ಬೊಲ್ತೆರ್ ಸುದ್ದಿ | Belthangady News

ಆ.1 ಕ್ಕ್ ಕೊಂಕಣಿ ಸಾಹಿತ್ಯ ಅಕಾಡೆಮಿ ಗೌರವ ಪ್ರಶಸ್ತಿ ಪ್ರದಾನ

ಕುಡ್ಲ,ಜುಲೈ 30 : ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿದ 2020ನೆ ಸಾಲ್ದ ಗೌರವ ಪ್ರಶಸ್ತಿ ಬೊಕ್ಕ ಪುಸ್ತಕ ಬಹುಮಾನ ಪ್ರದಾನ ಲೇಸ್ ಆ.1ಕ್ಕ್ ಮಧ್ಯಾಹ್ನ 2 ಗಂಟೆಗ್ ಕುಡ್ಲದ ಕುದ್ಮುಲ್ ರಂಗರಾವ್ ಪುರಭವನಡ್ ಅಟ್ಟನೆ ಮಲ್ದೆರ್ ಪಂದ್ ಅಕಾಡೆಮಿ ಗುರ್ಕಾರ್ಲಾಯಿನ ಡಾ.ಕೆ.ಜಗದೀಶ್ ಪೈ ಗುರುವಾರ ಸುದ್ದಿಗೋಷ್ಠಿಡ್ ತೆರಿಪಾಯೆರ್ .

ಅರುಣ್ ಸುಬ್ರಾವ್ ಉಭಯಕರ್ (ಸಾಹಿತ್ಯ), ಪುತ್ತೂರು ಪಾಂಡುರಂಗ ನಾಯಕ್ (ಕಲೆ), ಲಕ್ಷ್ಮಿ ಕೃಷ್ಣ ಸಿದ್ದಿ (ಜಾನಪದ) ಮೆರೆಗ್ ಅಕಾಡೆಮಿ ಗೌರವ ಪ್ರಶಸ್ತಿ ಬೊಕ್ಕ ಪ್ರೇಮ್ ಮೊರಾಸ್ ಮೇರ್ ಕವನ-ಏಕ್‌ಮೂಟ್ ಪಾವ್ಳ್ಯೊ’, ಮೋನಿಕಾ ಡೇಸಾ ಅವರ ಸಣ್ಣಕತೆ-ನವಿದಿಶಾ’, ಸ್ಟೀವನ್ ಕ್ವಾಡ್ರಸ್ ಮೆರ್ನ ಲೇಖನ-ಸುಗಂದು ಸ್ವಾಸ್‌ಗ್ ಪುಸ್ತಕ ಬಹುಮಾನ ಮಾನದಿಗೆ ಮಲ್ಪರೆ ಉಲ್ಲೆರ್ ಪಂದ್ ಪಂಡೆರ್.

ಸ್ವಾಬ್ ಕಲೆಕ್ಟರ್ ಹುದ್ದೆಗ್ ಜು.31ಕ್ಕ್ ಸೀದಾ ಸಂದರ್ಶನ

ಕುಡ್ಲ, ಜುಲೈ 30: ಡಿಎಚ್‍ಒ ಅಧೀನಡ್ ಉಪ್ಪುನ ಪ್ರಾಥಮಿಕ ಆರೋಗ್ಯ ಕೇಂದ್ರಡ್ ಗಂಟಲು ದ್ರವ ಮಾದರಿ ಸಂಗ್ರಹಗ್ (ಸ್ವಾಬ್ ಕಲೆಕ್ಟರ್) 25 ಅರ್ಹ ಅಭ್ಯರ್ಥಿಲೆನ್ ಗುತ್ತಿಗೆ ಆಧಾರಡ್ ತಾತ್ಕಾಲಿಕ ನೇಮಕಗ್ 2021ರ ಜುಲೈ 31ರ ಶನಿವಾರ ಬೆಳಿಗ್ಗೆ 10.30ಕ್ಕೆ ಪೇಂಟೆದ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಕಚೇರಿಡ್ ನೇರ ಸಂದರ್ಶನ ಲೈದೆರ್ .

2021ರ ಸೆಪ್ಟೆಂಬರ್ 30 ಮುಟ ಬೇಲೆ ಮಲ್ಪರೆ ಈ ಆಯ್ಕೆ ನಡತೊಂದು ಉಂಡು , ಡಿ.ಎಂ.ಎಲ್.ಟಿ., ಅರೆವೈದ್ಯಕೀಯ ಪದವೀಧರೆರ್ , ಡಿಪ್ಲೋಮ, ವಿಜ್ಞಾನ ಪದವೀಧರೆರ್ ಅರ್ಜಿ ಪಾಡೋಲಿ .

ಕುಂದಾಪುರಡ್ ವಿಜಯನಗರದ ಇಮ್ಮಡಿ ಹರಿಹರನ ಶಾಸನ ಪತ್ತೆ

ಕುಡ್ಲ ಜುಲೈ 30: ಒಡಿಪುದ ಕುಂದಾಪುರ ತಾಲೂಕುದ ಜಪ್ತಿ ಗ್ರಾಮದ ಕೈಲ್ಕೆರೆ ಪ್ರದೇಶಡ್ ವಿಜಯನಗರದ ಸಂಗಮ ದೊರೆ ಇಮ್ಮಡಿ ಹರಿಹರನ ಶಾಸನನ್ ರಾಜೇಶ್ವರ ಉಪಾಧ್ಯಾಯ ಕಂಚಾರ್ತಿ ಮೇರ್ ಪತ್ತೆ ಮಲ್ದೆರ್ .

ಈ ಶಾಸನನ್ ಓದುದು ಅರ್ಥ ಮಲ್ಪುನಲ್ಪ ಶ್ರುತೇಶ್ ಆಚಾರ್ಯ ಮೂಡುಬೆಳ್ಳೆ ಸಾಕಾರ ಕೊರ್ತೆರ್.
೬ ಅಡಿ ಉದ್ದ ಬೊಕ್ಕ ೨.೫ಅಡಿ ಅಗಲದ ಕಣ ಶಿಲೆ (ಗ್ರಾನೈಟ್)ಡ್ ಕೊರೆಯಿನ ಈ ಶಾಸನ ೫೪ ಸಾಲ್ ಉಂಡು ಕನ್ನಡ ಲಿಪಿ ಬೊಕ್ಕ ಕನ್ನಡ ಅಂಚನೇ ಸಂಸ್ಕೃತ ಭಾಷೆ ನೆಟ್ಟ್ ಉಂಡು.
‘ಶ್ರೀ ಗಣಾಧಿಪತಯೆ ನಮಃ’ ಪನ್ಪಿನ ಶ್ಲೋಕಡ್ ಸುರು ಆಯಿನ ಈ ಶಾಸನ ಇಮ್ಮಡಿ ಹರಿಹರನು ವಿಜಯನಗರಡ್ ಆಳ್ವಿಕೆ ಮಲ್ದಿನ ಜಯಾಭ್ಯುದಯ ಶಕವರ್ಷ ೧೩೧೬ (ಕ್ರಿ.ಶ ೧೩೯೪, ನವಂಬರ್ ೧೦ ಸೋಮವಾರ) ಬಾವ ಸಂವತ್ಸರದ ಕಾರ್ತಿಕ ಶುದ್ಧ ೧೦ಸೋಮವಾರದಾನಿ ಭಾರದ್ವಾಜ ಗೋತ್ರದರ್ ಆಯಿನ ನಾರಾಯಣ ವಾಜಪೇಯಯಾಜಿಲು ಬೊಕ್ಕ ನರಹರಿ ಸೋಮಯಾಜಿ ಅಂಚನೇ ವಸಿಷ್ಠ ಗೋತ್ರದ ಪಂಡರಿ ದೀಕ್ಷಿತರು ಪಂಪಾ ಕ್ಷೇತ್ರದ ಶ್ರೀ ವಿರೂಪಾಕ್ಷ ದೇವರ ಸನ್ನಿಧಿಡ್ ಶಿವರಾತ್ರಿದ ಪುಣ್ಯ ಕಾಲಡ್ ಸರ್ವಭಾದ ಪರಿಹಾರವಾದ್ ರಾಯೆರೆ ಪುದರ್ ಡ್ ಹಿರಾಣ್ಯೋದಕ ದಾನ ಮಲ್ದಿನ ವಿವರ ಉಂಡು.

ಮಿರಾರೋಡ್ ಶ್ರೀ ಶನೀಶ್ವರ ಮಂದಿರ ವತಿರ್ದ್ ಆಟಿದ ಶನಿಪೂಜೆ

ಜುಲೈ 30: ಮಿರಾರೋಡ್ ಶ್ರೀ ಶನೀಶ್ವರ ಮಂದಿರ ವತಿರ್ದ್ ಆಟಿ ತಿಂಗೊಲ್ಡು ಮಿರಾರೋಡ್ ಶ್ರೀ ಶನೀಶ್ವರ ಮಂದಿರ ವತಿರ್ದ್ವಿಶೇಷ ರೀತಿಡ್ ಆಚರಣೆ ಮಲ್ಪುನ 18 ನೇ ವರ್ಷದ ಆಟಿದ ಶನಿ ಪೂಜೆ ತಾರೀಖ್ 31-07-2021 ಶನಿವಾರದಾನಿ ಶ್ರೀ ಶನೀಶ್ವರ ಮಂದಿರಡ್ ನಡಪರೆ ಉಂಡು.18ನೇ ವರ್ಷದ ಆಟಿದ ಶನಿ ಪೂಜೆದ ಪರವಾದ್ ಮಧ್ಯಾಹ್ನ 12:00 ರ್ದ್ ಕಲಶ ಪ್ರತಿ ಷ್ಠಾಪನೆರ್ದ್ ಬೊಕ್ಕ ಶ್ರೀ ಶನೀಶ್ವರ ಗ್ರಂಥ ಪಾರಾಯಣ ,5 ಗಂಟೆರ್ದ್ ಭಜನೆ ಐರ್ದ್ ಬೊಕ್ಕ ಕುಣಿತ ಭಜನೆ 7:30ಕ್ ಮಹಾ ಮಂಗಳಾರತಿದ ಪ್ರಸಾದ ಅನ್ನ ಸಂತರ್ಪಣೆದೊಟ್ಟುಗು ನಡಪರೆ ಉಂಡು.ಈ ಪೊರ್ತುಡು ಶ್ರೀ ಶನೀಶ್ವರ ಸೇವಾ ಚಾರಿಟೇಬಲ್ ಟ್ರಸ್ಟ್ ದ ಶ್ರೀ ಶನೀಶ್ವರ ಕೃಪಾ ಪೋಷಿತ ಯಕ್ಷಗಾನ ಮಂಡಳಿ . (ಮಕ್ಕಳ ಮೇಳ) ದ. 2022ನೇ ಸಾಲ್ ದ ಯಕ್ಷಗಾನ ಪ್ರದರ್ಶನಗಾದ್ ತರಬೇತಿನ್ ಸುರು ಮಲ್ಪರೆ ಯಕ್ಷಗಾನ ಗುರುಕುಲಾಯಿನ ನಾಗೇಶ್ ಪೋಳಲಿ ಮೆರೆಗ್ . ವಿಳ್ಯ ಕೊರ್ಪಿನ ಮುಖೇನ ಉದಿಪನ ಮಲ್ಪರೆ ಉಲ್ಲೆರ್.ಅಂಚನೇ ಈ ಮಾತಾ ಧಾರ್ಮಿಕ ಕಾರ್ಯಡ್ಅನ್ನ ಸಂತರ್ಪಣೆಗ್  ಮಲ್ಲಿಕಾ .ಕೃಷ್ಣ ಶೆಟ್ಟಿ ಮೇರ್ 5001 ರೂಪಾಯಿನ್ ಅಂಚನೆ, ಪ್ರಜಾಕ್ತಾ ನಿಮಿತ್ ಚೌ ರಸ್ಯ ಮೇರ್ 25 ಕೆಜಿ ಅರಿ ಕೊರ್ತೆರ್.ಅಂಚನೇ ಅಲಂಕಾರ ದ ಸೇವಾ ಕರ್ತರಾಯಿನ ಮಾಲ ಚೈನ್. ಪೂಜಾ ಸಾಮಗ್ರಿದ ಸೇವಾ ಕರ್ತರಾದ್ ಆಶಾ ಪದ್ಮನಾಭ್ ಶೆಟ್ಟಿ ಮೇರ್,ಫಲವಸ್ತುದ ರೂಪದ ಪರ್ನ್ದ್ ದ ಸೇವಾ ಕರ್ತರಾಯಿನ ಸುಜಾತ ಗಂಗಾಧರ ಶೆಟ್ಟಿ,ಪ್ರಸಾದ ಸೇವಾಕರ್ತ ವಿಜಯಲಕ್ಷ್ಮಿ ಶೆಟ್ಟಿಗಾರ್, ಅಂಚನೇ ಅವ್ವೆತೋ ರೀತಿಡ್ ಸಾಕಾರ ಕೊರ್ತೆರ್.

ಅಂಚಾದ್ ಈ ಮಾತಾ ಧಾರ್ಮಿಕ ಕಾರ್ಯಕ್ರಮಡ್ ಪಾಲ್ ಪಡೆದ್
ಶ್ರೀ ಶನೀಶ್ವರನ ಮಹದಾನುಗ್ರಹಗ್ ಪಾತ್ರರಾವೊಡು ಪಂದ್ ಬಿನ್ನಾಪು.

ರಾಜ್ಯದ 30ನೇ‌ ಸಿಎಂ ಆದ್ ಬಸವರಾಜ ಬೊಮ್ಮಾಯಿ ಪ್ರಮಾಣವಚನ ಸ್ವೀಕಾರ

ಬೆಂಗ್ಳೂರು : ಕೋಡೆ ಆತೆ ರಾಜ್ಯದ ಪೊಸ ಮುಖ್ಯಮಂತ್ರಿಯಾದ್ ಆಯ್ಕೆ ಆಯಿನ ಬಸವರಾಜ ಬೊಮ್ಮಾಯಿ ಮೇರ್ , ರಾಜಭವನಡ್ ನಡತಿನ ಸರಳ ಲೇಸ್ ಡ್ , 30ನೇ ಮುಖ್ಯಮಂತ್ರಿಯಾದ್ ದೇವೆರ್ನ ಪುದರ್ ಡ್ ಪ್ರಮಾಣವಚನ ಸ್ವೀಕಾರ ಮಲ್ತೆರ್ . ಮೆರೆಗ್ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಮೇರ್ ಪ್ರತಿಜ್ಞಾವಿಧಿನ್ ಬೋಧನೆ ಮಲ್ತೆರ್ .

ರಾಜಕೀಯ ಹಿನ್ನಲೆ, ಉತ್ತಮ ನಡೆ, ವಿದ್ಯಾರ್ಹತೆ ಉಪ್ಪುನರ್ , ರಾಜಕೀಯ ಅನುಭವ ಉಪ್ಪುನಂಚಿನ ಬಸವರಾಜ ಬೊಮ್ಮಾಯಿನ್ ಬಿಎಸ್ ಯಡಿಯೂರಪ್ಪ ರ್ದ್ ಬೊಕ್ಕ , ಕರ್ನಾಟಕದ 30ನೇ ಮುಖ್ಯಮಂತ್ರಿಯಾದ್ ಆಯ್ಕೆ ಮಲ್ತೆರ್ . ಇಂಚಿನ ಪೊಸ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ , ರಾಜಭವನದ ಗಾಜಿನ ಅರಮನೆಡ್ ನಡತಿನ ಸರಳ ಲೇಸ್ ಡ್ , ಪ್ರಮಾಣ ವಚನ ಸ್ವೀಕಾರ ಮಲ್ತೆರ್ . ಮೆರೆಗ್ ರಾಜ್ಯಪಾಲ ಥಾವರ್ ಚಂದ್ ಗೆಹ್ಲೋಟ್ ಮೇರ್ ಪ್ರತಿಜ್ಞಾವಿಧಿನ್ ಬೋಧನೆ ಮಲ್ತೆರ್ .

ಸ್ಯಾಂಡಲ್ ವುಡ್ ಗ್ ಕಾರ್ ದೀನ ವೈಷ್ಣವ ಪ್ರೊಡಕ್ಷನ್ ಭರತ್ ಚಿತ್ರತಂಡ

ಕುಡ್ಲ : ಪೊಸ ಕೂಟ ಹೊಸ ಪ್ರಯತ್ನ ಪೊಸತನದೊಟ್ಟುಗು ಸ್ಯಾಂಡಲ್ ವುಡ್ಗ್ ಕಾರ್ ದೀನ ವೈಷ್ಣವ ಪ್ರೊಡಕ್ಷನ್ ಭರತ್ ಚಿತ್ರತಂಡ ಅವ್ವೆತೋ ಪೆರಿಯ ಕಲಾವಿದೆರ್ ಬೊಕ್ಕ ಸ್ಯಾಂಡಲ್ ವುಡ್ ಸ್ಟಾರ್ ಲೆನ್ ಸಂಪರ್ಕ ಮಲ್ಪುನ ಪ್ರಯತ್ನ ಮಲ್ತುಂಡು.

ನೇರ ಮುಖಾಮುಖಿ ಯಾ ದೂರವಾಣಿ ಸಂಪರ್ಕ ಬೊಕ್ಕ ಅಕ್ಲೆನ ಆಪ್ತೆರ್ನ ಒಟ್ಟುಗು ಪಾತೆರ್ದ್ ಚಿತ್ರತಂಡದೊಟ್ಟುಗು ವಿಚಾರ ವಿನಿಮಯ ನಡಪಾಯೆರೆ ಪೊರ್ತು ಕೊರಿಯೆರ್ . ತಯಾರಿ ನಡತೊಂದು ಉಪ್ಪುನೆರ್ದಾವರ ಆಯಿನಾತ್ ಬೆಗೋಡೆ ಈ ಪ್ರಕ್ರಿಯೆ ಮುಗಿದ್ ಮರುಚಿತ್ರೀಕರಣಗ್ ಆಯೆರೆ ಉಂಡು .
ಖ್ಯಾತ ಸಂಗೀತ ನಿರ್ದೇಶಕ ಎ.ಆರ್.ರೆಹಮಾನ್ ಸೇರಿನಂಚ ತಮಿಳು ತೆಲುಗು ಚಿತ್ರರಂಗದ ಅವ್ವೆತೋ ಚಿತ್ರತಂಡದ ಸಾಧನೆಗ್ ಎಡ್ಡೆಪ್ಪು ಬಯಕಿಯೆರ್ .

ವಯೋಸಹಜ ಅನಾರೋಗ್ಯರ್ದ್ ತೀರ್ ಪೋಯಿನ ಜೆ.ವಿ. ಸನ್ಸ್ ಸಂಸ್ಥೆದ ಸ್ಥಾಪಕೆರಾಯಿನ ಜೆ.ವಿ.ಸೀತಾರಾಮ್

ಕುಡ್ಲ, ಜುಲೈ 29: ಉದ್ಯಮಿ, ಜೆ.ವಿ. ಸನ್ಸ್ ಸಂಸ್ಥೆದ ಸ್ಥಾಪಕ, ಗೋಕರ್ಣನಾಥ ಕಾಲೇಜ್ ದ ಆಡಳಿತ ಮಂಡಳಿಯ ಗುರ್ಕಾರ್ಲಾಯಿನ ಜೆ.ವಿ.ಸೀತಾರಾಮ್(93) ವಯೋಸಹಜ ಅನಾರೋಗ್ಯರ್ದ್ ಬುಧವಾರ ತೀರ್ ಪೋಯೆರ್.

ಮೃತೆರ್ ಪುತ್ರ, ಪುತ್ರಿ ಸಹಿತ ಇಷ್ಟ ಮಿತ್ರೆರೆರ್ದ್ ದೂರ ಆತೆರ್. ಮೆರ್ನ ಅಂತ್ಯಕ್ರಿಯೆ ಕೋಡೆ ಬೈಯ್ಯಗ್ 4 ಗಂಟೆಗ್ ನಂದಿಗುಡ್ಡೆ ಸ್ಮಶಾನಡ್ ನಡಪರೆ ಉಂಡು ಪಂದ್ ಕುಟುಂಬದಕುಲು ಪಂಡೆರ್.

ಯಶಸ್ವಿ ಉದ್ಯಮಿ, ಅವ್ವೆತೋ ವಿದ್ಯಾಸಂಸ್ಥೆ, ಧಾರ್ಮಿಕ ಕೇಂದ್ರದ ಏಳಿಗೆಗ್ ಬೆಂತಿನ ಜೆ.ವಿ.ಸೀತಾರಾಮ್ ಮೇರ್ ಬಿಲ್ಲವ ಸಮಾಜದ ಮುಖಂಡೇರಾದ್ ಗುರ್ತಿಸಾದ್ ಇತ್ತೆರ್ . ಗೋಕರ್ಣನಾಥ ಬ್ಯಾಂಕ್ ದ ಮಾಜಿ ಗುರ್ಕಾರ್ಲಾದ್ , ವಿಜಯ ಬ್ಯಾಂಕ್ ದ ಮಾಜಿ ನಿರ್ದೇಶಕೆರಾದ್ ಬೇಲೆ ಮಲ್ದೆರ್ .