಂಜದ ಬ್ರಹ್ಮಶ್ರೀ ಕುಣಿತ ಭಜನಾ ಮಂಡಳಿದ ಸಭೆ ಇಂಚಿಪ್ಪಗ್ ನಡತ್‌ಂಡ್. ಈ ಪೊರ್ತುಡು ದುಂಬುದ ಸಾಲ್‌ದ ಪೊಸ ಪದಾಧಿಕಾರಿಲೆನ್‌ ಆಯ್ಕೆ ಮಲ್ತೆರ್.
ಗುರ್ಕಾರ್ದಿ ಆದ್ ಜ್ಯೋತಿ ಮಜ್ಜೆನಿ, ಕಾರ್ಯದರ್ಶಿಯಾದ್ ಅನುಕ್ಷಾ, ಜೊತೆ ಕಾರ್ಯದರ್ಶಿಯಾದ್ ಪ್ರತೀಕ್ಷಾ, ಕೋಶಾಧಿಕಾರಿಯಾದ್ ತೇಜಸ್ವಿನಿ ಮೊಕ್ಲೆನ್‌ ಆಯ್ಕೆ ಮಲ್ತೆರ್.‌ ಮಂಡಳಿಡ್ ಒಟ್ಟು 35 ಸದಸ್ಯೆರ್‌ ಇತ್ತ್‌ದ್‌, ಮಾತೆರೆನ್ ಕಾರ್ಯಕಾರಿ ಸಮಿತಿಗ್‌ ಆಯ್ಕೆ ಮಲ್ತೆರ್.