ಪುತ್ತೂರು: ತುಳು ಅಪ್ಪೆ ಕೂಟ ಪುತ್ತೂರು ನೆತ್ತ ಮುತಾಲಿಕೆಡ್ ಉದಿಪನ, ತಮ್ಮನ, ಬಲ್ಮನ, ಪಂಚ ಮಿನದನ ಲೇಸ್ ಮಹಾಲಿಂಗೇಶ್ವರ ದೇವಸ್ಥಾನದ ನಟರಾಜ ವೇದಿಕೆಡ್ ಆ.26 ದಾನಿ ನಡತ್ಂಡ್.
ಪುತ್ತೂರು ಶಾಸಕೆರ್ ಅಶೋಕ್ ರೈ ಪಾತೆರ್ದ್ ತುತುಳು ನಮ ಮಾತೆರ್ಲ ಪಾತೆರ್ನ ಭಾಷೆ ದ.ಕ ಜಿಲ್ಲೆಡ್ ತುಳು ಪಾತೆರ್ ನಕುಲೇ ಜಾಸ್ತಿ. ತುಳು ಭಾಷೆನ್ ಕರ್ನಾಟಕದ ಎಚ್ಚುವರಿ ಅಧಿಕೃತ ಭಾಷೆ ಆದ್ ಮಲ್ಪೆರೆ ಸಿದ್ದ. ನೆಟ್ ರಡ್ಡ್ ಪಾತೆರ ಇಜ್ಜಿ. ಅಮೇರಿಕಾ ಯುನಿವರ್ಸಿಟಿಡ್ ತುಳುಟ್ ಅರ್ಜಿ ಪಾಡೆರೆ ಅವಕಾಶ ಉಂಡು. ಪಶ್ಚಿಮ ಬಂಗಾಲಡ್ 14 ಎಚ್ಚುವರಿ ಭಾಷೆ ಉಂಡು. ಕೇರಳಡ್ 12 ಎಚ್ಚುವರಿ ಭಾಷೆ ಉಂಡು. ನನ 6 ತಿಂಗಲೊಡ್ ಅಧಿಕೃತ ಭಾಷೆಯಾದ್ ಬರಿಯೆರೆ ಉಂಡು ನೆಕ್ಕ್ 5 ಇಲಾಖೆದ ಎನ್ಒಸಿ ಬರೊಡು, 1 ಇಲಾಖೆರ್ದ್ ಇತ್ತೆ ಬೈದುಂಡು. ತುಳು ಅಕಾಡೆಮಿದ ಗುರ್ಕಾರ್ಲು ಒರಿನ 4 ಇಲಾಖೆ ರ್ದ್ ಎನ್ಒಸಿ ಕನೆಯೆರೆ ಕೆಲಸ ಮಲ್ಪೊಡು. ಇಡೆಗ್ ಸೀಮಿತವಾಯಿನ ತುಳುನ್ ಒರಿಪಾಯೆರೆ ಹೋರಾಟನ್ ಈ ಭಾರಿ ವಿಧಾನ ಸೌಧಡ್ ವಿಚಾರ ಮಂಡನೆ ಮಲ್ತ್ದ, ತುಳುತ ಆಚಾರ, ವಿಚಾರಲೆನ್ ರಾಜ್ಯ,ದೇಶಗ್ ಒರಿಪಾಯಿವ ಉದ್ದೇಶಡ್ ಬೆಂಗಳೂರುಡ್ ಕಂಬುಲ ಅಟ್ಟಣೆ ಮಲ್ತ್ ದ. ನೆತ್ತ ಮುಕೇನ ಬೆಂಗಳೂರ್ ಡು ತುಳು ಭವನಗ್ ಜಾಗೆ ಮಂಜೂರಾದ್, ಅಲ್ಪ ತುಳು ಭವನ ನಿರ್ಮಾಣ ಆವೊಡು. ಅಂಚಾದ್ 125 ಜೊತೆ ಎರ್ಲೆನ ಕಂಬುಲನ್ ವಿಶೇಷ ಶೈಲಿಡ್ ಮಲ್ತ್ ದ್, ನೆಕ್ಕ್ ಪ್ರೋತ್ಸಾಹ ಮಲ್ಪುಗ ಪಂಡೆರ್.
ಲೇಸ್ ದ ಉದಿಪನ ಮಲ್ತಿನ ಒಡಿಯೂರು ಶ್ರೀ ಗುರುದೇವದತ್ತ ಸಂಸ್ಥಾನದ ಸಾಧ್ವಿ ಮಾತಾನಂದಮಯೀ ಪಾತೆರ್ದ್ ಸಂಸ್ಕೃತಿದ ಮೂಲ ಸಂಸ್ಕಾರ,ಆಂತರ್ಯದ ಪ್ರಜ್ಞೆ ನಮಡ ಇತ್ತ್ಂಡ ಸಂಸ್ಕಾರ ಬುಲೆಪಾಯೆರೆ ಸಾಧ್ಯ. ತುಳು ಭಾಷೆ ಕ್ರಿ.ಶ ರಡ್ಡನೆ ಶತಮಾನಡ್ ಗ್ರೀಕ್ ರಾಜ್ಯಡ್ ಇತ್ಂಡ್. ಬೊಕ್ಕ ರಾಜ ಮನೆತನದ ಆಳ್ವಿಕೆದ ಕನ್ನಡದ ಆಡಳಿತ ಭಾಷೆರ್ದ್ ತುಳು ತಿರ್ತ್ ಪೋತುಂಡು. ತುಳು ಭಾಷೆ ರಡ್ಡನೆ ಅಧಿಕೃತ ಭಾಷೆಂದ್, ಎನ್ಮನೆ ಪರಿಚ್ಷೇದಗ್ ಸೇರ್ಪಡೆ ಆವೊಡು ಪಂಡೆರ್. ಪೊಂಜೊವ್ ನಕುಲು ಮನಸ್ ಮಲ್ತ್ಂಡ ದಾಲ ಮಲ್ಪೆರೆಲ ಸಾಧ್ಯ ಉಂಡು. ಧರ್ಮ, ಸಂಸ್ಕೃತಿಯ ಮೂಲ ಪೊಂಜೊವ್ ನಕುಲು ಪಂದ್ ಪಂಡೆರ್.
ದೇವಸ್ಥಾನಗ್ ರೂ.5.6ಕೋಟಿ ಅನುದಾನ
ಮಹಾಲಿಂಗೇಶ್ವರ ದೇವಸ್ಥಾನದ ಬ್ರಹ್ಮಕಲಶೋತ್ಸವದ ಬೊಕ್ಕ ಉಂದುವೇ ಸುರುತ ಸರಿ ರಾಜ್ಯ ಸರಕಾರರ್ದ್ ಅನುದಾನ ಬಿಡುಗಡೆಯಾದ್ ಮುಖ್ಯಮಂತ್ರಿ ಸಿದ್ದರಾಮಯ್ಯ ದೇವಸ್ಥಾನದ ಅಭಿವೃದ್ಧಿ ಕಾರ್ಯಗ್ ರೂ.5.6ಕೋಟಿ ಅನುದಾನ ಬಿಡುಗಡೆ ಮಲ್ತ್ ದೆರ್ ಪಂದ್ ಶಾಸಕೆರ್ ಅಶೋಕ್ ಕುಮಾರ್ ರೈ ತೆರಿಪಾಯೆರ್.
ಮಲ್ಲ ಬಿನ್ನೆರಾದ್ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಗುರ್ಕಾರೆ ಕೇಶವ ಪ್ರಸಾದ್ ಮುಳಿಯ,ಸಂಪ್ಯ ಅಕ್ಷಯ ಕಾಲೇಜಿನ ಚೇರ್ ಮೇನ್ ಜಯಂತ ನಡುಬೈಲು, ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಸದಸ್ಯೆ ವಿಜಯಲಕ್ಷ್ಮಿ ಪ್ರಸಾದ್ ರೈ, ಕನ್ನಡ ಸಾಹಿತ್ಯ ಪರಿಷತ್ ಗುರ್ಕಾರೆ ಉಮೇಶ್ ನಾಯಕ್, ತುಳು ಕೂಟದ ಗುರ್ಕಾರೆ ಫ್ಯಾಟ್ರಿಕ್ ಸಿಪ್ರಿಯನ್ ಮಸ್ಕರೇನಸ್, ಪೂವರಿ ತುಳು ಪತ್ರಿಕೆದ ಸಂಪಾದಕೆರ್ ವಿಜಯ ಕುಮಾರ್ ಭಂಡಾರಿ ಹೆಬ್ಬಾರಬೈಲು, ಅಖಿಲ ಭಾರತ ತುಳು ಒಕ್ಕೂಟದ ಗುರ್ಕಾರೆ ಎ.ಸಿ ಭಂಡಾರಿ, ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಸದಸ್ಯೆರ್ ಕುಂಬ್ರ ದುರ್ಗಾಪ್ರಸಾದ್ ರೈ ಈ ಪೊರ್ತುಡು ಪಾಲ್ ಪಡೆದ್ ಇತ್ತೆರ್.
ಮನಾದಿಗೆ
ನಾಟಿ ವೈದ್ಯ, ಸಾಹಿತ್ಯ ಕ್ಷೇತ್ರಡ್ ಲಕ್ಷ್ಮೀ ಬಳ್ಳಕ್ಕುರಾಯ, ಆರ್ಯಭಟ ಪ್ರಶಸ್ತಿ ಪುರಸ್ಕೃತ ಭರತನಾಟ್ಯ ಕಲಾವಿದೆ ನಯನಾ ವಿ ರೈ, ಸಂಘಟಕಿ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪ್ರೇಮಲತಾ ರಾವ್, ಸಂಗೀತ, ಭರತನಾಟ್ಯ ತುಳು ಲಿಪಿಟ್ಟ್ ಭಗವದ್ಗೀತೆ ಬರೆನ ಅಪರ್ಣಾ ಕೊಡಂಕಿರಿ, ಕೃಷಿ, ಹೈನುಗಾರಿಕೆಡ್ ಪ್ರೇಮಲತಾ ಮಾಧವ ಬಂಗೇರ ಮೊಕ್ಲೆನ್ ಮಾನಾದಿಗೆ ಮಲ್ತೆರ್.
ಶಾಂತಾ ಕುಂಟಿನಿ ಪ್ರಾರ್ಥನೆ ಮಲ್ತೆರ್. ತುಳು ಅಪ್ಪೆ ಕೂಟದ ಗುರ್ಕಾರ್ದಿ ಹರಿಣಾಕ್ಷಿ ಜೆ ಶೆಟ್ಟಿ ಬಿನ್ನೆರೆನ್ ಎದ್ಕೊಂಡೆರ್.
ಹೇಮಲತಾ ರಾವ್, ವಸಂತ ಲಕ್ಷ್ಮೀ, ಡಾ.ಶೋಭಿತಾ ಸತೀಶ್, ಡಾ.ಕವಿತಾ ಅಡೂರು, ಪುಪ್ಪ ಅರೆಪ್ಪಾಡಿ, ಶಾರದಾ ಕೇಶವ್ ಬಿನ್ನೆರೆಗ್ ಪೂ, ಶಾಲು ಕೊರ್ದು ಎದ್ಕೊಂಡೆರ್. ವೀಣಾ ತಂತ್ರಿ, ಸವಿತಾ ಮದಕ, ಭಾರತಿ ವಸಂತ, ಮಲ್ಲಿಕಾ ಜೆ.ರೈ ಮಾನಾದಿಗೆದ ಬಿನ್ನೆರೆನ್ ಪರಿಚಯ ಮಲ್ತೆರ್. ವಿದ್ಯಾಶ್ರೀ ಎಸ್ ಲೇಸ್ ದ ಸುಧಾರಿಕೆ ಮಲ್ತೆರ್.
ಸಭಾ ಕಾರ್ಯಕ್ರಮದ ಬೊಕ್ಕ ನಡತಿನ ಕವಿ ಕೂಟಡ್ ಮಾಜಿ ಶಾಸಕಿ ಶಕುಂತಳಾ ಶೆಟ್ಟಿ ಗುರ್ಕಾರ್ಮೆ ವಹಿಸಾದ್ ಇತ್ತೆರ್. ಅಪೂರ್ವ ಕಾರಂತ್, ಸಂಧ್ಯಾ ರಾವ್ ಪುತ್ತೂರು, ದೇವಕಿ ಬನ್ನೂರು, ರೋಹಿಣಿ ರಾಘವ ಆಚಾರ್ಯ, ಶಾಂತಾ ಪುತ್ತೂರು, ಪರಮೇಶ್ವರಿ ಪ್ರಸಾದ್, ಸುಪ್ರಿತಾ ಚರಣೆ ಪಾಲಪ್ಪೆ, ರಮ್ಯಶ್ರೀ ಸುನಿಲ್ ಸರ್ವೆ ಪಾಲ್ ಪಡೆದ್ ಇತ್ತೆರ್. ಬೊಕ್ಕ ನಡತಿನ ದ್ರೌಪದಿ ಸ್ವಯಂವರ ವಾಚನ, ವ್ಯಾಖ್ಯಾನ ಡ್ ಡಾ.ಶೋಭಿತಾ ಸತೀಶ್ ವಾಚನ ಮಲ್ತೆರ್. ಕವಿತಾ ಅಡೂರು ವ್ಯಾಕ್ಯಾನ ಮಲ್ತೆರ್.
