ಬೊಲ್ತೆರ್ ಸುದ್ದಿ | Belthangady News

ಚಂದ್ಕೂರು: ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಡ್‌ ನವರಾತ್ರಿ ಮಹೋತ್ಸವ ಬೊಕ್ಕ ಚಂಡಿಕಾಯಾಗ

ಲಾಯಿಲ: ಚಂದ್ಕೂರು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಡ್‌ ಅ.15 ರ್ದ್‌ 23 ಮುಟ ನವರಾತ್ರಿ ಮಹೋತ್ಸವ ಬೊಕ್ಕ ಅ.24 ದಾನಿ ಶ್ರೀ ಚಂಡಿಕಾಯಾಗ ನಡಪೆರೆ ಉಂಡು. ನವರಾತ್ರಿದ ಪೊರ್ತುಡು ಕಾಂಡೆ ಸೇವೆಲು ನಡಪುಂಡು. ಬೊಕ್ಕ ಮಹಾಪೂಜೆ, ಅನ್ನಸಂತರ್ಪಣೆ, ಪ್ರಸಾದ ವಿತರಣೆ ನಡಪುಂಡು.
ಅಂಚನೆ ಈ ಪೊರ್ತುಡು ಬೇತೆ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮ, ಭಜನೆ ಸೇವೆಲು, ಸ್ಯಾಕ್ಸೊಫೋನ್ ವಾದನ, ಪಿಲಿ ಏಸ ಲೇಸ್‌ ನಡಪೆರೆ ಉಂಡು. ಆ ಪ್ರಯುಕ್ತ ಭಗವದ್ಭಕ್ತೆರಾಯಿನ ಮಾತೆರ್ಲ ತನು-ಮನ-ಧನ ಕೊರ್ದು ಸಹಕಾರ ಮಲ್ತ್‌, ಶ್ರೀ ದೇವೆರ್ನ ಪ್ರಸಾದನ್‌ ಸ್ವೀಕಾರ ಮಲ್ತ್‌, ದೇವಿನ ಅನುಗ್ರಹಗ್‌ ಪಾತ್ರರಾವೊಡು ಪಂದ್‌ ಆಡಳಿತ ಮಂಡಳಿ ಲೆಪ್ಪೋಲೆಡ್‌ ತೆರಿಪಾದೆರ್.

ಧರ್ಮಸ್ಥಳ ಭಜನಾ ಕಮ್ಮಟದ ಬೊಲ್ಲಿ ಪರ್ಬದ ನಿಲೆಟ್ಟ್ ಭಜನಾ ತರಬೇತಿ

ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ನಡತೊಂದು ಇಪ್ಪುನ ಭಜನಾ ಕಮ್ಮಟದ ಬೊಲ್ಲಿ ಪರ್ಬದ ಉಚ್ಚಯದ 5ನೇ ದಿನ ಆಯಿನ (ಅ.2) ಕೋಡೆ ಸಂಪನ್ಮೂಲ ವ್ಯಕ್ತಿ ಎಂ. ಐಎಸ್‌ ಗಿರಿಧರ್‌ ಮೇರ್ ಭಜನೆ ತರಬೇತಿನ್ ಕೊರಿಯೆರ್. ಸರಿಮ್ಯ ಸುಭಾಷ್‌ ಮೇರ್ ಭಜನೆ, ಶೋಭಾನೆ, ಸಂಪ್ರದಾಯ ಪದ್ಯನ್ ಕಮ್ಮಟಡ್ ಪಂಡ್ ದ್ ಕೊರಿಯೆರ್.ಮಧ್ಯಾಹ್ನ 12 ಗಂಟೆಗ್ ಭಜನೆ ಬೊಕ್ಕ ಬದುಕು ಪನ್ಪುನ ವಿಚಾರದ ಬಗೆಟ್ಟ್ ಎನ್‌ ಆರ್‌ ದಾಮೋದರ ಶರ್ಮಾ ಬಾರ್ಕೂರು ಮೇರ್ ಧಾರ್ಮಿಕ ಉಪನ್ಯಾಸ ಕೊರಿಯೆರ್. ಶ್ರೀ ಕ್ಷೇತ್ರದ ಬೇತೆ ಬೇತೆ ಭಾಗಗ್ ನಗರ ಸಂಕೀರ್ತನೆಗ್ ಪೋದು, ಶ್ರೀ ಕ್ಷೇತ್ರಡ್ ಇಸೇಸ ಭಜನಾ ಸಂಚಲನನ್ ಮೂಡಿಸಾಯೆರ್. ಈ ಪೊರ್ತುಡು ನಾಗರಿಕೆರೆನ ಸಹಕಾರ ಬೊಕ್ಕ ಸ್ಪಂದನೆ ಮಸ್ತ್ ಎಡ್ಡೆ ಇತ್ತ್ಂಡ್. ಸಾಂಸ್ಕ್ರತಿಕ ಲೇಸ್ ಡ್ ಮಂಜು ನಾದ ಸಂಗೀತ ಕಛೇರಿ ಲೇಸ್ ನ್ ಪಿ ನಿತ್ಯಾನಂದ ರಾವ್‌ ಬೊಕ್ಕ ಕೂಟದಕುಲು ನಡಪಾದ್ ಕೊರಿಯೆರ್.

ಪ್ರತೀ ದಿನ ಪುರುಷ ಶಿಬಿರಾರ್ಥಿಲೆಗ್ ರಾಜ್ಯಮಟ್ಟದ ನೃತ್ಯ ಭಜನಾ ತರಬೇತುದಾರೆರ್ ರಮೇಶ್‌ ಕಲ್ಮಾಡಿ ಬೊಕ್ಕ ಶಂಕರ್‌ ಮೆರೆರ್ದ್ ಕುಣಿತ ಭಜನಾ ತರಬೇತಿನ್, ಮಹಿಳಾ ಶಿಬಿರಾರ್ಥಿಲೆಗ್ ವಿದುಷಿ ಚೈತ್ರಾ ಧರ್ಮಸ್ಥಳ ಮೆರೆರ್ದ್ ನೃತ್ಯ ಭಜನಾ ತರಬೇತಿನ್ ನಡಪಾವೊಂದು ಉಲ್ಲೆರ್. ಈ ಕಮ್ಮಟಡ್ ಡಾ| ಡಿ. ವೀರೇಂದ್ರ ಹೆಗ್ಗಡೆ, ಶ್ರೀ ಧಾಮ ಮಾಣಿಲದ ಶ್ರೀ ಮೋಹನದಾಸ ಸ್ವಾಮೀಜಿ, ಡಾ। ಹೇಮಾವತಿ ವೀ. ಹೆಗ್ಗಡೆ, ಹರ್ಷೇಂದ್ರ ಕುಮಾರ್‌, ಕಮ್ಮಟದ ಸಂಚಾಲಕೆರ್ ಸುಬ್ರಹ್ಮಣ್ಯಪ್ರಸಾದ್‌, ಕಾರ್ಯದರ್ಶಿ ಸುರೇಶ್‌ ಮ್ಯೊಲಿ, ಪರಿಷತ್‌ದ ಅಧ್ಯಕ್ಷೆರ್ ಬಾಲಕೃಷ್ಣ ಪಂಜ, ಕಾರ್ಯದರ್ಶಿ ಪುರುಷೋತ್ತಮ ಪಿ.ಕೆ., ಕಮ್ಮಟದ ಸದಸ್ಯೆರ್ ರತ್ನವರ್ಮ ಜೈನ್‌, ಶ್ರೀನಿವಾಸ್‌ರಾವ್‌, ಕೋಶಾಧಿಕಾರಿ ಧರ್ಣಪ್ಪ, ಭವಾನಿ, ಸಂಗೀತ, ಶ್ರೀನಿವಾಸ್‌, ಜನಾರ್ದನ್ ಪಾಲ್ ಪಡೆದಿತ್ತೆರ್.

2022-23‌ನೇ ಸಾಲ್‌ದ ಗಾಂಧಿ ಪುರಸ್ಕಾರ ಪ್ರಶಸ್ತಿನ್‌ ಸ್ವೀಕಾರ ಮಲ್ತಿನ ಬಳಂಜ ಗ್ರಾಮ ಪಂಚಾಯ್ತಿ

ಬೋಲ್ತೆರ್: ಗ್ರಾಮ ಪಂಚಾಯತ್ ಅಭಿವೃದ್ಧಿ ಕಾರ್ಯದ ಉತ್ತೇಜನ, ಜನಪರ ಆಡಳಿತ, ಪಂಚಾಯ್ತಿ ವ್ಯಾಪ್ತಿಡ್‌ ಆಯಿನ ಬೇತೆ ಬೇತೆ ಯೋಜನೆದ ಸಮರ್ಪಕ ಅನುಷ್ಠಾನ, ಪಂಚಾಯತ್‌ಗ್‌ ಆದಾಯ ಮೂಲಗಳ ನಿರ್ಮಾಣ ಇಂಚಿನ ಉತ್ತಮ ಕಾರ್ಯಲೆನ್ ಪರಿಗಣಿಸಾದ್‌ 2022-23ನೇ ಸಾಲ್‌ದ ಪ್ರತಿಷ್ಠಿತ `ಗಾಂಧಿ ಗ್ರಾಮ ಪುರಸ್ಕಾರ’ ಪ್ರಶಸ್ತಿನ್‌ ಅ.2 ದಾನಿ ಸ್ವೀಕಾರ ಮಲ್ತೆರ್.‌
ಅ.2 ಗಾಂಧಿ ಜಯಂತಿ ದಾನಿ ಕಾಂಡೆ 10 ಕ್ಕ್ ಬೆಂಗಳೂರುದ ವಿಧಾನ ಸೌಧ ಬ್ಯಾಂಕ್ವೆಟ್ ಹಾಲ್‌ಡ್‌ ನಡತ್ತಿನ ಲೇಸ್‌ಡ್ ನಡೆದ ಮುಖ್ಯಮಂತ್ರಿ ಸಿದ್ದರಾಮಯ್ಯ, ಉಪಮುಖ್ಯಮಂತ್ರಿ ಡಿ.ಕೆ.ಶಿವ ಕುಮಾರ್ ಬೊಕ್ಕ ಗ್ರಾಮೀಣ ಅಭಿವೃದ್ಧಿ ಬೊಕ್ಕ ಪಂಚಾಯತ್ ರಾಜ್ ಇಲಾಖೆಯ ಸಚಿವೆರಾಯಿನ ಪ್ರಿಯಾಂಕ್ ಖರ್ಗೆ ಬಳಂಜ ಗ್ರಾಮ ಪಂಚಾಯತ್‌ದ ಗುರ್ಕಾರ್ದಿ ಶೋಭಾ ಕುಲಾಲ್, ಪಂ.ಅಭಿವೃದ್ಧಿ ಅಧಿಕಾರಿ ಶ್ರೀನಿವಾಸ್,ಮಾಜಿ ಗುರ್ಕಾರ್ಲು ಹೇಮಂತ್, ಉಪಾಧ್ಯಕ್ಷೆರ್ ಯಶೋಧರ ಶೆಟ್ಟಿ ಬೊಕ್ಕ ಸದಸ್ಯೆರ್ ಪಾಲ್‌ ಪಡೆದ್‌ ಪ್ರಶಸ್ತಿನ್‌ ಸ್ವೀಕಾರ ಮಲ್ತೆರ್.

ಬೆಳಾಲ್‌ದ ಶಿಲ್ಪಿ ಶಶಿಧರ ಆಚಾರ್ಯ ಮೈಸೂರು ದಸರಾ ಕಾವ್ಯ ಶಿಲ್ಪಕಲಾ ಶಿಬಿರಗ್‌ ಆಯ್ಕೆ

ಬೆಳಾಲು: ಮೈಸೂರು ದಸರಾ ಮಹೋತ್ಸವ-2023 ನೆತ್ತ ಕರ್ನಾಟಕ ಶಿಲ್ಪಕಲಾ ಅಕಾಡೆಮಿ, ಬೆಂಗಳೂರು, ದಸರಾ ಲಲಿತಕಲೆ ಬೊಕ್ಕ ಕರಕುಶಲ ಉಪ ಸಮಿತಿದ ಒಟ್ಟು ಸೇರಿಗೆಡ್‌ ಮೈಸೂರು ಕಲಾ ಮಂದಿರಡ್ ಅ.14 ರ್ದ್‌ ನಡಪುನ ಸಾಂಪ್ರದಾಯಿಕ ಕಾವ್ಯ ಶಿಲ್ಪಕಲಾ ಶಿಬಿರಡ್‌ ಪಾಲ್‌ ಪಡೆಯೆರೆ ಬೆಳಾಲ್‌ದ ಶಿಲ್ಪಿ ಶಶಿಧರ ಆಚಾರ್ಯ ಆಯ್ಕೆಯಾತೆರ್.‌
ಈ ಶಿಬಿರಡ್‌ ಪಾಲ್‌ ಪಡೆದ್ ಸೃಜನಶೀಲ ಶಿಲ್ಪಿಲೆನ್‌ ಮಲ್ತ್‌ ಕೊರಿಯೆರೆ ಶಿಲ್ಪಕಲಾ ಅಕಾಡೆಮಿ ಅವಕಾಶ ಕೊರ್ತುಂಡು ಪಂದ್‌ ತೆರಿಪಾದೆರ್.

ಬಂದಾರು–ಮೊಗ್ರು ಗ್ರಾಮದ ಬೇತೆ ಬೇತೆ ಸಂಘ-ಸಂಸ್ಥೆರ್ದ್ ಸ್ವಚ್ಚತಾ ಕಾರ್ಯ‌

ಬಂದಾರು: ಕೇಂದ್ರ ಸರ್ಕಾರದ ನಿರ್ದೇಶನದಂಚ ಬಂದಾರು ಗ್ರಾಮ ಪಂಚಾಯತ್ ಬೊಕಕ ಬಂದಾರು– ಮೊಗ್ರು ಗ್ರಾಮದ ಬೇತೆ ಬೇತೆ ಸಂಘ-ಸಂಸ್ಥೆದ ಒಟ್ಟು ಸೇರಿಗೆಡ್ ಸ್ವಚ್ಛತಾ ಅಭಿಯಾನ ಕಾರ್ಯಕ್ರಮ ಬಂದಾರು–ಮೈರೋಳ್ತಡ್ಕ-ಊಂತನಾಜೆ ಪರಿಸರಡ್ ಸ್ವಚ್ಚತಾ ಕಾರ್ಯ ನಡತ್‌ಂಡ್.
ಈ ಪೊರ್ತುಡು ಗ್ರಾಮ ಪಂಚಾಯತ್ ಗುರ್ಕಾರ್ಲು ದಿನೇಶ್ ಗೌಡ ಖಂಡಿಗ, ಒತ್ತು ಗುರ್ಕಾರ್ದಿ ಪುಷ್ಪಾವತಿ ಬರಮೇಲು, ಅಭಿವೃದ್ದಿ ಅಧಿಕಾರಿ ಮೋಹನ್ ಬಂಗೇರ, ಮಾಜಿ ಗುರ್ಕಾರ್ಲು ಪರಮೇಶ್ವರಿ ಕೆ.ಗೌಡ, ಉಪಾಧ್ಯಕ್ಷೆರಾಯಿನ ಗಂಗಾಧರ ಪೂಜಾರಿ ಮುಗೆರಡ್ಕ, ಸದಸ್ಯೆರಾಯಿನ ಬಾಲಕೃಷ್ಣ ಗೌಡ, ಚೇತನ್ ಗೌಡ, ಶಿವ ಗೌಡ, ಶಿವಪ್ರಸಾದ್, ಮಂಜುಶ್ರೀ, ಅನಿತಾ, ಸುಚಿತ್ರಾ, ಭಾರತಿ, ಪದ್ಮುಂಜ ಸಿ.ಎ,ಬ್ಯಾಂಕ್ ಉಪಾಧ್ಯಕ್ಷೆರ್ ಅಶೋಕ್ ಗೌಡ, ಬಿಜೆಪಿ ಮಂಡಲದ ಉಪಾಧ್ಯಕ್ಷೆರ್ ಸೀತಾರಾಮ ಬೆಳಾಲು, ಬಂದಾರು ಹಾಲು ಉತ್ಪಾದಕರ ಮಹಿಳಾ ಸಹಕಾರಿ ಸಂಘದ ಗುರ್ಕಾರ್ಲು ಮಮತಾ ಕೆ ಗೌಡ, ಉಪಾಧ್ಯಕ್ಷೆರ್ ಧರ್ಮಾವತಿ, ನಿರ್ದೇಶಕೆರಾಯಿನ ಮಮತಾ ಸುಂದರ ಗೌಡ ನಿನ್ನಿಕಲ್ಲು , ಬಂದಾರು ಬೊಕ್ಕ ಮೊಗ್ರು ಗ್ರಾಮದ ಬೇತೆ ಬೇತೆ ಸಂಘ- ಸಂಸ್ಥೆಲಾಯಿನ ಬಂದಾರು ಹಾಲು ಉತ್ಪಾದಕರ ಮಹಿಳಾ ಸಹಕಾರಿ ಸಂಘ, ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ದಿ ಯೋಜನೆದ ಒಕ್ಕೂಟ ಬಂದಾರು ಬೊಕ್ಕ ಮೈರೊಳ್ತಡ್ಕ ,ಪಾಂಚಜನ್ಯ ಗೆಳೆಯರ ಬಳಗ ಪಾಂಜಾಳ, ಕೇಸರಿ ನಂದನ ಗೆಳೆಯರ ಬಳಗ ಬಂದಾರು,ಶ್ರೀ ಲಕ್ಷ್ಮೀನಾರಾಯಣ ಭಜನಾ ಮಂಡಳಿ ಊಂತನಾಜೆ , ಶ್ರೀ ಸದಾಶಿವ ಗೆಳೆಯರ ಬಳಗ ಮೈರೊಳ್ತಡ್ಕ, ಶಿವ ಗೆಳೆಯರ ಬಳಗ ಮೈರೊಳ್ತಡ್ಕ, ಪದಾಧಿಕಾರಿಲು, ಸದಸ್ಯೆರ್‌, ಆಶಾ ಕಾರ್ಯರ್ತೆಯೆರ್, ಪಂಚಾಯತ್ ಸಿಬ್ಬಂದಿ ವರ್ಗ ಬೊಕ್ಕ ಗ್ರಾಮಸ್ಥೆರ್‌ ಇತ್ತೆರ್.

ಓಡೀಲು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ಸ್ವಚ್ಚತಾ ಕಾರ್ಯ‌

ಬೋಲ್ತೆರ್:‌ ಓಡೀಲು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ವಠಾರಡ್ ಸ್ವಚ್ಚತಾ ಕಾರ್ಯ‌ ಅ.1 ದಾನಿ ಐತಾರ ನಡತ್‌ಂಡ್.
ಈ ಪೊರ್ತುಡು ವ್ಯವಸ್ಥಾಪನ ಸಮಿತಿದ ಗುರ್ಕಾರ್ಲು ಪ್ರಭಾಕರ ಶೆಟ್ಟಿ ಉಪ್ಪಡ್ಕ, ಪ್ರಮುಖೆರಾಯಿನ ವಿಜಯ್ ಸಾಲ್ಯಾನ್, ಅಶ್ವಿನಿ ನಾಯಕ್, ರಾಮು ಪಡಂಗಡಿ, ರಾಜಪ್ರಕಾಶ್ ಶೆಟ್ಟಿ, ಅಭಿವೃದ್ಧಿ ಸಮಿತಿದ ಗುರ್ಕಾರ್ಲು ಚಿದಾನಂದ ಇಡ್ಯಾ, ಮ್ಯಾನೇಜರ್ ವಿಕಾಸ್ ಶೆಟ್ಟಿ, ಯುವ ಸಮಿತಿದ ಗುರ್ಕಾರ್ಲು ಅಶ್ವಿತ್ ಕುಲಾಲ್ ಬೊಕ್ಕ ಸಮಿತಿದ ಸದಸ್ಯೆರ್‌ ಇತ್ತೆರ್.