ಪುತ್ತೂರ್ದ ಸುದ್ದಿ | Puttur News

ವಿಶ್ವ ಹಿಂದೂ ಪರಿಷತ್ ಭಜರಂಗದಳ ವಿಷ್ಣುಮೂರ್ತಿ ಶಾಖೆ ಮಾಣಿಲ ವತಿರ್ದ್ ಸ್ವಚ್ಛತಾ ಅಭಿಯಾನ

ಮಾಣಿಲ : ವಿಶ್ವ ಹಿಂದೂ ಪರಿಷತ್ ಭಜರಂಗದಳ ವಿಷ್ಣುಮೂರ್ತಿ ಶಾಖೆ ಮಾಣಿಲ ವತಿರ್ದ್ ಮಾಣಿಲ ಗ್ರಾಮದ ಪಕಳಕುಂಜರ್ದ್ ಮುರುವದಮುಟ ಮುಖ್ಯ ರಸ್ತೆದ ಮಾರ್ಗಡ್ ಇತ್ತಿನ ಪಂತಿ ಬೊಕ್ಕ ಮಾರ್ಗಗ್ ಬುರ್ದು ಇತ್ತಿನ ಮರತ ಗೆಲ್ಲ್ ನ್ ಕಡ್ತ್ ದ್ ನಿರ್ಮಲ ಮಲ್ತೆರ್.

ಈ ಸ್ವಚ್ಛತಾ ಅಭಿಯಾನಡ್ ಘಟಕದ ಕಾರ್ಯಂತೆರ್ ಬೊಕ್ಕ ಗ್ರಾಮಸ್ಥೆರ್ ಪಾಲ್ ಪಡೆದ್ ಕಾರ್ಯನ್ ಸುಗಮವಾದ್ ಮಲ್ಪರೆ ಸಾಕಾರ ಕೊರಿಯೆರ್ .

ಈ ಪೊರ್ತುಡು ಪಾಲ್ ಪಡೆಯಿನ ಮಾತಾ ಕಾರ್ಯಂತೆರೆಗ್canas,ವನಸ್ ದ ವ್ಯವಸ್ಥೆ ಮಲ್ತಿನ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನ ಮಾಣಿಲದ ಆಡಳಿತ ಮಂಡಳಿಗ್ ವಿಶ್ವಹಿಂದೂ ಪರಿಷತ್ ಭಜರಂಗದಳ ವಿಷ್ಣುಮೂರ್ತಿ ಶಾಖೆ ಮಾಣಿಲದ ಮುಖಂಡೆರ್ ಸೊಲ್ಮೆ ಸಂದೈತ ಮಲ್ದೆರ್.

ಕಾರ್ ಚಾಲಕ ಮಾಲಕೆರ್ನ ಸಂಘರ್ದ್ ಆಹಾರ ಸಾಮಗ್ರಿದ ಕಿಟ್ ವಿತರಣೆ

ವಿಟ್ಲ: ಕಾರು ಚಾಲಕ ಮಾಲಕೆರ್ನ ಸಂಘ ವಿಟ್ಲ ನೆತ್ತ ವತಿರ್ದ್ ಸಂಘದ ಮಾತಾ ಟೂರಿಸ್ಟ್ ಚಾಲಕೆರೆಗ್ ತಲಾ 2000 ರೂ ಮೌಲ್ಯದ ಆಹಾರ ಸಾಮಾಗ್ರಿದ ಕಿಟ್ ಪಟ್ಟಿಯೆರ್ .

ಈ ವಿತರಣಾ ಲೇಸ್ ಡ್ ಸಂಘದ ಗುರ್ಕಾರ್ಲಾಯಿನ ಪ್ರಕಾಶ್ ವಿಟ್ಲ ಕಾರ್ಯದರ್ಶಿ ಜಗತ್ ಶಾಂತಪಾಲ್ ಚಂದಾಡಿ, ಕೋಶಾಧಿಕಾರಿ ಸದಾಶಿವ ಅಳಿಕೆ, ಒತ್ತುಗುರ್ಕಾರ್ಲಾಯಿನ ನಾರಾಯಣ, ಈಶ್ವರ ಮೂಲ್ಯ ಮತ್ತು ಭರತ್, ಸ್ಥಾಪಕಾಧ್ಯಕ್ಷ ಪ್ರಭಾಕರ ದೈವಗುಡ್ಡೆ ಬೊಕ್ಕ ಸದಸ್ಯೆರ್ ಪಾಲ್ ಪಡೆದಿತ್ತೆರ್ .

ಕುಲಾಲ ಕುಂಬಾರೆರ್ನ ಯುವ ವೇದಿಕೆ ಜಿಲ್ಲಾಧ್ಯಕ್ಷೆರಾದ್ ದಿವಾಕರ ಬಂಗೇರ ಅತ್ತೂರು

ಕಾರ್ಕಳ : ಜೆಸಿಐ ಕಾರ್ಕಳದ ನಿಕಟಪೂರ್ವ ಗುರ್ಕಾರ್ಲಾದ್ ನಿಟ್ಟೆ ಗ್ರಾಮದ ದಿವಾಕರ್ ಬಂಗೇರ ಮೇರ್ ಕುಲಾಲ ಕುಂಬಾರೆರ್ನ ಯುವ ವೇದಿಕೆ ಜಿಲ್ಲಾಧ್ಯಕ್ಷೆರಾದ್ ಆಯ್ಕೆಯಾತೆರ್ .

ಆ. 27ಕ್ಕ್ ಕುಡ್ಲ ಯುವ ವೇದಿಕೆ ಕಚೇರಿಡ್ ಡಾ. ಅಣ್ಣಯ್ಯ ಕುಲಾಲ್ ಮೆರ್ನ ಗುರ್ಕಾರ್ ಮೆಡ್ ನಡತಿನ ಸಭೆಟ್ ಪೊಸ ಪದುಕೆರೆನ್ ಆಯ್ಕೆ ಮಲ್ತೆರ್ . ರಡ್ಡ್ ಸಲ ನಿಟ್ಟೆ ಗ್ರಾಮ ಪಂಚಾಯತ್ ಸದಸ್ಯೆರಾದ್ , ಜನನಿ ಮಿತ್ರಮಂಡಳಿ ಸಂಚಾಲಕೆರಾದ್ ಬೇಲೆ ಮಲ್ದಿನ ದಿವಾಕರ್ ಮೇರ್ ಪ್ರಸ್ತುತ ಕಾರ್ಕಳ ಬಿಜೆಪಿ ಹಿಂದುಳಿದ ವರ್ಗದ ಮೋರ್ಚಾದ ಪ್ರಧಾನ ಕಾರ್ಯಂತೇರಾದ್ , ಕುಲಾಲ ಸಂಘದ ಸಂಘಟನಾ ಕಾರ್ಯಂತೇರಾದ್ ಬೇಲೆ ಮಲ್ತೊಂದು ಉಲ್ಲೆರ್ .

ಹೃದಯಾಘಾತರ್ದ್ ತೀರ್ ಪೋಯಿನ ಶ್ರೀಕೃಷ್ಣಾ ಮಿಲ್ಕ್ ಗ್ರೂಪ್ ಸಂಸ್ಥಾಪಕ ಗುರ್ಕಾರ್ಲಾಯಿನ ಪುತ್ತು (ಹನುಮಂತ) ಪೈ

ಭಟ್ಕಳ: ಶ್ರೀಕೃಷ್ಣಾ ಮಿಲ್ಕ್ ಗ್ರೂಪ್ ಸಂಸ್ಥಾಪಕ ಗುರ್ಕಾರ್ಲಾಯಿನ ಪುತ್ತು (ಹನುಮಂತ) ಪೈ ಸೋಮವಾರ ರಾತ್ರಿ ಹೃದಯಾಘಾತರ್ದ್ ತೀರ್ ಪೋಯೆರ್ .

ಉತ್ತರ ಕನ್ನಡಡ್ ತನ್ನನೇ ಆಯಿನ ಸ್ವಂತ ಉದ್ಯೋಗನ್ ಮಲ್ತೊಂದು ಅವ್ವೆತೋ ಜನಕ್ಲೆಗ್ ಆಸರೆಯಾದ್ ಇತ್ತಿನ ಮಾದರಿ ವ್ಯಕ್ತಿತ್ವದ ಮೃತೆರ್ ರಡ್ಡ್ ಪೊಣ್ಣು ಜೋಕುಲು ಅಂಚನೇ ಇಷ್ಟ ಮಿತ್ರೆರೆರ್ದ್ ದೂರ ಆತೆರ್.

ರಾಜ್ಯೋಡು ಶಾಲೆ ಸುರು ಮಲ್ಪರೆ ಅಧಿಕೃತ ಆದೇಶ ಕೊರಿನ ಬೊಮ್ಮಾಯಿ

ಬೆಂಗ್ಳೂರು: ಶಾಲೆ ಸುರು ಮಲ್ಪರೆ ಸರ್ಕಾರರ್ದ್ ಅಧಿಕೃತ ಆದೇಶ ಬೈದುಂಡು . ಸೆಪ್ಟೆಂಬರ್ 6 ರ್ದ್ 6, 7, 8 ನೇ ತರಗತಿಲೆನ್ ಸುರು ಮಲ್ಪರೆ ರಾಜ್ಯ ಸರ್ಕಾರರ್ದ್ ಅಧಿಕೃತ ಆದೇಶ ಬೈದುಂಡು .

ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಗುರ್ಕಾರ್ ಮೆಡ್ ಕೊಡೆ ನಡತಿನ ಸಭೆಟ್ ರಾಜ್ಯಡ್ ಸೋಮವಾರರ್ದ್ ಶಾಲೆ ಸುರು ಮಲ್ಪರೆ ದೆತೊನ್ದೆರ್ .

ಗಾಡಿ ಆಕ್ಸಿಡೆಂಟ್ ಡ್ ತೀರ್ ಪೋಯಿನ ರಾಷ್ಟ ಮಟ್ಟದ ಖೋಖೋ ಪಂತಾರ್ತಿ

ಶಿವಮೊಗ್ಗ : ರಡ್ಡ್ ಬೈಕ್ದ ನಡುಟು ಮುಖಾಮುಖಿ ಢಿಕ್ಕಿಯಾಯಿನ ಘಟನೆ ನಡತುಂಡು ,ನೆಟ್ಟ್ ಶಿವಮೊಗ್ಗದ ಖ್ಯಾತ ಖೋ ಖೋ ಪಂತಾರ್ತಿ ನವೀನ್ (29) ತೀರ್ ಪೋತೆರ್ .

ಪೇಂಟೆದ ದ್ರೌಪದಮ್ಮ ವೃತ್ತದ ಕೈತಲ್ ತಡರಾತ್ರಿ ಅಪಘಾತ ಘಟನೆ ನಡತುಂಡು .ಸಿಸಿ ಟಿವಿಡ್ ಅಪಘಾತದ ದೃಶ್ಯ ತೊಜಿದ್ ಬೈದುಂಡು . ಶಿವಮೊಗ್ಗದ ಆಶೋಕ ನಗರದ ನಿವಾಸಿಯಾಯಿನ ನವೀನ್ 10ರ್ದ್ ಜಾಸ್ತಿ ರಾಷ್ಟ್ರ ಮಟ್ಟದ ಖೋಖೋ ಪಂದ್ಯಾವಳಿಡ್ ಪಾಲ್ ಪಡೆದಿತ್ತೆರ್

ಈ ಬಗ್ಗೆ ಶಿವಮೊಗ್ಗದ ಪಶ್ಚಿಮ ಸಂಚಾರಿ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲಾತುಂಡು .