ಪುತ್ತೂರ್ದ ಸುದ್ದಿ | Puttur News

ವಿಟ್ಲ: ಆಕ್ಟಿವಾಗ್ ಬೋರ್‌ವೆಲ್ ಗಾಡಿ ಗುದ್ದುದು ಒರಿ ತೀರ್ ಪೋಯೆರ್

ವಿಟ್ಲ: ಬೋರ್‌ವೆಲ್ ಗಾಡಿ ಬೊಕ್ಕ ಆಕ್ಟಿವಾ ಗುದ್ದುದು ಆಕ್ಟಿವಾ ಬುಡ್ಪಿನಾರ್ ಅಲ್ಪನೇ ತೀರ್ ಪೋಯಿನ ಘಟನೆ ವಿಟ್ಲದ ಉಕ್ಕುಡ ಅಪ್ಪೇರಿಪಾದೆದಲ್ಪ ನಡತ್ಂಡ್.

ಪಣೋಲಿಬೈಲ್ ದಾರ್ ಆಯಿನ ಜವನೆ ಆಲಂಗಾರ್ ಡ್ ಸಂಬಂಧಿಕೆರ್‍ನ ಇಲ್ಲಡ್ ವಾಸ ಆದಿತ್ತೆ. ಆಕ್ಟಿವಾಡ್ ಇತ್ತಿನ ನನೊರಿಯಗ್ ಮಸ್ತ್ ಪೆಟ್ಟಾದಿತ್ತ್‌ದ್ ಆಸ್ಪತ್ರೆಗ್ ದಾಖಲ್ ಮಲ್ತ್‌ದೆರ್.

ಸುಳ್ಯ: ಶ್ರೀ ದುಗ್ಗಲಾಯ ದೈವಸ್ಥಾನ (ರಿ.) ದುಗ್ಗಲಡ್ಕಡ್ ಮಾ.19 ಬೊಕ್ಕ 20 ತಾರೀಕ್‌ಗ್ ಪರಿವಾರ ದೈವಲೆಗ್ ಪ್ರತಿಷ್ಠಾ ವಾರ್ಷಿಕೋಚ್ಚಯ ಬೊಕ್ಕ ನೇಮೋಚ್ಚಯ

ಸುಳ್ಯ ತಾಲೂಕ್‌ದ ಶ್ರೀ ದುಗ್ಗಲಾಯ ದೈವಸ್ಥಾನ (ರಿ.) ದುಗ್ಗಲಡ್ಕಡ್ ಮಾ.19 ಬೊಕ್ಕ 20 ತಾರೀಕ್‌ಗ್ ಶ್ರೀ ದುಗ್ಗಲಾಯ, ಶ್ರೀ ರುಧಿರ ಚಾಮುಂಡಿ, ಶ್ರೀ ನಾಗದೇವೆರ್ ಅಂಚನೆ ಪರಿವಾರ ದೈವಲೆಗ್ ಪ್ರತಿಷ್ಠಾ ವಾರ್ಷಿಕೋಚ್ಚಯ ಬೊಕ್ಕ ನೇಮೋಚ್ಚಯ ನಡಪರೆ ಉಂಡು.

ಕುಂಟಾರು ವೇದಮೂರ್ತಿ ವಾಸುದೇವ ತಂತ್ರಿವರ್ಯ ಮೆರೆನ ಆಶೀರ್ವಾದಡ್ ಶ್ರೀ ರವೀಶ ತಂತ್ರಿಲೆನ ಮಾರ್ಗದರ್ಶನಡ್ ಬೊಕ್ಕ ಜೋಗಿಯಡ್ಕ ರಾಧಾಕೃಷ್ಣ ಭಟ್ ಮೆರೆನ ಮುತಾಲಿಕೆಡ್ ಬೇತೆ ಬೇತೆ ಧಾರ್ಮಿಕ ಕಾರ್ಯಕ್ರಮದೊಟ್ಟುಗು ಈ ಲೇಸ್ ನಡಪರೆ ಉಂಡು. ಈ ಪುಣ್ಯ ಕಾರ್ಯಗ್ ಮಾತ ಭಕ್ತೆರ್ ಬತ್ತ್‌ದ್ ಶ್ರೀ ದೈವದ ಅನುಗ್ರಹಗ್ ಪಾತ್ರರಾವೊಡು ಪಂದ್ ದೇವಲ್ಯದ ಅಧ್ಯಕ್ಷೆರ್ ಕೆ. ಸುಂದರ ರಾವ್, ಅನುವಂಶಿಕ ಮೊಕ್ತೇಸರೆರ್ ರಾಘವೇಂದ್ರ ಭಟ್, ಪ್ರಧಾನ ಕಾರ್ಯದರ್ಶಿ ಕಜೆ ಕುಶಾಲಪ್ಪ ಗೌಡ ಅಂಚನೆ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಬೆಳ್ಳಾರೆ ಪೊಲೀಸ್ ಠಾಣೆದ ಪೊಸ ಕಟ್ವಾಣ ಉದಿಪನ

ಬೆಳ್ಳಾರೆ: ಬೆಳ್ಳಾರೆ ಪೊಲೀಸ್ ಠಾಣೆದ ಪೊಸ ಕಟ್ವಾಣ 1.32 ಕೋಟಿ ರೂ. ಕಾಸ್‌ಡ್ ನಿರ್ಮಾಣ ಆದಿತ್ತ್‌ದ್, ಮಾ.13 ಕ್ಕ್ ಉದಿಪನ ಆಂಡ್.

ಪೊಸ ಕಟ್ವಾನೊನು ಸಚಿವೆರ್ ಎಸ್. ಅಂಗಾರ ಉದಿಪನ ಮಲ್ತೆರ್.

Child killed, five other injured as KSRTC bus, car collide head-on in Kadaba ಕಡಬ: ಸರ್ಕಾರಿ ಬಸ್ ಬೊಕ್ಕ ಕಾರ್ ಗುದ್ದುದು ತೀರ್ ಪೋಯಿನ ಆಣ್, 5 ಜನಕ್ಕ್ ಪೆಟ್ಟ್

ಕಡಬ: ಕೆಎಸ್‌ಆರ್‌ಟಿಸಿ ಬಸ್ ಬೊಕ್ಕ ಕಾರ್ ಗುದ್ದುದು ಆಣ್ ಬಾಲೆ ತೀರ್ ಪೋದು 5 ಜನಕ್ಕ್ ಮಸ್ತ್ ಪೆಟ್ಟಾತಿನ ಘಟನೆ ಉಬಾರ್-ಸುಬ್ರಹ್ಮಣ್ಯ ಹೈವೇದ ಮರ್ಧಾಳದ ಬ್ರಾಂತಿಕಟ್ಟೆ ಪನ್ಪಿನಲ್ಪ ನಡತ್ಂಡ್.

ಮರ್ಧಾಳ ಕಡೆರ್ದ್ ಸುಬ್ರಹ್ಮಣ್ಯದಂಚಿ ಪೊವೋಂದಿತ್ತಿನ ಕಾರ್ ಅಂಚನೆ ಧರ್ಮಸ್ಥಳರ್ದ್ ಸುಬ್ರಹ್ಮಣ್ಯದಂಚಿ ಬರೊಂದಿತ್ತಿನ ಕೆಎಸ್‌ಆರ್‌ಟಿಸಿ ಬಸ್ ಮರ್ಧಾಳ ಕೈತಲ್‌ದ ಐತ್ತೂರು ಗ್ರಾಮ ಪಂಚಾಯತ್‌ದ ಎದುರುಡು ಗುದ್ದ್‌ದ್ಂಡ್. ಪೆಟ್ಟ್ ಆತಿನಕುಲು ಪುತ್ತೂರು ಆಸ್ಪತ್ರೆಡ್ ಉಲ್ಲೆರ್.

Vidya Matha Akademy honours writer Anindith Gowda and Vijay Kumar ವಿದ್ಯಾಮಾತಾ ಅಕಾಡೆಮಿದ ಮುತಾಲಿಕೆಡ್ ಲೇಖಕೆರ್ ಅನಿಂದಿತ್ ಗೌಡ ಬೊಕ್ಕ ವಿಜಯಕುಮಾರ್ ಮೇರೆಗ್ ಮಾನಾದಿಗೆ

ಪುತ್ತೂರ್: ವಿದ್ಯಾಮಾತಾ ಅಕಾಡೆಮಿದ ಮುತಾಲಿಕೆಡ್ ಕಲ್ಪಾರ್ಥಿಲೆನ ಒಟ್ಟು ಸೇರಿಗೆಡ್ ಸ್ಥಾಪಕಾಧ್ಯಕ್ಷೆರ್ ಆಯಿನ ಭಾಗ್ಯೇಶ್ ರೈ ಮೆರೆರ್ದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪ್ರಕಟನೆ ಮಲ್ತಿನ “ರಿಕಾಲಿಂಗ್ ಅಮರ ಸುಳ್ಯ” ಬೂಕುದ ಲೇಖಕೆರ್ ಅನಿಂದಿತ್ ಗೌಡ ಕೊಚ್ಚಿ ಮೆರೆಗ್ ಮಾನಾದಿಗೆ ಮಲ್ತೆರ್.

ಉಂದುವೇ ಪೊರ್ತುಡು ಪೂವರಿ ತುಳು ಪತ್ರಿಕೆದ ವಿಜಯಕುಮಾರ್ ಭಂಡಾರಿ ಮೆರೆಗ್ ಮಾನಾದಿಗೆ ಮಲ್ತೆರ್. ಅಯಿರ್ದ್ ಬೊಕ್ಕ ಪಾತೆರಿನ ಅನಿಂದಿತ್ ಗೌಡ, ಬೂಕು ರಚನೆ ಮಲ್ಪುನಗ ಆಯಿನ ಕೆಲವೊಂಜಿ ಅನುಭವನ್ ಪಟ್ಟೊನಿಯೆರ್. ವಿಜಯಕುಮಾರ್ ಭಂಡಾರಿ ಮೇರ್ ಸುಳ್ಯ ಕ್ರಾಂತಿದ ನಿಲೆಟ್ಟ್ ತುಳುಟ್ಟ್ ಒಂಜಿ ಕಬಿತೆನ್ ಪಂಡೆರ್.

Vidya Matha Akademy honours writer Anindith Gowda and Vijay Kumar

Puttur: The Vidyamata Akademi students,staff and it’s founder Bhagyesh Rai honoured the Anindith Gowda the author of the book ” Recalling Amar Sullia” published by Karnataka Tulu Sahitya Akademi.

Vijay Kumar Bandari of Poovari Tulu newspaper was also honoured on the occasion. Anindith Gowda shared some of his experiences during the writing of the book.

Amit Shah to visit Tulunadu tomorrow ಎಲ್ಲೆ ತುಳುನಾಡ್‌ಗ್ ಭೇಟಿ ಕೊರಿಯರೆ ಉಲ್ಲೆರ್ ಕೇಂದ್ರ ಸಚಿವೆರ್ ಅಮಿತ್ ಶಾ

ಪುತ್ತೂರ್: ಅಮಿಶಾ ಶಾ ಮೇರ್ ಕೇಂದ್ರ ಗೃಹ ಸಚಿವೆರ್ ಆಯಿಬೊಕ್ಕ ಫೆ.11 ಕ್ಕ್ ಸುರುತ್ತ ಸರ್ತಿ ತುಳುನಾಡ್‌ಗ್ ಬತ್ತ್‌ದ್, ಬೇತೆ ಬೇತೆ ಲೇಸ್‌ಡ್ ಪಾಲ್ ಪಡೆಯರೆ ಉಲ್ಲೆರ್.

ಕಣ್ಣೂರ್‌ಗ್ ಇಮಾನದ ಮುಕೇನ ಬತ್ತ್‌ದ್ ಅಲ್ಪರ್ದ್ ಹೆಲಿಕಾಪ್ಟರ್ ಮುಕೇನ ಈಶ್ವರಮಂಗಲಗ್ ಬರಿಯರೆ ಉಲ್ಲೆರ್. ಹನುಮಗಿರಿಟ್ಟ್ ಭಾರತ ಮಾತಾ ಮಂದಿರನ್ ಲೋಕಾರ್ಪಣೆ ಮಲ್ಪರೆ ಉಲ್ಲೆರ್. ಅಯಿರ್ದ್ ಬೊಕ್ಕ ಕ್ಯಾಂಪ್ಕೊದ ಸುವರ್ಣ ಮಹೋಚ್ಚಯದ ಲೇಸ್‌ಡ್ ಪಾಲ್ ಪಡೆದ್ ಅಲ್ಪ ಸಹಕಾರಿಲು, ಬಜ್ಜಯಿದ ಬೆನ್ನಿ ಮಲ್ಪುನಕ್ಲೆನ್ ಉದ್ದೇಶಿಸಾದ್ ಪಾತೆರಿಯರ ಉಲ್ಲೆರ್. ಅಯಿರ್ದ್ ಬೊಕ್ಕ ಕುಡ್ಲಡ್ ಪಕ್ಷದ ಪ್ರಮುಖೆರ್‍ನ ಸಭೆಟ್ಟ್ ಪಾಲ್ ಪಡೆಯರೆ ಉಲ್ಲೆರ್.

Amit Shah to visit Tulunadu tomorrow

Puttur: Central minister for Home Amit Shah will visit Tulunadu on February 11 th to participate in a program.

He will declare open the Baratmata mandir at Hanumagiri and then take part in the golden Jubilee celebration of CAMPCO in Puttur. He will address a cooperative convention and later hold a meeting with party leaders at Mangalore.

Burglars do away with lakhs worth gold from a house in Vittal ವಿಟ್ಲ: ಇಲ್ಲಗ್ ಪೊಗ್ಗುದು ಲಕ್ಷೆರ್ದ್ ಎಚ್ಚ ಬಿಲೆತ ಬಂಗಾರ್ ಕಂಡಿನ ಕಲ್ವೆರ್

ವಿಟ್ಲ: ಕಾಂತಡ್ಕದ ಒಂಜಿ ಇಲ್ಲಲ್ ಎರ್ಲಾ ಇಜ್ಜಂದಿನ ಪೊರ್ತುಡು ಪೊಗ್ಗಿನ ಕಲ್ವೆರ್ ಪದಿನೈನ್ ಪವನ್ ಬಂಗಾರ್ ಬೊಕ್ಕ ಒಂಜಿ ಲಕ್ಷ ರೂ. ನ್ ಕಂಡಿನ ಘಟನೆ ನಡತ್ಂಡ್.

ರಹೀಮ್ ಶಾನ್ ಮೆರೆನ ಇಲ್ಲಲ್ ಕುಟುಂಬದ ಸದಸ್ಯೆರ್ ಮದಿಮೆ ಪೋಯಿನ ಪೊರ್ತುಡು ನಡತ್ ದ್ಂಡ್. ಈ ಬಗೆಟ್ ಜಾಗೆಗ್ ಬತ್ತಿನ ವಿಟ್ಲ ಪೋಲಿಸೆರ್ ಪರಿಶೀಲನೆ ನಡಪಾದೆರ್.