ಪುತ್ತೂರ್ದ ಸುದ್ದಿ | Puttur News

Person printing fake currency arrested ಯೂಟ್ಯೂಬ್ ತೂದು ಕಲ್ವ ನೋಟು ತಯಾರ್ ಮಲ್ತಿನಾಯೆ ಅರೆಸ್ಟ್

ಬೆಂಗ್ಲೂರ್: 7 ನೇ ಕ್ಲಾಸ್ ಕಲ್ತಿನ ಜನ ಒರಿ ಯೂಟ್ಯೂಬ್ ತೂದು ಕಲ್ವ ನೋಟು ತಯಾರ್ ಮಲ್ತ್‌ದ್ ಸುಬ್ರಹ್ಮಣ್ಯ ಪೊಲೀಸೆರೆಗ್ ತಿಕ್ಕ್‌ದ್ ಬೂರಿನ ಘಟನೆ ನಡತ್ಂಡ್.

ಆಂಧ್ರಪ್ರದೇಶದ ಪುಲ್ಲಲರೇವು ರಾಜು (36) ಪಂದ್ ಗುರ್ತಿಸಾದೆರ್. ಅರೆಸ್ಟ್ ಆಯಿನ ಆರೋಪಿರ್ದ್ 500 ರೂ. ಬಿಲೆತ್ತ ನಕಲಿ ನೋಟುನ್ ವಶಕ್ಕ್ ದೆತೊಂದೆರ್. ಉಂದೆಕ್ಕ್ ಸಕಾಯ ಮಲ್ತಿನ ಕಡಪದ ರಜನಿ ಬೊಕ್ಕ ಚರಣ್ ಸಿಂಗ್ ಮೊಕುಲೆನ್‌ಲ ಪೊಲೀಸೆರ್ ನಾಡೊಂದುಲ್ಲೆರ್.

Person printing fake currency arrested

Bangalore: A seventh std dropout,was arrested for printing fake currency after watching it on YouTube.

The arrested has been identified as Raju (36) from Andhra Pradesh.Fake 500 rupee notes were recovered from the arrested person.

ಇಲ್ಲದ ಜಾಲ್‌ ಡ್ ಇತ್ತಿನ ಪೊಣ್ಣಗ್ ಬಿಸತ್ತಿ ಪಾಡ್ದ್ ಕೆರ್ದ್ ಬಲ್ತಿನ ಬಚ್ಚಾಲಿ

ಪುತ್ತೂರ್: ಇಲ್ಲದ ಜಾಲ್‌ಡ್ ಇತ್ತಿನ 23 ವರ್ಷದ ಪೊಣ್ಣಗ್ ಬಿಸತ್ತಿ ಪಾಡ್ದ್ ಪದ್ರಾಡ್ ಆಯಿನ ಘಟನೆ ಜ.17 ಕ್ಕ್ ಮುಂಡೂರು ಕೈತಲ್‌ದ ಕಂಪಡ್ ನಡತ್ಂಡ್.

ದಿ.ಗುರುವಪ್ಪ ಬೊಕ್ಕ ದೇವಕಿ ದಂಪತಿಲೆನ ಮಗಲ್ ಜಯಶ್ರೀ (23) ತೀರ್ ಪೋಯಿನ ಪೊಣ್ಣ್. ಅಪಗನೇ ಆಸ್ಪತ್ರೆಗ್ ಕೊನಂಡಲ ಸಾದಿದ ನಡುಟ್ಟ್ ಜೂವ ಪೋತ್ಂಡ್. ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಡ್ ಬೇಲೆ ಮಲ್ತೊಂದಿತ್ತಿನ ಜಯಶ್ರೀ ಕೆಲ ಸಮಯರ್ದ್ ಬೇಲೆ ಬುಡ್ದ್ ಇಲ್ಲಡೇ ಇತ್ತೆರ್ ಪಂದ್ ತೆರಿದ್ ಬೈದ್ಂಡ್. ಸಂಪ್ಯದ ಪೊಲೀಸೆರ್ ತನಿಖೆ ಮಲ್ತೊಂದುಲ್ಲೆರ್.

ಜ.25-26: ಸಂಪ್ಯ ಶ್ರೀ ಮಹಾವಿಷ್ಣುಮೂರ್ತಿ ದೇವಲ್ಯಡ್ ಸಂಪ್ಯ ಜಾತ್ರೆ

ಪುತ್ತೂರ್: ಸಂಪ್ಯ ಶ್ರೀ ಮಹಾವಿಷ್ಣುಮೂರ್ತಿ ದೇವಲ್ಯಡ್ ಜನವರಿ 25 ಬೊಕ್ಕ 26 ಕ್ಕ್ ಸಂಪ್ಯ ಜಾತ್ರೆ ಭಾರೀ ಗೌಜಿಡ್ ನಡಪರೆ ಉಂಡು.

ವೇದಮೂರ್ತಿ ಸುರೇಶ ನಕ್ಷತ್ರಿತ್ತಾಯ ಉಪಸ್ಥಿತಿಡ್ ಕುಕ್ಕಾಡಿ ತಂತ್ರಿ ಪ್ರೀತಂ ಪುತ್ತೂರಾಯ ಮುತಾಲಿಕೆಡ್ ನಡಪುನ ಈ ಜಾತ್ರೆಡ್ ಧೂಮಾವತಿ-ಗುಳಿಗ ದೈವದ ನೇಮೋಚ್ಚಯಲ ನಡಪರೆ ಉಂಡು.

ಈ ಪುಣ್ಯಕಾರ್ಯಗ್ ಮಾತ ಭಕ್ತೆರ್ ಬತ್ತ್‌ದ್ ಶ್ರೀ ದೇವೆರೆನ ಗಂಧ ಪ್ರಸಾದನ್ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಸಂಪ್ಯ ಶ್ರೀ ಮಹಾವಿಷ್ಣುಮೂರ್ತಿ ದೇವಲ್ಯದ ಉತ್ಸವ ಸಮಿತಿದ ಅಧ್ಯಕ್ಷೆರ್ ಭೀಮಯ್ಯ ಭಟ್ ಸಾಮೆತ್ತಡ್ಕ, ಗೌರವಾಧ್ಯಕ್ಷೆರ್ ಅರುಣ್ ಕುಮಾರ್ ಪುತ್ತಿಲ, ಕೋಶಾಧಿಕಾರಿ ಡಾ. ಸುರೇಶ್ ಪುತ್ತೂರಾಯ, ಪ್ರಧಾನ ಕಾರ್ಯದರ್ಶಿ ರಮೇಶ್ ರೈ ನೆಲ್ಲಿಕಟ್ಟೆ, ಜೊತೆ ಕಾರ್ಯದರ್ಶಿ ರವಿ ಗೌಡ ಬೈಲಾಡಿ, ಅರ್ಚನಾ ತೇಜಸ್ ಗೌಡ, ಉಪಾಧ್ಯಕ್ಷೆರ್ ಶೀನಪ್ಪ ನಾಯ್ಕ, ಸುದರ್ಶನ ಭಟ್, ಸಂತೋಷ್ ಕೆ. ಮುಕ್ತಂಪಾಡಿ ಅಂಚನೆ ವ್ಯವಸ್ಥಾಪನಾ ಸಮಿತಿದ ಪದುಕೆರ್ ಲೆಪ್ಪೋಲೆಡ್ ತೆರಿಪಾದೆರ್.